بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

شي جينپيڭ ورتالىقتىڭ شيزاڭ قىزمەتى جونىندەگى 6-رەتكى اڭگىمە ماجىلىسىندە بىلاي دەپ باسا دارىپتەدى: شيزاڭدى زاڭمەن جونگە سالىپ، حالىقتى اۋقاتتاندىرىپ، شيزاڭدى كوركەيتىپ، شيزاڭدا ۇزاق ۋاقىت قۇرىلىس جۇرگىزىپ، شيزاڭنىڭ جاپپاي دوڭگەلەك داۋلەتتى قوعام قۇرۋ اياق الىسىن جەدەلدەتۋ كەرەك

لي كىچياڭ، يۇي جىڭشىڭ ءسوز سويلەدى، جاڭ دىجياڭ، ليۋ يۇنشان، ۋاڭ چيشان، جاڭ گاۋلي ماجىلىسكە قاتىناستى

2015.08.27 14:08    

  ورتالىقتىڭ شيزاڭ قىزمەتى جونىندەگى 6-رەتكى اڭگىمە ءماجىلىسى 2015-جىلى 24-، 25-تامىز كۇندەرى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ شيزاڭنىڭ جانە 4 ولكەدەگى زاڭزۋ رايوندارىنىڭ ەكونوميكالىق دامۋىن ىلگەرىلەتۋ جونىندە ءسوز سويلەدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ ءماجىلىس اياقتالاردا ءسوز سويلەدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى جاڭ دىجياڭ، ليۋ يۇنشان، ۋاڭ چيشان، جاڭ گاۋلي ماجىلىسكە قاتىناستى.

  ءماجىلىس جاڭا جۇڭگو قۇرىلعاننان، وتە-موتە، ورتالىقتىڭ شيزاڭ قىزمەتى جونىندەگى 5-رەتكى اڭگىمە ءماجىلىسى اشىلعاننان بەرگى شيزاڭ قىزمەتىنە جان-جاقتى ايالداپ، كەزەكتەگى جانە الداعى ءبىر مەزگىلدەگى شيزاڭ قىزمەتىنىڭ جەتەكشى يدەياسىن، نىسانا-تالاپتارىن، كەلەلى شارالارىن ايقىنداپ، شيزاڭنىڭ ەكونوميكالىق، قوعامدىق دامۋى مەن باياندى تىنىشتىق قىزمەتىن ونان ارى ىلگەرىلەتۋ جونىندە ستراتەگيالىق ورنالاستىرۋ جاسادى. ءماجىلىس تاعى سىچۋان، يۇننان، گانسۋ، چيڭحاي سىندى 4 ولكەدەگى زاڭزۋ رايوندارىنىڭ دامۋ، ورنىقتىلىق قىزمەتى جونىندە جان-جاقتى ورنالاستىرۋ جاسادى.

