شي جينپيڭ شاڭحاي سەلبەستىك ۇيىمى چيڭداۋ سامميتىنىڭ شاعىن كەڭەسىن باسقاردى
2018.06.11 14:52 كەلۋ قاينارى : حالىق تورابى
«حالىق گازەتى»، 10 – ماۋسىم، چيڭداۋ (تىلشىلەر گۋان كىجياڭ، دۋ شاڭزى، ۋاڭ يۋان، حۋان شياڭ). شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسى 18 - رەتكى ءماجىلىسىنىڭ شاعىن كەڭەسى 10 - ماۋسىمدا چيڭداۋ حالىقارالىق ءماجىلىس ورتالىعىندا وتكىزىلدى. مەملەكەت ءتوراعاسى شي جينپيڭ كەڭەستى باسقاردى. ءۇندىستاننىڭ پرەمەر مينيسترى مودي، قازاقستاننىڭ پرەزيدەنتى نۇرسۇلتان نازاربايەۆ، قىرعىزستاننىڭ پرەزيدەنتى سورونباي جيەنبەكوۆ، پاكيستاننىڭ پرەزيدەنتى مامنۋن قۇسايىن، رەسەيدىڭ پرەزيدەنتى ۆلاديمير پۋتين، تاجىكستاننىڭ پرەزيدەنتى ەمومالي راحمون، وزبەكستاننىڭ پرەزيدەنتى شاۆكات ميرزيويەۆ كەڭەسكە قاتىناستى. مۇشە ەلدەردىڭ باسشىلارى شاڭحاي سەلبەستىك ۇيىمىن دامىتۋ، سونداي - اق حالىقارالىق جانە وڭىرلىك ماسەلەلەر جونىندە پىكىر الماستىردى.
تۇستەن بۇرىنعى ساعات 9 مولشەرىندە شاڭحاي سەلبەستىك ۇيىمىنا مۇشە ەلدەردىڭ باسشىلارى جيىن الاڭىنا ىركەس - تىركەس جەتتى. شي جينپيڭ ىقىلاسپەن قارسى الدى ءارى ولارمەن ءبىر - بىرلەپ قول الىسىپ، شۇيىركەلەستى، سوڭىنان توپتىق سۋرەتكە ءتۇستى.
شي جينپيڭ سوزىندە مىنالاردى اتاپ كورسەتتى: شاڭحاي سەلبەستىك ۇيىمى قۇرىلعان 17 جىلدان بەرى حالىقارالىق جاعدايدىڭ قۇبىلمالى وزگەرىسى الدىندا «شاڭحاي رۋحىن» ۇستانىپ، كەلەلى ناتيجەگە قول جەتكىزىپ، دۇنيە جۇزىندەگى ماڭىزدى ىقپالعا يە ۋنيۆەرسال وڭىرلىك ۇيىمعا اينالدى. قازىر شاڭحاي سەلبەستىك ۇيىمى جاڭا تاريحي باستامادا تۇر، ءبىز تاڭداۋلى ءداستۇردى ساۋلەلەندىرىپ، ىشكى - سىرتقى سىن - سايىسقا بەلسەنە توتەپ بەرىپ، ءتۇرلى سالالارداعى سەلبەستىكتى جاپپاي ىلگەرىلەتىپ، شاڭحاي سەلبەستىك ۇيىمىنىڭ ورنىقتى، باياندى بولۋىن ىلگەرىلەتۋىمىز كەرەك.شي جينپيڭ شاڭحاي سەلبەستىك ۇيىمىن دامىتۋ جونىندە 4 ءتۇرلى ۇسىنىس قويدى.ءبىرىنشى، «شاڭحاي رۋحىن» ساۋلەلەندىرىپ، ىنتىماقتى، سەلبەستىكتى كۇشەيتۋ. ءبىز ءوزارا سەنىمدىلىككە، ءبىر - بىرىنە پايدا جەتكىزۋگە، تەرەزەسى تەڭ بولۋعا، كەڭەسۋگە، الۋان ءتۇرلى مادەنيەتكە قۇرمەت ەتۋگە، ورتاق دامۋعا ۇمتىلىس جاساۋدا تاباندى بولۋىمىز كەرەك، ىنتىماقتى، ءوزارا سەنىمدىلىكتى تەرەڭدەتىپ، ءوزارا قولداۋدى كۇشەيتىپ، مۇشە كەڭەيتۋ الا كەلگەن كومەسكى كۇش پەن ورايدى ءتىپتى دە كوپ ناقتى سەلبەستىك تابىسىنا اينالدىرۋىمىز كەرەك.
