ەلىمىز قارتتاردىڭ دەنساۋلىعىنا جالپىلىق قىزمەت وتەۋ جۇيەسىن ورناتۋدى جەدەلدەتەدى
2019.04.29 16:36 كەلۋ قاينارى : حالىق تورابى
شينحۋا اگەنتتگى، 4 – ايدىڭ 28 – كۇنى، بەيجيڭ. (ءتىلشى تيان شياۋحاڭ) ءتىلشىنىڭ وسى ايدىڭ 28 – كۇنى مەملەكەتتىك دەنساۋلىق ساقتاۋ، سالاماتتىق كوميتەتى وتكىزگەن 2019 – جىلعى مەملەكەتتىك قارتتار كەڭسەسى مەڭگەرۋشىلەر ماجىلىسىنەن ۇعىسۋىنشا، بيىل ەلىمىز اقاۋسىز قارتايۋ ستراتەگياسىن اتقارىپ، قارتتاردىڭ دەنساۋلىعىنا جالپىلىق قىزمەت وتەۋ جۇيەسىن قۇرۋدى جەدەلدەتەدى.
مەملەكەتتىك ساناق مەكەمەسىنىڭ ساندى مالىمەتىندە كورسەتىلۋىنشە، ەلىمىز 2018 - جىلدىڭ سوڭىندا 60 جاس جانە 60 جاستان اسقان جان سانى 249 ميلليون بولىپ، جالپى جان سانىنىڭ 17.9 پايىزىن ۇستاعان. «2025 – جىلعا بارعاندا بۇل سان 300 ميلليون بولىپ، جالپى جان ساننىڭ 34.8 پايىزىن ۇستايدى دەپ مەجەلەنگەن.» مەملەكەتتىك دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى، مەملەكەتتىك قارتتار كەڭسەسىنىڭ مەڭگەرۋشىسى ما شياۋۋەي سول كۇنى ماجىلىستە بىلاي دەدى: ەلىمىز دۇنيەدەگى جان سانىنىڭ قارتتانۋ دارەجەسى ءبىرشاما جوعارى مەملەكەت، قارتتاردىڭ سانى كوپ، قارتتانۋ قارقىنى تەز، جان سانىنىڭ قارتتانۋىنا ۇيلەسۋ مىندەتى اۋىر، بۇل جالتارۋعا بولمايتىن مەملەكەت جاعدايى سانالماق.
ما شياۋۋەي بىلاي دەدى: بيىل مەملەكەت ساياساتتىق قۇجاتتى شىعارىپ، دەنساۋلىق ساقتاۋ تاربيەسى، الدىن الۋ، اۋرۋعا دياگنوز قويىپ ەمدەۋ، ساۋىقتىرۋ-كۇتىمدەۋ، ۇزاق ۋاقىت كۇتىمدەۋ، الاڭسىز ەمدەلۋ – كۇتىمدەلۋ قاتارلى قالا مەن اۋىلدى قامتىعان جالپىلىق قىزمەت وتەۋ جۇيەسىن قۇرۋدى كەمەلدەندىرىپ، الاڭسىز ەمدەلۋ سىناق تۇيىندەرىن اناعۇرلىم كەڭەيتەدى. بۇدان سىرت، وتباسىنا بارىپ ەمدەۋ سىندى قىزمەت وتەۋدى جەدەل دامىتىپ، قاتىستى كاسىپتىك قىزمەت وتەۋ ولشەمىن، قىزمەت وتەۋ قالىبىن، اقى الۋ ولشەمىن، سونداي – اق، قاتىستى باسقارۋ ءتۇزىمىن زەرتتەپ بەلگىلەپ، كەيبىر قىزمەت وتەۋ نىساندارى ەمدەلۋدى قامسىزداندىرۋ كولەمىنە ەنگىزىلەدى.
ەلىمىزدە كۇش – قۋاتى كەتكەن قارتتار 40 ميلليوننان اسادى، الايدا، وتباسىنىڭ شاعىندالۋى، ۇرپاقسىز بولۋ، سونداي – اق تەز قارقىنمەن قالا – قالاشىقتانۋ جانە جان سانىنىڭ اعىلۋىنا ىلەسىپ، كوپتەگەن سەميالار قامقور بولىپ قارايلاساتىن ادامعا زارۋ بولۋ ماسەلەسىنە ءدوپ كەلۋدە.
ما شياۋۋەي بىلاي دەدى: كۇش - قۋاتىنان ايىرىلعان قارتتاردى ۇزاق ۋاقىت كۇتىمدەۋ قىزمەت وتەۋ جۇيەسىن قۇرۋدى ىلگەرىلەتۋ كەرەك. ەمدەۋ مەن كۇتىمدەۋدى ۇشتاستىرۋدى ىشكەرىلەي ىلگەرىلەتىپ، ەمدەۋ، دەنساۋلىق ساقتاۋ مەن زەينەتكەرلىككە قىزمەت وتەۋدى شىن مانىندە اتقارىپ، ەمدەۋ مەن كۇتىمدەۋ ءبىر تۇلعالاندىرىلعان قىزمەت وتەۋدى جۇزەگە اسىرۋ كەرەك.
كەلۋ قاينارى: حالىق تورابى
جاۋاپتى رەداكتورى : قاۋلا بەيسەن قىزى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
