- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىزىل ارميانىڭ ۇزاق جورىق جەڭىسىنىڭ 80 جىلدىعىن ەسكە ءتۇسىرۋ جينالىسىندا سويلەنگەن ءسوز
(2016 - جىلى 21 - قازان)
شي جينپيڭ
2016.10.24 14:01 كەلۋ قاينارى : ءتاڭىرتاۋ تورابى
جولداستار:
بۇگىن ءبىز وسى ارادا سالتاناتتى جينالىس وتكىزىپ، جۇڭگو جۇمىسشى - شارۋا قىزىل ارمياسىنىڭ ۇزاق جورىقتا جەڭىسكە جەتكەندىگىنىڭ 80 جىلدىعىن ەسكە ءتۇسىرىپ وتىرمىز.
قىزىل ارميا ۇزاق جورىق جاساعان سول جىلداردا، جۇڭگو جارتىلاي وتار، جارتىلاي فەودالدىق قوعامنىڭ قاراڭعى تۇنەگىندە تۇردى، قوعامدىق داعدارىستار مەن حاۋىپ - قاتەرلەر تۇس - تۇستان انتالاپ، جاپون قاراقشىلارى تاعىلىقپەن شاپقىنشىلىق جاسادى، گومينداڭ كەرتارتپاشىلارى ۇلت باسىنا تونگەن ناۋبەتپەن ەسەپتەسپەي، توڭكەرىستىك بازالارعا ىركەس - تىركەس كەڭ كولەمدە «قورشاپ جويۋ» شابۋىلىن جاسادى، جۇڭگو كوممۋنيستىك پارتياسى مەن قىزىل ارميا قيىن - قىستاۋ جاعدايعا، جۇڭگو توڭكەرىسى قيىن - قىستاۋ سىن ساعاتقا، جۇڭحۋا ۇلتى قيىن - قىستاۋ كەزەڭگە ءدوپ كەلدى.
ءومىر مەن ءولىم ارپالىسىنىڭ اۋىر سىنى الدىندا، 1934 - جىلى قازان ايىنان 1936 - جىلى قازان ايىنا دەيىن قىزىل ارميانىڭ 1 - باعىتتاعى، 2 - باعىتتاعى، 4 - باعىتتاعى قوسىندارى مەن 25 - كورپۋس ۇلى ۇزاق جورىققا اتتاندى. پارتيامىز قىزىل ارمياعا باسشىلىق ەتىپ، تەڭدەسسىز اقىل - پاراساتپەن جانە ەشنارسەدەن تايسالمايتىن قاھارماندىق جىگەر - قايراتپەن، سان الاپات قيىندىقتاردى جەڭىپ، وراسان زور قۇرباندىق بەرىپ، دۇنيە ءجۇزىن ءدۇر سىلكىندىرگەن، تاريح بەتىنەن وشپەستەي ورىن الاتىن ۇزاق جورىقتى جەڭىسپەن اياقتاپ، گومينداڭ كەرتارتپاشىلارىنىڭ جۇڭگو كوممۋنيستىك پارتياسى مەن قىزىل ارميانى جويۋ ارام نيەتىنىڭ تۇبەگەيلى ساتسىزدىككە ۇشىراعانىن، جۇڭگو كوممۋنيستىك پارتياسى مەن قىزىل ارميانىڭ ۇلت ءۇمىتىن ارقالاپ، سولتۇستىككە جورىق جاساپ، جاپون شاپقىنشىلارىنا قارسى تۇرۋ سىندى ستراتەگيالىق شەرۋدى جەڭىسپەن جۇزەگە اسىرعانىن جاريالاپ، جۇڭگو كوممۋنيستىك پارتياسى مەن جۇڭگونىڭ توڭكەرىس ىستەرىنىڭ تار جول، تايعاق كەشۋدەن جەڭىسكە بەت العان ۇلى بۇرىلىسىن جۇزەگە اسىرىپ، جۇڭگو كوممۋنيستىك پارتياسىنىڭ ۇلتتىڭ تاۋەلسىزدىگى، حالىقتىڭ ازاتتىعى جولىنداعى كۇرەسىنىڭ تىڭ دا ۇلى جورىعىن باستادى.
دۇنيەنى ءدۇر سىلكىندىرگەن بۇل توڭكەرىستىك ايبىندى باستاما جۇڭگو كوممۋنيستىك پارتياسى مەن قىزىل ارميا جازعان اسقاق ەپوس، جۇڭحۋا ۇلتىنىڭ ۇلى گۇلدەنۋى سىندى تاريحي ۇردىستەگى زاڭعار ەسكەرتكىش.
وسى ارادا مەن پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان بۇكىل پارتيا، بۇكىل ارميا، بۇكىل ەلدەگى ءار ۇلت حالقى اتىنان قىزىل ارمياعا باسشىلىق ەتىپ، وسىناۋ تاريحي ۇلى ناتيجەنى جاراتقان ماۋ زىدۇڭ، جوۋ ىنلاي، جۋ دى سياقتى اعا بۋىن توڭكەرىسشىلەرگە، ۇزاق جورىقتا تولارساقتان قان كەشە شايقاس جۇرگىزگەن جانە جەر - جەردە توڭكەرىستىك كۇرەستى تاباندى جۇرگىزگەن قىزىل ارميا كومانديرلارىنا، جاۋىنگەرلەرىنە، سول جىلداردا قىزىل ارميانىڭ ۇزاق جورىعىنا كومەك كورسەتكەن ءار ۇلت حالقىنا، اسىرەسە، ءارقايسى توڭكەرىستىك بازاداعى حالىققا، قىزىل ارميانىڭ بۇل كۇندەرى كوزى ءتىرى بارشا قارت جاۋىنگەرلەرىنە وسكەلەڭ قۇرمەت بىلدىرەمىن!
ەندى بارلىقتارىڭىزدىڭ ورىندارىڭىزدان تۇرىپ، ۇزاق جورىقتا جانە جەر - جەردەگى توڭكەرىستىك كۇرەستەردە ەرلىكپەن قۇربان بولعان توڭكەرىسشىل قۇرباندارعا ءۇنسىز ازا بىلدىرۋلەرىڭىزدى ۇسىنىس ەتەمىن!
جولداستار!
تاريحتىڭ سان الۋان ۇلى وزگەرىستەرىنە بويلاپ، 80 جىلدىڭ الدىنداعى سوناۋ تاۋقىمەت پەن شۇعىلالى كۇندەرگە قايىرىلا قاراساق، ءبىز ۇزاق جورىقتىڭ پارتيامىزدىڭ، مەملەكەتىمىزدىڭ، ارميامىزدىڭ دامۋ تاريحىندا ايرىقشا ۇلى ماڭىز الاتىندىعىن، جۇڭحۋا ۇلتىنىڭ تاريحي ۇردىسىنە ايرىقشا تەرەڭ ىقپال جاساعاندىعىن جەتە اڭعارامىز.
− ۇزاق جورىق مۇرات - سەنىمىنىڭ ۇلى جورىعى. اسقاق مۇرات، بەرىك سەنىم جۇڭگو كوممۋنيستەرىنىڭ ماڭگىلىك ساياسي رۋحى. جۇڭگو كوممۋنيستىك پارتيا قۇرىلعان كۇننەن باستاپ، كوممۋنيزمدى ۇلى مۇرات ەتىپ، جۇڭگو حالقىن باستان - اياق ىنتىماقتاستىرىپ، باستاپ وسى ۇلى مۇراتقا قاراي شەرۋ تارتىپ كەلەدى. پارتيا مەن قىزىل ارميانىڭ نەشە مارتە ساتسىزدىككە ۇشىراعان سايىن جىگەرلەنە ورگە ۇمتىلۋىنىڭ، تالاي - تالاي تاۋقىمەتتەردى تارتقان سايىن قۇرىشتاي شىڭدالىپ شىعۋىنىڭ سەبەبى، تۇپتەپ كەلگەندە، ۇلى مۇرات پەن توڭكەرىستىك سەنىمدەرىنەن بۇلجىماي، قاشاندا وتتاي ىستىق ساۋلە شاشتىرۋىندا جاتىر.
ۇزاق جورىق بارىسىندا، ەر جۇرەك قىزىل ارميا شياڭجياڭدا قان كەشە قيان - كەسكى شايقاس جۇرگىزىپ، چىشۇي وزەنىنەن 4 رەت ءوتىپ، جينشاجياڭ وزەنىنەن ايلامەن ءوتىپ، دادۋحىدان كۇشپەن ءوتىپ، لۋديڭچياۋ كوپىرىن تارتىپ الىپ، دۋشۋ قالاشىعىندا جان قيارلىق سوعىس جۇرگىزىپ، باۋزودا جاۋدى باتىلدىقپەن شاۋجايلاپ، ۋمىڭشان تاۋىن اينالا سوعىس اشىپ، ارتتان وكشەلەي قۋعان، الدىدان تورۋىلداعان ميلليوننان استام قانىشەر جاۋدىڭ بەتىن قايتارىپ، اۋاسى سيرەك ايازدى، قارلى تاۋدى باعىندىرىپ، جان بالاسى اياق باسپايتىن سازدى دالانى باسىپ، 10 نەشە ولكەنى ەندەي ءوتىپ، 25 مىڭ شاقىرىم ۇزاق جول باستى. قىزىل ارميانىڭ نەگىزگى كۇشى ۇزاق جورىققا اتتانعان سوڭ، بازادا قالعان قىزىل ارميا قوسىندارى مەن پارتيزاندار اترەتى توتەنشە ماشاقاتتى جاعدايدا، حالىق بۇقاراسىنا سۇيەنىپ، پارتيزاندىق سوعىستى تاباندىلىقپەن جالعاستىردى. باتىس سولتۇستىك وڭىردەگى قىزىل ارميا شانشي - گانسۋ توڭكەرىستىك بازاسىن قۇرىپ، سولتۇستىك شانشيگە الدىمەن جەتكەن قىزىل 25 - كورپۋسىمەن بىرگە جاۋدىڭ قات - قابات «قورشاۋىن» تالقانداپ، پارتيا ورتالىق كوميتەتىنىڭ جۇڭگو توڭكەرىسىنىڭ نەگىزگى كۇشىن باتىس سولتۇستىككە ورنالاستىرۋى ءۇشىن شارت - جاعداي ازىرلەدى. شىعىس سولتۇستىكتەگى جاپون شاپقىنشىلارىنا قارسى بىرلەسكەن ارميا، گومينداڭ ۇستەمدىك ەتكەن رايوندا تاباندىلىقپەن قىزمەت ىستەگەن پارتيا ۇيىمدارى جانە پارتيا باسشىلىق ەتكەن ءار جاقتاعى كۇشتەر اسا ماشاقاتتى كۇرەس جۇرگىزىپ، ۇزاق جورىقتىڭ جەڭىسكە جەتۋىنە وشپەس ۇلەس قوستى.
