- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
لي كىچياڭ جولاۋشىلار كەمەسى سۋعا باتقان جەرگە تاعى بارىپ، قۇتقارۋ قىزمەتكەرلەرىنەن حال سۇرادى الداعى قۇتقارۋ، كومەك بەرۋ قىزمەتىنە ءبىر تۇتاس قولباسشىلىق ەتىپ، ورنالاستىرۋ جاسادى
2015.06.05 13:43
ماۋسىمنىڭ 3 – كۇنى تاڭ سارىدە، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ جاۋىپ تۇرعان نوسەرگە قاراماي، جولاۋشىلار كەمەسى سۋعا باتقان جەرگە تاعى بارىپ، قۇتقارۋ، كومەك بەرۋ قىزمەتىنە ءبىر تۇتاس قولباسشىلىق ەتىپ، ورنالاستىرۋ جاسادى ءارى الدىڭعى شەپتە جاۋىن – شاشىنعا قاراماي كەزەكپەن تۇندەلەتە قۇتقارۋ جۇمىسىن جۇرگىزىپ جاتقان سۇڭگۋىرشىلەر باستاعان قۇتقارۋ قىزمەتكەرلەرىنەن حال سۇرادى. لي كىچياڭ وزەن جاعاسىنا تىگىلگەن شاتىردا كەزەكپەن دەمالىپ وتىرعان سۇڭگۋىرشىلەرگە امانداسىپ، ولاردىڭ دەنساۋلىق احۋالىن، سۋ استىنىڭ جاعدايىن قاداعالاي سۇراپ – ۇعىسىپ، سۇڭگۋىرشىلەردىڭ قاتەردە قالعان جولاۋشىلارعا تىرشىلىك ءۇمىتىن سيلاعان ەرلىگىن ماداقتادى. ول بىلاي دەدى: قازىر ءالى 100 دەگەن جولاۋشى سۋعا باتقان كەمە ىشىندە، ءبىز، ءسوز جوق، ولاردى قۇتقارۋعا قۇلشىنۋىمىز كەرەك. كاسىپتىك كۇش بولعان سىزدەر رولدارىڭىزدى بارىنشا ساۋلەلەندىرۋلەرىڭىز كەرەك، جۇرتشىلىق سىزدەردەن ۇلكەن ءۇمىت كۇتىپ وتىر، مىندەتتەرىڭىز ەرەكشە اۋىر. شامالارىڭىزدىڭ جەتىسىنشە قۇتقارۋعا كىرىسىپ، ءبىر مينۋت، ءبىر سيكۋندتى دا مىقتى يگەرۋمەن بىرگە، ءوز باستارىڭىزدىڭ اماندىقتارىنا دا كوڭىل بولىڭىزدەر. سۋ استىندا قۇتقارۋ جۇمىسىمەن اينالىسىپ جاتقان سۇڭگۋىرشىلەرگە سالەم ايتىڭىزدار.
كەمەجايدىڭ قاسىنداعى كومەكشى كەمەنىڭ قۇتقارۋشىلارى بىرنەشە ادامنىڭ مۇردەسىن ءسۇزىپ الىپ شىقتى. لي كىچاڭ مەن سەرىكتەرى قازا بولعاندارعا تاعىزىم ەتىپ، ءۇنسىز ازا ءبىلدىرىپ، قۇرمەت كورسەتتى.
ىلە – شالا لي كىچياڭ جەتەكشى كەمەگە وتىرىپ، جولاۋشىلار كەمەسى باتىپ كەتكەن سۋ ايدىنىنا قاراي جول الدى. ول اۋا رايىنىڭ بۇزىلىپ، بوران كۇشەيىپ، تولقىن كوتەرىلىپ، قۇتقارۋ قىزمەتىنە قيىندىق تۋدىرعاندىعىن ايتتى. جەرگىلىكتى ورىن جاۋاپتىلارىنا قۇتقارۋ قىزمەتىنىڭ دەنە قۋاتتى السىرەتەتىندىگىن، سوندىقتان قۇتقارۋ قىزمەتكەرلەرىنە مايەكتى، ەنەرگيالى ازىقتار جەگىزۋدى، ارتقى شەپ قامتاماسىزداندىرۋ ىستەرىن ويداعىداي ىستەپ، قۇتقارۋشىلاردىڭ دەنە قۋاتىن كۇشەيتىپ، قۇتقارۋ قىزمەتىنە تولىق دايىندالۋىنا تاماشا مۇمكىندىك جاساۋدى قاداعالاي تاپسىردى.
