بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>دەنە تاربيە

شينجياڭدىق قازاق فۋتبولشى ەرجەت پورتۋگاليانىڭ سۋپەر ليگاسىندا ونەر كورسەتەتىن بولدى

ەۆروپاداعى ۇزدىك ليگادا ونەر كورسەتەتىن تۇڭعىش جۇڭگولىق قاقپاشى بولادى

2016.08.16 14:06   كەلۋ قاينارى : حالىق تورابى



  پورتۋگاليا سۋپەر ليگاسىنىڭ جاڭا سەزونداعى جارىستارى 13 – تامىزدا باستالدى، 23 جاستاعى شينجياڭدىق قازاق ازامات ەرجەت ەرزات ۇلى الدىڭعى سەزوندا 7 – ورىنعا تابان تىرەگەن پورتۋگاليالىق قارىمدى كوماندا ــ فەررەيرا فۋتبول كومانداسىنا قابىلدانىپ، 25 – ءنومىرلى فۋتبول كيىمىمەن ونەر كورسەتەدى، ول ەۆروپاداعى ۇزدىك ليگادا ونەر كورسەتەتىن تۇڭعىش جۇڭگولىق قاقپاشى بولادى.

  ەرجەت شاۋەشەك قالاسىندا تۋىلعان، كۇللى الەم كوز تىگىپ وتىرعان الا دوپ ويىنىنا شاۋەشەك قالالىق 1 – باستاۋىشتا وقىپ جۇرگەندە بەيىمىن بىلدىرگەن. كەيىن شينجياڭ سۇڭ چيڭليڭ فۋتبول مەكتەبىندە وقىعان، وسىدان باستاپ، ونىڭ فۋتبولداعى كاسىپتىك ءومىرى باستالدى.

  2013 – جىلى مەملەكەتتىك سپورت جارىسىندا ۇزدىك ونەر كورسەتكەندىكتەن، مەملەكەتتىك وليمپيادا قۇراماسىنا قابىلدانعان.

  ەرجەت 2014 – جىلى 29 – قاڭتاردا پورتۋگاليا چەمپيوندار ليگاسىنداعى (پورتۋگالياداعى 3 – دارەجەلى ليگا) گوندومار قۇراماسىمەن رەسمي توقتامعا وتىرىپ، شينجياڭنان ەۆروپاداعى فۋتبول كلۋبىنا قابىلدانعان تۇڭعىش فۋتبولشى بولدى.

  پورتۋگالياعا كەلگەن ەكى جىلدان بەرى، ەرجەت ءوز ونەرىن ۇزدىكسىز جەتىلدىرىپ وتىردى. بيىل ەرجەت جانە ونىمەن ءبىر كومانداداعى تاڭ شى پورتۋگاليا سۋپەر ليگاسىنداعى فەررەيرا كومانداسىندا جاتتىعۋدا بولىپ، ەڭ سوڭىندا ەكەۋى دە وسى كومانداعا قابىلداندى.

  ەرجەت: پورتۋگاليا سۋپەر ليگاسىندا ونەر كورسەتەتىن بولدىم، بۇل مەن ءۇشىن داڭق، ارمانعا ۇزدىكسىز تالپىنىپ، ءتىپتى دە بيىك بەلەستەردى باعىندىرۋعا كۇش سالامىن، - دەيدى.

  شينجياڭ فۋتبولى جايلى ءسوز قوزعاعاندا، ەرجەت شينجياڭ فۋتبولىنىڭ ەندى كوركەيىپ كەلە جاتقانىن، وتە – موتە جاسوسپىرىمدەر فۋتبولىنىڭ دامۋى قۋانارلىق ەكەنىن ايتادى، بىرنەشە جىلدان بەرگى ناتيجەلەر دە وسىنى راستايدى.

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

 سۋرەت