ۇزاق جورىقتىڭ جەڭىسى − جۇڭگو كوممۋنيستەرىنىڭ مۇراتىنىڭ جەڭىسى، جۇڭگو كوممۋنيستەرىنىڭ سەنىمىنىڭ جەڭىسى.
«نوسەر قۇيىپ، سۋىق قارىپ دەنەنى،
جابايى ءشوپ بولدى تاعى قورەگى.
قايسارلىقپەن العا تارتىپ ساربازدار،
ساردارلارمەن تىزە قوسىپ كەلەدى،
توڭكەرىستىڭ ۇلى ارمان - مۇراتىن،
اسپاننان دا اسقاق، بيىك كورەدى».
ازابى مول، تاۋقىمەتى كوپ ۇزاق جورىقتا ۇلى مۇرات، بەرىك سەنىم قىزىل ارميانى ۇزدىكسىز العا باسۋعا ىنتالاندىردى جانە جەتەكتەدى. 25 مىڭ شاقىرىمدىق جورىقتا 1 - باعىتتاعى قىزىل ارميادان ءار 300 مەتر سايىن ءبىر جاۋىنگەر قۇربان بولدى. ۇزاق جورىق سىندى وسى قىزىل لەنتا سانسىز قىزىل ارميا جاۋىنگەرلەرىنىڭ ىستىق قانىمەن بويالعان. جاپا - ماشاقات ادامنىڭ تانىنە جاراقات سالعانىمەن، اجال ادام جانىن جالماعانىمەن، ءبىراق جۇڭگو كوممۋنيستەرىنىڭ مۇرات - سەنىمىن ەشقانداي كۇش مىزعىتا العان جوق.
ۇزاق جورىقتىڭ جەڭىسى قىزىل ارميا ساردارلارى مەن ساربازدارىنىڭ جاۋ اتاۋلىنى باسىپ تۇسەتىن، ەشقانداي جاۋعا ەڭسەسىن باستىرمايتىن، قيىنشىلىق اتاۋلىنى جەڭەتىن، ەشقانداي قيىنشىلىقتان مويىمايتىن ەرلىك جىگەرى مەن توڭكەرىستىك رۋحىنا سۇيەندى. ۇزاق جورىق بۇكىل جۇڭگوعا، كۇللى دۇنيە جۇزىنە جۇڭگو كوممۋنيستىك پارتياسى جانە ول باسشىلىق ەتكەن حالىق ارمياسى ماركسيزممەن قارۋلانعانىن، كوممۋنيزمدى اسقاق مۇرات جانە مىزعىماس سەنىم ەتكەنىن جاريالادى. ۇزاق جورىقتاعى جاپا - ماشاقات، تار جول، تايعاق كەشۋ، ءولىم جۇڭگو كوممۋنيستەرىنىڭ مۇرات - سەنىمىن سىننان وتكىزىپ، دۇنيە جۇزىنە جۇڭگو كوممۋنيستەرىنىڭ مۇرات - سەنىمىنىڭ مىزعىماس بەرىكتىگىن دالەلدەپ كورسەتتى.
− ۇزاق جورىق اقيقاتتى سىننان وتكىزۋدىڭ ۇلى جورىعى. اقيقات تەك اماليات بارىسىندا عانا سىننان وتەدى، اقيقات تەك اماليات بارىسىندا عانا ايقىن تۇلعالانادى. ۇزاق جورىق بارىسىندا، قىزىل ارميا جاۋىزدىعى شەكتەن اسقان جاۋلاردىڭ وكشەلەي قۋىپ، تورىۋىلداپ سوققى بەرۋىنە ۇشىرادى، اسا ماشاقاتتى، سۇركەيلى ورتاعا كەزدەستى، پارتيا ىشىندەگى قاتە يدەيامەن كۇرەس جۇرگىزۋگە دە ءدوپ كەلدى. ۇزاق جورىق ارقىلى پارتيا مەن قىزىل ارميا السىرەگەن جوق، قايتا اناعۇرلىم كۇشەيدى، ويتكەنى پارتيامىز جۇڭگو توڭكەرىسىنىڭ دۇرىس جولىن ءارى وسى جولعا باستايتىن دۇرىس نازاريا تاپتى.
ۇزاق جورىق بارىسىندا، پارتيا ورتالىق كوميتەتى اشقان زۇن - ي ءماجىلىسى پارتيامىز تاريحىندا ءولىم مەن ءومىردىڭ شەشۋشى ساتىندەگى بۇرىلىسقا اينالدى. بۇل ءماجىلىس ماۋ زىدۇڭ جولداستىڭ قىزىل ارميا مەن پارتيا ورتالىق كوميتەتىندەگى باسشىلىق ورنىن تۇراقتاندىردى، ماۋ زىدۇڭ جولداس نەگىزگى ۋاكىل بولعان ماركستىك دۇرىس لۋشياننىڭ پارتيا ورتالىق كوميتەتىندەگى باسشىلىق ورنىن تۇراقتاندىرا باستادى، ماۋ زىدۇڭ جولداستى ۇيتقى ەتكەن پارتيانىڭ ءبىرىنشى بۋىن ورتالىق باسشىلىق كوللەكتيۆىن قالىپتاستىرا باستادى، بۇل پارتيامىز بەن توڭكەرىس ىستەرىنىڭ قاتەرلى جاعدايدان قۇتىلىپ ۇزدىكسىز جاڭا جاعداي جاساۋىنىڭ ەڭ ماڭىزدى كەپىلى بولدى.
ۇزاق جورىقتىڭ جەڭىسى پارتيامىزعا تەك ماركسيزمنىڭ، لەنينيزمنىڭ نەگىزگى قاعيدالارىن جۇڭگو توڭكەرىسىنىڭ ناقتى امالياتىمەن ۇشتاستىرىپ، جۇڭگو توڭكەرىسىنىڭ كەلەلى ماسەلەلەرىن دەربەس، ءوز كۇشىنە سۇيەنە وتىرىپ شەشكەندە عانا توڭكەرىس ىستەرىن جەڭىسكە باستاۋعا بولاتىندىعىن ونان ارى ۇعىندىردى. مىنە بۇل قاندى ساباقتار مەن كۇرەستەردىڭ سىنىنان قورىتىندىلانعان اقيقات.
ۇزاق جورىقتىڭ جەڭىسى، اقيقاتقا ۇمتىلۋ، اقيقاتقا تاباندى بولۋ نەگىزىندە، بۇكىل پارتيانىڭ عالامات ىنتىماعىن، قىزىل ارميانىڭ عالامات ىنتىماعىن ىسكە اسىردى. يدەيالىق جاقتاعى، ساياسي جاقتاعى مۇنداي ۇلى ىنتىماق بولماعاندا، جۇڭگو توڭكەرىسىنىڭ جەڭىسكە جەتۋى مۇمكىن ەمەس ەدى. ۇزاق جورىقتىڭ شىڭاپ، شيراتۋى ارقىلى پارتيامىز يدەيالىق جاقتا ۇزدىكسىز كەمەلدەنىپ، جۇڭگو حالقىنىڭ جاپون شاپقىنشىلارىنا قارسى سوعىس جۇرگىزۋدەگى مۇقالماس تىرەگىنە، جۇڭگو توڭكەرىسىنىڭ سوڭعى جەڭىسكە جەتۋىندەگى بەرىك كۇشكە اينالدى.
− ۇزاق جورىق حالىقتى وياتۋدىڭ ۇلى جورىعى. قىزىل ارميانىڭ جەڭىستى سوعىس جۇرگىزۋىنە حالىق مىزعىماس تىرەك بولدى. ۇزاق جورىق − تاريحي رەكوردتاردا ءبىر - اق رەت قانا بولدى. ۇزاق جورىق −− جارناما، ۇزاق جورىق − ۇگىت اترەتى، ۇزاق جورىق − تۇقىم سەبۋ ماشيناسى. ادىلەتتى كۇشتەر مەن سۇرقيا كۇشتەر بەلدەسكەن، شۇعىلا مەن قارا تۇنەك ارىپتالاسقان، ەكى ءتۇرلى بولاشاقتىڭ تالعامى الدىندا پارتيامىز باستان - اياق حالىققا تامىر تارتىپ، بۇقارامەن بايلانىس جاساپ، بۇقاراعا ۇگىت جۇرگىزىپ، بۇقارانى قارۋلاندىرىپ، بۇقارانى ىنتىماقتاستىرىپ، بۇقاراعا سۇيەنىپ، ءوزىنىڭ ونەگەلى ارەكەتتەرى ارقىلى حالىق بۇقاراسىنىڭ شىن جۇرەكتەن جاقتاۋىنا جانە قولداۋىنا يە بولدى. قالىڭ حالىق بۇقاراسى − ۇزاق جورىق جەڭسىنىڭ كۇش - قۋات قاينارى.
ۇزاق جورىق بارىسىندا، پارتيامىز تۇتاس ۇلتتى ىنتىماقتاستىرىپ، جاپون شاپقىنشىلارىنا قارسى سوعىس جۇرگىزۋ ۇلى تۋىن بيىك ۇستاپ، جاپون شاپقىنشىلارىنا قارسى ۇلتتىق بىرلىكساپتىڭ قالىپتاسۋىن ىلگەرىلەتىپ، جالپى ۇلتتى وياتۋ جانە جىگەرلەندىرۋ ۇرانىن تاستاپ، ىنتىماقتاسا وتىرىپ جاپون شاپقىنشىلارىنا قارسى كۇرەس جۇرگىزۋدىڭ، بىرلەسە وتىرىپ سىرتقى جاۋعا توتەپ بەرۋدىڭ قۇدىرەتتى كۇشىن توپتادى. قالىڭ حالىق بۇقاراسى جۇڭگو كوممۋنيستىك پارتياسىنىڭ حالىقتىڭ مۇددەسىن كوزدەيتىن پارتيا ەكەندىگىن، قىزىل ارميانىڭ حالىقتىڭ ارمياسى ەكەندىگىن، جاپون شاپقىنشىلارىنا قارسى تۇرۋدىڭ ناعىز كۇشى ەكەندىگىن، جۇڭگو كوممۋنيستىك پارتياسى كورسەتكەن جولدىڭ حالىق بۇقاراسىنىڭ ەڭسە كوتەرىپ ازاتتىق الۋىنىڭ دۇرىس جولى ەكەندىگىن جەتە اڭعاردى.