جەتەكشى كەمە كەمە سۋعا باتقان سۋ ايدىنىنا تاياعاندا لي كىچياڭ جاۋىپ تۇرعان نوسەرگە قاراماي كەمە الاڭقىسىنا شىقتى. مۇندا تۇنىمەن اكەلىنگەن قۇتقارۋ جابدىقتارى جەدەل جۇمىس جۇرگىزىپ جاتىر. لي كىچياڭ جابدىقتارعا قاداعالاي قارادى دا: ادام ءومىرى بارىنەن ماڭىزدى. جىلت ەتكەن ءۇمىت بولسا، قولدان كەلگەنشە قۇلشىنىپ، كۇرەس جاساۋىمىز، قۇتقارۋ قىزمەتىن مىقتى يگەرۋىمىز كەرەك، مىنە بۇل ءبىزدىڭ وتەۋگە ءتيىستى جاۋاپكەرلىگىمىز، - دەدى. لي كىچياڭ وزىمەن بىرگە كەلگەن جولداستاردان الداعى جاعدايعا قاراي قۇتقارۋ قىزمەتتەرىن ۇزبەي مىقتى يگەرۋدى تالاپ ەتتى.
لي كىچياڭ قۇتقارۋ جۇمىسىنىڭ الدىڭعى شەبىندە شايقاس جاساپ جاتقان اسكەري قوسىندارعا، قارۋلى ساقشى، كوماندير – جاۋىنگەرلەرگە باس شۋجي شي جينپيڭ اتىنان العىس ايتتى. ول: كەزەكتەگى قۇتقارۋ مىندەتى وتە جاپالى، بۇل جۇرتشىلىقتىڭ بارىنشا كۇش سالىپ، ۇزبەي شايقاس جاساۋىن قاجەت ەتەدى. سىزدەردىڭ مىندەتتەرىڭىزدى، ءسوزسىز، ويداعىداي ورىنداپ، پارتيا مەن حالىق تاپسىرعان مىندەتتىڭ ۇددەسىنەن شىعاتىندارىڭىزعا سەنەمىن، - دەدى.
مامىردىڭ 2 – كۇنى تۇستەن كەيىن، لي كىچياڭ حۋبەي ولكەسى جيانلي اۋداندىق حالىق شيپاحاناسىنا بارىپ، شىرعالاڭعا ۇشىراعان كەمەدەن قۇتقارىلعان جارالىلاردان حال سۇرادى.
65 جاستاعى جۋ حۇڭمەي بۇگىن تۇستە تۇڭعىش رەت قۇتقارىلعان جارالى ەدى. وسى كەزدە لي كىچياڭ كەمە سۋعا باتقان جەردىڭ ماڭىنداعى قولباسشىلىق كەمەسىندە قۇتقارۋ قىزمەتىنە ناق مايداندا جەتەكشىلىك ەتتى. ناۋقاس بولمەسىندە زۇڭلي جۋ حۇڭمەيدىڭ قاسىنا كەلىپ، ونىڭ قولىن قىسىپ تۇرىپ بىلاي دەدى: «مەن ءسىزدى قۇتقارۋ جاعدايىن ءوز كوزىممەن كورىپ تۇردىم، قۇتقارۋ قىزمەتكەرلەرى ءسىزدى ارقالاپ الىپ شىققاندا، رۋحاني كۇيىڭىز ءبىرشاما جاقسى ەكەندىگىن بايقادىم، وكپەڭىز قابىنعان ەكەن، كوپ سويلەمەڭىز، ەڭ ماڭىزدىسى دەنساۋلىعىڭىزدى قالپىنا كەلتىرۋ، الاڭسىز بولىڭىز، پارتيا مەن ۇكىمەت سىزدەردىڭ قيىنشىلىقتى ەڭسەرۋلەرىڭىزگە كومەكتەسەدى».
لي كىچياڭ تاعى ەكى جارالىنىڭ قاتەردە قالعان كەزدەگى جاعدايلارىن، اسىرەسە، كەمە ىشىندەگى وتتەگى جاعدايىن ەگجەي-تەگجەيلى ۇعىستى. لي كىچياڭ ولارعا بىلاي دەدى: قۇتقارۋ قىزمەتى بار كۇشپەن جۇرگىزىلۋدە، قازىرگە دەيىن جۇزدەن استام سۇڭگۋىرشى قىزمەتكەر ورنالاستىرىلدى، ولار قۇتقارۋ قىزمەتىن كۇش سالا جۇرگىزەدى.
