بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

شي جينپيڭ 3 - رەتكى دۇنيە جۇزىلىك عالامتور ءماجىلىسىنىڭ اشىلۋ سالتىندا بەينە ەكران ارقىلى ءسوز سويلەپ مىنانى دارىپتەدى

كوپتىڭ اقىل - پاراساتىن شوعىرلاندىرىپ، ورتاق تانىمدى جەبەپ، سەلبەستىكتى نىعايتىپ، عالامتور ارقىلى ادامزاتقا ءتىپتى دە زور باقىت جاراتايىق

ليۋ يۇنشان ءماجىلىستىڭ اشىلۋ سالتىنا قاتىناستى جانە ارناۋ ءسوز سويلەدى

2016.11.17 14:15     كەلۋ قاينارى : حالىق تورابى

  3 - رەتكى دۇنيە جۇزىلىك عالامتور ءماجىلىسىنىڭ اشىلۋ سالتىندا بەينە ەكران ارقىلى سويلەنگەن ءسوز

  (2016 – جىلى 16 – قاراشا)

  شي جينپيڭ

  قۇرمەتتى سيلى قوناقتار، دوستار:سالەمەتسىزدەر مە! 3 - رەتكى دۇنيە جۇزىلىك عالامتور ءماجىلىسىنىڭ اشىلۋ سالتىنا وراي جۇڭگو ۇكىمەتى مەن حالقى اتىنان، سونداي - اق ءوز اتىمنان ءماجىلىستىڭ اشىلۋىن قىزۋ قۇتتىقتايمىن! سيلى قوناقتارعا شىن ىقىلاسپەن سالەم جولدايمىن!

  عالامتور − زامانىمىزداعى دامۋ ومىرشەڭدىك قۋاتى ەڭ مىعىم سالا. عالامتوردىڭ جەدەل دامۋى ادامزاتتىڭ وندىرىسىنە، تۇرمىسىنا زور وزگەرىستەر الا كەلدى ءارى ادامزات قوعامىن كوپتەگەن جاڭا دامۋ ورايى مەن تىڭ سىن - سايىسقا يە ەتتى. عالامتوردىڭ دامۋىندا شەك - شەكارا بولمايدى، عالامتوردان ۇتىمدى پايدالانۋ، جاقسى دامىتۋ، ويداعىداي جونگە سالۋ ءۇشىن، عالامتور اياسىنداعى حالىقارالىق سەلبەستىكتى، ءسوز جوق، كۇشەيتىپ، عالامتور اياسىنداعى تاعدىرلاس ورتاق تۇلعانى سەلبەسىپ بىرگە قۇرۋ كەرەك.

  «قۇلىقتى ادامدار نەگىزىن وڭاۋعا كۇش سالادى. نەگىز وڭالسا - اق بولعانى، ەل بيلەپ، ادام بولۋدىڭ جولى دا تابيعي قالىپتاسادى». جۇڭگو حالىقارالىق قوعاممەن بىرگە ادامزاتتىڭ ورتاق باقىتىن نەگىز ەتۋدەن، عالامتور يەلىك ۇقىعى يدەياسىنان جازبايدى، دۇنيە جۇزىلىك عالامتوردى جونگە سالۋدىڭ اناعۇرلىم ءادىل، ۇيلەسىمدى بەتالىسپەن ىلگەرىلەۋىن، عالامتور اياسىنا تەڭ تۇرعىدا قۇرمەت ەتۋ، جاڭالىق اشا دامۋ، اشىق ويلى بولۋ، يگىلىككە بىرگە كەنەلۋ، حاۋىپسىز، ءتارتىپتى بولۋ نىساناسىنىڭ جۇزەگە اسۋىن جەبەۋ كەرەك.

  وسى رەتكى ءماجىلىس «جاڭالىق اشۋعا دەم بەرىپ، ادامزاتقا باقىت جاراتۋ − عالامتور اياسىنداعى تاعدىرلاس ورتاق تۇلعانى سەلبەسىپ بىرگە قۇرايىق» باس تاقىرىبىندا اشىلىپ وتىر. كوپشىلىكتىڭ كوپتىڭ اقىل - پاراساتىن شوعىرلاندىرىپ، ورتاق تانىمدى جەبەپ، سەلبەستىكتى نىعايتىپ، عالامتور ارقىلى ادامزاتقا ءتىپتى دە زور باقىت جاراتۋىن ءۇمىت ەتەمىن.

  ءماجىلىستىڭ ءساتتى اشىلۋىنا تىلەۋلەستىك بىلدىرەمىن!

  (شينحۋا اگەنتتىگى، 16 – قاراشا، بەيجيڭ)

  «حالىق گازەتى»، 16 – قاراشا، حاڭجوۋ (ءتىلشى جاڭ سۇڭ). 3 - رەتكى دۇنيە جۇزىلىك عالامتور ءماجىلىسى 16 - قاراشا تۇستەن بۇرىن جىجياڭ ولكەسىنىڭ ۋجىن قالاشىعىندا اشىلدى. مەملەكەت ءتوراعاسى شي جينپيڭ اشىلۋ سالتىندا بەينە ەكران ارقىلى ءسوز سويلەپ، جۇڭگو ۇكىمەتى مەن جۇڭگو حالقى، سونداي - اق ءوز اتىنان ءماجىلىستىڭ اشىلعانىن قىزۋ قۇتتىقتادى، ماجىلىسكە قاتىناسقان سيلى قوناقتارعا شىنايى سالەم جولداپ، كوپشىلىكتىڭ كوپتىڭ اقىل - پاراساتىن شوعىرلاندىرىپ، ورتاق تانىمدى جەبەپ، سەلبەستىكتى نىعايتىپ، عالامتور ارقىلى ادامزاتقا ءتىپتى دە زور باقىت جاراتۋدى ءۇمىت ەتتى.

  ليۋ يۇنشان اشىلۋ سالتىنا قاتىناستى جانە ارناۋ ءسوز سويلەدى. ول بىلاي دەدى: ءتوراعا شي جينپيڭنىڭ ماڭىزدى سوزىندە عالامتور زامانىنداعى دامۋ جاعدايىنا تەرەڭ وي جۇگىرتىلگەن، ادامزاتتىڭ ورتاق باقىتىنا وسكەلەڭ ءمان بەرىلگەن، حالىقارالىق قوعامنىڭ، اسىرەسە، وركەندەپ كەلە جاتقان ەلدەردىڭ ورتاق جۇرەك ءۇنى بەينەلەنگەن، بۇل الەمدىك عالامتوردى جونگە سالۋ ءىسىن جەبەۋگە جۇڭگونىڭ اقىل - پاراسات جاعىنان قوسقان ۇلەسى سانالادى.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.