تۇتاس قوعامدا ءوڭىر اتتاپ جولاۋشىلاعانداردىڭ سانى مەجەمەن 2 ميلليارد 144 ميلليون ادام - رەت بولدى 

ءتىلشىمىز حان شين بەيجيڭنەن حابارلايدى. ءتىلشىنىڭ قاتىناس - تاسىمال مينيسترلىگىنەن ۇعىسۋىنشا، بيىلعى مەملەكەت مەرەكەسى دەمالىسىندا، قاتىناس - تاسىمال سالاسىنىڭ اينالىمى جالپى جاقتان ورنىقتى ءارى ءتارتىپتى بولعان. 10 - ايدىڭ 1 - كۇنىنەن 7 - كۇنىنە دەيىن، تۇتاس قوعامدا ءوڭىر اتتاپ جولاۋشىلاعانداردىڭ سانى مەجەمەن 2 ميلليارد 144 ميلليون ادام - رەت بولىپ، جولاۋشىلار سانى كۇنىنە ورتا ەسەپپەن 306 ميلليون ادام - رەت بولعان.

تاس جولمەن ساپارلاۋ نەگىزگى ءتاسىل بولعان. تاس جولمەن ساپارلاعان جولاۋشىلاردىڭ جالپى مولشەرى مەجەمەن ءبىر ميلليارد 964 ميلليون 200 مىڭ ادام - رەت بولىپ، كۇنىنە ورتا ەسەپپەن 280 ميلليون 600 مىڭ ادام - رەت بولعان. مۇنىڭ ىشىندە، تاس جولمەن تيجارات سيپاتىندا جولاۋشى تاسىمالداۋ جالپى مولشەرى مەجەمەن 286 ميلليون 760 مىڭ ادام - رەت بولىپ، كۇنىنە ورتا ەسەپپەن 40 ميلليون 970 مىڭ ادام - رەت بولعان، ءبىر جىل بۇرىنعى وسى مەزگىلدەگىدەن %6.8 ارتقان.

تەمىر جول، حالىقتىق اۆياتسيا، سۋ جولى ارقىلى جۇرگەن جولاۋشى مولشەرى ءبىر جىل بۇرىنعى وسى مەزگىلدەگىدەن جەكە - جەكە ارتقان. تەمىر جولدا جولاۋشى تاسىمالداۋ جالپى مولشەرى مەجەمەن 152 ميلليون 360 مىڭ ادام - رەت بولىپ، كۇنىنە ورتا ەسەپپەن 21 ميلليون 770 مىڭ ادام - رەت بولعان، ءبىر جىل بۇرىنعى وسى مەزگىلدەگىدەن %13.1 ارتقان. سۋ جولىندا جولاۋشى تاسىمالداۋ جالپى مولشەرى مەجەمەن 10 ميلليون 990 مىڭ ادام - رەت بولىپ، كۇنىنە ورتا ەسەپپەن ءبىر ميلليون 570 مىڭ ادام - رەت بولعان، ءبىر جىل بۇرىنعى وسى مەزگىلدەگىدەن %7.8 ارتقان. حالىقتىق اۆياتسيادا جولاۋشى تاسىمالداۋ جالپى مولشەرى مەجەمەن 16 ميلليون 950 مىڭ ادام - رەت بولىپ، كۇنىنە ورتا ەسەپپەن 2 ميلليون 420 مىڭ ادام - رەت بولعان، ءبىر جىل بۇرىنعى وسى مەزگىلدەگىمەن نەگىزىنەن بىردەي بولعان.

كەلۋ قاينارى: حالىق تورابى