  شي جينپيڭ سوزىندە بىلاي دەپ اتاپ كورسەتتى: شيزاڭ قىزمەتى پارتيا مەن مەملەكەت قىزمەتىنىڭ جالپى جاعدايىنا سايادى. پارتيا ورتالىق كوميتەتى شيزاڭ قىزمەتىنە ەجەلدەن باسا ءمان بەرىپ كەلەدى. 60 نەشە جىلدىق اماليات بارىسىندا، ءبىز پارتيانىڭ شيزاڭدى جونگە سالۋ جالپى جوباسىن قالىپتاستىردىق، ول مىناۋ: ءسوز جوق، جۇڭگو كوممۋنيستىك پارتياسىنىڭ باسشىلىعىنا، سوتسياليستىك تۇزىمگە، ۇلتتىق تەرريتوريالى اۆتونوميا تۇزىمىنە تاباندى بولۋ؛ ءسوز جوق، مەملەكەتتى جونگە سالۋ ءۇشىن شەكارا رايوندى مىندەتتى تۇردە جونگە سالۋ، شەكارا رايوندى جونگە سالۋ ءۇشىن الدىمەن شيزاڭدى ورنىقتىرۋ سىندى ستراتەگيالىق يدەياعا، شيزاڭدى زاڭمەن جونگە سالۋ، حالىقتى اۋقاتتاندىرىپ شيزاڭدى كوركەيتۋ، شيزاڭدا ۇزاق ۋاقىت قۇرىلىس جۇرگىزۋ، حالىق تىلەگىن توعىستىرۋ، نەگىزدى بەكەمدەۋ سىندى ماڭىزدى پرينسيپكە تاباندى بولۋ؛ ءسوز جوق، شيزاڭ قوعامىنىڭ نەگىزگى قايشىلىعى مەن ەرەكشە قايشىلىعىن مىقتى يگەرىپ، حالىق تۇرمىسىن جاقسارتۋدى، حالىق تىلەگىن توعىستىرۋدى ەكونوميكالىق، قوعامدىق دامۋدىڭ ارقاۋى مەن تابان تىرەر تياناعى ەتىپ، دالاي توبىمەن كۇرەستىڭ باعىت-ساياساتىنا بۇلجىماي تاباندى بولۋ؛ ءسوز جوق، پارتيانىڭ ۇلت ساياساتى مەن ءدىن ساياساتىن جاپپاي دۇرىس دايەكتىلەندىرىپ، ۇلتتار ىنتىماعىن كۇشەيتىپ، ءار ۇلت بۇقاراسىنىڭ ۇلى وتان، جۇڭحۋا ۇلتى، جۇڭحۋا مادەنيەتى، جۇڭگو كوممۋنيستىك پارتياسى، جۇڭگوشا سوتسياليزم جونىندەگى ورتاق تانىمىن ۇزدىكسىز ىلگەرىلەتۋ؛ ءسوز جوق، ورتالىقتىڭ قامقورلىعىن، بۇكىل ەلدىڭ كومەگى مەن قولداۋىن شيزاڭداعى ءار ۇلت كادرلارى مەن بۇقاراسىنىڭ قاجىرلى كۇرەسىمەن تىعىز ۇشتاستىرىپ، ەل ءىشى جانە حالىقارا سىندى ەكى جالپى جاعدايدى بىردەي مەڭگەرە وتىرىپ شيزاڭ قىزمەتىن جاقسى ىستەۋ؛ ءسوز جوق، ءار دارەجەلى پارتيا ۇيىمى مەن كادرلار، دارىندىلار قوسىنى قۇرىلىسىن كۇشەيتىپ، پارتيانىڭ شيزاڭداعى بيلىك جۇرگىزۋ نەگىزىن بەكەمدەۋ.

  شي جينپيڭ مىنالاردى باسا دارىپتەدى: شيزاڭدى زاڭمەن جونگە سالۋ، حالىقتى اۋقاتتاندىرىپ شيزاڭدى كوركەيتۋ، شيزاڭدا ۇزاق ۋاقىت قۇرىلىس جۇرگىزۋ، حالىق تىلەگىن توعىستىرۋ، نەگىزدى بەكەمدەۋ − پارتيانىڭ 18-قۇرىلتايىنان كەيىن پارتيا ورتالىق كوميتەتى العا قويعان شيزاڭ قىزمەتىنىڭ ماڭىزدى پرينسيبى. شيزاڭدى زاڭمەن جونگە سالۋدا، نەگىزگى زاڭ مەن زاڭداردىڭ بەدەلىن قورعاپ، زاڭ الدىندا بارلىق ادامنىڭ تەڭدىگىنە تاباندى بولۋ كەرەك.