ۇزاق جورىقتىڭ جەڭىسى پارتيامىزدىڭ قۋاتتاماسىن ۇگىتتەپ، توڭكەرىستىڭ الاۋىن جامىراتتى، پارتيا مەن قىزىل ارميانىڭ ىقپالىن كەڭەيتتى، پارتيانىڭ حالىق بۇقاراسىمەن ەتەنە بايلانىسىن نىعايتىپ، پارتيانى حالىق اراسىنا مىقتاپ تامىر تارتتىردى.
ۇزاق جورىقتىڭ جەڭىسى جۇڭگو كوممۋنيستىك پارتياسى سيپاتىنىڭ جانە باستى ماقساتىنىڭ كۇش - قۋاتىن تولىق ايگىلەدى، جۇڭگو كوممۋنيستىك پارتياسىنىڭ، ءسوزسىز، حالىق اراسىندا تامىر تارتىپ، شەشەك اتۋى كەرەكتىگىن، حالىققا مىقتاپ سۇيەنە وتىرىپ، قيىنشىلىقتاردى جەڭىپ، جەڭىسكە قول جەتكىزۋى كەرەكتىگىن تولىق ءتۇسىندىردى.
− ۇزاق جورىق جاڭا جاعداي اشۋدىڭ ۇلى جورىعى. ۇزاق جورىقتىڭ جەڭىسى − بەتالىس پەن جولدىڭ جەڭىسى. ۇزاق جورىق بارىسى جاۋدى جەڭىپ، جەڭسىكە قول جەتكىزىپ، ستراتەگيالىق نىسانانى جۇزەگە اسىرۋ بارىسى بولىپ قانا قويماي، ونىڭ ۇستىنە امالياتقا بىرلەستىرىپ، نازاريالىق جاڭالىق جاساۋ، توڭكەرىستىڭ جولىن قاراستىرۋ بارىسى بولدى. ۇزاق جورىققا اتتانۋدىڭ الدىندا پارتيا ىشىندە «سولشىلدىق» دوگماتيزمنىڭ قاتە باسشىلىعى سالدارىنان، ورتالىقتىڭ توڭكەرىستىك بازاسى 5 - رەتكى «قورشاپ جويۋعا» قارسى كۇرەستە جەڭىلىسكە تاپ بولدى، باسقا توڭكەرىستىك بازالاردا ساتسىزدىككە ۇشىرادى، سونىمەن جۇڭگو توڭكەرىسى بەتالىس پەن جول تالعامىنا ءدوپ كەلدى. قيىن - قىستاۋ جاعدايعا، تار جول، تايعاق كەشۋگە تاپ بولعاندا، پارتيامىز ەشنارسەدەن تايسالمايتىن ۇلى اماليات رۋحىن، قان مايداندا سونى جول تاباتىن ۇلى جاسامپازدىق رۋحىن بەينەلەپ، قان كەشكەن قاھارلى سوعىس بارىسىندا جاڭا ومىرگە باستايتىن، جەڭىسكە جەتەلەيتىن توڭكەرىس جولىمەن ءجۇردى.
ۇزاق جورىق بارىسىندا پارتيامىز ماشاقاتتى دا قاباعات قيىن امالي ىزدەنىستەر ارقىلى ءومىر ءسۇرۋ داعدارىسىن شەشۋدى ۇلتتى جويىلۋدان قۇتقارۋمەن بىرلەستىرىپ، ۇزاق جورىقتىڭ ۇلى بەتالىسىن جاپون شاپقىنشىلارىنا قارسى الدىڭعى شەپ قۇرۋمەن ءساتتى ۇشتاستىرىپ، ىشكى توڭكەرىستىك سوعىستى جاپون شاپقىنشىلارىنا قارسى ۇلتتىق سوعىسقا قاراي ويىستىرۋدى جۇزەگە اسىرىپ، جۇڭگو حالقىنىڭ جاپون شاپقىنشىلارىنا قارسى سوعىسىنىڭ جەڭىسىنە قول جەتكىزىپ، سول ارقىلى جاڭا دەموكراتيالىق توڭكەرىستىڭ جەڭىسىنە قول جەتكىزۋگە مىعىم نەگىز قالادى.
ۇزاق جورىقتىڭ جەڭىسى توڭكەرىستىك كۇشتەردى ساقتاپ قالۋمەن بىرگە، پارتيامىزدىڭ جۇڭگونىڭ توڭكەرىستىك كۇشتەرىنىڭ ءومىر سۇرۋىنە، دامۋىنا قاجەتتى جاڭا تياناق تابۋىنا، جۇڭگونىڭ توڭكەرىس ىستەرىنىڭ جەڭىسپەن العا باسۋىنا قاجەتتى جاڭا تۇرعى تابۋىنا مۇمكىندىك جاسادى. ۇزاق جورىقتىڭ كومبەسىنە جەتكەن پارتيامىز جۇڭگو حالقىنا باسشىلىق ەتىپ، جۇڭگو توڭكەرىسىنىڭ اسا ايبىندى جاڭا ءورىسىن اشتى.
ۇزاق جورىقتىڭ جەڭىسى پارتيامىزدىڭ شانشي، گانسۋ، نيڭشيا توڭكەرىستىك بازالارىن وزەك ەتە وتىرىپ، زور توپتاعى توڭكەرىستىك بازالاردى ىركەس - تىركەس قۇرىپ جانە دامىتىپ، توڭكەرىستىڭ الاۋىن وتانىمىزدىڭ بايتاق دالاسىندا جالىنداتىپ، توڭكەرىستىڭ شىت جاڭا ورلەۋىن كوتەرۋىن پارمەندى دەمەدى.
جولداستار!
«جەتۋ ءۇشىن جەڭىستەرگە، تابىسقا،
قيىندىققا مويىما، استە، قايىسپا».
ۇزاق جورىق ۋاقىتىنىڭ ۇزاقتىعى، كولەمىنىڭ كەڭدىگى، جورىق جولىنىڭ الىستىعى، ورتانىڭ اسا قاتەرلىلىگى، شايقاستىڭ قيان - كەسكىلىگى جۇڭگو تاريحىندا مۇلدە بولماعان، دۇنيە ءجۇزىنىڭ سوعىس تاريحىندا، ءتىپتى، ادامزاتتىڭ وركەنيەت تاريحىندا دا وتە سيرەك كەزدەسەدى.
ۇزاق جورىق بارىسىندا، قىزىل ارميانىڭ ساردارلارى مەن ساربازدارى جاۋلارمەن 600 رەتتەن استام سوعىس جۇرگىزىپ، شايقاس جاساپ، 100گە تارتا وزەن، داريادان ەندەي ءوتىپ، 40 نەشە اسقار تاۋدان، الىپ شىڭنان، ونىڭ ىشىندە تەڭىز دەڭگەيىنەن بيىكتىگى 4000 مەتردەن اساتىن 20 نەشە قارلى تاۋدان اسىپ، «اجال اپانى» دەپ اتالعان بەتباق سازدى دالالاردان كەسىپ ءوتىپ، ادامزات ءومىرىنىڭ اقتىق شەگىن قايىسپاس قايسارلىقتارىمەن باعىندىردى. قىزىل ارميانىڭ ساردارلارى مەن ساربازدارى دۇنيە ءجۇزىنىڭ اسكەري ىستەر تاريحىندا ايبىندى دا اسقاق، جاندى سوعىس كارتيناسىن كورسەتىپ، تاۋدى تالقان، ويدى كەزەڭ ەتەتىن كەرەمەتتەر جاراتتى.
80 جىلدان بەرى دۇنيە ءجۇزى اياسىندا قىزىل ارميانىڭ ۇزاق جورىعىنا قاتىستى حابارلار تولاسسىز بەرىلدى جانە زەرتتەۋلەر ۇزدىكسىز جالعاستى، ۇزاق جورىقتىڭ داڭقىنا ءتانتى بولىپ، ونىڭ سورابىن ىزدەي كەلگەن ادامداردىڭ اياعى ۇزىلمەدى. حالىقارالىق قوعامدا قىزىل ارميانىڭ ۇزاق جورىعى 20 - عاسىردا دۇنيە ءجۇزىنىڭ بولاشاعىنا قاباعات ىقپال كورسەتكەن ماڭىزدى وقيعالاردىڭ ءبىرى، ادامزاتتىڭ جالىندى جىگەر مەن جانە اسقان باتىلدىقپەن جازعان، ارمانعا جانە جان قيارلىق رۋحقا تولى ەپوسى دەپ قارايتىنداردىڭ قاتارى بارعان سايىن مولايدى. ۇزاق جورىقتان ارىنداپ شىققان جانىڭا قۋات بەرەتىن قۇدىرەتتى كۇش ۋاقىت پەن كەڭىستىكتەن شالقىپ شىعىپ، ۇلت اياسىنان اسىپ، ادامزاتتىڭ اقيقات پەن نۇرلى بولاشاققا تالپىنۋ جولىندا قاجىماي - تالماي قۇلشىنىس جاساۋىنىڭ ۇلى ەپوسىنا اينالدى.
جولداستار!
ۇزاق جورىقتان ادامزات تاريحىنداعى وسى ءبىر ۇلى ەرلىكتەن بىزگە قالعان ەڭ باعالى رۋحاني بايلىق − جۇڭگو كوممۋنيستەرى مەن قىزىل ارميانىڭ قىرشىن جانىمەن، ىستىق قانىمەن سۋارىلعان ۇلى ۇزاق جورىق رۋحى.
ۇلى ۇزاق جورىق رۋحى − بۇكىل مەملەكەت حالقى مەن جۇڭحۋا ۇلتىنىڭ ءتۇبىرلى مۇددەسىن بارىنەن ۇستەم ساناپ، توڭكەرىستىك مۇرات پەن سەنىمدى بەكەمدەپ، ادىلەتتى ءىستىڭ، ءسوزسىز، جەڭەتىنىنە نىق سەنىم بايلاۋ رۋحى؛ مەملەكەتتى، ۇلتتى قۇتقارۋ ءۇشىن، ەشقانداي قيىنشىلىقتان تايسالماي، بارلىق جاعىنان قۇرباندىق بەرۋگە دايىن تۇرۋ رۋحى؛ تاۋەلسىز، دەربەس بولۋعا، شىندىقتى ءىس جۇزىنەن ىزدەۋگە تاباندى بولىپ، بارلىق ىستە امالياتتى تياناق ەتۋ رۋحى؛ جالپى جاعدايعا ءمان بەرىپ، ءتارتىپتى قاتاڭ ساقتاپ، جۇدىرىقتاي جۇمىلۋ رۋحى؛ حالىق جۇرتشىلىعىنا بەرىك ارقا سۇيەپ، حالىق جۇرتشىلىعىمەن ءومىر مەن ءولىم ارپالىسىن بىرگە وتكەرىپ، اۋىرتپالىق پەن ازاپتى تەڭ كوتەرىسىپ، قاجىرلىلىقپەن كۇرەس جۇرگىزۋ رۋحى.
