شي جينپيڭ: قورىتىندىلاۋ جانە ماداقتاۋ - سيلاۋ قىزمەتىن مۇقيات جاقسى ىستەپ، تابىستاردى ساۋلەلەندىرىپ، زەيىن - زەردەنى، كۇش - قۋاتتى شوعىرلاندىرۋ كەرەك
2019.11.08 15:43 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 7 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا 7 - كەزەكتى دۇنيە جۇزىلىك اسكەريلەر سپورت جارىسىنىڭ ءساتتى وتكىزىلۋىنە بايلانىستى ماڭىزدى نۇسقاۋ بەرىپ مىنانى دارىپتەدى: 7 - كەزەكتى دۇنيە جۇزىلىك اسكەريلەر سپورت جارىسىنىڭ ءساتتى وتكىزىلۋى جۇڭگونىڭ جۇڭگونىڭ كەلبەتىن، اسكەريلەردىڭ ەرەكشەلىگىن ايگىلەدى، «جارىستى جوعارى ورەدە وتكىزۋ، جارىستا تاڭداۋلى ناتيجەگە قول جەتكىزۋ» نىساناسى ورىندالدى. جاڭا جۇڭگو قۇرىلعانىنىڭ 70 جىلدىعى قارساڭىندا، وسى رەتكى حالىقارالىق اسكەريلەر سپورت جينالىسىنىڭ ءساتتى وتكىزىلۋى دۇنيە جۇزىنە جاڭا داۋىردەگى جۇڭگو وبرازىن ايگىلەپ، جۇڭگونىڭ بەيبىت دامۋ دارىپتەمەسىن كورسەتتى. بۇل − پارتيا ورتالىق كوميتەتى مەن ورتالىق اسكەري ىستەر كوميتەتىنىڭ باسشىلىعىندا ۇيىمداستىرۋ القاسىنىڭ، ارميا مەن جەرگىلىكتى ورىننىڭ قاتىستى جاقتارىنىڭ ورتاق قۇلشىنۋىنىڭ ناتيجەسى. حۋبەي ولكەسى مەن ۋحان قالاسى وسكەلەڭ ساياسي جاۋاپكەرلىكپەن دەن قويا ۇيىمداستىرىپ، كەمەلدەندىرە ءتۇسىپ، قالىڭ قالا تۇرعىندارى قوجايىندىق بەينەمەن بەلسەنە ات سالىسىپ، بەلسەنە ۇلەس قوسىپ، اسكەريلەر سپورت جارىسىنىڭ تابىستى بولۋىنا ماڭىزدى ۇلەس قوستى.
شي جينپيڭ مىنالاردى اتاپ كورسەتتى: قاتىستى جاقتار قورىتىندىلاۋ جانە ماداقتاۋ - سيلاۋ قىزمەتىن مۇقيات جاقسى ىستەپ، تابىستاردى ساۋلەلەندىرىپ، زەيىن - زەردەنى شوعىرلاندىرىپ، قالىڭ كادرلار مەن بۇقارانى «ەكى 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اقىل - پاراسات پەن كۇش - قۋات قوسۋعا شابىتتاندىرۋى كەرەك.
10 - ايدىڭ 18 - كۇنىنەن 27 - كۇنىنە دەيىن 7 - كەزەكتى دۇنيە جۇزىلىك اسكەريلەر سپورت جارىسى حۋبەي ولكەسىنىڭ ۋحان قالاسىندا وتكىزىلدى، 109 مەملەكەتتەن كەلگەن اسكەريلەر سپورتىنىڭ 9 مىڭ 300 دەن استام ساڭلاعى جارىسقا قاتىناستى. سپورت جارىسىندا 27 ۇلكەن ءتۇر، 329 شاعىن ءتۇر ورنالاستىرىلدى، ءار ەلدىڭ اسكەري سپورتشىلارى قايسارلىقپەن سايىسىپ، جاڭا بيىككە تالپىنىپ، 7 ءتۇر بويىنشا دۇنيە جۇزىلىك رەكوردتى، 85 ءتۇر بويىنشا حالىقارالىق اسكەريلەر سپورتىنىڭ رەكوردىن جاڭالادى. جۇڭگو حالىق ازاتتىق ارمياسىنىڭ دەنە تاربيە ۋاكىلدەر ۇيىرمەسى 133 التىن مەدال، 64 كۇمىس مەدال، 42 قولا مەدال الىپ، التىن مەدال تاقتاسى مەن جالپى مەدال تاقتاسىندا 1 - ورىندى يەلەپ، جۇڭگو قۇراماسىنىڭ دۇنيە جۇزىلىك اسكەريلەر سپورت جارىسىنىڭ جارىس مايدانىنداعى ناتيجەسى جاعىندا تاريحي قامال الدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