  حالىقتى اۋقاتتاندىرىپ، شيزاڭدى كوركەيتۋدە، ءار ۇلت بۇقاراسىنىڭ ىرىس-باقىتىن اسىرۋدى نەگىزگى ارقاۋ جانە تابان تىرەر تياناق ەتىپ، ۇلتتار ىنتىماعى مەن حالىق تۇرمىسىن جاقسارتۋدى ارقاۋ ەتە وتىرىپ ەكونوميكانىڭ دامۋىن ىلگەرىلەتىپ، قوعامنىڭ جاپپاي العا باسۋىن جەبەپ، ءار ۇلت بۇقاراسىنىڭ رەفورما مەن دامۋدىڭ جەتىستىكتەرىنەن، ءتىپتى، جاقسى يگىلىكتەنۋىنە مۇمكىندىك جاساۋ كەرەك. شيزاڭدا ۇزاق ۋاقىت قۇرىلىس جۇرگىزۋدە، بايىپتى دا ورنىقتى تۇردە ىلگەرىلەتۋ باعىتىنا تاباندى بولۋ، بارلىق قىزمەتتى ۇزاق جوسپار نەگىزىندە اقىلداسىپ، بارلىق ءىس-شارالاردىڭ باياندىلىعىن ساقتاۋ كەرەك. حالىق تىلەگىن توعىستىرۋدا ماتەريالدىق كۇش پەن رۋحاني كۇشتى توعىستىرىپ، جۇرت تىلەگى مەن كۇشىن «ەكى 100 جىل» كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا شوعىرلاندىرۋ كەرەك. نەگىزدى بەكەمدەۋدە، ۇستىنەن وڭاۋ مەن تۇبىرىنەن وڭاۋدى ءوزارا ۇشتاستىرۋ، تۇبىرىنەن وڭاۋعا باسا ءمان بەرۋ، نەگىزدى بەكەمدەيتىن، ۇزاق بولاشاققا ءتيىمدى قىزمەتتەردى كوبىرەك ىستەپ، نەگىزگى ساتى ۇيىمىن الۋەتتەندىرىپ، نەگىزدىك قىزمەتتى شىنايى ىستەۋ كەرەك.

  شي جينپيڭ بىلاي دەپ اتاپ كورسەتتى: شيزاڭنىڭ جانە 4 ولكەدەگى زاڭزۋ رايوندارىنىڭ باياندى تىنىشتىعىن جۇزەگە اسىرۋ ءۇشىن، ءسوز جوق، ۇدايى بۇلجىماي يگەرىپ، تاباندىلىقپەن جالعاستىرىپ، باياندى ءادىس-شارالار قاراستىرىپ، نەگىزدى بەكەمدەۋ ءىس-ارەكەتتەرىن جۇرگىزۋ كەرەك. نەگىزدىك قىزمەتتى تەرەڭ، شىنايى ءارى ىجداعاتتى تۇردە ىستەپ، زاڭمەن جونگە سالۋدى، ىرىقتى تۇردە جونگە سالۋدى، جان-جاقتى جونگە سالۋدى، تۋ باستان جونگە سالۋدى ۇشتاستىرىپ، ءار ۇلت كادرلارى مەن بۇقاراسىنا مىقتاپ ارقا سۇيەۋ كەرەك. ۇلتتار ىنتىماعىن بارىنشا كۇشەيتىپ، ءار ۇلت بۇقاراسىنىڭ ءتۇسىنىسۋىن، ءوزارا كومەكتەسۋىن، ءبىر-ءبىرىنىڭ ارتىقشىلىعىن كورە ءبىلۋىن، ءوزارا ۇيرەنۋىن جەبەۋ قاجەت. جۇڭحۋا ۇلتىنىڭ ورتاق تۇلعاسى تانىمىن بارىنشا جەتىلدىرىپ، ۇلتتار ىنتىماعى العاباسارلىعى جونىندەگى ۇگىت-تاربيە جانە وركەنيەتتى ورىن قۇرۋ قيمىلىن ورىستەتۋ كەرەك. زاڭزۋ بۇدديزمى قىزمەتىن بارىنشا جاقسى ىستەپ، زاڭزۋ بۇدديزمى سالاسىنىڭ وتاندى ءسۇيۋ، ءدىندى ءسۇيۋ ءداستۇرىن ساۋلەلەندىرىپ، بۇتحانالاردى باسقارۋدىڭ باياندى قىزمەت مەحانيزمىن ىلگەرىلەتىپ، زاڭزۋ بۇدديزمىنىڭ سوتسياليستىك قوعامعا ۇيلەسۋ تالابىمەن ءدىن قاعيدالارى مەن ءپاتۋالارىن ءتۇسىندىرۋىن قولداۋ كەرەك.

