- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ وزبەكستان اقپارات دانەكەرىندە «جۇڭگو مەن وزبەكستان دوستىعىنىڭ تىڭ داستانىن جازايىق» دەگەن تاقىرىپتا اۆتورلى ماقالا جاريالادى
2016.06.22 14:52 كەلۋ قاينارى : حالىق تورابى
شينحۋا اگەنتتىگى، 21 – ماۋسىم، بەيجيڭ. مەملەكەت ءتوراعاسى شي جينپيڭ وزبەكستان رەسپۋبليكاسىندا مەملەكەتتىك ساپاردا بولۋ ءارى شاڭحاي ىنتىماقتاستىق ۇيىمىنا مۇشە ەلدەر باسشىلارى كەڭەسىنىڭ 16 - ماجىلىسىنە قاتىناسۋ قارساڭىندا، ياعني 21 - ماۋسىمدا وزبەكىستان «حالىق اۋانى گازەتى» مەن جاحون اگەنتتىگى توراپ بەكەتىندە «جۇڭگو مەن وزبەكستان دوستىعىنىڭ تىڭ داستانىن جازايىق» دەگەن تاقىرىپتا اۆتورلى ماقالا جاريالادى.
ماقالادا بىلاي دەلىنگەن: «جاسىل ءپۇلىس جامىلىپ، شىڭدارىن اق قار قىمتاعان». مىنە، بۇل ــ 600 جىلدان استام ۋاقىتتىڭ الدىندا ميڭ پاتشالىعى داۋىرىندەگى جۇڭگونىڭ ۇلىعى ورتا ازياعا بارعاندا جازعان ولەڭ جولدارى. جۇڭگولىقتار ەجەلدەن بەرى وزبەكستاننىڭ كورىكتى جەرىن قانىق بىلگەن ءارى وعان ىنتىققان. 2013 – جىلى قىركۇيەكتە مەن كورىكتى وزبەكستانعا ءبىرىنشى رەت ساپارلاي كەلدىم، بۇل ارانىڭ وزگەشە تابيعات كورىنىسى، ۇزاق تا باي تاريحي مادەنيەتى، ەڭبەكشىل دە اقىل – پاراساتتى حالقى ماعان تەرەڭ اسەر بەرگەن.
جەر ءجۇزى جاسىل جەلەك جامىلعان تاماشا ماۋسىمدا پرەزيدەنت كاريموۆتىڭ شاقىرۋىمەن وزبەكستانعا تاعى دا ساپارلاي كەلىپ وتىرمىن، بۇل جولى تاعى شاڭحاي ىنتىماقتاستىق ۇيىمىنا مۇشە ەلدەر باسشىلارىنىڭ تاشكەنتتەگى كەڭەسىنە قاتىناسامىن. بۇل رەتكى ساپاردا قوماقتى تابىسقا قول جەتكىزەتىنىمىزگە سەنەمىن.
ەكى ەل حالقى قاجىرلى دا ەڭبەكشىل، ءبىر – بىرىنە ادال دا سەنىمدى، ءوزارا قۇرمەت تۇتادى، ەكى ەل حالقىنىڭ مەملەكەت، حالىقارالىق جاعداي جاعىنداعى تۇسىنىكتەرى دە جۋىقتاۋ. 2000 جىلدان استام ۋاقىتتىڭ الدىندا بايىرعى جىبەك جولى ەكى ەلدى جانە ەكى ەل حالقىن بايلانىستىرىپ، ەكى جاقتىڭ ءبىرىنىڭ كەمىن ءبىرى تولىقتاۋ، ءبىر – بىرىنەن ونەگە الۋ سىندى دوستىق قاتىناسىنىڭ بەتاشارىن اشقان. جۇڭگونىڭ باتىس حان پاتشالىعى داۋىرىندەگى جاڭ چيان، ۇلى تاڭ پاتشالىعى داۋىرىندەگى شۋان زاڭ، ميڭ پاتشالىعى داۋىرىندەگى چىن چىڭ كەزىندە وزبەكستانعا ەلشىلىككە كەلگەن نەمەسە ەلشىلىك ساپارىندا وزبەكستاندى باسىپ وتكەن، ناۋايى، ۇلىقبەك، حورەزمي قاتارلى وزبەكستاننىڭ تاريح، مادەنيەتىندەگى ايگىلى ادامداردىڭ شىعارمالارى مەن يدەياسى جۇڭگودا تارالعان. جۇڭگو مەن باتىستىڭ مادەنيەتى ورتا ازيادا توعىسقان، مۇندا وزبەكستان ماڭىزدى كوپىرلىك رول اتقارعان، عاسىرلاردان بەرى جۇڭگو وزبەكستانمەن تىعىز بايلانىس ورناتىپ، تاماشا دوستىق قاتىناس قالىپتاستىرىپ، بۇگىنگى تاتۋ كورشىلىك قاتىناسقا بەرىك نەگىز قالاعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
