اراب بىرىككەن امىرلىگىندەگى، سەنەگال رەسپۋبليكاسىنداعى، رۋاندا رەسپۋبليكاسىنداعى، وڭتۇستىك افريكا رەسپۋبليكاسىنداعى مەملەكەتتىك ساپارىن اياقتاتىپ، تەبىندى ەلدەر باسشىلارىنىڭ 10 - رەتكى كەزدەسۋىنە قاتىناسىپ، قايتار جولىندا ماۋريتيۋس رەسپۋبليكاسىندا ايالداپ ءارى دوستىق ساپاردا بولعان سوڭ
شي جينپيڭ بەيجيڭگە قايتىپ كەلدى
2018.07.30 16:19 كەلۋ قاينارى : حالىق تورابى
«حالىق گازەتى»، 29 – شىلدە، بەيجيڭ. اراب بىرىككەن امىرلىگىندەگى، سەنەگال رەسپۋبليكاسىنداعى، رۋاندا رەسپۋبليكاسىنداعى، وڭتۇستىك افريكا رەسپۋبليكاسىنداعى مەملەكەتتىك ساپارىن اياقتاتىپ، وڭتۇستىك افريكانىڭ يوحاننەسبۋرگ قالاسىندا وتكىزىلگەن تەبىندى ەلدەر باسشىلارىنىڭ 10 - رەتكى كەزدەسۋىنە قاتىناسىپ، ەلگە قايتار جولىندا ماۋريتيۋس رەسپۋبليكاسىندا ايالداپ ءارى دوستىق ساپاردا بولعاننان سوڭ، مەملەكەت ءتوراعاسى شي جينپيڭ 29 – شىلدەدە بەيجيڭگە قايتىپ كەلدى.
ءتوراعا شي جينپيڭنىڭ حانىمى پىڭ لييۋان، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەتى كوميتەتى كەڭسەسىنىڭ مەڭگەرۋشىسى ياڭ جيەچى، مەملەكەتتىك كەڭەستىڭ مۇشەسى ءارى سىرتقى ىستەر مينيسترى ۋاڭ ي، مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ قاتارلى ساپارلاستارى سول ۇشاقپەن بىرگە كەلدى.
سول جەر ۋاقىتى بويىنشا 28 - شىلدە كەشتە شي جينپيڭ ماۋريتيۋستان اتتانىپ، ەلگە قايتۋعا جول الدى. ماۋريتيۋستىڭ پرەمەر مينيسترى جاگنات پەن حانىمى كوبيتا بيلىك كەڭسەسىنىڭ مۇشەلەرىن باستاپ اۋەجايعا بارىپ اتتاندىرىپ سالدى.
ەكى ەل باسشىلارى، حانىمدارى ۇشاق باسپالداعىنىڭ جانىندا ىقىلاسپەن قوش ايتىستى. شي جينپيڭ ماۋريتيۋس جاقتىڭ ىقىلاسپەن كۇتىپ العاىنا جانە كوڭىلدەگىدەي ورنالاستىرۋ جاساعانىنا العىس ايتتى. شي جينپيڭ مىنالاردى ءبىلدىردى: ماۋريتيۋسقا دوستىق ساپارىم وسى جولعى ازيا، افريكا ەلدەرىندەگى ساپارىما ءساتتى نۇكتە قويدى. وسى رەتكى ساپارىمنىڭ ۋاقىتى قىسقا بولعانىمەن، جەمىسى مول، ءمانى زور بولدى، جۇڭگو مەن ماۋريتيۋستىڭ دوستىق قاتىناسىن بەكەمدەيتىنى، كۇشەيتەتىنى داۋسىز. جاگنات ءتوراعا شي جينپيڭنىڭ ماۋريتيۋستاعى ساپارىنىڭ تابىستى بولعانىن قۇتتىقتادى، جۇڭگونىڭ ۇزاق ۋاقىتتان بەرى ماۋريتيۋسقا كومەكتەسكەنىنە جانە قولداۋ كورسەتكەنىنە العىس ايتتى، جۇڭگو - افريكا سەلبەستىگى تالقى مىنبەسىنىڭ بەيجيڭدەگى باسشىلار باس قوسۋىنا قاتىناسقان كەزدە ءتوراعا شي جينپيڭمەن تاعى دا كەزدەسۋدى ءۇمىت ەتەتىنىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
