بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ورتالىقتىڭ ءۇنى

شي جينپيڭ ۆيەتنامنىڭ مەملەكەت توراعاسىمەن، فيليپپيننىڭ پرەزيدەنتىمەن جانە كولۋمبيانىڭ پرەزيدەنتىمەن جەكە – جەكە كەزدەستى

2016.11.21 13:50     كەلۋ قاينارى : حالىق تورابى


  «حالىق گازەتى»، 19 – قاراشا، ليما (تىلشىلەر دۋ شاڭزى، ۋاڭ حايلين). مەملەكەت ءتوراعاسى شي جينپيڭ 19 - قاراشا كۇنى ليمادا ۆيەتنامنىڭ مەملەكەت ءتوراعاسى چان دايكۋاڭمەن كەزدەستى.

  شي جينپيڭ مىنالاردى دارىپتەدى: جۇڭگو مەن ۆيەتنام − تاۋ - سۋى جالعاسقان دوس كورشى، ورتاق مۇددەنىڭ اياسى كەڭ. جۇڭگو مەن ۆيەتنام ەكى ەل قارىم - قاتىناسىن دامىتۋدىڭ دۇرىس باعىتىن مىقتاپ يگەرىپ، جوعارى دەڭگەيلى پىكىر بىرلىگىن ويداعىداي تياناقتاندىرىپ، اقىلداسىپ ۇيعارعان نىسانداردى ويداعىداي اتقارىپ، جۇڭگو مەن ۆيەتنام اراسىنداعى قارىم - قاتىناستىڭ ۇزدىكسىز تۇردە قالىپتى، تۇراقتى دامۋىن ىلگەرىلەتىپ، ەكى ەلدەگى حالىقتى يگىلىككە بولەۋى كەرەك. جاڭا جاعدايدا، جوعارى دەڭگەيلى بايلانىستى ۇزبەي، ەكى جاقتى قارىم - قاتىناس جانە ءوزارا مۇددەلى ماسەلەلەر تۋراسىندا دەر كەزىندە حابار الىسۋى قاجەت. قازىرگى سەلبەستىك مەحانيزمدەرىن كادەگە جاراتىپ، ناقتىلى سەلبەستىكتىڭ ساپاسى مەن ساناتىن ۇزدىكسىز كوتەرىپ، ترانسشەكارالىق ەكونوميكالىق سەلبەستىك وڭىرلەر قۇرىلىسى مەن نەگىزدىك قۇرىلعىلار سەلبەستىگى بويىنشا جوبالاردى جەدەلدەتىپ، ءوندىرىس قۋاتى سالاسىنداعى سەلبەستىكتىڭ ەرتەرەك ناتيجە بەرۋىن ىلگەرىلەتۋ كەرەك. تالاس - تارتىستى ەكى جاقتى كەڭەس پەن ديالوگ ارقىلى شەشىپ، داۋ - دامايدى دوعارۋ، بىرگە پايدالانۋ دەگەن سەلبەستىك جولىنا تاباندى بولىپ، ماسەلەلەردى لايىقتى ءبىر جاقتى ەتىپ، نانحاي تەڭىزىنىڭ بەيبىتشىلىگى مەن ورنىقتىلىعىن قورعاۋ كەرەك.

  «حالىق گازەتى»، 19 – قاراشا، ليما (تىلشىلەر دۋ شاڭزى، چىن شياۋۋەي). مەملەكەت ءتوراعاسى شي جينپيڭ 19 - قاراشا ليمادا فيليپپيننىڭ پرەزيدەنتى دۋتەرتپەن كەزدەستى.

