«شي جينپيڭ ەل باسقارۋ جونىندەنىڭ» 5 - تومىنىڭ يسپان تىلىندەگى باسىلىمىن وقۋ - پىكىر اۋىستىرۋ ءماجىلىسى مادريدتا وتكىزىلدى

شينحۋا اگەنتتىگىنىڭ 10 - ايدىڭ 6 - كۇنى مادريدتان بەرگەن حابارى (ءتىلشى مىڭ ديڭبو). «شي جينپيڭ ەل باسقارۋ جونىندەنىڭ» 5 - تومىنىڭ يسپان تىلىندەگى باسىلىمىن وقۋ - پىكىر اۋىستىرۋ ءماجىلىسى 10 - ايدىڭ 6 - كۇنى يسپانيانىڭ مادريدىندا وتكىزىلدى. قيمىلدا ”وركەنيەتتەر تىلدەسۋى بىرگە العا باسۋعا قۋات ۇستەيدى: جۇڭگو مەن يسپانيانىڭ پىكىر اۋىستىرۋىنداعى وراي جانە نازار“ نەگىزگى تاقىرىپ ەتىلىپ، جۇڭگو مەن يسپانيا ەكى ەلدىڭ ۇكىمەت، جوعارى مەكتەپ، مەديا قاتارلى سالالارىنان كەلگەن 60تان استام ۋاكىل قاتىناستى.

ماجىلىسكە قاتىناسقان سيلى قوناقتار مىنالاردى ءبىلدىردى: جۇڭگو جوعارى ساپالى دامۋدى ۇزدىكسىز ىلگەرىلەتىپ، يسپانيانى قامتىعان ءار ەلگە اناعۇرلىم كەڭ سەلبەستىك ورايىن جاراتتى. جۇڭگو مەن يسپانيا ەكى جاق ورتاق مۇددەنى ۇزدىكسىز كەڭەيتىپ، اناعۇرلىم كوپ ورتاق تانىم ۇيىستىرىپ، ءوزارا پايدا جەتكىزۋ سەلبەستىگىن تەرەڭدەتىپ، دۇنيە ءجۇزى ەكونوميكاسىنىڭ دامۋىنا ورنىقتىلىق پەن ايقىندىق ۇستەۋى قاجەت.

ماجىلىسكە قاتىناسقان سيلى قوناقتار بىلاي دەپ قارادى: «شي جينپيڭ ەل باسقارۋ جونىندەنىڭ» 5 - تومىنىڭ يسپان تىلىندەگى باسىلىمى يسپان تىلىندەگى وقىرمانداردىڭ جاڭا داۋىردەگى جۇڭگونى تانۋىنا، جۇڭگو ۇلگىسىندەگى وسىزامانداندىرۋدى تۇسىنۋىنە ماڭىزدى يدەيا تەرەزەسىن اشتى. ەكى جاق يدەيالىق ورتاق تانىمدى ناقتى ارەكەتكە اينالدىرىپ، ەكونوميكا - ساۋدا، قورشاعان ورتانى قورعاۋ، سيفر، گۋمانيتارلىق ىستەر سياقتى سالالارداعى سەلبەستىكتى تەرەڭدەتىپ، اناعۇرلىم كوپ تابىستارمەن ەكى ەل حالقىن يگىلىككە كەنەلتۋى كەرەك.

يسپانيا كوممۋنيستىك پارتياسىنىڭ ءتوراعاسى حوسە لۋيس سەنتەللا مىنالاردى ءبىلدىردى: جۇڭگونىڭ جوعارى ساپالى دامۋى ەكونوميكالىق ارتۋ جاعىندا بەينەلەنىپ قانا قويماي، حالىقتىڭ تۇرمىس ساپاسىنىڭ جاقسارۋى، دامۋ پارقىنىڭ ازايۋى جانە قورشاعان ورتانىڭ جاقسارۋىنان دا ايگىلەندى.

يسپانيا جۇڭگونى تانۋ ساباقحاناسى قور قوعامىنىڭ اتقارۋشى ءتوراعاسى مارتا مونتورو مىنانى ءبىلدىردى: يسپانيا مەن جۇڭگو ەكى جاق قۇلاق ءتۇرۋ مەن اۋىس - كۇيىس جاساۋدى كۇشەيتىپ، پارىقتى ورايعا اينالدىراتىن سەلبەستىك ءورىسىن تابۋى كەرەك.

ماجىلىسكە قاتىناسقان ۋاكىلدەر تاعى جۇڭگو مەن يسپانيانىڭ جەرگىلىكتى ورىندارىنىڭ ناقتى ىستەر سەلبەستىگىن تەرەڭدەتۋ، ءوزارا ءتۇسىنىسۋدى نىعايتۋ، جاستاردىڭ بارىس - كەلىسىن كۇشەيتۋ سياقتىلار جونىندە كەڭەستى. جۇڭگو جاق يسپانيا سيلى قوناقتارىنىڭ ۋاكىلدەرىنە «شي جينپيڭ ەل باسقارۋ جونىندەنىڭ» 5 - تومىنىڭ يسپان تىلىندە باسىلعان كىتابىن تارتۋ ەتتى.