  ماركستىك وتان كوزقاراسى، ۇلت كوزقاراسى، ءدىن كوزقاراسى، مادەنيەت كوزقاراسى جونىندەگى ۇگىت-ءناسيحات قيمىلدارىن تاباندىلىقپەن ورىستەتىپ، جۇڭگوشا سوتسياليزمنىڭ يدەيالىق ورتاق تانىمىنا ۇيىسۋ كەرەك. شيزاڭدى زاڭمەن جونگە سالۋ تالابىن تياناقتاندىرىپ، وتاندى بولشەكتەۋ، قوعام ورنىقتىلىعىن ءبۇلدىرۋ ارەكەتتەرىنىڭ بارىنە زاڭ بويىنشا سوققى بەرۋ كەرەك.

  شي جينپيڭ بىلاي دەپ باسا دارىپتەدى: شيزاڭ قىزمەتىن تىڭعىلىقتى ىستەۋدە، ءسوز جوق، پارتيانىڭ باسشىلىعىنا تاباندى بولىپ، پارتيا قۇرىلىسىن جاپپاي كۇشەيتىپ، ءار دارەجەلى باسشىلىق القانى، كادر دارىندىلار قوسىنى، باستاۋىشتىق ۇيىمدار قۇرىلىسىن كۇش سالا جاقسى جۇرگىزىپ، پارتيانىڭ جاسامپازدىق قۋاتىن، ۇيىستىرۋ قۋاتىن، شايقاس قۋاتىن ۇزدىكسىز جوعارىلاتۋ كەرەك. شيزاڭدا جانە سىچۋاننىڭ زاڭزۋلار رايونىندا، ءار دارەجەلى كادرلار، ءسوزجوق، يدەيا مەن ارەكەتتە پارتيا ورتالىعىمەن وسكەلەڭ ءبىر اۋىزدىلىقتى ساقتاپ، پارتيا مەن حالىققا ادال بولىپ، پارتيانىڭ ءتۇرلى باعىت-ساياساتتارىن ناقتى تياناقتاندىرۋلارى كەرەك. ءار ۇلت كادرلارى ۇلتتار ىنتىماعىن كوز قاراشىعىنداي قورعاپ، نيەتتەس، بىلەكتەس بولىپ قۋاتتى بىرىككەن كۇش قالىپتاستىرۋلارى كەرەك.

  شي جينپيڭ بىلاي دەپ اتاپ كورسەتتى: ۇزاق ۋاقىتتان بەرى، ۇرپاقتان ۇرپاققا جالعاسقان كوممۋنيستەر جاپادا الدا، راحاتتا ارتتا بولىپ، قارلى القاپ، ايازدى ۇستىرتكە تامىر تارتىپ، جاپاعا شىداپ كۇرەس جاساۋعا بەل بايلادى. قالىڭ پارتيا مۇشەلەرى، كادرلار تاڭداۋلى ءداستۇردى اسقاقتاتىپ، «بايىرعى شيزاڭ رۋحىنا» تىڭ ءداۋىر رۋحىن ۇستەۋلەرى كەرەك. ورتالىق شيزاڭ كادر-قىزمەتكەرلەرىنە ەجەلدەن ايىرىقشا كوڭىل ءبولىپ، ارنايى ەڭبەكاقى ساياساتى مەن قاتىستى يگىلىك مامىلە ساياساتتارىن بەلگىلەدى، ورتالىقتىڭ قاتىستى تاراۋلارى بۇعان بەلسەنە قولداۋ كورسەتىپ، ولاردى ارتقى ۋايىمنان ارىلتۋى كەرەك. شيزاڭعا باعىتتامالى كومەكتەسۋ قىزمەتىن تىڭعىلىقتى ىستەپ، شيزاڭعا كومەككە باراتىن كادر دارىندىلار قۇرىلىمىن ساپالىلاندىرىپ، تاڭداۋلى دارىندىلاردى شارت-جاعدايى جاپالى جانە جاعدايى كۇردەلى جەرلەرگە جىبەرىپ، جىگەرلەرىن شىڭداپ، قابىلەتتەرىن ءوسىرۋ كەرەك. شيزاڭداعى جانە سىچۋاننىڭ زاڭزۋ رايوندارىنداعى قالىڭ كادر-قىزمەتكەرلەر پارتيا مەن مەملەكەتتىڭ قامقورلىعىن قىزمەتتىڭ قوزعاۋشى كۇشىنە اينالدىرىپ، ءوز قىزمەت ورىندارىندا ءتىپتى دە زور ناتيجەگە قول جەتكىزۋلەرى كەرەك.