  شي جينپيڭ بىلاي دەپ اتاپ كورسەتتى: دۋتەرت پرەزيدەنتتىڭ وتكەن ايدا جۇڭگوداعى مەملەكەتتىك ساپارى جۇڭگو مەن فيليپپيننىڭ قاتىناسىن جاپپاي جاقسارتىپ، ەكى ەل قاتىناسىنىڭ تىڭ پاراعىن اشىپ، ءوڭىردىڭ بەيبىتشىلىگى مەن ورنىقتىلىعىنا وڭ ەنەرگيا قوستى. ەكى جاق جۇڭگو - فيليپپين قاتىناسىنىڭ دۇرىس باعىتقا قاراي ورنىقتى العا ىلگەرىلەۋىن قامتاماسىز ەتىپ، دوستىق سەلبەستىك ورناتۋعا، الاۋىزدىقتاردى ۇيلەسىمدى ءبىر جايلى ەتۋگە، ورتاق دامۋعا تاباندى بولىپ، جۇڭگو مەن فيليپپيننىڭ تاتۋ كورشىلىك، دوستىق سەلبەستىك قاتىناسىنىڭ ورنىقتى، باياندى بولۋىنا مۇمكىندىك جاساپ، اناعۇرلىم كوپ سەلبەستىك جەتىستىكتەرى ارقىلى ەكى ەل حالقىنا باقىت جاراتۋى كەرەك.

  «حالىق گازەتى»، 19 – قاراشا، ليما (تىلشىلەر دۋ شاڭزى، ۋاڭ حايلين). مەملەكەت ءتوراعاسى شي جينپيڭ 19 - قاراشا ليمادا كولۋمبيانىڭ پرەزيدەنتى سانتوسپەن كەزدەستى.

  شي جينپيڭ بىلاي دەپ اتاپ كورسەتتى: جۇڭگو سانتوس پرەزيدەنتتىڭ كولۋمبيانىڭ بەيبىتشىلىك ۇدەرىسىن باتىل ىلگەرىلەتۋىن قۇپتايدى ءارى قولدايدى. جۇڭگو كولۋمبيامەن بولعان قاتىناسىنا ستراتەگيالىق جانە ۇزاق بولاشاقتىق تۇرعىدان قارايدى جانە دامىتادى، كولۋمبيامەن بىرگە ەكى ەلدىڭ سەلبەستىك جونىندەگى ورتاق تانىمىن تياناقتاندىرىپ، جۇڭگو - كولۋمبيا قاتىناسىنىڭ ءتىپتى جوعارى دەڭگەيگە كوتەرىلۋىن جەبەۋدى قالايدى. قازىر جۇڭگو مەن كولۋمبيا مەملەكەتتى وركەندەتۋدىڭ شەشۋشى كەزەڭىندە تۇر، ەكى جاق ءوزارا قولداپ - قۋاتتاپ، كومەك كورسەتىپ، جوعارى جىكتەگىلەردىڭ قارىم - قاتىناسىن كۇشەيتىپ، ءجيى قارىم - قاتىناستى ساقتاپ، ەكى ەل ۇكىمەتتەرىن، زاڭ شىعارۋ قۇرىلىمدارىن، ساياسي پارتيالارىن، ت.ب بارىس - كەلىس جاساۋعا شابىتتاندىرۋى جانە وعان قولداۋ كورسەتۋى كەرەك. ناقتىلى سەلبەستىكتىڭ ءورىسىن كەڭەيتىپ، ءتۇيىندى نىسانداردى ىلگەرىلەتۋ سەرپىنىن ارتتىرىپ، ءوندىرىس قۋاتى جاعىنداعى سەلبەستىكتى بەلسەندى ورىستەتىپ، ءوزارا تيىمدىلىك جاساپ، تەڭ يگىلىككە كەنەلۋدى، بىرگە دامۋدى ىسكە اسىرۋى كەرەك. كوپ جاقتىلى سەلبەستىكتى كۇشەيتىپ، حالىقارالىق ءتارتىپتىڭ ادىلەتتى، ۇيلەسىمدى باعىتقا قاراي دامۋىن جەبەۋى كەرەك.

  كەلۋ قاينارى: حالىق تورابى



جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.