ۇلى ۇزاق جورىق رۋحى − جۇڭگو كوممۋنيستەرى مەن ولار باسشىلىق ەتكەن حالىق ارمياسىنىڭ توڭكەرىستىك ونەگەسىنىڭ جاندى بەينەسى، جۇڭحۋا ۇلتىنىڭ قاجىماي - تالماي قۇلشىنىس جاسايتىن ۇلتتىق مىنەزدەمەسىنىڭ شوعىرلى ايگىسى، وتانشىلدىقتى ۇيتقى ەتكەن ۇلتتىق رۋحتىڭ شىرقاۋ كورىنىسى.
ادام رۋحسىز جاساي المايدى، مەملەكەت رۋحسىز قۇدىرەتتەنە المايدى. رۋح دەگەنىمىز ۇلتتىڭ ءومىر سۇرۋىنە دەم بەرەتىن كيە، تەك بەلگىلى رۋحي دەڭگەيگە كوتەرىلگەندە عانا، وسى ۇلت تاريحتىڭ اساۋ تولقىنىندا ەڭسەسىن تۇسىرمەي، ەرلىكپەن العا باسا الادى. ۇلى ۇزاق جورىق رۋحى جۇڭگو كوممۋنيستەرىنىڭ توڭكەرىستىك گەنى مەن رۋحاني شەجىرەسىنىڭ ماڭىزدى قۇرامداس بولىگى رەتىندە، الدەقاشان جۇڭحۋا ۇلتىنىڭ قانىنا ءسىڭىپ، جانىنا ۇيالاپ، سوتسياليستىك وزەكتى قۇن كوزقاراسىنىڭ قۇنارلى قورىنا، جۇڭگو حالقىن تاس قامالداردى تالقانداپ، جەڭىستەن - جەڭىسكە جەتە بەرۋگە شابىتتاندىراتىن جانە ىنتالاندىراتىن قۇدىرەتتى رۋحاني كۇشكە اينالىپ ۇلگەردى.
جولداستار!
تاريحتى حالىق جاسايدى، قاھارمان حالىق قاھارماندىق تاريح جاراتادى. بۇگىنگى جۇڭگونىڭ العا باسۋى مەن دامۋى ۇزاق جورىقتان باستاۋ الادى.
جاڭا جۇڭگو قۇرىلۋدىڭ قارساڭىندا - اق، ماۋ زىدۇڭ جولداس «بۇكىل مەملەكەت بويىنشا جەڭىستى تارتىپ الۋ، بۇل 10 مىڭ شاقىرىمدىق ۇزاق جورىقتىڭ ءبىرىنشى قادامىن عانا باسقاندىق» دەپ ەسكەرتكەن بولاتىن. جاڭا جۇڭگو قۇرىلعاننان كەيىن، قاجىرلى ىزدەنىس جانە بۇرالاڭ اماليات ارقىلى ءبىز رەفورما جاساپ، ەسىك اشقان جاڭا ءداۋىردى باستاپ، جۇڭگوشا سوتسياليزمنىڭ جاڭا ۇزاق جورىعىنا قادام باستىق.
رەفورما جاساپ، ەسىك اشقان 30 نەشە جىلدان بەرى، جۇڭگو كوممۋنيستىك پارتياسىنىڭ باسشىلىعىندا، بۇكىل ەلدەگى ءار ۇلت حالقى ءبىر نيەتپەن ىنتىماقتاسىپ، قاجىرلىلىقپەن كۇرەس جۇرگىزدى، ەلىمىزدىڭ رەفورما جاساۋ، ەسىك اشۋ جانە سوتسياليستىك وسىزامانداندىرۋ ىستەرى جەدەل دامىپ، حالىقتىڭ تۇرمىسى تۇبەگەيلى جاقساردى، ەلىمىزدە سوتسياليستىك ءتۇزىم ايرىقشا بەكەمدەلدى جانە دامىدى، ءبىز جۇڭحۋا ۇلتىنىڭ ۇلى گۇلدەنۋدى ىسكە اسىرۋىنىڭ جارقىن بولاشاعىنا قۇشاق جايدىق.
جۇڭگوشا سوتسياليزمگە تاباندى بولۋ جانە ونى دامىتۋ − ۇزاق مەرزىمدىك جاپالى تاريحي مىندەت. دىڭ شياۋپيڭ جولداس بىلاي دەگەن بولاتىن: «ءبىزدىڭ سوتسياليزممەن شۇعىلدانعانىمىزعا ونداعان جىلدار عانا بولدى، ءالى العاشقى ساتىدا تۇرمىز. سوتسياليستىك ءتۇزىمدى بەكەمدەۋ مەن دامىتۋ ءالى دە ۇزاق تاريحي كەزەڭدى، ءبىزدىڭ بىرنەشە بۋىن، 10 نەشە بۋىن، ءتىپتى، نەشە ونداعان بۋىن ادامدارىمىزدىڭ تالىقپاي قۇلشىنۋى مەن كۇرەس جۇرگىزۋىن قاجەت ەتەدى، نەمقۇرايدى قاراۋعا استە بولمايدى».
تاريح ۇزدىكسىز العا باسىپ وتىرادى، ارماننىڭ اسقارىنا جەتۋ ءۇشىن، ءوزىمىز ۇيعارعان جولمەن ۇزبەي العا باسۋعا ءتيىسپىز. ءار بۋىننىڭ ءوز ۇزاق جورىعى بولادى، ءار بۋىن ءوزىنىڭ ۇزاق جورىعىن جاقسى باسۋى كەرەك. بۇگىنگى تاڭدا، ءبىزدىڭ بۋىننىڭ ۇزاق جورىعى «قوس 001 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ بولماق.
بۇگىنگى ۇزاق جورىقتى قىزىل ارميانىڭ كەزىندەگى ۇزاق جورىعىمەن، رەفورما جاساپ، ەسىك اشقاننان بەرى ءبىز باسىپ وتكەن جاڭا ۇزاق جورىقتىڭ جولىمەن سالىستىرعاندا، ورتا، شارت - جاعداي، مىندەت، كۇش - قۋات سياقتى جاقتاردا ءبىراز ايىرماشىلىقتار، ءتىپتى، ەلەۋلى وزگەشەلىكتەر بولعانمەن، بارلىعى دا جاسامپازدىققا، جاپالىلىققا، كۇردەلىلىككە يە ىستەر سانالادى.
ۇلى مۇراتقا جەتۋدىڭ سايراپ جاتقان داڭعىل جولى جوق. جۇڭگوشا سوتسياليزم ىستەرىنە تاباندى بولۋ مەن ونى دامىتۋدا تىڭ ىلگەرىلەۋشىلىكتەرگە، پارتيا قۇرىلىسىنىڭ جاڭا، ۇلى ينجەنەرياسىن ىلگەرىلەتۋدىڭ تىڭ جەتىستىكتەرىنە، كوپتەگەن جاڭا تاريحي ەرەكشەلىكتەرگە يە ۇلى كۇرەستىڭ جاڭا جەڭىستەرىنە قول جەتكىزۋ ءۇشىن، ءالى تالاي «قارلى تاۋ» مەن «سازدى دالادان» وتۋىمىزگە، ءالى تالاي «لۋشان اسۋى» مەن «لازى شاتقالىن» باعىندىرۋىمىزعا تۋرا كەلەدى، جان راقاتىن كۇيتتەپ، تاعى دا جاپالى كۇرەس جۇرگىزۋگە قۇلىقسىزدىق تانىتاتىن ءارقانداي وي مۇلدە كەرەك ەمەس، اسقاقتاپ، توقمەيىلسىپ، ۇزدىكسىز ءورىس اشا العا باسۋعا قۇلىقسىزدىق تانىتاتىن ءارقانداي وي مۇلدە كەرەك ەمەس.
ۇزاق جورىق ماڭگىلىك اياقتامايدى. وتكەنىن ۇمىتقان ۇلت − بولاشاعى جوق ۇلت. مەيلى ءبىزدىڭ ىستەرىمىز قانشالىق ىلگەرى باسىپ، قانشالىق مول تابىستارعا قول جەتكىزسەك تە، ۇلى ۇزاق جورىق رۋحىن بار كۇشپەن ساۋلەلەندىرىپ، جاڭا ۇزاق جورىقتىڭ جولىن بويلاپ، ەرلىكپەن ۇزدىكسىز العا باسۋعا ءتيىسپىز.
− ۇلى ۇزاق جورىق رۋحىن ساۋلەلەندىرىپ، بۇگىنگى ۇزاق جورىقتى ويداعىداي باسۋ ءۇشىن، ءسوز جوق، ۇلى كوممۋنيستىك مۇرات پەن جۇڭگوشا سوتسياليزم ورتاق مۇراتىنا تاباندى بولىپ، وسكەلەڭ مۇرات - سەنىم ءۇشىن جان قيارلىقپەن كۇرەس جۇرگىزۋ قاجەت. ۇزاق جورىقتىڭ جەڭىسى بىزگە مىناداي وي سالادى: جۇرەكتە سەنىم بولعاندا، ءار قادامدى نىق باسۋعا بولادى؛ بەرىك مۇرات - سەنىم بولماسا، وسكەلەڭ مۇرات - سەنىمنىڭ پارمەندى تىرەگى بولماسا، ۇزاق جورىقتىڭ جەڭىسىنە جەتۋ قۇر دالباسا بولماق. دىڭ شياۋپيڭ جولداس بىلاي دەگەن بولاتىن: «بۇرىن ءبىزدىڭ پارتيامىز مەيلى قانشا ءالسىز بولسا دا، مەيلى قانداي قيىنشىلىققا جولىقسا دا، قاشاندا قۇدىرەتتى جاۋىنگەرلىك كۇشكە يە بولىپ كەلدى، ويتكەنى بىزدە ماركسيزم مەن كوممۋنيزمگە دەگەن سەنىم بولدى. ورتاق مۇرات بولعان ەكەن، تەمىردەي ءتارتىپ تە بولادى. مەيلى وتكەندە، قازىر جانە بولاشاقتا بولسىن، بۇلاردىڭ بارلىعى ءبىزدىڭ ناعىز ارتىقشىلىعىمىز بولماق».
