2 – كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنىڭ دوڭگەلەك ۇستەل ءسامميتى وتكىزىلدى
2019.04.28 16:35 كەلۋ قاينارى : حالىق تورابى
«حالىق گازەتى»، 4 – ايدىڭ 27 - كۇنى، بەيجيڭ (تىلشىلەر مىڭ شياڭلين، ۋاڭ حاۋنان، جاۋ چىڭ). 2 – كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنىڭ دوڭگەلەك ۇستەل ءسامميتى 4 – ايدىڭ 27 - كۇنى بەيجيڭدەگى يانچي كولى حالىقارالىق ءماجىلىس ورتالىعىندا وتكىزىلدى. جالپى 40 مەملەكەت پەن حالىقارالىق ۇيىمنىڭ باسشىلارى دوڭگەلەك ۇستەل سامميتىنە قاتىناسىپ، «‹ءبىر بەلدەۋ، ءبىر جولدى› بىرگە قۇرۋ، كوركەم بولاشاق جاراتۋ» تاقىرىبىن ارقاۋ ەتىپ، ءوزارا بايلانىس جاساۋدى ىلگەرىلەتۋ، ساياساتتاردى ۇشتاستىرۋدى كۇشەيتۋ، سونداي - اق جاسىل جانە باياندى دامۋدى ىلگەرىلەتۋ سياقتى كەڭەستىك تاقىرىپتار جونىندە ىشكەرىلەي پىكىر اۋىستىرىپ، كەڭ كولەمدى ورتاق تانىمعا كەلدى ءارى بىرلەسكەن مازمۇندامانى ماقۇلدادى.ء
ماجىلىستى جۇڭگونىڭ مەملەكەت ءتوراعاسى شي جينپيڭ باسقاردى. حان جىڭ ماجىلىسكە قاتىناستى.
4 - ايدا يانچي كولى جاعاسىندا قوناقتار مەن دوستار باس قوستى. تۇستەن بۇرىن ساعات 10 مولشەرىندە ماجىلىسكە قاتىناسۋعا كەلگەن شەتەل باسشىلارى مەن حالىقارالىق ۇيىمداردىڭ جاۋاپتىلارى ىركەس - تىركەس ءماجىلىس الاڭىنا كەلدى. شي جينپيڭ ولارمەن ءبىر - بىرلەپ قول الىسىپ امانداستى.
تۇستەن بۇرىن ساعات 10 نان 30 مينۋت وتكەندە شي جينپيڭ دوڭگەلەك ۇستەل ءسامميتىنىڭ باستالعانىن جاريالادى.
شي جينپيڭ باستالۋ سوزىندە بىلاي دەپ اتاپ كورسەتتى: تۇڭعىش كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمى وتكىزىلگەن 2 جىلدان بەرى ءبىز بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە ساي، ساياساتتاردى بايلانىستىرۋدى، قۇرىلعىلاردى تۇتاستىرۋدى، ساۋدانى ىركىلىسسىزدەندىرۋدى، قارجىنى ۇشتاستىرۋدى، حالىق تىلەگىن توعىستىرۋدى جاپپاي ىلگەرىلەتىپ، دۇنيە ءجۇزى ەكونوميكاسىنىڭ ارتۋىنا تىڭ قوزعاۋشى كۇش قوسىپ، دۇنيە ءجۇزىنىڭ دامۋىنا تىڭ ءورىس اشتىق. ءبىزدىڭ تاعى دا سەلبەستىك فورۋمىن وتكىزۋدەگى ماقساتىمىز − ءار جاقپەن بىرگە «ءبىر بەلدەۋ، ءبىر جولدى» بىرگە قۇرۋدىڭ تەرەڭدەۋىنە، ناقتىلانۋىنا مۇمكىندىك جاراتىپ، ءار ەل حالىقتارىنا ءتىپتى دە زور باقىت جاراتۋ.
