ۋاڭ ي شاڭحاي سەلبەستىك ۇيىمى سىرتقى ىستەر مينيسترلەرى ماجىلىسىنە قاتىناستى
2019.05.23 14:52 كەلۋ قاينارى : حالىق تورابى
حالىق گازەتى، 5 – ايدىڭ 22 – كۇنى، بيشكەك (ءتىلشى: جوۋ حانبو) 5 – ايدىڭ 22 – كۇنى مەملەكەتتىك كەڭەس مۇشەسى ءارى سىرتقى ىستەر مينيسترلىگىنىڭ مينيسترى ۋاڭ ي قىرعىزستان استاناسى بيشكەكتە شاڭحاي سەلبەستىك ۇيىمى سىرتقى ىستەر مينيسترلەرى القالار كەڭەسىنىڭ ماجىلىسىنە قاتىناستى.
ۋاڭ ي بىلاي دەدى: قازىر حالىقارالىق جاعداي ورنىقسىزدىق پەن بەلگىسىزدىككە تولى، سىڭار جاقتىلىق تۋىنداپ، قورعاشتاۋشىلدىق باس كوتەردى، قىرعي قاباقتىق يدەيا قايتا ورالدى، ءتۇرلى وكتەمدىك ارەكەتتەر قازىرگى حالىقارالىق جۇيە مەن حالىقارالىق قارىم – قاتىناستاردىڭ ولشەمدەرىنە اۋىر دارەجەدە سوققى بولىپ تيۋدە. شاڭحاي سەلبەستىك ۇيىمىنا مۇشە ەلدەر سەلبەسە وتىرىپ، حالىقارالىق قوعامنىڭ جاڭاشا حالىقارالىق قارىم – قاتىناسىن جانە ادامزاتتىڭ تاعدىرلاس ورتاق تۇلعاسىن قۇرۋىنا اناعۇرلىم زور ۇلەس قوسۋى كەرەك.
ۋاڭ ي كەلەسى كەزەڭدە شاڭحاي سەلبەستىك ۇيىمىنىڭ سەلبەستىكتى تەرەڭدەتۋى جونىندە مىناداي ۇسىنىستاردى ورتاعا قويدى:
ءبىرىنشى، ىنتىماقتىلىق پەن ءوزارا سەنىمدىلىكتى كۇشەيتىپ، ءوزارا قولداۋ كورسەتۋدى ارتتىرىپ، سىرتقى كۇشتەردىڭ كەدەرگى بولۋى مەن بۇلدىرۋىنە بىرگە قارسى تۇرۋ كەرەك.
ەكىنشى، حاۋىپسىزدىك جاعىنداعى سەلبەستىكتى تەرەڭدەتىپ، حاۋىپسىزدىك قالتقىسىن بەكەمدەپ، شاڭحاي سەلبەستىك ۇيىمىنىڭ ۇشقارىلىققا قارسى تۇرۋ شارتىن تياناقتاندىرۋ كەرەك.
ءۇشىنشى، ناقتى سەلبەستىكتەردى كەڭەيتىپ، دامۋداعى جەتەرسىزدىكتەردى تولىقتاپ، ءىس جۇزىندىك ارەكەتتەر ارقىلى ەركىن ساۋدا جانە كوپ جاقتى ساۋدا ءتۇزىلىسىن قورعاۋ كەرەك.
ءتورتىنشى، اۋىس – كۇيىس پەن ءوزارا ۇلگى الۋدى كۇشەيتىپ، حالىق تىلەگىن توعىستىرۋدى ىلگەرىلەتىپ، شاڭحاي سەلبەستىك ۇيىمىنىڭ قوعامدىق جانە حالىق رايىندىق نەگىزىن بەكەمدەۋ كەرەك.
بەسىنشى، حالىقارالىق جاۋاپكەرشىلىكتى ارقالاپ، شاڭحاي سەلبەستىك ۇيىمىنىڭ ىقپالىن كەڭەيتىپ، حالىقارالىق ادىلدىكتى باتىل قورعاپ، مۇشە ەلدەردىڭ حاۋىپسىزدىگى مەن دامۋ مۇددەسىن قورعاپ، ءارقانداي فورماداعى سىڭار جاقتىلىق پەن ساۋدالىق قورعاشتاۋشىلدىققا باتىل قارسى تۇرۋ كەرەك.
ماجىلىسكە قاتىناسقان وزگە ەلدەردىڭ سىرتقى ىستەر مينيسترلەرى ءسوز كەزەگىندە ەكىنشى كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنىڭ جەتىستىكتەرىن بەلسەندىلىكپەن تياناقتاندىرۋدى قۇپتادى، سىڭار جاقتىلىق پەن قورعاشتاۋشىلدىققا بىرگە قارسى تۇرۋدى باسا دارىپتەدى، حالىقارالىق زاڭدى نەگىز ەتكەن حالىقارالىق تارتىپتەردى قورعاۋعا كۇش سالاتىندىقتارىن ءبىلدىردى. ءار ەلدىڭ سىرتقى ىستەر مينيسترلەرى بيشكەك سامميتىنە دايىندالۋ جونىندەگى قاتىستى قۇجاتتارعا قول قويدى، ماجىلىستە اقپارات مالىمدەمەسى ماقۇلداندى ءارى جاريالاندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
