بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

بەسىنشى جالپى ماجىلىستەگى 6 ۇلكەن ءتۇيىن

2015.10.27 13:38     كەلۋ قاينارى : حالىق تورابى

  شينحۋا اگەنتتىگى، 26 – قازان، بەيجيڭ. ورتالىق كوميتەت ساياسي بيۋروسىنىڭ ۇستەگى جىلى 12 – قازاندا اشقان ءماجىلىسىنىڭ ۇيعارىمىنا ساي، پارتيا 18 – كەزەكتى ورتالىق كوميتەتىنىڭ بەسىنشى جالپى ءماجىلىسى 26 – قازاننان 29 – قاراشاعا دەيىن بەيجيڭدە اشىلادى. وسى ءماجىلىستىڭ نەگىزگى ءتۇيىنى مىنا 6 جاققا شوعىرلانادى:

  «1 – ءتۇيىن»: جالپى ءماجىلىس اشىلاتىن ۋاقىت قالاي تۇراقتاندىرىلدى؟

  «پارتيا ۆستابىندا» بەلگىلەنۋىنشە، ورتالىق كوميتەتتىڭ جالپى ءماجىلىسىن ورتالىق كوميتەت ساياسي بيۋروسى اشادى، ءار جىلى كەم دەگەندە ءبىر رەت اشىلادى.

  سوڭعى جىلداردان بەرگى داعدىعا ساي، ءبىرىنشى ، جالپى ءماجىلىس، ادەتتە، پارتيانىڭ بۇكىل مەملەكەتتىك ۋاكىلدەر قۇرىلتايى جابىلعاننان كەيىن 2 – كۇنى اشىلادى، باستى تاقىرىپ – ورتالىق كوميتەت ساياسي بيۋروسىنىڭ مۇشەلەرى، ورتالىق كوميتەت ساياسي بيۋروسىنىڭ تۇراقتى مۇشەلەرى، ورتالىق كوميتەت ساياسي بيۋروسىنىڭ باس شۋجيلارى سىندى ماڭىزدى كادرلاردى سايلاپ ورنالاستىرىلادى؛ ەكىنشى، جالپى ءماجىلىس، ادەتتە، پارتيا ۋاكىلدەر قۇرىلتايىنىڭ كەلەسى جىلى اقپاندا اشىلىپ، بۇندا ناۋرىز ايىندا اشىلاتىن مەملەكەتتىك حالىق قۇرىلتايىنا جاڭا ءبىر كەزەكتى مەملەكەت قۇرىلىمى باسشىلار كانديداتىن، ساياسي كەڭەس مەملەكەتتىك كوميتەتىنە مەملەكەتتىك ساياسي ءماسليحات كەڭەسىنىڭ باسشىلار كانديداتىن سايلاۋعا ۇسىنىس بەرىلەدى.

  ءۇشىنشى جالپى ماجىلىستەن جەتىنشى جالپى ماجىلىسكە دەيىن، جالپى ءماجىلىس اشىلاتىن ۋاقىت، ادەتتە، ەكى رەتكى ورتالىق كوميتەت ساياسي بيۋروسى ءماجىلىسى ارقىلى تۇراقتاندىرىلىپ كەلدى، بۇندا ءبىر رەتىندە ءماجىلىس اشىلاتىن اي تۇراقتاندىرىلسا، ەندى ءبىر رەتتە ناقتى اشىلاتىن كۇنى بەكىتىلەدى.

  ۇستەگى جىلى 20 – شىلدەدە اشىلعان ورتالىق كوميتەت ساياسي بيۋروسىنىڭ ماجىلىسىندە پارتيا 18 – كەزەكتى ورتالىق كوميتەتىنىڭ بەسىنشى جالپى ءماجىلىسىنىڭ «بيىل قازان ايىندا بەيجيڭدە اشىلاتىندىعى» تۇراقتانسا؛ 12 – قازاندا اشىلعان ورتالىق كوميتەت ساياسي بيۋروسىنىڭ ماجىلىسىندە بەسىنشى جالپى ءماجىلىستىڭ «26 – قازاننان 29 – قازانعا دەيىن بەيجيڭدە اشىلاتىندىعى» بەلگىلەنگەن بولاتىن.

