بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ ءابۋدابيگە جەتتى

2018.07.20 16:21     كەلۋ قاينارى : حالىق تورابى


  «حالىق گازەتى»، 19 – شىلدە، ءابۋءدابي (تىلشىلەر حۋاڭ پەيجاۋ، دۋ شاڭزى، چۇي شياڭيۇي). مەملەكەت ءتوراعاسى شي جينپيڭ 19 – شىلدەدە ارناۋلى ۇشاقپەن ءابۋدابيگە جەتىپ، اراب بىرىككەن امىرلىگىندەگى مەملەكەتتىك ساپارىن باستادى.ورىنباسار پرەزيدەنت ءارى پرەمەر مينيستر مۇحاممەد اۋەجايدا شي جينپيڭگە ارناپ قارسى الۋ سالتىن وتكىزدى.

  شي جينپيڭ مەن پىڭ لييۋان ورىنباسار پرەزيدەنت ءارى پرەمەر مينيستر مۇحاممەدتىڭ، تاق مۇراگەرى مۇحاممەدتىڭ سەرىك بولۋىندا پاراتتان وتكىزۋ زالىنا باردى، جول بويى قۇرمەت قاراۋىلى ساپ تۇزەپ تۇردى. 21 رەت قۇرمەت ساليۋتى اتىلدى. شي جينپيڭ مەن پىڭ لييۋان ورىنباسار پرەزيدەنت ءارى پرەمەر مينيستر مۇحاممەدپەن بىرگە پارات مىنبەسىنە شىقتى. اسكەري وركەستر جۇڭگونىڭ مەملەكەت ءانىن ورىندادى. سوڭىنان شي جينپيڭ مەن پىڭ لييۋان ورىنباسار پرەزيدەنت ءارى پرەمەر مينيستر مۇحاممەدتىڭ، تاق مۇراگەرى مۇحاممەدتىڭ سەرىك بولۋىندا كەزدەسۋ زالىنا باردى ءارى اراب بىرىككەن امىرلىگى بيلىك كەڭسەسىنىڭ باستى مينيسترلەرىمەن، پاتشا اۋلەتىنىڭ باستى مۇشەلەرىمەن قول الىسىپ، ىقىلاسپەن اڭگىمەلەستى.

  شي جينپيڭ جۇڭگو ۇكىمەتى مەن حالقى اتىنان اراب بىرىككەن امىرلىگى ۇكىمەتى مەن حالقىنا ىقىلاستى سالەمى مەن ىزگى تىلەگىن جەتكىزدى. شي جينپيڭ بىلاي دەدى: جۇڭگو مەن اراب بىرىككەن امىرلىگى ديپلوماتيالىق قاتىناس ورناتقان 34 جىلدان بەرى ەكى ەل باستان – اياق ءوزارا قۇرمەتتەپ، بارابار مامىلە جاساپ، ەكى جاق قاتىناسى باياندى دامىپ، ءار سالاداعى ناقتى سەلبەستىكتە قوماقتى تابىسقا قول جەتكىزىلدى. اراب بىرىككەن امىرلىگى __ مەنىڭ وسى رەتكى ساپارىمنىڭ تۇڭعىش ايالداماسى ءارى مەنىڭ مەملەكەت ءتوراعاسى بولىپ قايتا سايلانعاننان كەيىنگى ساپارىمداعى تۇڭعىش مەملەكەت، بۇل جۇڭگونىڭ ەكى ەل قاتىناسىنا ءمان بەرەتىنىن بەينەلەيدى. ءابۋ دابيگە كەلگەننەن كەيىن اراب بىرىككەن امىرلىگى حالقىنىڭ جۇڭگو حالقىنا شىنايى دوستىعىن سەزىنىپ، ايرىقشا اسەرلەندىم. وسى رەتكى ساپاردا اراب بىرىككەن امىرلىگى باسشىلارىمەن ەكى ەل قاتىناسىن تەرەڭدەتۋ جونىندە پىكىرلەسۋدى ءۇمىت ەتەمىن، ەكى جاقتىڭ ورتاق قۇلشىنىسىندا وسى رەتكى ساپارىمنىڭ تابىستى بولاتىنىنا، ەكى ەلدىڭ جانە ەكى ەل حالىقتارىنىڭ دوستىعىن نىعايتاتىنىنا سەنەمىن.

  شينحۋا اگەنتتىگى، 19 – شىلدە، بەيجيڭ. مەملەكەت ءتوراعاسى شي جينپيڭ 19 – شىلدەدە ارناۋلى ۇشاقپەن بەيجيڭنەن اتتاندى، الدا اراب بىرىككەن امىرلىگىنىڭ پرەزيدەنتى حاليفانىڭ، سەنەگال رەسپۋبليكاسىنىڭ پرەزيدەنتى سالدىڭ، رۋاندا رەسپۋبليكاسىنىڭ پرەزيدەنتى كاگاميدىڭ، وڭتۇستىك افريكا رەسپۋبليكاسىنىڭ پرەزيدەنتى راماپوسانىڭ ۇسىنىسىنا ساي، جوعارىداعى 4 ەلدە مەملەكەتتىك ساپاردا بولادى؛ وڭتۇستىك افريكا رەسپۋبليكاسىنىڭ پرەزيدەنتى راماپوسانىڭ ۇسىنىسىنا ساي وڭتۇستىك افريكانىڭ يوحاننەسبۋرگ قالاسىندا وتكىزىلەتىن تەبىندى ەلدەر باسشىلارىنىڭ 10 - رەتكى كەڭەسىنە قاتىناسادى.

  جوعارىداعى وسى 4 ەلدەگى مەملەكەتتىك ساپارىن اياقتاتقاننان كەيىن ءارى تەبىندى ەلدەر باسشىلارىنىڭ 10 - رەتكى كەڭەسىنە قاتىناسقاننان كەيىن ەلگە قايتار جولىندا شي جينپيڭ ماۋريتيۋستا ايالدايدى ءارى دوستىق ساپاردا بولادى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار