جاڭا داۋىرمەن جارىسىپ، تياناقتاندىرۋدى مىقتى يگەرۋگە كۇش سالايىق
(شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ جەتەكشىلىگىندە ــ ۋاكىلدەر مەن مۇشەلەردىڭ لەبىزى)
2018.03.20 16:16 كەلۋ قاينارى : حالىق تورابى
2018 – جىلعى ەكى ماجىلىستە، باس شۋجي شي جينپيڭ ءىشىنارا ۋاكىلدەر ۇيىرمەسىنىڭ تالقىسىنا، ساياسي كەڭەستىڭ بىرىككەن گرۋپپا جيىنىنا قاتىناسىپ، ۋاكىل، مۇشەلەرمەن پىكىر اۋىستىردى، ولارمەن بۇكپەسىز اڭگىمەلەسىپ، مەملەكەت ىستەرىن ورتاق تالقىلادى، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ ايبىندى ۇرانىن تاعى ءبىر مارتە جاڭعىرتتى. بيىل پارتيا 19 – قۇرىلتايىنىڭ رۋحى جاپپاي دايەكتىلەنەتىن تۇڭعىش جىل، رەفورمالاۋ، ەسىك اشقان 40 جىل، جاپپاي دوڭگەلەك داۋلەتتى قوعام قۇرۋدىڭ جەڭىسىنە قول جەتكىزەتىن، «13 – بەسجىلدىق» پىلاننىڭ بۇرىنعىعا مۇراگەر، كەيىنگىگە بۇيداگەر بولاتىن شەشۋشى جىلى. ۋاكىلدەر مەن مۇشەلەر بىلاي دەپ قاراستى: باس شۋجي شي جينپيڭنىڭ ماڭىزدى نۇسقاۋىن ەستە بەرىك ساقتاپ، شىنايى، باتىل، شەبەرلىكپەن، تىنباي يگەرۋگە كۇش سالىپ، ارەكەت پروگرامماسىن، ستراتەگيالىق شەشىمدەردى، قىزمەت ورنالاستىرۋلارىن نىق باسقان قادامدارمەن جۇزەگە اسىرىپ، ءوزىمىز بەلگىلەگەن ۇلى نىساناعا قاراي باتىلدىقپەن العا باسامىز. شىنايى يگەرۋگە كۇش سالۋ
حالىق قۇرىلتايى ۋاكىلى، جۇڭگو عارىشكەرلىگى سانجياڭ توبى جوبالاۋ ورنىنىڭ باس ۇلگى جوبالاۋشىسى، عىلىم – تەحنيكا كوميتەتىنىڭ مەڭگەرۋشىسى حۋ شىڭيۇن بىلاي دەدى: «تياناقتاندىرۋدى مىقتى يگەرۋگە نەمقۇرايدى قاراۋعا، ايداعانى بەس ەشكى، ىسقىرىعى جەر جارۋعا بولمايدى»، «ەڭبەگىڭ قاتتى بولسا، تاتقانىڭ ءتاتتى بولادى». بۇرىن عىلمي زەرتتەۋ سالاسىندا كەيبىر كەلەڭسىزدىكتەر بار بولاتىن، ءىشىنارا زەرتتەۋشىلەر ءبىر باسىنا ۇيمەلەپ العان كوپ نىساننان ناتيجە شىعارۋعا اسىعىپ، ەكى ولشەپ ءبىر كەسەتىن اسىل داستۇردەن ايرىلعان ەدى، قۇرامالى ماتەريالدارمەن ساياسي ناتيجە شىعارىپ، تۇيەدەي جۇمىستان تۇيمەدەي قورىتىندى شىعارا المايتىن - دى. قازىر كوپ ساندى ورىندار عىلمي اتاق ءتۇزىمى رەفورماسىن جۇرگىزىپ، وقۋ تاريحىنا قاراۋدان عىلمي جەتىستىگىنە ءمان بەرۋگە بەتالدى، اسىرەسە، قوعامدىق ناقتىلى سۇرانىسقا نازار اۋدارىپ، عىلىم – تەحنيكالىق جەتىستىكتەردى وندىرگىش كۇشكە اينالدىرۋ سىندى ناتيجەلەرگە اناعۇرلىم ءمان بەرەتىن بولدى. «باعالاۋ مەحانيزمىن ۇزدىكسىز كەمەلدەندىرىپ، ناقتى ىستەيتىندەرگە سۇيەۋشى بولۋدى، ساندا بار ساناتتا جوق زەرتتەۋشىلەردى تاعىنان تايدىرۋدى ۇسىنىس ەتەمىن».
حالىق قۇرىلتايى ۋاكىلى، بەيجيڭ قالاسى مەييۇن رايوندىق پارتكومنىڭ شۋجيى شيا لينماۋ بىلاي دەدى: «تياناقتاندىرۋدا قول سالىپ ىستەۋگە، ءسوزسىز، ءمان بەرۋ كەرەك، شىنايى يگەرىپ، ناقتى ىستەۋ ارقىلى قادام سايىن قورعان سوعىپ، ناتيجەنى تۇراقتاندىرۋعا بولادى». بۇرىندارى جاقسى جوبا، القاۋلى جوسپارلار بولعانىمەن، ولاردىڭ ءبارى جۇزەگە اسپايتىن، بۇنداعى باستى سەبەپ: ءىشىنارا باسشىلار قۇيرىعىن ۇستاتپاي جىلماعايلانىپ، تياناقتاندىرۋعا ءمان بەرمەيتىن، اۋزىمەن وراق ورعاننىڭ بەلى اۋىرمايدىنىڭ كەبىن كيىپ، السىزدىك تانىتاتىن. مەييۇن رايوندىق پارتكومنىڭ قىزمەت عيماراتى زالى قابىرعاسىنا «العا باسۋ دوسكاسى» جاسالىپ، باسشى كادرلاردىڭ ءبىرىن – ءبىرى قۋزاپ وتىرۋىنا قىسىم قالىپتاستىردى. قارقىنى باياۋ بولعاندارىنا بەلگى سالىپ قۋزادى؛ تياناقتاندىرۋعا كۇشى جەتپەي، ماسەلەلەرى اۋىر بولعاندارىنىڭ جاۋاپكەرشىلىگىن قۋزاستىردى. «تياناقتاندىرۋدى جاقسى ۇستاۋ ستيلىن كۇتىپ وتىرۋعا، باياۋلاتۋعا بولمايدى، قۋزاۋ جاۋاپكەرشىلىگىن اناعۇرلىم كۇشەيتۋدى ۇسىنىس ەتەمىن».
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
