شي جينپيڭ كوكتەم مەرەكەسى قارساڭىندا يۇنناندا تۇراتىن اسكەري بولىمدەردى كوزدەن كەشىردى
حالىق ازاتتىق ارمياسىنىڭ بارلىق كوماندير - جاۋىنگەرلەرىن، قارۋلى ساقشى بولىمدەرىنىڭ وفيتسەر - جاۋىنگەرلەرىن، حالىق جاساعى زاپاس كۇشتەرىن كوكتەم مەرەكەسىمەن قۇتتىقتادى
2020.01.21 16:42 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 20 - كۇنى، بەيجيڭ (تىلشىلەر لي شۋانلياڭ، لي چيڭحۋا). جۇڭحۋا ۇلتىنىڭ ٴداستۇرلى مەرەكەسى كوكتەم مەرەكەسى قارساڭىندا، اتاپ ايتقاندا، 1 - ايدىڭ 19 -، 20 - كۇندەرى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ يۇنناندا تۇراتىن اسكەري بولىمدەردى كوزدەن كەشىرىپ، شەكارا قورعانىسىنىڭ ءبىرىنشى شەبىنە بارىپ، كوماندير - جاۋىنگەرلەرمەن امانداسىپ، ولاردان حال سۇراپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان حالىق ازاتتىق ارمياسىنىڭ بارلىق كوماندير - جاۋىنگەرلەرىنە، قارۋلى ساقشى بولىمدەرىنىڭ وفيتسەر - جاۋىنگەرلەرىنە، حالىق جاساعى زاپاس كۇشتەرىنە شىنايى سالەم جولدادى جانە كوكتەم مەرەكەسىنە قۇتتى بولسىن ايتتى.
جاڭا جىل باستالىسىمەن بارشا تىرشىلىك يەسى شىت جاڭا تۇسكە ەندى. يۇنناننىڭ بايتاق دالاسى جاسىل جەلەك جامىلعان، بارشا الاپتان جالىندى تىرشىلىك تىنىسى اڭعارىلادى. 1 - ايدىڭ 19 - كۇنى تۇستەن كەيىن ساعات 6 مولشەرىندە شي جينپيڭ ەلىمىزدىڭ باتىس وڭتۇستىك شەكاراسىندا تۇراتىن بەلگىلى شەكارا قورعانىس لاگەرىنە كەلىپ، جاۋىنگەرلەردىڭ جاتاعىنا كىرىپ، كوپشىلىكپەن ىقىلاسپەن اڭگىمەلەسىپ، ولاردىڭ قىزمەت جانە تۇرمىس جاعدايىن ەگجەي - تەگجەيلى ۇعىستى. لاگەر ەمحاناسىندا شي جينپيڭ قاتىستى جاعدايلار جونىندەگى تانىستىرۋدى تىڭداپ، اسكەري ءبولىمنىڭ ەمدەۋ شارت - جاعدايىنىڭ ۇزدىكسىز جاقسارعانىن، كوماندير - جاۋىنگەرلەردىڭ كۇندەلىكتى قاجەتى ءونىمدى قامتاماسىز ەتىلگەنىن ۇعىپ، وتە ريزا بولدى.
كەشكى تاماق ۋاقىتى تاياپ قالعان ەدى، اسپازدىق كلاسىنداعى جاۋىنگەرلەر اسحانادا قاربالاس بولىپ جاتىر. شي جينپيڭ وسى اراعا كەلىپ اسكەري ءبولىمنىڭ اس - سۋ جاعدايىن كوزدەن كەشىرىپ، تاعام تۇرلەرىنىڭ مول ەكەنىن بايقادى، ونىڭ ايرىقشا تەبىرەنگەنى جانارىنان اڭعارىلىپ تۇردى. ول اسكەري بولىمگە مەرەكە كەزىندەگى تۇرمىستى ويداعىداي ورنالاستىرىپ، جاۋىنگەرلەردىڭ كوكتەم مەرەكەسىن كوڭىلدى، بەرەكەلى، حاۋىپسىز وتكىزۋىنە مۇمكىندىك جاساۋدى تاپسىردى.
شي جينپيڭ شەكارا قورعانىس ءبىرىنشى شەبىندە مىندەت اتقارىپ جاتقان كوماندير - جاۋىنگەرلەردى كوكەيىنەن شىعارمايتىن، وسى جولى كەسكىن ارقىلى قاتىستى اسكەري بولىمدەردەن ارنايى حال سۇرادى. بەلگىلى مينا تازالاۋ ۇلكەن اترەتى مىندەت وتەۋ تارماق اترەتى «مينا تازالاۋشى قاھارمان جاۋىنگەر» دۋ فۋگو تۇرعان اسكەري ءبولىم بولىپ، تالاي رەت شەكارادا مينا تازالاۋ مىندەتىن ورىنداعان ەدى. شي جينپيڭ ولاردىڭ مينا قاتەرىن الاستاپ، شەكارا وڭىردەگى حالىقتىڭ باقىتتى، تىنىش تۇرمىس كەشىرۋى جولىندا قوسقان ماڭىزدى ۇلەسىن تولىق تۇراقتاندىرىپ، ولاردى حاۋىپسىزدىك قورعانىسىن وتە مۇقيات ىستەپ، مينانى دەن قويا تازالاپ، پارتيا مەن حالىققا تاعى دا تىڭ ۇلەس قوسۋعا شابىتتاندىردى. بەلگىلى شەكارا قورعانىس بولىمشە اترەتى شەكارا قازىعى مىندەت وتەۋ ءتۇيىنىنىڭ الدىندا ساپ تۇزەپ، ءتوراعا شي جينپيڭگە جاعدايدان مالىمەت بەردى. شەكارا قورعانىسى كوماندير - جاۋىنگەرلەرىنىڭ رۋحى تاسقىنداپ، ايباتى اسىپ تۇرعانىن كورگەن شي جينپيڭ ايرىقشا قۋاندى. ول مىنالاردى ءبىلدىردى: كوپشىلىك، جاپا شەكتىڭىزدەر، سىزدەر شەكارانى باسقارۋدىڭ، شەكارانى مەڭگەرۋدىڭ ءبىرىنشى شەبىندە شايقاس جۇرگىزىپ وتىرسىزدار، بورىشتارىڭىز داڭقتى، جاۋاپكەرلىكتەرىڭىز اۋىر، سىزدەر وسكەلەڭ ساقتىق كۇيىن ساقتاپ، شەكارا قورعانىسىن قاتاڭ ۇيىمداستىرىپ، شەكارا ءوڭىردىڭ حاۋىپسىزدىگى مەن ورنىقتىلىعىن جانە حالىق بۇقاراسىنىڭ باس اماندىعى مەن مال - مۇلكىنىڭ حاۋىپسىزدىگىن ويداعىداي قورعاۋلارىڭىز كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