جاڭا ۇزاق جورىق جولىندا، ءبىز، ءسوز جوق، مۇرات - سەنىمدى بەكەمدەۋدەن جازباي، مەيلى زامان قالاي قۇبىلسا دا، مەيلى شارت - جاعداي قالاي وزگەرسە دە، بۇلجىماس تاباندىلىق تانىتىپ، سانالى تۇردە ۇلى كوممۋنيستىك مۇرات پەن جۇڭگوشا سوتسياليزم ورتاق مۇراتىنىڭ تاباندى سەنۋشىلەرى، ادال اتقارۋشىلارى بولىپ، ءارقاشاندا اقيقات پەن مۇرات جولىندا كۇرەس جۇرگىزۋىمىز كەرەك.
«تاس شاعىلعانىمەن قاتتىلىعى وزگەرمەيدى، جوسا ۇگىلگەنىمەن رەڭى وزگەرمەيدى» دەيتىن يدەيالىق سەنىمنىڭ بەرىكتىگى، يدەيالىق نازاريانىڭ بەرىكتىگىنەن باستاۋ الادى. اقيقاتتى تانۋ، اقيقاتتى يگەرۋ، اقيقاتقا سەنۋ، اقيقاتتى قورعاۋ − بەرىك يدەيالىق سەنىمنىڭ رۋحاني العى شارتى. كوممۋنيستەردىڭ يدەيالىق سەنىمى ماركسيزمنىڭ عىلمي اقيقاتى نەگىزدە ورناعان، ماركسيزم ايگىلەگەن ادامزات قوعامىنىڭ دامۋ زاڭدىلىعى نەگىزىندە ورناعان، قالىڭ حالىقتىڭ مۇددەسىن كوزدەۋدەي وسكەلەڭ قۇن نەگىزىندە ورناعان. ءبىز تاباندىمىز، ويتكەنى ءبىز اقيقاتقا تالپىنامىز. ءبىز تاباندىمىز، ويتكەنى ءبىز زاڭدىلىققا بويسۇنامىز. ءبىز تاباندىمىز، ويتكەنى ءبىز قالىڭ حالىقتىڭ ءتۇبىرلى مۇددەسىنە ۋاكىلدىك ەتەمىز.
يدەيالىق سەنىمدى بەكەمدەۋ ءۇشىن، ماركسيزمدى، ماۋ زىدۇڭ يدەياسىن، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن ىشكەرىلەي ۇيرەنۋىمىز، پارتيا ورتالىق كوميتەتىنىڭ پارتيا 18 - قۇرىلتايىنان بەرگى ەل باسقارۋ تىڭ يدەياسىن، تىڭ ويىن، تىڭ ستراتەگياسىن ىشكەرىلەي ۇيرەنىپ، اقيقاتپەن وي - سانامىزدى قارۋلاندىرىپ، اقيقاتتى مۇراتىمىزعا جەتەكشىلىك ەتتىرىپ، اقيقات ارقىلى سەنىمىمىزدى بەكەمدەۋىمىز كەرەك. ۇيرەنگەنگە سەنۋگە، ۇيرەنگەنگە وي جۇگىرتۋگە، ۇيرەنگەندى قولدانۋعا تاباندى بولىپ، ۇيرەنۋ جەتىستىكتەرىن بۇلجىمايتىن يدەيالىق سەنىمگە، دۇرىس دۇنيە كوزقاراسىنا، ءومىر كوزقاراسىنا، قۇن كوزقاراسىنا اينالدىرىپ، كۇرەس جولىن مۇرات شۇعىلاسىمەن نۇرلاندىرىپ، سەنىم كۇشىمەن كوركەم بولاشاق اشۋىمىز كەرەك.
− ۇلى ۇزاق جورىق رۋحىن ساۋلەلەندىرىپ، بۇگىنگى ۇزاق جورىقتى ويداعىداي باسۋ ءۇشىن، جۇڭگوشا سوتسياليزم جولى سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن، ءسوز جوق، بەكەمدەۋ، جۇڭگوشا سوتسياليزم ىسىندە تىڭ جەڭىسكە قول جەتكىزۋ ءۇشىن تالىقپاي كۇرەسۋ كەرەك. ۇزاق جورىق جەڭىسى بىزگە مىناداي وي سالدى: عىلمي نازاريانى يگەرگەندە عانا، دۇرىس العا باسۋ بەتالىسىن يگەرۋگە؛ امالياتتى تياناق ەتىپ، دەربەس ءوز الدىنا ۇدەرە العا تارتۋ جولىن اشقاندا عانا، جەڭىستەن - جەڭىسكە جەتۋگە بولادى؛ ۇزاق جورىق تەك سان مىڭداعان اسقار تاۋ، اساۋ وزەندەردەن ءوتۋ بارىسى عانا ەمەس، ول ءارى ماركسيزمدى بۇلتارتپايتىن ءتالىم ەتىپ، قاتە يدەيالىق كەدەرگىلەردى الاستاۋ بارىسى سانالادى. ۇزاق جورىقتىڭ بىزگە قالدىرعان ءتۇبىرلى تاجىريبەسى مەن سالعان ويى − ماركسيزمنىڭ نەگىزگى قاعيداسىن جۇڭگونىڭ ناقتى امالياتىمەن ۇشتاستىرۋدان جازباۋ، جۇڭگونىڭ مەملەكەت جاعدايىنا ۇيلەسەتىن توڭكەرىس، قۇرىلىس، رەفورما جولىمەن اۋىتقىماي ءجۇرۋ.
تىڭ ۇزاق جورىقتا، ءبىز جۇڭگوشا سوتسياليزم جولىنىڭ سوتسياليستىك وسىزامانداندىرۋدى جۇزەگە اسىرۋدا، ءسوز جوق، باساتىن جول ەكەندىگىنە، جۇڭگو حالقىن باستاپ باقىتتى تۇرمىسقا قول جەتكىزۋدە، ءسوز جوق، باساتىن جولى ەكەندىگىنە كامىل سەنۋىمىز ءتيىس. جۇڭگوشا سوتسياليزم نازاريالىق جۇيەسى − پارتيا مەن حالىقتىڭ جۇڭگوشا سوتسياليزم جولىمەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋىنا جەتەكشىلىك ەتەتىن دۇرىس نازاريا، ءداۋىردىڭ الدىڭعى لەگىندەگى، داۋىرمەن بىرگە ىلگەرىلەيتىن عىلمي نازاريا. جۇڭگوشا سوتسياليستىك ءتۇزىم − زامانىمىزداعى جۇڭگونىڭ دامۋىنىڭ، العا باسۋىنىڭ ءتۇبىرلى تۇزىمدىك كەپىلى، جۇڭگوشا ەرەكشەلىگى ايقىن، ءتۇزىم ابزالدىلىعى كورنەكتى، ءوزىن - ءوزى كەمەلدەندىرۋ مىعىم قۋاتىنا يە وزىق ءتۇزىم. جۇڭگوشا سوتسياليزم مادەنيەتىنە جۇڭحۋا ۇلتىنىڭ ەڭ تەرەڭ رۋحاني تالپىنىسى سىڭگەن، جۇڭحۋا ۇلتىنىڭ وزگەشە رۋحاني بەلگىسىنە ۋاكىلدىك ەتەدى، جۇڭگو حالقىنىڭ جەڭىسپەن العا باسۋىنىڭ قۇدىرەتتى رۋحاني كۇشى. مۇنىڭ دۇرىستىعى نازاريالىق جاقتان عانا سىپاتتالىپ قالماستان، اماليات جاعىنان دا سىپاتتالىپ وتىر.
جۇڭگوشا سوتسياليزم نەشە ۇرپاق كوممۋنيستەردىڭ مۇراتى مەن ىزدەنىسىن ارقالاعان، سان - ساناقسىز ارداگەرلەردىڭ ارمانى مەن تىلەگى جۇكتەلگەن، ميلليارد حالىقتىڭ كۇرەسى مەن بوداۋى سىڭگەن، تاياۋ زاماننان بەرگى جۇڭگونىڭ قوعامدىق دامۋىنىڭ تابيعي تالعامى. ءبىزدىڭ جول سەنىمىن، نازاريالىق سەنىمدى، ءتۇزىم سەنىمىن، مادەنيەت سەنىمىن بەكەمدەۋدى باسا دارىپتەۋىمىز توماعا - تۇيىقتالىپ الۋ، العا باسپاۋ دەگەندىگىمىز ەمەس، قايتا، ءسوز جوق، جاڭالىقتار اشىپ، تاپقىرلىقتار جاساپ، العا باسىپ، جۇڭگوشا سوتسياليزمدى ماڭگى جالىندى ومىرشەڭدىك كۇشكە يە ەتۋىمىز كەرەك. سونىمەن قاتار، قازىرگى كەمەلدەندىرۋلەر مەن جاقسارتۋلاردىڭ بارلىعى بەلگىلەنگەن بەتالىس بويىنشا تىنباي العا باسۋ ەكەندىگىن، بەتالىستى وزگەرتۋ ەمەستىگىن، پارتيانىڭ، مەملەكەتتىڭ، حالىقتىڭ الاڭسىز تىرشىلىك قۇرۋ نەگىزىن قايىرىپ تاستاۋدان ءتىپتى دە اۋلاق ەكەندىگىن ەستە ماڭگى ساقتاۋىمىز كەرەك.
