جاڭ گاۋلي: شي جينپيڭنىڭ جاڭا داۋىردەگى جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ، «ەكى 100 جىلدىق» كۇرەس نىساناسىن ورىنداۋ جورىعىنا اتتانۋ كەرەك

2017.10.20 16:17   كەلۋ قاينارى : حالىق تورابى

　　«حالىق گازەتى»، 19 – قازان، بەيجيڭ. 19 – قازان تۇستەن بۇرىن جاڭ گاۋلي جولداس ءوزى بولىنگەن پارتيانىڭ 19 – قۇرىلتايى شانشي ولكەسى ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەدى: شي جينپيڭ جولداس جاساعان بايانداما پارتيا مەن مەملەكەت ىستەرى دامۋىنىڭ جالپى جاعدايى بيىك تۇرعىسى مەن ۇزاق بولاشاعى تۇرعىسىنان جاڭا داۋىردە تاباندى بولىپ جانە دامىتاتىن جۇڭگوشا سوتسياليزمنىڭ ءبىرقىدىرۋ كەلەلى نازاريالىق ماسەلەسى مەن امالياتتىق ماسەلەسىنە جاۋاپ قايتاردى، بولاشاق ءبىر مەزگىلدەگى پارتيا مەن مەملەكەت قىزمەتىنىڭ ءىرى باعىتى مەن ستراتەگيالىق ورنالاستىرۋىن پايىمدادى. بيىكتى يگەرىپ، ءورىس اشا جاڭالىق جاراتقان، مازمۇنى باي، تەرەڭ بولعان بۇل بايانداما ــ پارتيامىزدىڭ جاڭا داۋىرگە قادام تاستاپ، جاڭا جورىقتى باستاپ، تاعى دا تىڭ داستان جازۋىنداعى جارناما ءارى ارەكەت باعدارلاماسى. ءبىز مۇنى مۇقيات ۇيرەنىپ، سەزىنىپ، دايەكتى تياناقتاندىرۋدى ويداعىداي يگەرىپ، جۇڭگوشا سوتسياليزم ۇلى ىستەرىن ۇزدىكسىز العا ىلگەرىلەتۋىمىز كەرەك.

　　شانشي ۋاكىلدەر ۇيىرمەسىندەگى ۋاكىلدەر اقتارىلا سويلەدى، ءماجىلىس الاڭى قىزۋ بەينەگە شومدى. ۋاكىلدەردىڭ ءسوزىن مۇقيات تىڭداعان سوڭ جاڭ گاۋلي بىلاي دەدى: پارتيانىڭ 18 – قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتى قازىرگى دۇنيە ءجۇزىنىڭ جانە قازىرگى جۇڭگونىڭ دامۋ جالپى جاعدايىن عىلميلىقپەن يگەرىپ، ءبىرقىدىرۋ جاڭا تانىم، جاڭا يدەيا، جاڭا ستراتەگيانى ورتاعا قويىپ، ءبىرقىدىرۋ كەلەلى باعىت – ساياسات شىعارىپ، ءبىرقىدىرۋ كەەلىى شارا بەلگىلەپ، ءبىرقىدىرۋ كەلەلى قىزمەتتى ىلگەرىلەتىپ، پارتيا مەن مەملەكەت ىستەرىندە تاريحي تابىس جاراتىلۋىن، تاريحي وزگەرىس تۋىلۋىن ىلگەرىلەتتى. وسى تابىستارعا قول جەتكىزىلۋى تۇپتەپ كەلگەندە شي جينپيڭ جولداس ۇيىتقى بولعان پارتيا ورتالىق كوميتەتىنىڭ پارمەندى باسشىلىعىنان بولدى، بۇل جۇڭگوشا سوتسياليزمنىڭ شەكسىز ابزالدىعى مەن پارمەندى ومىرشەڭدىك قۋاتىن ايگىلەدى.

　　كەلۋ قاينارى: حالىق تورابى