  «2 – ءتۇيىن»: وسى رەتكى جالپى ءماجىلىستىڭ نەگىزگى كۇن تارتىپتەرى قايسى؟

  بىلايشا ايتقاندا، ورتالىق كوميتەت ساياسي بيۋروسىنىڭ جيىنىندا جالپى ءماجىلىس اشىلاتىن اي تۇراقتاندىرىلۋمەن بىرگە، جالپى ءماجىلىستىڭ نەگىزگى كۇن تارتىپتەرى دە بەكىتىلەدى.

  پارتيا 18 – كەزەكتى ورتالىق كوميتەتىنىڭ بەسىنشى جالپى ءماجىلىسىنىڭ نەگىزگى كۇن تارتىبىندە – ج ك پ ورتالىق كوميتەتى ساياسي بيۋروسى ورتالىق كوميتەتكە قىزمەت بايانداماسىن جاسايدى، حالىق شارۋاشىلىعى مەن قوعامدىق دامۋدىڭ 13 – بەس جىلدىق جوباسىن بەكىتۋ جونىندەگى پىكىردى قاراپ شىعادى.

  1995 – جىلعى پارتيا 14 – كەزەكتى ورتالىق كوميتەتىنىڭ بەسىنشى جالپى ماجىلىسىنەن باستاپ، ءار رەتكى بەسىنشى جالپى ماجىلىستە حالىق شارۋاشىلىعى مەن قوعامدىق دامۋدىڭ «بەس جىلدىق جوباسىن» (11 – بەس جىلدىقتان بۇرىن «بەس جىلدىق پىلان» دەلىنەتىن) بەلگىلەۋ جونىندەگى پىكىردى قاراۋدى ءماجىلىستىڭ كۇن تارتىبىنە ەنگىزدى.

  ورتالىقتىڭ جالپى ءماجىلىسىنىڭ تاعى ءبىر ماڭىزدى كۇن تارتىبى بار، بۇندا ج ك پ ورتالىق كوميتەتى ساياسي بيۋروسى ورتالىق كوميتەتكە قىزمەت بايانداماسىن جاسايدى. بىلايشا ايتقاندا، ءۇشىنشى جالپى ماجىلىستەن باستاپ، ورتالىق كوميتەت ساياسي بيۋروسى ءار رەتكى جالپى ماجىلىستە ورتالىق كوميتەتكە قىزمەت بايانداماسىن جاساپ كەلدى.

  بۇدان سىرت، ورتالىق كوميتەتتىڭ جالپى ماجىلىسىندە پارتيا ءتارتىبى جازاسىنا ۇشىراعان ورتالىق كوميتەتتىڭ مۇشەلەرىنە، ورتالىق كوميتەتتىڭ كانديدات مۇشەلەرىنە ۇيىمدىق ءبىر جاقتى ەتۋدىڭ شەشىمىن شىعارادى. سونىمەن بىرگە، ورتالىق كوميتەت مۇشەلەرىنىڭ ورنى بوس قالعان كەزدە، جالپى ءماجىلىس ورتالىق كوميتەت كانديدات مۇشەلەرىنىڭ يە بولعان داۋىسىنىڭ سانىنا قاراي رەتى بويىنشا تولىقتىرۋدى ۇيعارادى.

  اشكەرە حابارعا ساي، پارتيا 18 – كەزەكتى ورتالىق كوميتەتىنىڭ ءتورتىنشى جالپى ماجىلىستەن بەرى قاراي، پارتيا 18 – كەزەكتى ورتالىق كوميتەتىنىڭ ليڭ جيحۋا، ياڭ دۇڭلياڭ، جوۋ بىنشۇن سىندى مۇشەلەرىنە پارتيادان ايداۋ جازاسى بەرىلسە، ورتالىق كوميتەتتىڭ جۋ ميڭگو، ۋاڭ مەي، چىن چۋانپيڭ، شوۋ حى، ياڭ ۋەيزى، يۇي يۋانحۇي، فان ي – ياڭ سىندى كانديدات مۇشەلەرى دە پارتيادان ايدالدى. بۇدان سىرت، پارتيا 18 – كەزەكتى ورتالىق كوميتەتىنىڭ مۇشەسى سۋ شۋلين تارتىپكە اۋىر دارەجەدە قيعاشتىق ىستەۋگە شاتىلعاندىقتان، كەزەكتە ۇيىمدىق تەكسەرۋدى قابىلداۋدا؛ ال پارتيا 18 – كەزەكتى ورتالىق كوميتەتىنىڭ كانديدات مۇشەسى فان چاڭمي زاڭعا قايشى قىلمىس وتكىزگەندىكتەن، 2014 – جىلى جەلتوقساندا اسكەري ىستەر پروكۋراتۋراسى جاعىنان دەلو تۇرعىزىلىپ تەكسەرىلدى.