− ۇلى ۇزاق جورىق رۋحىن ساۋلەلەندىرىپ، بۇگىنگى ۇزاق جورىقتى ويداعىداي باسۋ ءۇشىن، حالىقتى كوڭىلىمىزدىڭ تورىنە قويىپ، بارلىعىن حالىق ءۇشىن ىستەۋدەن، بارلىعىندا حالىققا سۇيەنۋدەن جازباي، حالىقتى اناعۇرلىم باقىتتى تۇرمىسقا كەنەلدىرۋ جولىندا تالىقپاي كۇرەسۋىمىز كەرەك. ۇزاق جورىق جەڭىسى بىزگە مىناداي وي سالدى: حالىق بۇقاراسىنىڭ اقىل - پاراساتى مەن كۇش - قۋاتى شەكسىز، حالىققا باستان - اياق سەنگەندە، حالىققا تىعىز سۇيەنگەندە، قالىڭ حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق ساۋلەلەندىرگەندە عانا، جۇدىرىقتاي جۇمىلعان مىزعىماس كۇش قالىپتاستىرۋعا بولادى. قىزىل ارميانىڭ ۇزاق جورىق تاريحى، ارميا مەن حالىقتىڭ ەتەنە سۇيىسپەنشىلىگىن ايگىلەگەن تاريح. حۋنان ولكەسى روچىڭ اۋدانى شاجوۋ قىستاعىندا، قىزىل ارمياداعى 3 ايەل جاۋىنگەر شۇي جيەشيۋ اقساقالدىڭ ءۇيىن پانالايدى، اتتانعان كەزدەرىندە، الىپ جۇرگەن جالعىز كورپەنىڭ جارتىسىن اقساقالعا بەرىپ كەتەدى. اقساقال: كومپارتيا دەگەن نە؟ كومپارتيا دەگەنىمىز وزىندە بار جالعىز كورپەنىڭ جارتىسىن بۇقاراعا بەرەتىن ادام، - دەيدى. حالىقپەن جاپا - ماشاقاتتى بىرگە كورۋ، ەتەنە بايلانىس ورناتۋ، ءومىر مەن ولىمدە بىرگە بولۋ − جۇڭگو كوممۋنيستىك پارتياسى مەن قىزىل ارميانىڭ ۇزاق جورىقتا جەڭىسكە جەتۋىنىڭ ءتۇبىرلى كەپىلى ءارى ءبىزدىڭ ءارقانداي قيىنشىلىقتار مەن حاۋىپ - قاتەرلەردى جەڭۋىمىزدىڭ ءتۇبىرلى كەپىلى. جۇڭگو كوممۋنيستىك پارتياسىنىڭ وسىنشاما دامىپ كەمەلدەنۋى، جۇڭگوشا سوتسياليزمنىڭ ءدال وسىنداي تىنباي ىلگەرىلەۋى حالىققا سۇيەنگەندىگىنىڭ ارقاسى. جۇڭگو كوممۋنيستىك پارتياسىنىڭ حالىقتىڭ قولداۋىنا يە بولۋى، جۇڭگوشا سوتسياليزمنىڭ حالىقتىڭ قولداۋىنا يە بولۋى دا حالىق ءۇشىن باقىت جاراتقاندىعىنىڭ ارقاسى.
جاڭا ۇزاق جورىقتا پارتياداعى بۇكىل جولداستار كىم ءۇشىن قىزمەت ەتەمىز، كىمدى سۇيەنىش ەتەمىز دەگەن ماسەلە ءبىر ساياسي پارتيانىڭ، ءبىر ساياسي بيلىكتىڭ سيپاتىن بەلگىلەيتىن سىنتاس ەكەندىگىن، ءسوز جوق، ەستەرىندە بەرىك ساقتاۋلارى كەرەك. ءبىز حالىقتىق مايداندى باستان - اياق ءتۇبىرلى ساياسي مايدان ەتۋىمىز، حالىقتىڭ مۇددەسىن بارىنەن جوعارى ورىنعا قويۋىمىز، حالىققا يگىلىك جاراتاتىن ءىستى توقتاۋسىز العا ىلگەرىلەتۋىمىز كەرەك. ءبىز بۇكىل حالىقتى ىنتىماقتاستىرا باستاپ، ءوزىمىزدىڭ قاجىرلى ەڭبەگىمىز بەن تالىقپاي قۇلشىنىس جاساۋىمىزعا سۇيەنىپ، حالىق تۇرمىسىن ۇزدىكسىز قامتاماسىز ەتۋىمىز جانە جاقسارتۋىمىز، بۇكىل حالىقتىڭ رەفورما جاساپ دامۋدا قول جەتكىزگەن تابىستاردان اناعۇرلىم مول، اناعۇرلىم ءادىل يگىلىكتەنۋىنە مۇمكىندىك جاراتۋىمىز، بۇكىل حالىقتى ورتاق اۋقاتتاندىرۋ نىساناسىنا قاراي نىق قاداممەن العا تارتۋىمىز كەرەك.
«سۋ كەمەنى قالقىتا دا، باتىرا دا الادى» دەگەن قاعيدانى، ءسوز جوق، ەستە بەرىك ساقتاۋىمىز، مۇنى ءارقانداي كەزدە ەستەن شىعارماۋىمىز كەرەك. بۇقارا − قورمال، بۇقارا − تياناق. حالىقتى ەستەن شىعارساق حالىقتان قول ءۇزىپ، باستاۋى جوق سۋ، تامىرسىز اعاش سەكىلدى بولىپ ەشتەڭە تىندىرا الماي قالامىز. ءبىز پارتيانىڭ بۇقارالىق لۋشيانىندا تاباندى بولۋىمىز، پارتيانىڭ حالىقپەن تامىرلاس، تاعدىرلاس، ەتەنە قاتىناسىن باستان - اياق ساقتاۋىمىز، حالىق جۇرتشىلىعىنىڭ سىنى مەن باقىلاۋىن ءارقاشان قابىلداۋىمىز، ۇنەمى حالىقتىڭ قامىن جەپ، حالىقتى اۋقاتتاندىرۋدىڭ جولىن قاراستىرۋىمىز، حالىقتىڭ پارتيامىزعا ماڭگى سەنىم ارتۋىنا جانە پارتيامىزدى قولداپ - قۋاتتاۋىنا قول جەتكىزۋىمىز، ىستەرىمىزدى العا ىلگەرىلەتۋدى ءارقاشان سارقىلماس كۇش - قۋاتپەن قامداۋعا مۇمكىندىك جاراتۋىمىز كەرەك.
ىنتىماق − بارلىق قيىنشىلىقتى جەڭەتىن قۇدىرەتتى كۇش، ول جۇرت تىلەگىن توعىستىرۋدىڭ، ۇلى ءىستى ىسكە اسىرۋدىڭ ماڭىزدى كەپىلى. جۇڭحۋا ۇلتىنىڭ ۇلى گۇلدەنۋى جولىنداعى كۇرەس بارىسىندا، ءبىز، ءسوز جوق، بۇكىل ەلدەگى ءار ۇلت حالقىنىڭ ۇلى ىنتىماعىن بەكەمدەۋىمىز، پارتيا - توپتاردىڭ، حالىقتىق ۇيىمداردىڭ، ءار ۇلتتىڭ، ءار جىكتىڭ جانە ءار جاقتىڭ ىنتىماعىن كۇشەيتىپ، مەملەكەتتىڭ تۇتاستىعىن، قوعامنىڭ جاراسىمدى، ورنىقتىلىعىن باتىل قورعاۋىمىز، مەملەكەتتىڭ تۇتاستىعى مەن ىنتىماعىن بۇلدىرەتىن ءارقانداي بولشەكتەۋشىلىك ارەكەتكە باتىل قارسى تۇرۋىمىز كەرەك. ءبىز بۇكىل حالىقتىڭ اقىل - پاراساتى مەن كۇش - قۋاتىن جۇمىلدىرىپ، بۇكىل قوعامنىڭ جاسامپازدىق قۋاتى مەن دامۋداعى قوزعاۋشى كۇشىن جالىنداتىپ، بارلىق جۇڭحۋا ۇلاندارىنىڭ ءبىر نيەت، ءبىر ماقساتپەن ىنتىماقتاسا كۇرەس جاساۋىنان تۋىنداعان ايبىندى كۇشتىڭ جۇڭحۋا ۇلتىنىڭ ۇلى گۇلدەنۋىن ىسكە اسىراتىن قۇدىرەتتى قوزعاۋشى كۇشكە اينالۋىنا مۇمكىندىك جاراتۋىمىز كەرەك.
− ۇلى ۇزاق جورىق رۋحىن ساۋلەلەندىرىپ، بۇگىنگى ۇزاق جورىقتى جاقسى باسۋ ءۇشىن، ءسوز جوق، باعىتتى مىقتى مەڭگەرۋىمىز، جالپى جاعدايمەن ەسەپتەسىپ، ءبىر تۇتاس جوسپارلاۋىمىز، باستى مىندەت، باستى ورنالاستىرۋ، باس نىسانانى ىسكە اسىرۋ ءۇشىن العان بەتىمىزدەن قايتپاي كۇرەس جاساۋىمىز كەرەك. ۇزاق جورىقتىڭ جەڭىسكە جەتۋى بىزگە ءبىر پارتيانىڭ جەڭىمپاز پارتيا بولۋ ءۇشىن، ءسوز جوق، ءداۋىر اۋقىمىنا باعىپ، جاڭا تاريحي ەرەكشەلىكتى مىقتى يگەرىپ، جالپى جاعدايدى عىلمي جوسپارلاپ، ستراتەگيالىق ىرىقتىلىقتى مىقتاپ يگەرىپ، ستراتەگيالىق نىسانانى تاباندىلىقپەن ىسكە اسىرۋى كەرەك ەكەندىگىن ۇعىندىردى. ۇزاق جورىقتا اسقار تاۋ شوقىلارىنان استىق، اساۋ وزەندەردى كەشتىك، سازدى دالالاردان وتتىك، الايدا ءاربىر كەزەڭنەن وتكەندە، ءاربىر قورشاۋدى بۇزعاندا، ءار مايدان شايقاستى جۇرگىزگەندە تەگىس ستراتەگيالىق جالپى جاعدايدى شىعار ءتۇيىن ەتكەندىكتەن، شايقاستا جەڭىسكە جەتۋمەن بىرگە، ستراتەگيالىق ىرىقتىلىققا دا قول جەتكىزدىك. مۇنىڭ ءوزى ءبىر ءتۇرلى رۋح، ءبىر ءتۇرلى اقىل - پاراسات سانالادى.
جاڭا ۇزاق جورىق بارىسىندا، ءبىز دۇنيە ءجۇزىنىڭ جاعدايىن، مەملەكەتتىڭ جاعدايىن، پارتيانىڭ جاعدايىن تابان تىرەر تياناق ەتىپ، ستراتەگيالىق ءتۇيىندى مىقتى يگەرىپ، ەل ءىشى، حالىقارالىق ەكى ۇلكەن جاعدايدى ءبىر تۇتاس جوسپارلاپ، پارتيا مەن مەملەكەت ىستەرىنىڭ دامۋى جالپى جاعدايىن ءبىر تۇتاس جوسپارلاپ، ءار ءتۇرلى ىستەردىڭ دامۋىن سايكەستى ىلگەرىلەتىپ، شەشۋشى سيپات الاتىن قامال الىپ، ستراتەگيالىق ىرىقتىلىققا قول جەتكىزۋىمىز، جۇيەلىك حاۋىپ - قاتەردىڭ الدىن الۋىمىز، اۋدارۋ سيپاتىنداعى داعدارىس تۋىلۋىنان ساقتانۋىمىز، دامۋدىڭ جالپى جاعدايىن ويداعىداي قورعاۋىمىز كەرەك.