  لي كىچياڭ بىلاي دەپ اتاپ كورسەتتى: كەلەسى 5 جىلدا، شيزاڭ بۇكىل مەملەكەتپەن بىرگە جاپپاي دوڭگەلەك داۋلەتتى قوعام قۇرۋعا ۇمتىلادى، بۇل اۋىر ءارى جاپالى مىندەت. رەفورمانى جاپپاي تەرەڭدەتىپ، دامۋ ۇلگىسىندە جاڭالىق اشىپ، «بەستى بىرلەستىرۋدى» ىسكە اسىرۋ، ياعني ۇكىمەتتىڭ رولى مەن بازاردىڭ رولىن، سىرتقى كۇشتەن پايدالانۋ مەن ىشكى كۇشتى جۇمىلدىرۋدى، ىشكە ەسىك اشۋ مەن سىرتقا ەسىك اشۋدى، جاڭاشا قالا-قالاشىقتاندىرۋ مەن جاڭاشا اۋىل-قىستاق قۇرىلىسىن، وركەندەتۋ قۇرىلىسى مەن ەكولوگيانى قورعاۋدى ءتىپتى دە جاقسى بىرلەستىرۋ كەرەك. حالىق تۇرمىسىن قامتاماسىزداندىرۋ مەن جاقسارتۋعا كۇش سالىپ، جەرگىلىكتى جاعدايعا قاراي، ادامىنا قاراي شارا قولدانىپ، كەدەيلەردى سۇيەمەلدەۋدەن قامال الۋ شايقاسىن جاقسى جۇرگىزۋگە قۇلشىنىپ، جۇمىسپەن قامتۋدى كوپ ارنامەن كەڭەيتۋ كەرەك. ءبىلىم بەرۋ سىندى «كەمشىل تۇستاردى» تەزدەن تولىقتاپ، شيپاگەر، ءدارى-دارمەك جەتىسپەۋشىلىك سىندى «قالپاقتى» تەزدەتىپ لاقتىرىپ تاستاپ، قوعامدىق قامتاماسىزداندىرۋدىڭ «حاۋىپسىزدىك تورىن» بەكەم قۇرۋ كەرەك. ەرەكشە كاسىپ سالالارى، نەگىزدىك قۇرىلعى قۇرىلىسى، ەكولوگيالىق ورتانى قورعاۋ سىندى 3 ءتۇيىندى كورنەكتىلەندىرە مىقتى ۇستاپ، شيزاڭنىڭ ءوزىن-ءوزى دامىتۋ قابىلەتىن جوعارىلاتۋ كەرەك. ەرەكشە اۋىل شارۋاشىلىعىن جانە سوعان قاتىستى وڭدەۋ ونەركاسىبىن كۇش سالا دامىتىپ، دۇنيە جۇزىلىك ماڭىزعا يە ساياحات ورىندارى قۇرىلىسىن تىڭعىلىقتى جۇرگىزىپ، ساۋدا اينالىمى كاسىبىن جانداندىرىپ، شيزاڭدى ەلىمىزدىڭ وڭتۇستىك ازياعا ەسىك اشاتىن ماڭىزدى ارناسى ەتىپ قۇرىپ شىعۋ؛ كەشەندى قاتىناس تاسىمال جۇيەسىن قۇرۋدى تەزدەتىپ، اسفالت جولدى بارلىق اۋدان قالاشىقتارىنا جەتكىزۋدى، شارت-جاعدايى بار اۋىل-قالاشىقتار مەن اكىمشىلىك قىستاقتارعا اسفالتتاندىرىلعان جول جاتقىزۋدى بارىنشا تەز ىسكە اسىرىپ، كەلەلى سۋ يگىلىگى قۇرىلىستارىنا قولداۋ كورسەتىپ، بۇقارانىڭ «حاۋىپسىز اۋىز سۋ» تۇتىنۋىنا كەپىلدىك ەتىپ، ەنەرگيامەن قامتاماسىز ەتۋ قابىلەتىن كۇشەيتىپ، رايون ىشىندە ەلەكتر جەلىسىمەن بارلىق اۋدانداردى (رايون) قامتۋعا كۇش سالىپ، ەلەكتر جەتپەگەن حالىقتىڭ ەلەكتردەن پايدالانۋ ماسەلەسىن شەشىپ، قالالاردىڭ نەگىزدىك قۇرىلىعى قۇرىلىسىن تەزدەتىپ، ايازدى وڭىرلەرگە جىلۋ جەتكىزۋ ينجەنەرياسىنا قولداۋ كورسەتىپ، ينفورماتسيالانۋ دەڭگەيىن جوعارىلاتىپ، حابار-بايلانىسسىز اۋماقتاردى كۇش سالا جويۋ؛ ەكولوگيالىق حاۋىپسىزدىكتىڭ تومەنگى شەگىن، قىزىل سىزىعىن جانە جوعارى كەرنەۋلى سىزىعىن قاتاڭ ساقتاپ، ەكولوگيالىق ورتا بويىنشا جان-جاقتى تولەم بەرۋ مەحانيزمىن كەمەلدەندىرىپ، قارلى القاپتى ءۇستىرتتى شىنايى قورعاپ، مەملەكەتتىڭ ەكولوگيالىق حاۋىپسىزدىك كەپىلىن مىقتاپ بەكەمدەۋ كەرەك.