  «3 – ءتۇيىن»: جالپى ءماجىلىستى كىم باسقارادى؟ ماجىلىسكە كىمدەر قاتىناسادى؟

  «پارتيا ۆستابىنىڭ» بەلگىلەمەسىنە ساي، ورتالىق كوميتەتتىڭ جالپى ءماجىلىسىن ورتالىق كوميتەت ساياسي بيۋروسى باسقارادى. ورتالىق كوميتەتتىڭ جالپى ءماجىلىسى بولعاندىقتان، ارينە ورتالىق كوميتەتتىڭ مۇشەلەرى، ورتالىق كوميتەتتىڭ كانديدات مۇشەلەرى ماجىلىسكە قاتىناسۋى كەرەك.

  «4 – ءتۇيىن»: ورتالىق «12 – بەس جىلدىق» جوباعا قانداي باعالاردى بەردى؟

  ورتالىق كوميتەت ساياسي بيۋروسىنىڭ قاراۋىنشا، «12 – بەس جىلدىق» ەلىمىز ەكونوميكاسى ۇلىعاۋسار جەتىستىكتەرگە قول جەتكىزگەن سۇبەلى بەس جىل بولعان. كۇردەلى دە قىم – قۋىت حالىقارالىق جاعداي مەن ەل ىشىندەگى رەفورمالاۋ – دامۋدى ورنىقتىرۋدىڭ جاپالى مىندەتى تۇسىندا، پارتيامىز بۇكىل ەلدەگى ءار ۇلت حالقىن ەرلىكپەن شايقاس جاساۋعا ىنتىماقتاستىرىپ، جاڭالىق جاراتىپ، پارتيا مەن مەملەكەتتىڭ ءار سالا كاسىپتەرىنىڭ دامۋىندا جاڭا جاعدايدى قۇلشىنا جاراتىپ، ەلىمىزدىڭ دامۋىندا سۇبەلى تابىستارعا قول جەتكىزدى. «12 – بەس جىلدىق» جوبانىڭ نىساناسى تابىستى ورىندالدى، ەلىمىزدىڭ ەكونوميكالىق قۋاتى، عىلىم – تەحنيكالىق قۋاتى، مەملەكەت قورعانىس قۋاتى، حالىقارالىق ىقپالى دا جاڭا ءبىر تەكشەگە كوتەرىلدى.

  «5 – ءتۇيىن»: ورتالىق «13 – بەس جىلدىق» جوبانى قايتىپ بەلگىلەيدى؟

  ورتالىق كوميتەت 2020 – جىلعا بارعاندا جاپپاي دوڭگەلەك داۋلەتتى قوعام قۇرۋدى، پارتيامىز بەلگىلەگەن «ەكى 100 جىلدىق» كۇرەس نىساناسىنىڭ العاشقى 100 جىلدىق كۇرەس نىساناسى ەتىپ بەلگىلەۋدى اتاپ كورسەتكەن بولاتىن. «13 – بەس جىلدىق» مەزگىلى جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭى بولىپ، «13 – بەس جىلدىق» جوبا جوعارىداعى كۇرەس نىساناسىن، ءسوزسىز، جۇزەگە اسىرۋدى توڭىرەكتەۋ نەگىزىندە جاسالادى. كەزەكتە ءداۋىردىڭ بەيبىتشىلىك پەن دامۋ سىندى ماڭىزدى تاقىرىبى وزگەرگەنى جوق، ەلىمىزدىڭ ەكونوميكالىق دامۋى جاڭا جاعدايعا ەنىپ، ەلىمىزدىڭ دامۋى ءىرى ىستەردى تىندىرۋعا بولاتىن ماڭىزدى ستراتەگيالىق وراي، قايشىلاسقان كۇرەس جانە قيان – كەسكى باسەكەگە ءدۇپ كەلدى. ءبىز ستراتەگيالىق ورايلاردىڭ ىشىندەگى ماندىك وزگەرىستەردى تەرەڭ تانىپ جەتۋگە شەبەر بولۋىمىز، وسى ارقىلى تۇرلىشە حاۋىپ – قاتەرلەر مەن باسەكەلەرگە ءونىمدى توتەپ بەرۋىمىز، رەفورمالاۋ، ەسىكتى ايقارا اشۋدان بەرگى سالىنعان بەرىك نەگىز شارتىندا، سەنىمدى بەكەمدەپ، ەرلىكپەن العا باسىپ، جىگەرىمىزدى جانىپ، كۇشتى ءوزىمىزدىڭ جۇمىستارىمىزدى جاقسى ىستەۋگە شوعىرلاندىرىپ، دامۋدىڭ جاڭا ارنالارىن ۇزدىكسىز اشۋىمىز كەرەك.

