بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

ج ك پ ورتالىق كوميتەتى «جۇڭگو كوممۋنيستىك پارتياسى جەرگىلىكتى كوميتەتتەرىنىڭ قىزمەت ەرەجەسىن» باسىپ تاراتتى

2016.01.22 16:41     كەلۋ قاينارى : ءتاڭىرتاۋ تورابى

  شينحۋا اگەنتتىگىنىڭ بەيجيڭنەن بەرگەن حابارى. تاياۋدا ج ك پ ورتالىق كوميتەتى «جۇڭگو كوممۋنيستىك پارتياسى جەرگىلىكتى كوميتەتتەرىنىڭ قىزمەت ەرەجەسىن» (تومەندە قىسقارتىلىپ ەرەجە دەلىندى) باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان دەن قويا اتقارۋدى تالاپ ەتتى.

  حابارلاندىرۋدا مىنالار اتاپ كورسەتىلدى: جەرگىلىكتى پارتكوم ءتۇزىمى − پارتيامىزدىڭ بيلىك جۇرگىزىپ، ەل باسقارۋداعى ماڭىزدى ۇيىمدىق ءتۇزىمى. بۇل ءتۇزىمدى كەمەلدەندىرۋ مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ ماڭىزدى جاعى. «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدە، ءسوز جوق، پارتيانىڭ باسشىلىعىنان قاشاندا جازباي جانە ونى كۇشەيتىپ، پارتيانىڭ جالپى جاعدايدى مەڭگەرۋدەگى، تاراپتاردى سايكەستىرۋدەگى باسشىلىق ۇيتقىلىق رولىن اناعۇرلىم جاقسى ساۋلەلەندىرۋ كەرەك. ولكە، قالا، اۋدان سىندى 3 دارەجەلى جەرگىلىكتى پارتكومدار ءوز ءوڭىرىنىڭ باسشىلىق ۇيتقىسى رەتىندە، ورتالىقتىڭ شەشىمدەرى مەن ورنالاستىرۋلارىن دايەكتى تياناقتاندىرۋدا، پارتيانىڭ كۇرەس نىساناسىن ىسكە اسىرۋدى ىلگەرىلەتۋدە شەشۋشى ورىنعا يە، ماڭىزدى جاۋاپكەرلىك ارقالايدى. جەرگىلىكتى پارتكومداردىڭ قىزمەتىن، ءسوزسىز، اناعۇرلىم كۇشەيتۋ، جەرگىلىكتى پارتكومداردىڭ باسشىلىق قابىلەتىن اناعۇرلىم ءوسىرۋ كەرەك.

  1996 - جىلى ساۋىردە ج ك پ ورتالىق كوميتەتى «جۇڭگو كوممۋنيستىك پارتياسى جەرگىلىكتى كوميتەتتەرىنىڭ قىزمەت ەرەجەسىن (سىناق رەتىندە اتقارىلدى)» باسىپ تاراتىپ، جەرگىلىكتى پارتكومداردىڭ باسشىلىعىن كۇشەيتۋدە جانە جاقسارتۋدا ماڭىزدى رول اتقاردى. پارتيا مەن مەملەكەت ىستەرىنىڭ ۇزدىكسىز دامۋىنا ساي، بۇل ەرەجە جاڭا جاعدايدىڭ، جاڭا مىندەتتەردىڭ تالابىنا تولىق سايكەسە المايتىن بولدى، سونىمەن پارتيا ورتالىق كوميتەتى بۇعان وزگەرىس ەنگىزۋدى ۇيعاردى.

