بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

شي جينپيڭ يراننىڭ اقپارات دانەكەرىندە اۆتورلى ماقالاسىن جاريالادى

جۇڭگو مەن يران قاتىناسىنىڭ كوركەم بولاشاعىن جاراتايىق

2016.01.22 15:49     كەلۋ قاينارى : حالىق تورابى

  حالىق تورابى، 22 – قاڭتار، بەيجيڭ. 21 – قاڭتاردا، ياعني يراندا مەملەكەتتىك ساپاردا بولۋ قارساڭىندا مەملەكەت ءتوراعاسى شي جينپيڭ يراننىڭ «يران گازەتىندە» «جۇڭگو مەن يران قاتىناسىنىڭ كوركەم بولاشاعىن جاراتايىق» دەگەن تاقىرىپتا اۆتورلى ماقالاسىن جاريالادى. ماقالا تومەندەگىدەي:

  جۇڭگو مەن يران قاتىناسىنىڭ كوركەم بولاشاعىن جاراتايىق

  جۇڭحۋا حالىق رەسپۋبليكاسىنىڭ ءتوراعاسى شي جينپيڭ

  مەن پرەزيدەنت رۋحانيدىڭ شاقىرۋىمەن يراندا مەملەكەتتىك ساپاردا بولىپ، جاڭا جاعدايدا جۇڭگو مەن يراننىڭ قاتىناسىن تەرەڭدەتۋ جانە ورتاق كوڭىل ءبولىپ وتىرعان كەلەلى حالىقارالىق، وڭىرلىك ماسەلەلەر جونىنەن ىشكەرىلەي پىكىر الماستىرىپ، جۇڭگو مەن يران قاتىناسىنىڭ جاڭا ساتىعا كوتەرىلۋىن جەبەيمىن.

  بۇل __ مەنىڭ يرانعا ءبىرىنشى رەت ساپارلاي بارۋىم، دەسە دە كوپتەگەن جۇڭگولىق سياقتى سىزدەردىڭ بايىرعى ءارى كورىكتى ەلدەرىڭىزدى جاقسى بىلەمىن، ويتكەنى جىبەك جولى ەرتەدە – اق ۇلى ۇلتتارىمىزدى تىعىز بايلانىستىرعان. تاريحي كىتاپتاردا كوپتەگەن اسەرلى اڭگىمە ەستەلىككە الىنعان.

  سوناۋ 2000 جىلدان استام ۋاقىتتىڭ الدىنداعى جۇڭگونىڭ باتىس حان پاتشالىعى داۋىرىندە جۇڭگونىڭ ەلشىسى جاڭ چياننىڭ كومەكشىسى يرانعا بارىپ، سالتاناتپەن قارسى الىنعان. 7 – عاسىردىڭ سوڭعى مەزگىلىندەگى جۇڭگٶنىڭ تاڭ، سۇڭ پاتشالىقتارى داۋىرىندە يراننىڭ كوپتەگەن ادامى جۇڭگوعا كەلىپ ءبىلىم الىپ، ەمشىلىكپەن، ساۋدامەن شۇعىلدانىپ، شي – ان، گۋاڭجوۋ قاتارلى جەرلەرگە بارعان. 13 – عاسىردا يراننىڭ ءماشھۇر اقىنى سادي جۇڭگو شينجياڭ ءوڭىرىنىڭ قاشقار قالاسىنداعى ۇمىتىلماس ساپارىن ەستەلىككە العان. 15 – عاسىردا جۇڭگونىڭ ميڭ پاتشالىعى داۋىرىندەگى تەڭىزشى جىڭحى 7 رەت الىپ كەمە كەرۋەنىن باستاپ قيىر تەڭىز – مۇحيتقا ساپار شەگىپ، 3 رەتىندە يراننىڭ وڭتۇستىك بولەگىندەگى حورموز وڭىرىنە بارعان.

  جۇڭگونىڭ جىبەگى مەن يراننىڭ ەرەن ونەرى توعىسىپ، پارسىنىڭ اسىل كىلەمدەرى توقىلعان؛ يراننان كەلگەن سۇلەيمەن شايىر توپىراعى مەن جۇڭگونىڭ ەرەن ونەرى توعىسىپ، اسا كوركەم كوك فارفور بۇيىمدار جاسالعان. جۇڭگونىڭ سىر، فارفور ءوندىرۋ جانە قاعاز جاساۋ، مەتال قورىتۋ، باسپا، وق ءدارى سياقتى تەحنيكالارى يران ارقىلى ازيانىڭ باتىس قيىرىنا، ءتىپتى ەۆروپا سياقتى شالعاي وڭىرلەرگە تارالعان، انار، ءجۇزىم، زايتۇن، اينەك، التىن، كۇمىس ىدىس – اياق سياقتىلار يران جانە ەۆروپا سياقتى جەرلەردەن جۇڭگٶعا تارالعان.

  كەرۋەن قوڭىراۋى حابار جالعاپ، بارىس – كەلىس كۇشەيدى. مىڭداعان كيلومەترگە سوزىلعان قۇرلىق جانە تەڭىز جىبەك جولىندا ەكى ۇلكەن وركەنيەت ءبىر – بىرىمەن قاۋىشىپ، ەكى ەل حالقى دوستىق بارىس – كەلىستى جيىلەتتى. بەينە، سادي اقىننىڭ ءوز ولەڭىندە: «شالعايداعى ساپارىم كوڭىلدەن ەش كەتپەيدى» دەپ جازعانىنداي ەدى.

  تاريحتا جۇڭگو مەن يران جىبەك جولىن اشۋ، شىعىس پەن باتىستىڭ وركەنيەتىن توعىستىرۋ جاعىندا ماڭىزدى ۇلەس قوستى دەسەك، ەكى ەل ديپلوماتيالىق قاتىناس ورناتقان 45 جىلدان بەرگى دوستىق قارىم – قاتىناس «بەيبىت سەلبەستىك جاساسۋ، اشىق، سيىمدى بولۋ، ءبىر – بىرىنەن ۇيرەنىپ، ونەگە الۋ، يگىلىكتەن بىرگە كەنەلۋ» سىندى جىبەك جولى رۋحىنىڭ جالعاستىرىلۋى جانە تۇسىندىرمەسى دەسەك ءدال بولعانداي.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.