  ورتالىق كوميتەت مىنالاردى باسا دارىپتەدى: «13 – بەس جىلدىق» مەزگىلىندەگى ەلىمىزدىڭ ەكونوميكالىق، قوعامدىق دامۋىن ىلگەرىلەتۋدە، جۇڭگوشا سوتسياليزم ۇلى تۋىن، ءسوزسىز، بيىك كوتەرىپ، جاپپاي دوڭگەلەك داۋلەتتى قوعام قۇرۋعا تاباندى بولىپ، رەفورمانى جاپپاي تەرەڭدەتىپ، مەملەكەتتى جاپپاي زاڭمەن باسقارىپ، پارتيانى جاپپاي قاتاڭ باسقارۋعا ستراتەگيالىق ورنالاستىرۋلار جاساپ، دامۋ سىندى ماڭداي الدى مىندەتكە تاباندى بولىپ، ەكونوميكالىق، ساياسي، مادەنيەت، قوعامدىق، ەكولوگيالىق وركەنيەت جانە پارتيا قۇرىلىسىن جاپپاي ىلگەرىلەتىپ، مەجەلى مەرزىمدە جاپپاي دوڭگەلەك داۋلەتتى قوعام قۇرۋعا كەپىلدىك ەتىپ، 2 – ءجۇز جىلدىق كۇرەس نىساناسىنىڭ جۇزەگە اسۋى، جۇڭحۋا ۇلتتارىنىڭ ۇلى گۇلدەنۋىن جۇزەگە اسىرەتىن جۇڭگو ارمانىن ورىنداۋ ءۇشىن بەرىك نەگىز قالاۋىمىز كەرەك.

  «6 – ءتۇيىن»: ۇسىنىستى جوسپارلاۋ مەن باعدارلامانى جوسپارلاۋدىڭ قانداي قاتىناسى بار؟

  ج ك پ ورتالىق كوميتەتى ورتاعا قويعان «13 – بەس جىلدىق» جوبا جونىندەگى ۇسىنىس بويىنشا ەلىمىزدىڭ «13 – بەس جىلدىق» جوبا باعدارلاماسىن ءتۇزىپ شىعۋدى بەلگىلەدى. «13 – بەس جىلدىق» جوبانىڭ باعدارلاماسى ءتۇزىلىپ بولعاننان كەيىن، 12 – كەزەكتى مەملەكەتتىك حالىق قۇرىلتايى ءتورتىنشى جالپى ءماجىلىسىنىڭ تەكسەرىپ بەكىتۋ سالۋىنا ۇسىنىلادى.

  بۇنىڭ الدىندا «ج ك پ ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 13 – بەس جىلدىق جوباسىن بەلگىلەۋ جونىندەگى ۇسىنىسىنا» پارتيانىڭ ءىشى – سىرتىنان ءمالىم كولەم ىشىندە پىكىر الىنعان بولاتىن. جەر – جەردەن، تاراۋلاردان، قاتىستى جاقتار مەن پارتيانىڭ 18 – قۇرىلتايىنان ۇسىنىس جوباسىنا پىكىر جانە ۇسىنىس الىنىپ، ونىڭ بارلىعى ۇسىنىس قۇجاتىنا ەنگىزىلدى جانە بەينەلەندى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.