  حابارلاندىرۋدا مىنالار باسا دارىپتەلدى: «ەرەجە» پارتيا 18 - قۇرىلتايى مەن پارتيا 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ماسەلەنى نىشان ەتۋدەن جانە رەفورما رۋحىنان جازباي، جەرگىلىكتى پارتكومداردىڭ پارتيانى جاپپاي قاتاڭ جونگە سالۋداي ساياسي جاۋاپكەرشىلىگىن كورنەكتىلەندىرىپ، جەرگىلىكتى پارتكومداردىڭ باسشىلىق ۇيتقىلىق رولىن ساۋلەلەندىرۋدىڭ ءتۇزىم نەگىزىن اقاۋسىزداندىرىپ، جەرگىلىكتى پارتكومداردىڭ ءىس جۇرگىزۋ مەحانيزمىن كەمەلدەندىردى، بۇل جاڭا جاعدايدا جەرگىلىكتى پارتكوم قىزمەتىن جاقسى ىستەۋدىڭ نەگىزگى ولشەمى. «ەرەجەنىڭ» جاسالۋى مەن اتقارىلۋى جەرگىلىكتى پارتكوم قىزمەتىن اناعۇرلىم كۇشەيتۋ جانە جاقسارتۋ، پارتيانىڭ بيلىك جۇرگىزۋ قابىلەتى مەن باسشىلىق ورەسىن جوعارىلاتۋ جونىنەن كەلەلى ماڭىزعا يە.

  حابارلاندىرۋدا مىنالار تالاپ ەتىلدى: جەرگىلىكتى ءار دارەجەلى پارتكوم «ەرەجەدەگى» تالاپتار بويىنشا، ورتالىقتىڭ شەشىم، ورنالاستىرۋلارىن دايەكتى تياناقتاندىرۋ مەن قىزمەتتى جاسامپازدىقپەن ورىستەتۋدى، ەكونوميكالىق، قوعامدىق دامۋعا باسشىلىق ەتۋ مەن پارتيانى جاپپاي قاتاڭ جونگە سالۋ ساياسي جاۋاپكەرشىلىگىن اتقارۋدى، كوللەكتيۆ باسشىلىق پەن جەكەلەردىڭ جۇمىس ءبولىسىن، پارتكومنىڭ مەملەكەت قۇرىلىمدارىنىڭ قىزمەت جاۋاپكەرشىلىگىن زاڭ بويىنشا وتەۋىنە كەپىلدىك ەتۋگە باسشىلىق ەتۋى مەن قولداۋىن ۇشتاستىرۋدان جازباي، ءوز وڭىرىندە جالپى جاعدايدى مەڭگەرۋ، تاراپتاردى سايكەستىرۋ سىندى باسشىلىق ۇيتقىلىق رولىن تولىق ساۋلەلەندىرۋ كەرەك. ورتالىقتاعى قاتىستى تاراۋلار مەن جەرگىلىكتى ءار دارەجەلى پارتكوم «ەرەجەنى» ۇيرەنۋ، دايەكتىلەندىرۋدى مىقتى ۇستاۋ، ورتالىقتىڭ ۇيىمداستىرۋ ءبولىمى ورتالىق پارتيا مەكتەبى سياقتى ورىندارمەن بىرگە، ارناۋلى تالقى كلاستارىن، كۋرستاردى اشۋ سياقتى تاسىلدەردەن پايدالانىپ، «ەرەجەنى» ۇيرەنۋدى مىقتاپ يگەرۋ؛ جەرگىلىكتى ءار دارەجەلى پارتكوم «ەرەجەنى» ۇيرەنۋ، دايەكتىلەندىرۋ قىزمەتى جونىندە ارناۋلى ورنالاستىرۋ جاساپ، ىشكەرىلەي جۇيەلى ۇيرەنۋ ارقىلى پارتيالى كادرلاردىڭ، اسىرەسە، باسشى كادرلاردىڭ «ەرەجەنىڭ» نەگىزگى رۋحى مەن باستى مازمۇندارىن تەرەڭدەي تۇسىنۋىنە، «ەرەجەدەن» پايدالانىپ، پارتكوم قىزمەتىن ويداعىداي ىستەۋ قابىلەتى مەن ورەسىن ۇزدىكسىز جوعارىلاتۋىنا كومەكتەسۋ كەرەك. قۋزاۋ مەن تياناقتاندىرۋدى كۇشەيتىپ، «ەرەجەدەگى» بەلگىلەمەلەر مەن تالاپتاردىڭ ناقتى تياناقتاندىرىلۋىنا كەپىلدىك ەتۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.