ماۋسىمنىڭ 2-كۇنى كەشتە لي كىچياڭ حۋبەي ولكەسىنىڭ جيانلي اۋدانىندا ءماجىلىس اشىپ، كەلەر ساتىداعى قۇتقارۋ قىزمەتىن اناعۇرلىم ورىستەتۋ جونىندە ورنالاستىرۋ جاسادى.
ماجىلىستە، حۋبەي ولكەسى مەن قاتىناس-تاسىمال مينيسترلىگى، حالىق ىستەرى مينيسترلىگى سياقتى تاراۋلاردىڭ، ناق مايداندا قۇتقارۋ قىزمەتىن جۇرگىزىپ جاتقان حالىق ازاتتىق ارمياسىنىڭ جاۋاپتىلارى ءسوز سويلەپ، قۇتقارۋ قىزمەتىنىڭ ىلگەرىلەۋ جاعدايىن باياندادى ءارى پىكىر - ۇسىنىستار قويدى.
كوپشىلىكتىڭ ءسوزىن تىڭداعاننان كەيىن، لي كىچياڭ جەرگىلىكتى ورىندار مەن تاراۋلاردىڭ، اسىرەسە، حالىق ازاتتىق ارمياسى مەن قارۋلى ساقشى ءبولىمىنىڭ قۇتقارۋ قىزمەتىندەگى قول جەتكىزگەن ىلگەرىلەۋشىلىكتەرىن تولىق تۇراقتاندىردى ءارى قۇتقارۋ قىزمەتىنىڭ ىلگەرىلەۋىنە ىلەسە، مىندەتتىڭ دە بارىنشا جاپالى بولاتىندىعىن باسا دارىپتەدى. ول كەلەر ساتىداعى قۇتقارۋ قىزمەتى جونىندە تومەندەگىدەي 6 ءتۇرلى تالابىن ورتاعا قويدى:
ءبىرىنشى، ۋاقىتتى زايا جىبەرمەي ادامداردى كۇش سالا قۇتقارۋ كەرەك. جىلت ەتكەن ءۇمىتتى دە قولدان جىبەرمەۋىمىز كەرەك. بۇگىن كەشتە حالىق ازاتتىق ارمياسى مەن جەرگىلىكتى ورىنداعى قۇتقارۋ قىزمەتكەرلەرى تۇندەلەتە سۇڭگۋىرشىلەردى قايتا - قايتا ءتۇسىرىپ، قۇتقارىلعان ادامداردىڭ جەكە باسىنىڭ اماندىعىنا كەپىلدىك ەتۋلەرى كەرەك.
ەكىنشى، ىزدەۋ-قۇتقارۋ جابدىقتارىن ۇزدىكسىز تولىقتاپ، قۇتقارۋ تەبىنىن ارتتىرىپ، عىلمي قۇتقارۋ قىزمەتىن ورىستەتۋ كەرەك.
ءۇشىنشى، كاسىپتىك ەمدەۋ قىزمەتكەرلەرىن، اسىرەسە، پسيحيكالىق جاقتان ەمدەۋ قىزمەتكەرلەرىن ۇزدىكسىز توپتاپ، جارالىلاردى قۇتقارۋ قىزمەتىن شىنايى ورىستەتۋ كەرەك.
ءتورتىنشى، جولاۋشىلاردىڭ وتباسىنداعىلاردان حال سۇراۋ قىزمەتىن ويداعىداي ىستەۋدە قاتىستى تاراۋلار مەن جەرگىلىكتى ورىن ماڭىزدى جاۋاپكەرلىكتى ۇستىنە الىپ، قىزمەتتى مۇقيات ىستەپ، جولاۋشىلاردىڭ تۋىس-تۋعاندارىنىڭ كوڭىل-كۇيىن ورنىقتىرۋلارى كەرەك.
بەسىنشى، ۇيىمداستىرۋ مەحانيزمىن بىرلىككە كەلتىرۋ. ورتالىق پەن جەرگىلىكتى ورىن جانە اسكەري قوسىندار ءوزارا تىعىز سەلبەسىپ، قۇتقارۋ قىزمەتىن ورىستەتۋى كەرەك.
التىنشى، مەملەكەتتىك كەڭەس شىرعالاڭنىڭ سەبەبىن تەكسەرۋ گرۋپپاسىن قۇرىپ، شىرعالاڭنىڭ تۋىلۋ سەبەبىن شىندىقتى ءىس جۇزىنەن ىزدەي وتىرىپ تەكسەرىپ انىقتاۋى كەرەك. (شينحۋا اگەنتتىگى)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
