بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

مەملەكەتتىك دامۋ - رەفورما كوميتەتى، ەنەرگيا مەكەمەسى شينجياڭنىڭ ەلەكتر قۋاتى ءتۇزىلىسى رەفورماسىنىڭ كەشەندى سىناعىن تۇيىندەردە ورىستەتۋدى بەكىتتى

2016.09.08 11:14     كەلۋ قاينارى : شينجياڭ گازەتى

  مەملەكەتتىك دامۋ - رەفورما كوميتەتىنىڭ توراپ ايالداماسى 7 - قىركۇيەكتە مەملەكەتتىك دامۋ - رەفورما كوميتەتى مەن مەملەكەتتىك ەنەرگيا مەكەمەسىنىڭ اۆتونوميالى رايونىمىزدىڭ ەلەكتر قۋاتى ءتۇزىلىسى رەفورماسىنىڭ كەشەندى سىناعىن تۇيىندەردە ورىستەتۋىنە قوسىلعاندىعىن جاريالادى.

  مەملەكەتتىك دامۋ - رەفورما كوميتەتى بەكىتۋ جاۋابىندا مىناداي تالاپتاردى العا قويدى: شينجياڭ ەلەكتر قۋاتى ءتۇزىلىسى رەفورماسىندا ەلەكتر قۋاتىنىڭ بازار جۇلگەسى جوباسىن جاساۋ كەرەك؛ ەلەكتر جەتكىزۋ، ەلەكتر ۇلەستىرۋ باعاسىن تەكسەرىپ بەكىتۋ، الەۋمەتتىك يگىلىك سيپاتتى ەلەكتردەن وزگە ەلەكتردىڭ باعاسىن بازار ارقىلى بەلگىلەۋدى نەگىزىنەن جۇزەگە اسىرۋ، ەلەكتر قۋاتىنا بازارعا بەيىمدەي وتىرىپ باعا قويۋ مەحانيزمىن قالىپتاستىرۋ كەرەك؛ سالىستىرمالى دەربەس ساۋدا قۇرىلىمىن ، ساۋدا تەكشەسىن قۇرۋ جانە ىسكە قوسۋ، بازارعا كىرۋگە رۇقسات ەتۋ ولشەمى مەن ساۋدا قاعيداسىن ايقىنداۋ كەرەك؛ ەلەكتر قۋاتىن تىكەلەي ساۋدالاۋ مەحانيزمىن كەمەلدەندىرۋ، ونەركاسىپ - ساۋدا سالاسىندا ەلەكتر قۋاتىن تىكەلەي ساۋدالاۋدى جاپپاي ەركىنە جىبەرۋ كەرەك؛ ەلەكتر ساتۋ كاسىبىن ەركىنە جىبەرۋدى تۇيىندەردە ورىستەتۋ، ەلەكتر شىعارۋ، ەلەكتر ساتۋ تۇلعالارى كوپ نەگىزدەنگەن، تولىق باسەكەگە تۇسەتىن بازار ارناسىن قالىپتاستىرۋ كەرەك؛ ولكە، رايون ارا بازارعا بەيىمدەلگەن ەلەكتر قۋاتىن تىكەلەي ساۋدالاۋدىڭ ۇلەسىن ونان ارى ارتتىرۋ، اينالىمى اسا ءونىمدى، مەملەكەت بويىنشا باسەكەگە قابىلەتتى، وسى زامانعى ەلەكتر قۋاتى بازارىن قالىپتاستىرۋ كەرەك.

  شينجياڭ مەملەكەتتىڭ ماڭىزدى جالپىلىق ەنەرگيا بازاسى، مەملەكەت تۇراقتاندىرعان كولەمدى مۇناي - گاز ءوندىرۋ، وڭدەۋ جانە زاپاس ساقتاۋ بازاسى، كولەمدى كومىر، كومىر ەلەكتر، كومىر حيميا ونەركاسىپ بازاسى، كولەمدى جەل ەلەكتر بازاسى، مەملەكەتتىڭ ەنەرگيا، بايلىق جاعىنداعى ءىرى وتكەلى، بۇكىل ەلدىڭ ەنەرگيانى ستراتەگيالىق جاقتان اشۋىندا توتەنشە ماڭىزدى ستراتەگيالىق ورىنعا يە. «12 - بەسجىلدىق» جوبا كەزىندە شينجياڭنىڭ ەلەكتر قۋاتى ونەركاسىبى قارقىندى دامىدى. 2015 - جىلى بۇكىل شينجياڭداعى توراپقا تۇتاسقان ەلەكتر گەنەراتور اگراگاتتارىنىڭ سيىمدىلىعى 66 ميلليون 80 مىڭ كيلوۆاتقا جەتىپ، سول تۇستاعىدان %28.2 ارتقان. مۇنداعى قۋانارلىق جاعداي، تۋىندامالى ەنەرگيا گەنەراتور اگراگاتتارىنىڭ سيىمدىلىعى جەدەل ارتىپ، جالپى اگراگات سيىمدىلىعىنىڭ %42.3ىن ۇستاعان؛ ەلەكتر تاراتۋ مولشەرى 211 ميلليارد 800 ميلليون كيلوۆات - ساعاتقا جەتىپ، سول تۇستاعىدان %16.4 ارتقان.