− ءبىز ءارقايسى جاقپەن بىرگە سەلبەستىك ۇستانىمىن كەمەلدەندىرىپ، «ءبىر بەلدەۋ، ءبىر جولدى» جوعارى ساپامەن بىرگە قۇرۋعا كۇش سالۋدى ءۇمىت ەتەمىز. بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن ناقتاپ تياناقتاندىرۋ؛ اشىق، جاسىل، پاك بولۋ ۇستانىمىن نەگىز ەتىپ، جوعارى ولشەمگە، حالىق تۇرمىسىنا تيىمدىلىك جاراتۋعا، باياندى نىساناعا ۇمتىلۋ؛ ب م ۇ - نىڭ 2030 - جىلعا دەيىنگى باياندى دامۋ كۇن ءتارتىبىنىڭ «ءبىر بەلدەۋ، ءبىر جولدى» بىرگە قۇرۋمەن توعىسۋىن قولداپ، ەكونوميكانىڭ ارتۋىن، قوعامنىڭ دامۋىن، قورشاعان ورتانى قورعاۋدى ءبىر تۇتاس ىلگەرىلەتۋ كەرەك.
− ءبىز ءارقايسى جاقپەن بىرگە سەلبەستىك تۇيىندەرىن ايقىنداپ، جان - جاقتى بايلانىستى كۇشەيتۋگە كۇش سالۋدى ءۇمىت ەتەمىز. نەگىزدىك قۇرىلعىلاردى ۇلاستىرۋعا ۇزدىكسىز نازار اۋدارىپ، زەردەلى جاساۋ كاسىبى، سيفرلى ەكونوميكا سياقتى الدىڭعى لەك سالالارىنداعى سەلبەستىكتى تەرەڭدەتىپ، جاڭالىق جاراتۋ ارقىلى دامۋعا دەم بەرۋ ستراتەگياسىن اتقارىپ، بازاردى اشىق ۇستاۋدى كەڭەيتىپ، ساۋدا مەن قارجى قوسۋدىڭ قولايلىلانۋ دەڭگەيىن جوعارىلاتىپ، كوپ نەگىزدى قارجى قۇراۋ جۇيەسى مەن كوپ ساتىلى كاپيتال بازارىن قۇرىپ، گۋمانيتارلىق اۋىس - كۇيىستى كەڭىنەن ورىستەتىپ، حالىق تۇرمىسى سەلبەستىگى نىساندارىن اناعۇرلىم كوپتەپ اتقارۋ كەرەك. جان - جاقتى بايلانىس ورناتىپ، نەگىزگى قۇرىلىس ارقىلى جەتەكشىلىك ەتۋدىڭ، كاسىپ سالاسى شوعىرلانۋىنىڭ، ەكونوميكا دامۋىنىڭ، حالىق تۇرمىسى جاقسارۋىنىڭ جالپىلىق اسەرىن قالىپتاستىرۋدى ىلگەرىلەتۋ كەرەك.
− ءبىز ءارقايسى جاقپەن بىرگە سەلبەستىك مەحانيزمىن كۇشەيتىپ، ءوزارا بايلانىس ورناتۋعا، ارىپتەستىك قاتىناسىن قالىپتاستىرۋعا كۇش سالۋدى ءۇمىت ەتەمىز. دۇنيە ءجۇزىنىڭ اشىق ەكونوميكاسىن قۇرۋدى بىرگە ىلگەرىلەتىپ، قورعانىمپازدىققا قارسى تۇرىپ، «ءبىر بەلدەۋ، ءبىر جولدى» بىرگە قۇرۋدى ءار ەلدىڭ دامۋ ستراتەگياسىمەن، وڭىرلىك جانە حالىقارالىق دامۋ كۇن تارتىبىمەن ءونىمدى ۇشتاستىرىپ، سەلبەسىپ ونىمدىلىكتى ارتتىرىپ، ءتىپتى دە كوپ مەملەكەت پەن كاسىپورىندى ىشكەرىلەي ات سالىسۋعا شابىتتاندىرىپ، ورتاق مۇددە تابىسىن زورايتۋ كەرەك. كوپ جاقتىلىق رۋحىن ارقاۋ ەتىپ، «ءبىر بەلدەۋ، ءبىر جولدى» بىرگە قۇرۋ مەحانيزمى قۇرىلىسىن تىڭعىلىقتى ىلگەرىلەتىپ، ءار سالاداعى ناقتى سەلبەستىكتى مىعىم كەپىلمەن قامداۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