  يۇي جىڭشىڭ قورىتىندى سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى شيزاڭ قىزمەتىندە ءدوپ كەلىپ وتىرعان جاعدايلاردى عىلمي تۇردە تالداپ، ءبىر قاتار كەلەلى نازاريالىق جانە امالياتتىق ماسەلەلەردى تەرەڭدەي پايىمدادى، كۇشتى ساياسي سيپاتقا، جالپى اۋقىمدىق سيپاتقا، ستراتەگيالىق سيپاتقا يە ماڭىزدى ءسوز قازىرگى جانە بۇدان كەيىنگى ءبىر مەزگىلدە شيزاڭ قىزمەتىن جاقسى ىستەۋدىڭ ءتۇبىرلى دايەگى سانالادى. ماسەلەنى كوزدەۋگە تاباندى بولىپ، پرينسيپ ماسەلەسىندە تۋىمىز ايقىن، دامۋ ماسەلەسىندە باعىتىمىز ايقىن بولۋ، قيىن ماسەلەلەرگە انىق جاۋاپ قايتارىپ، ناقتى ماسەلەلەردى ءتۇيىندى تۇردە شەشۋىمىز كەرەك.

  شيزاڭ اۆتونوميالى رايونىنىڭ، مەملەكەتتىك دامۋ-رەفورما كوميتەتىنىڭ، شاندۇڭ ولكەسىنىڭ جاۋاپتى جولداستارى ماجىلىستە ءسوز سويلەدى.

  ج ك پ ورتالىق كوميتەتى ساياسي بيۋروسىنىڭ بەيجيڭدەگى مۇشەلەرى، ورتالىق شۋجيچۋدىڭ شۋجيلەرى، مەملەكەتتىك كەڭەس مۇشەلەرى، ەڭ جوعارى حالىق سوتى مەكەمەسىنىڭ باستىعى ماجىلىسكە قاتىناستى. «شينجياڭ گازەتىنەن»

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.