جۇڭگوشا سوتسياليزمدە تاباندى بولۋ جانە ونى دامىتۋداعى باستى مىندەت − سوتسياليزمدى وسىزامانداندىرۋ مەن جۇڭحۋا ۇلتىنىڭ ۇلى گۇلدەنۋىن ىسكە اسىرۋ. ءبىز، ءسوز جوق، «بەستى ءبىر تۇلعالاندىرۋ» جالپى ورنالاستىرۋىن ءبىر تۇتاس ىلگەرىلەتۋىمىز، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋىمىز، «قوس 100 جىلدىق» كۇرەس نىساناسىن ىسكە اسىرۋ ءۇشىن بار ىقىلاسىمىزدى سالىپ قۇلشىنا قىزمەت ىستەۋىمىز، باستى مىندەتتى ورىنداۋدىڭ تاريحي بارىسىن توقتاۋسىز العا ىلگەرىلەتۋىمىز كەرەك. دامۋ جۇڭگوشا سوتسياليزمگە تاباندى بولۋدا جانە ونى دامىتۋدا شەشۋشى مانگە يە، سوندىقتان ءبىز ەكونوميكالىق قۇرىلىستى وزەك ەتۋگە تاباندى بولۋىمىز، جاڭا دامۋ يدەياسى ارقىلى ەكونوميكالىق دامۋدىڭ جاڭا قالىبىنا جەتەكشىلىك ەتۋدە تاباندى بولۋىمىز، دامۋداعى قيىن تاقىرىپتاردان قامال الىپ، دامۋداعى ابزالدىلىقتاردى شۇرايلاندىرۋىمىز، جۇڭگوشا سوتسياليزمدە تاباندى بولۋ جانە ونى دامىتۋ ءۇشىن تىنباي قۇدىرەتتى زاتتىق نەگىز قالاۋىمىز كەرەك. رەفورما قازىرگى جۇڭگونىڭ تاعدىرىن بەلگىلەيتىن شەشۋشى شارا، سوندىقتان ءبىز، ءسوز جوق، رەفورما تۋىن بيىك ۇستاپ، يدەيا مەن كوزقاراستاعى توسالعىلاردى باتىل الاستاپ، مۇددەدەگى قاساڭدىقتى باتىل تالقانداپ، ءوندىرىس قۋاتىنىڭ دامۋى مەن قوعامنىڭ العا باسۋىنا ورالعى بولعان ءتۇزىلىس مەحانيزم توسالعىلارىن باتىل الاستاۋىمىز، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى توقتاۋسىز ىلگەرىلەتۋىمىز كەرەك. جاڭالىق اشۋ دامۋعا جول اشاتىن ءبىرىنشى قوزعاۋشى كۇش، سوندىقتان ءبىز، ءسوز جوق، يدەيانى ازات ەتۋىمىز، شىندىقتى ءىس جۇزىنەن ىزدەۋىمىز، داۋىرمەن بىرگە ىلگەرىلەۋىمىز، نازاريادا جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى جانە باسقا دا جاقتاردا جاڭالىق اشۋدى تاباندىلىقپەن ىلگەرىلەتۋىمىز، پارتيا مەن مەملەكەت ىستەرىنىڭ باستان - اياق جاسامپازدىق قۋاتقا باي بولۋىنا، جاڭالىق اشۋدا تىنباي جاڭا جاعداي جاراتۋىنا مۇمكىندىك جاساۋىمىز كەرەك.
− ۇلى ۇزاق جورىق رۋحىن ساۋلەلەندىرىپ، بۇگىنگى ۇزاق جورىقتى جاقسى باسۋ ءۇشىن، ءسوز جوق، ەلىمىزدىڭ حالىقاراداعى بەدەلىنە ساي كەلەتىن، مەملەكەتتىڭ حاۋىپسىزدىگى مەن دامۋداعى مۇددەسىنە سايكەسەتىن بەرىك مەملەكەت قورعانىسى مەن قۇدىرەتتى اسكەري قوسىن قۇرۋىمىز، مەملەكەتتىڭ حاۋىپسىزدىگى مەن دۇنيە ءجۇزىنىڭ بەيبىتشىلىگىن قورعاۋ ءۇشىن، العان بەتىمىزدەن قايتپاي كۇرەس جاساۋىمىز كەرەك. ۇزاق جورىقتىڭ جەڭىسكە جەتۋى بىزگە حالىق ارمياسى توڭكەرىستىڭ ارقاۋى، ۇلتتىڭ ءۇمىتى، پارتيانىڭ ارمياعا ابسوليۋتتى باسشىلىعى حالىق ارمياسىنىڭ جەڭىسكە جەتۋىنىڭ ءتۇبىرلى كەپىلى ەكەندىگىن ۇعىندىردى. ۇزاق جورىق حالىق ارمياسىن شىڭدادى، ۇزاق جورىق حالىق ارمياسىن شىنىقتىردى، ۇزاق جورىق حالىق ارمياسىن جەڭىسكە جەتكىزدى، ۇزاق جورىق حالىق ارمياسىنىڭ دامۋىنا جاڭا جول اشىپ بەردى. ۇزاق جورىق حالىق ارمياسىنىڭ داڭقى، داڭقتى حالىق ارمياسى، ءسوز جوق، قىزىل ارميانىڭ ۇزاق جورىقتاعى ۇلى رۋحى مەن تاماشا ستيلىنە مۇراگەرلىك ەتۋى كەرەك.
جاڭا ۇلى جورىق بارىسىندا، ءبىز پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن جەتەكشى ەتۋدە تاباندى بولىپ، جاڭا جاعدايداعى اسكەري ىستەردىڭ ستراتەگيالىق باعىتىن ىشكەرىلەي دايەكتىلەندىرىپ، دۇنيە جۇزىندەگى ماڭدايعا باسار ارميانى قۇلشىنا قۇرۋىمىز كەرەك.
مەملەكەتتى قۇدىرەتتەندىرۋ ءۇشىن، ءسوز جوق، ارميانى قۇدىرەتتەندىرۋ كەرەك، ارميا قۇدىرەتتى بولعاندا عانا مەملەكەت تىنىش بولادى. ارميانىڭ ساياسي قۇرىلىسىن بۇلجىتپاي مىقتاپ يگەرۋ، پارتيانىڭ ارمياعا ابسوليۋتتى باسشىلىعىنا تاباندى بولۋ، حالىق ارمياسىنىڭ سيپاتىن، ماقساتىن، قاسيەتىن ماڭگى ساقتاۋ، ماڭگى قىزىل ارميانىڭ مۇراگەرى بولۋ، رۋحتى، قابىلەتتى، جالىندى، ءمورالدى جاڭا ۇرپاق توڭكەرىستىك اسكەريلەردى كۇش سالا باۋلىپ جەتىلدىرۋ، مىزعىماس سەنىمى، بەرىك ۇستانىمى، قاتاڭ ءتارتىبى بار، جاۋاپكەرشىلىكتى باتىل ارقالايتىن شىڭدالعان اسكەري قوسىندى قۇرىپ شىعۋعا قۇلشىنۋ كەرەك. ارميانى رەفورمالاۋ، كۇشەيتۋ ءىسىن بۇلجىتپاي مىقتى يگەرۋ، مەملەكەت قورعانىسى جانە ارميا رەفورماسىن تاباندىلىقپەن تەرەڭدەتۋ، مەملەكەت قورعانىسى مەن ارميا قۇرىلىسىنا تۇساۋ بولاتىن تۇزىلىستىك كەدەرگىلەردى، قۇرىلىمدىق قايشىلىقتاردى، ساياساتتىق ماسەلەلەردى كۇش سالا ءبىر جايلى ەتىپ، ارميانىڭ ۇيىمدىق فورماسىن وسىزامانداندىرۋدى ىشكەرىلەي العا ىلگەرىلەتىپ، جۇڭگوشا ەرەكشەلىككە يە وسى زامانعى اسكەري كۇشتەر جۇيەسىن جەدەل قۇرۋ كەرەك. ارميانى زاڭ بويىنشا باسقارۋدى بۇلجىتپاي مىقتى يگەرۋ، اسكەري ىستەردى زاڭ بويىنشا باسقارۋدىڭ جۇڭگوشا ەرەكشەلىككە يە جۇيەسىن كۇش سالا قۇرۋ، ارميانى باسقارۋ فورماسىنداعى ءتۇبىرلى جاڭارۋدى جۇزەگە اسىرۋدى جەبەۋ، مەملەكەت قورعانىسى مەن ارميا قۇرىلىسىن زاڭمەن باسقارۋ ورەسىن جوعارىلاتۋ كەرەك. شايقاسقا قاي - قاشان دا ساقاداي ساي تۇرۋدى مىقتاپ يگەرىپ، جاۋىنگەرلىك قۋات سىندى بىردەن - ءبىر ءتۇبىرلى ولشەمگە تاباندى بولۋ، اسكەري ىستەر كۇرەسىنىڭ دايىندىعىن ارنالاندىرۋ جانە تەرەڭدەتۋ، ناقتى سوعىسقا بەيىمدەلگەن اسكەري جاتتىعۋدى كۇشەيتۋ، ينفورماتسيالانعان سوعىستا جەڭىسكە جەتۋ قابىلەتىن جەدەل جوعارىلاتۋ كەرەك. ارميا مەن حالىقتىڭ توعىسپالى دامۋ ستراتەگياسىن ىشكەرىلەي دايەكتىلەندىرۋ، مەملەكەت قورعانىسى مەن ارميا قۇرىلىسىن مەملەكەتتىڭ ەكونوميكالىق، قوعامدىق دامۋ جۇيەسىمەن توعىستىرۋ، ارميا مەن حالىقتىڭ جالپى فاكتورلىق، كوپ سالالىق، جوعارى ءونىمدى توعىسپالى، تەرەڭ دامۋ جاعدايىن قالىپتاستىرۋ كەرەك. مەملەكەت قورعانىسىنا جۇمىلدىرۋ جانە زاپاس كۇشتەر قۇرىلىسىن كۇشەيتۋ، ارميا مەن ۇكىمەتتىڭ، ارميا مەن حالىقتىڭ بەرەكە - بىرلىگىن بەكەمدەۋ جانە دامىتۋ كەرەك. حالىقارالىق اسكەري ىستەر حاۋىپسىزدىگى سەلبەستىگىن كۇشەيتۋ، جۇڭگونىڭ حالىقارالىق ورنىمەن ساي كەلەتىن جاۋاپكەرشىلىك پەن بورىشتى بەلسەنە ادا ەتۋ، دۇنيە جۇزىندەگى ءار ەلمەن بىرگە قۇلشىنىپ، دۇنيە ءجۇزىنىڭ حاۋىپسىزدىگىنە بولعان سىن - سايىستارعا تىزە قوسا توتەپ بەرۋ، دۇنيە ءجۇزىنىڭ بەيبىتشىلىگىن قورعاۋعا اناعۇرلىم زور ۇلەس قوسۋ كەرەك. بۇكىل ارميا تاۋقىمەت تانىمىن، حاۋىپ - قاتەر تانىمىن، بورىش تانىمىن كۇشەيتۋ، مەملەكەت قورعانىسى مەن ارميانى وسىزامانداندىرۋدى ۋاقىتپەن جارىساتىن رۋحپەن العا ىلگەرىلەتۋ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعايتىن كەلەلى جاۋاپكەرشىلىكتى ارقالاۋ كەرەك.