  شينجياڭ ەلەكتر تورابى قۇرىلىسىن جاپپاي جەدەلدەتىپ، شىعىستا قۇمىلعا، باتىستا ىلەگە، وڭتۇستىكتە قاشقارعا دەيىن 750 كيلوۆولتتىق نەگىزگى توراپ جۇلگەسىن قالىپتاستىرۋمەن بىرگە، باتىس سولتۇستىكتە 750 كيلوۆولتتىق ەكى جەلىنى توراپقا قوستى. قۇمىل - جىڭجوۋ 800± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىن سالىپ ءبىتىرىپ، شىعىس جوڭعار - شىعىس جۇڭگو (انحۇيدىڭ تۇستىك وڭىرلەرى) 1100± كيلوۆولتتىق ەرەكشە جوعارى كەرنەۋلى تۇراقتى توك جەتكىزۋ ينجەنەرياسىن سالۋ جۇمىسىن باستادى. «شينجياڭنىڭ ەلەكترىن سىرتقا شىعارۋ» بويىنشا شىعارىلعان ەلەكتر مولشەرى قاۋىرت ارتىپ، 2015 - جىلى تۇتاس جىلدا سىرتقا شىعارىلعان ەلەكتر مولشەرى 28 ميلليارد 800 ميلليون كيلوۆات - ساعاتقا جەتىپ، سول تۇستاعىدان %64.3 ارتتى.

  ءبىراق ەلەكتر قۋاتى كاسىبى دامۋ بارىسىندا رەفورما ارقىلى شەشۋگە ءتيىستى كەيبىر ماسەلەلەرگە ءدوپ كەلدى. ايتالىق، ساۋدا مەحانيزمىندە كەمىستىك بەلەڭ بەردى، ەلەكتر ساتۋ جاعىنداعى رەفورما، باسەكە مەحانيزمى ءالى قالىپتاسا قويعان جوق، ەلەكتر كاسىپورىندارى مەن تۇتىنۋشىلار اراسىنداعى بازار ساۋداسى شەكتى؛ باعا قاتىناسى جۇيەگە تۇسە قويعان جوق، قازىرگى اتقارىلىپ وتىرعان ەلەكتر باعاسىن باسقارۋدا ءالى دە باعانى ۇكىمەت بەلگىلەۋ نەگىز ەتىلىپ وتىر، ەلەكتر باعاسىن رەتكە سالۋ ەكىنىڭ بىرىندە وزىندىك قۇن جاعىنداعى وزگەرىستىڭ ارتىندا قالىپ، ەلەكتردەن پايدالانۋدىڭ وزىندىك قۇنى، بازاردىڭ قامداۋ - قاجەتسىنۋ جاعدايى سياقتىلاردى دەر كەزىندە، ۇيلەسىمدى بەينەلەۋ تىم قيىن بولىپ وتىر؛ وزىنە مەنشىكتى ەلەكتر ستانسيالارىنىڭ اگراگات سيىمدىلىعى زور، جۇيەنى رەتكە سالۋ قۋاتى جەتەرسىز؛ تۋىندامالى ەنەرگيانى اشۋ، پايدالانۋ جاعىندا قيىنشىلىق بار، بازاردىڭ قابىلداۋ قۋاتى جەتكىلىكسىز.

  شينجياڭنىڭ ەلەكتر قۋاتى ءتۇزىلىسى رەفورماسىن تەرەڭدەتۋ اۆتونوميالى رايوندىق پارتكوم مەن حالىق ۇكىمەتىنىڭ كەلەلى شەشىمى، ورنالاستىرۋى، ەنەرگيا ءوندىرىسى مەن تۇتىنۋ توڭكەرىسىن بەلسەنە ىلگەرىلەتۋدەگى ماڭىزدى شاراسى، ەكونوميكالىق دامۋدىڭ جاڭا قالىبىنا ۇيلەسۋدىڭ، ەلەكتر قۋاتىن دامىتۋ تاسىلىنە بۇرىلىس جاساۋدىڭ كوكەي تەستى قاجەتى، بازاردىڭ بايلىقتى جايعاستىرۋداعى شەشۋشى رولىن ساۋلەلەندىرۋدىڭ، ەلەكتر قۋاتى بازار جۇيەسىن قالىپتاستىرۋدىڭ تابيعي تالعامى.

  شينجياڭ ەلەكتر قۋاتى ءتۇزىلىسى رەفورماسىن ىلگەرىلەتۋدە مەملەكەتتىڭ ەلەكتر قۋاتى ءتۇزىلىسى رەفورماسىنا باسشىلىق ەتۋ گرۋپپاسى مەحانيزمىنە سايكەس، اۆتونوميالى رايوندىق حالىق ۇكىمەتىنىڭ جۇمىس بولىسىنە ساي، جاۋاپتى باسشىسى گرۋپپا باستىعى، اۆتونوميالى رايونداعى قاتىستى تاراۋلار مۇشە بولعان اۆتونوميالى رايوننىڭ ەلەكتر قۋاتى ءتۇزىلىسى رەفورماسىنا باسشىلىق ەتۋ گرۋپپاسىن قۇرادى.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.