ەكىنشى، حاۋىپسىزدىك سەلبەستىگىن ىلگەرىلەتىپ، سىن - سايىستارعا تىزە قوسا توتەپ بەرۋ. ءبىز ورتاق، جالپىلىق، ىنتىماقتاسۋ، باياندى حاۋىپسىزدىك كوزقاراسىن ۇستانىپ، ءداستۇرلى جانە ءداستۇرلى ەمەس حاۋىپسىزدىك حاۋىپ - قاتەرلەرىنە توتەپ بەرۋدى ءبىر تۇتاس جوسپارلاپ، «ءۇش ءتۇرلى كۇشكە» ءونىمدى سوققى بەرىپ، ءوڭىردىڭ بەيبىتشىلىگىن، حاۋىپسىزدىگىن، ورنىقتىلىعىن شىنايى قورعاۋىمىز كەرەك.
ءۇشىنشى، ناقتى ىستەر سەلبەستىگىن تەرەڭدەتىپ، ورتاق دامۋدى جەبەۋ. ءبىز كاسىپ سالاسىن سايكەستىرۋ، بازاردى توعىستىرۋ، عىلىم - تەحنيكالىق اۋىس - كۇيىس سياقتى جاقتاردا اناعۇرلىم زور قادام باسۋىمىز كەرەك. بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن نەگىز ەتىپ، نەگىزدىك قۇرىلعى قۇرىلىسى، ىقپالداستىق، كاسىپ باقشاسى رايونى، عىلىم - تەحنيكادا جاڭالىق اشۋ سياقتى سالالاردا اۋىس - كۇيىستى، سەلبەستىكتى كۇشەيتىپ، ەۆروپا - ازيا قۇرلىعىنىڭ زور دامۋ ورايىنان تەڭ يگىلىكتەنۋىمىز كەرەك. ساۋدا ەركىندىگىن، قولايلىلىعىن قولداۋدىڭ ورتاق ءۇنىن جاريالاپ، جاھاندانۋدىڭ كوپ جاقتى ساۋدا ءتۇزىلىسىن قورعاۋىمىز كەرەك.
ءتورتىنشى، بەلسەندى ىقپالدى ساۋلەلەندىرىپ، حالىقارالىق جاۋاپكەرلىكتى ايگىلەۋ. ءبىز ب م ۇ ەرەجەسىنىڭ تۇپكى ماقساتى مەن پرينسيبىن وزەك ەتكەن حالىقارالىق ءتارتىپ پەن حالىقارالىق جۇيەنى باتىل قورعاپ، ءوزارا قۇرمەت ەتەتىن، ءادىل، تۋراشىل، ىنتىماقتاسىپ، تەڭ يگىلىككە كەنەلەتىن جاڭاشا حالىقارالىق قاتىناس ورناتۋدى ىلگەرىلەتۋىمىز كەرەك. قولامتالى ماسەلەلەردى ساياسي، ديپلوماتيالىق جولىمەن شەشۋدە تاباندى بولۋىمىز كەرەك.
شي جينپيڭ مىنالاردى دارىپتەدى: شاڭحاي سەلبەستىك ۇيىمى ءداۋىردىڭ دامۋ اۋقىمىنا سايكەسەتىن، ءار ەلدىڭ ورتاق مۇددەسىنە ۇيلەسەتىن ءىس. ءبىز ءارقايسى جاقپەن بىرگە اۋەلگى ماقساتتى ۇمىتپاي، تىزە قوسا العا باسىپ، شاڭحاي سەلبەستىك ۇيىمىنىڭ جاڭا دامۋىن جۇزەگە اسىرۋدى ىلگەرىلەتىپ، اناعۇرلىم تىعىز تاعدىرلاس ورتاق تۇلعانى ورناتىپ، دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋ، ادامزاتتىڭ دامۋىن، گۇلدەنىپ - كوركەيۋىن جەبەۋ جولىندا تىڭ دا اناعۇرلىم زور ۇلەس قوسۋدى قالايمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