− ۇلى ۇزاق جورىق رۋحىن ساۋلەلەندىرۋ، بۇگىنگى ۇزاق جورىقتى ويداعىداي باسۋ ءۇشىن، پارتيانىڭ باسشىلىعىن، ءسوز جوق، كۇشەيتۋ، پارتيانى جاپپاي، قاتاڭ باسقارۋعا تاباندى بولۋ، پارتيا قۇرىلىسىنىڭ تىڭ دا ۇلى ينجەنەرياسىن العا ىلگەرىلەتۋ جولىندا كۇرەس جاساۋعا بەل بايلاۋ كەرەك. ۇزاق جورىقتىڭ جەڭىسى بىزگە مىناداي وي سالدى: پارتيانىڭ باسشىلىعى پارتيا مەن حالىق ىستەرىندە تابىسقا جەتۋدىڭ ءتۇبىرلى كەپىلى. ماۋ زىدۇڭ جولداس: ۇزاق جورىقتى جەڭىسكە جەتكىزگەن كىم؟ كوممۋنيستىك پارتيا. كوممۋنيستىك پارتيا بولماعان بولسا، مۇنداي ۇزاق جورىقتى ويعا الۋ مۇمكىن بولماس ەدى. جۇڭگو كوممۋنيستىك پارتياسى، ونىڭ باسشى ورگانى، ونىڭ كادرلارى، ونىڭ مۇشەلەرى ەشقانداي جاپا - ماشاقاتتان قورىقپايدى، - دەپ اتاپ كورسەتكەن ەدى. جۇڭگو كوممۋنيستىك پارتياسىنىڭ باسشىلىعى جۇڭگو توڭكەرىسىندە، قۇرىلىسىندا، رەفورماسىندا تىنباي جەڭىسكە جەتۋدىڭ ەڭ ءتۇبىرلى كەپىلى، جۇڭگوشا سوتسياليزمنىڭ ەڭ ماندىك ەرەكشەلىگى، سونداي - اق جۇڭگوشا سوتسياليزمنىڭ ەڭ ۇلكەن باسىمدىلىعى، وعان، ءسوز جوق، بۇلجىتپاي تاباندى بولۋ جانە ونى كەمەلدەندىرۋ كەرەك.
جاڭا ۇزاق جورىقتا بۇكىل پارتياداعى جولداستار پارتيانىڭ باسشىلىعىنا سانالىلىقپەن تاباندى بولۋى جانە ونى قورعاۋى، پارتيامەن جانە حالىقپەن سانالى تۇردە ءبىر مايداندا تۇرۋى، پارتياعا ادال بولۋى، پارتيانىڭ قامىن جەۋى، پارتيا ءۇشىن جاۋاپكەرشىلىك ارقالاۋى، پارتيا ءۇشىن جاۋاپكەرشىلىگىن تولىق ادا ەتۋى، پارتيا جۇكتەگەن بورىش پەن مىندەتتى بار كۇشپەن ويداعىداي ورىنداۋى، بۇكىل پارتيانىڭ تىزە قوسا قۇلشىنۋىندا پارتيامىزدىڭ ماڭگى حالىقپەن بىرگە بولۋىنا، ماڭگى ءداۋىردىڭ الدىڭعى لەگىندە جۇرۋىنە مۇمكىندىك جاساۋى كەرەك.
«ءوزىن شامالاعان ەر − ءوزىن جەڭگەن باتىر». ۇلتتىڭ گۇلدەنۋ ارمانىنا جاقىنداعان سايىن رەفورما جاساۋ، ەسىك اشۋ مىندەتى سونشالىق اۋىرلاي تۇسەتىندىكتەن، پارتيانىڭ قۇرىلىسىن سولعۇرلىم كۇشەيتۋ كەرەك. بەيبىت كۇندە بەيعام بولماۋ − تىرشىلىكتىڭ، دامۋدىڭ جولى. پارتيامىز ءدوپ كەلگەن «ءتورت ۇلكەن سىناق»، «ءتورت ءتۇرلى قاتەر» ۇزاق ۋاقىت، كۇردەلى، قاتاڭ بولادى. پارتيا ورتالىق كوميتەتىنىڭ شوعىرلى، ءبىر تۇتاس باسشىلىعىنا تاباندى بولۋ، ءار دارەجەلى پارتيا ۇيىمى مەن قالىڭ پارتيا مۇشەلەرى، كادرلار اراسىندا ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن كۇشەيتۋ، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋعا شىنايى كەپىلدىك ەتۋ كەرەك. پارتيانى جاپپاي، قاتاڭ باسقارۋدى ۇزدىكسىز العا ىلگەرىلەتۋ، پارتيانىڭ بيلىك جۇرگىزۋ قابىلەتى قۇرىلىسى مەن العاباسارلىق قۇرىلىسىن كۇشەيتۋ سىندى نەگىزگى جەلىنى بۇلجىتپاي مىقتى يگەرىپ، جاڭا جاعدايداعى پارتيا ىشىندەگى ساياسي تۇرمىستى كۇشەيتۋ جانە ارناعا ءتۇسىرۋ، پارتيا ستيلى، پاكتىك قۇرىلىسىن جانە جەمقورلىققا قارسى تۇرۋ كۇرەسىن بۇلجىتپاي العا ىلگەرىلەتۋ، پارتيانىڭ ءوزىن كىرشىكسىزدەندىرۋ، ءوزىن كەمەلدەندىرۋ، ءوزىن جاڭارتۋ، ءوز دەڭگەيىن جوعارىلاتۋ قابىلەتىن تىنباي كۇشەيتۋ، پارتيانىڭ باسشىلىق ورەسى مەن بيلىك جۇرگىزۋ ورەسىن جوعارىلاتۋ، جەمقورلىقتان باس تارتۋ، ازعىنداۋدان ساقتانۋ جانە حاۋىپ - قاتەرگە توتەپ بەرۋ قابىلەتىن كۇشەيتۋ، پارتيانىڭ باستان - اياق جۇڭگوشا سوتسياليزم ىستەرىنىڭ قۇدىرەتتى باسشىلىق ۇيتقىسىنا اينالۋىنا شىنايى كەپىلدىك ەتۋ كەرەك.
ۇلى ۇزاق جورىق رۋحىن اسقاقتاتىپ، بۇگىنگى ۇزاق جورىقتى ويداعىداي باسۋ جاڭا داۋىردە ءبىز ءدوپ كەلگەن كەلەلى تاقىرىپ ەسەپتەلەدى. ۇلى ۇزاق جورىق رۋحى پارتيا مەن حالىق وراسان زور بوداۋ بەرىپ، ۇلى كۇرەس جۇرگىزۋ بارىسىندا قول جەتكىزگەن قىمباتتى رۋحاني بايلىق، ءبىز ۇلى ۇزاق جورىق رۋحىن ۇرپاقتان - ۇرپاققا دەيىن ەسىمىزدە بەرىك ساقتاپ، ۇلى ۇزاق جورىق رۋحىن ۇيرەنىپ، ۇلى ۇزاق جورىق رۋحىن ساۋلەلەندىرىپ، ونى پارتيامىزدىڭ، مەملەكەتىمىزدىڭ، حالقىمىزدىڭ، ارميامىزدىڭ، ۇلتىمىزدىڭ بولاشاققا تىنباي ۇدەرە تارتۋىنىڭ قۇدىرەتتى رۋحاني قوزعاۋشى كۇشىنە اينالدىرۋىمىز كەرەك.
جولداستار!
ۇزاق جورىقتىڭ جەڭىسىنە قول جەتكىزگەن 80 جىلدان بەرى، پارتيامىز بۇكىل ەلدەگى ءار ۇلت حالقىن ىنتىماقتاستىرا باستاپ، توڭكەرىس، قۇرىلىس، رەفورما ۇلى ىستەرىن تىنباي العا ىلگەرىلەتىپ، ايبىندى دا دابىرالى ۇلى ۇزاق جورىقتاردى ءالسىن - ءالى جۇرگىزىپ، تورتكىل دۇنيەنى جالت قاراتقان نە ءبىر ۇلى جەڭىستەرگە قول جەتكىزدى.
قازىر ءبىز جۇڭحۋا ۇلتىنىڭ ۇلى گۇلدەنۋى نىساناسىنا تاريحتاعى ءارقانداي كەزدەگىدەن دە جاقىنداي تۇستىك، وسى نىسانانى جۇزەگە اسىرۋ سەنىمىمىز تاريحتاعى ءارقانداي كەزدەگىدەن دە بەكەم، جۇزەگە اسىرۋ قابىلەتىمىز تاريحتاعى ءارقانداي كەزدەگىدەن دە مىعىم. ءبىز بۇرىنعىلاردىڭ ىستەرىنە مۇراگەرلىك ەتىپ، بۇگىنگى كۇرەستى جالعاستىرۋدامىز، ونان دا ماڭىزدىسى، الداعى جولدى اشۋىمىز كەرەك.
جوبا - جوسپار جاسالىپ بولدى، ءدال قازىر ۇدەرە العا تارتىپ بارامىز. ءبىز العا ۇمتىلۋ بارىسىندا ۇلى ۇزاق جورىق رۋحىن زور كۇشپەن ساۋلەلەندىرىپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن، وتە - موتە، جاس بۋىنداردى كوركەيۋ جولىندا قۇلشىنۋعا، قايراتتانا ۇمتىلۋعا جىگەرلەندىرىپ جانە ىنتالاندىرىپ، توڭكەرىستىك اعا بۋىنداردىڭ ۇلى ىستەرىن ۇزدىكسىز العا ىلگەرىلەتىپ، «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋىنە ساياتىن جۇڭگو ارمانىن جۇزەگە اسىرۋ سىندى تىڭ ۇزاق جورىقتى جۇزەگە اسىرۋ جولىندا ۇزدىكسىز تىڭ داستان جازىپ، تىڭ شۇعىلالى تابىس جاراتايىق! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
