ايبول: مەن قىسقى وليمپيادا جارىس مايدانىنان كورىنگىم كەلەدى

جاپالى جاتتىعۋ وتكىزىپ جاتقان التاي ايماعىنىڭ  اسقار تاۋ شاڭعىشىلارى

2015.12.24 13:34   كەلۋ قاينارى : ءتاڭىرتاۋ تورابى

　　مەملەكەتتىك 13-كەزەكتى قىسقى سپورت جارىسىنىڭ تاياۋىنا وراي، التاي ايماعىنىڭ سپورتشىلارى سوڭعى كەزەڭدەگى جاتتىعۋ كەزەڭىنە ءوتتى. قىسقى سپورت كەزىندە، التاي ايماعىنداعى 46 سپورتشى 9 تۇردەگى جارىسقا قاتىناسادى.

　　جۋىقتا، التاي ايماعى گەنارال تاۋىنداعى قارشاڭعى الاڭىندا شاڭعى، كيىم، دۋلىعا سىندى «بەس قارۋى ساي» التاي ايماعىنىڭ اسقار تاۋ شاڭعى كومانداسىنداعى شاڭعىشىلار كەلىپ جاتتىعۋلارىن باستادى، ولاردىڭ جاسى كىشىسى 14 جاستا، جاسى ەڭ ۇلكەنى 19 جاستا بولاتىن.

　　18 جاستاعى ايبول التاي ايماعىنىڭ اسقار تاۋ شاڭعىشىلار كومانداسىنىڭ باستىعى ەدى. «ءبىز كىشكەنە كەزىمىزدە قارشاڭعى جارىسى از وتكىزىلەتىن، ءبىراق، ءبىز وقۋدان تۇسە سالا قارشاڭعى تەبۋگە كەلەتىن ەدىك»، دەدى بالا كەزىن ەسكە الىپ. مەملەكەتتىك 12-كەزەكتى قىسقى سپورت جارىسىنىڭ مايدانىمەن سالىستىرعاندا، ءوز مەكەنىندە وتكىزىلەتىن 13 -كەزەكتى قىسقى سپورت جارىسى مەنى قاتتى تەبىرەنتتى، 2022-جىلعى قىسقى وليمپيادا جارىسىنا قاتىناسۋ وسىبىر قازاق جىگىتىنىڭ ەڭ ۇلكەن ارمانى ەدى.

　　«بۇل جولعى جارىسقا قاتىناساتىن التاي ايماعىنىڭ اسقار تاۋ شاڭعىشىلارى 11 بولىپ، جارىسقا قاتىناساتىن باسقا كوماندالارمەن سالىستىرعاندا، جاستارى كىشىرەك، تاجىريبەلەرى دە از»،-دەدى وسى جاس كوماندانىڭ وسۋىنە كۋاگەر بولعان، التاي ايماقتىق اسقار تاۋ شاڭعى كومانداسىنىڭ جاتتىقتىرۋشىسى.