شي جينپيڭ جاڭا تيپتەگى ءتاج ءتارىزدى ۆيرۋس جۇققان وكپە قابىنۋ ىندەتى جونىندە ماڭىزدى نۇسقاۋ بەرگەندە مىنانى دارىپتەدى
حالىق بۇقاراسىنىڭ باس اماندىعى مەن دەنساۋلىعىن ءبىرىنشى ورىنعا قويىپ، ىندەتتىڭ ءورشۋ جاعدايىن باتىل تەجەۋ كەرەك
لي كىچياڭ بەكىتۋ جازدى
2020.01.21 16:44 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 20 - كۇنى، بەيجيڭ. جۋىردا حۋبەي ولكەسىنىڭ ۋحان قالاسى قاتارلى كوپتەگەن وڭىردە جاڭا تيپتەگى ءتاج ءتارىزدى ۆيرۋس جۇققان وكپە قابىنۋ ىندەتى تۋىلدى. 1 - ايدىڭ 20 - كۇنى ساعات 18 گە ەل ىشىندە جاڭا تيپتەگى ءتاج ءتارىزدى ۆيرۋس جۇققان وكپە قابىنۋىنا شالدىققان ناۋقاستار 224 ادام بولعان، مۇنىڭ ىشىندە اۋرۋى تۇراقتاندىرىلعان ناۋقاس 217 ادام (ۋحان قالاسىندا 198 ادام، بەيجيڭ قالاسىندا 5 ادام، گۋاڭدۇڭ ولكەسىندە 14 ادام)؛ اتالعان اۋرۋعا شالدىعۋ كۇدىگى بار ناۋقاستار 7 ادام (سىچۋان ولكەسىندە 2 ادام، حىنان ولكەسىندە ءبىر ادام، شاڭحاي قالاسىندا 2 ادام، گۋاڭشي جۋاڭزۋ اۆتونوميالى رايونىندا ءبىر ادام، شاندۇڭ ولكەسىندە ءبىر ادام). اتالعان اۋرۋعا شالدىعۋشىلار جونىنەن جاپونيا ءبىر ادامدى، تايلاند 2 ادامدى، كورەيا ءبىر ادامدى حابارلاندىردى.
ىندەت تۋىلعاننان كەيىن پارتيا ورتالىق كوميتەتى، مەملەكەتتىك كەڭەس بۇعان ايرىقشا ءمان بەردى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ بىلاي دەپ اتاپ كورسەتتى: حۋبەي ولكەسى ۋحان قالاسى سياقتى جەرلەردە تاياۋدا جاڭا تيپتەگى ءتاج ءتارىزدى ۆيرۋس جۇققان وكپە قابىنۋ ىندەتى ارت – ارتىنان تۋىلدى، بۇعان ايرىقشا ءمان بەرىپ، ساقتانۋ – تەجەۋ قىزمەتىن بار كۇشپەن جاقسى ىستەۋ كەرەك. قازىر كوكتەم مەرەكەسى كەزى، ادامدار كەڭ كولەمدە ءجيى جوتكەلەدى، جۇقپالى اۋرۋدان ساقتانۋ جانە ونى ەمدەۋ قىزمەتىن ويداعىداي ىستەۋ توتەنشە ماڭىزدى. ءار دارەجەلى پارتكومدار مەن ۇكىمەتتەر جانە قاتىستى تاراۋلار حالىق بۇقاراسىنىڭ باس اماندىعى مەن دەنساۋلىعىن ماڭداي الدى ورىنعا قويىپ، ەگجەي - تەگجەيلى جوبا جاساپ، ءار جاقتاعى كۇشتەردى ۇيىمداستىرىپ، ساقتانۋ، تەجەۋ قىزمەتىن ورىستەتىپ، شىنايى ءونىمدى شارالار قولدانىپ، ىندەتتىڭ ءورشۋىن باتىل تەجەۋى كەرەك. ناۋقاستى بار كۇشپەن ەمدەپ، ۆيرۋستىڭ جۇعۋى مەن تارالۋىنىڭ سەبەبىن تەز ارادا انىقتاپ، باقىلاۋدى كۇشەيتىپ، ءبىر جاقتى ەتۋ ءتارتىبىن ارناعا ءتۇسىرۋ كەرەك. جۇقپالى اۋرۋ جاعدايى جونىندەگى ينفورماتسيالاردى دەر كەزىندە جاريالاپ، حالىقارالىق سەلبەستىكتى تەرەڭدەتۋ كەرەك. قوعامدىق پىكىرگە جەتەكشىلىك ەتۋدى كۇشەيتىپ، قاتىستى ساياسات - شارالاردى ۇگىتتەۋ، ءتۇسىندىرۋ قىزمەتىن كۇشەيتىپ، قوعامدىق جالپى جاعدايدىڭ ورنىقتىلىعىن باتىل قورعاپ، حالىق بۇقاراسىنىڭ كوكتەم مەرەكەسىن تىنىش، بەرەكەلى وتكىزۋىنە كەپىلدىك ەتۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ، مىنالاردى اتاپ كورسەتتى: قاتىستى تاراۋلار مەن جەرگىلىكتى ورىندار حالىق بۇقاراسىنىڭ دەنساۋلىعىنا ايرىقشا جاۋاپتى بولۋ پوزيتسياسىمەن توتەپ بەرۋ جوباسىن كەمەلدەندىرىپ، ساقتانۋ، تەجەۋ قىزمەتىن بار كۇشپەن ويداعىداي ىستەپ، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ جانە شوعىرلى قۇتقارۋ شارالارىن تياناقتاندىرۋى كەرەك. ۆيرۋستىڭ قاينار كوزى مەن ينفەكسيالانۋ، تارالۋ سياقتى مەحانيزمدەردى تەكسەرىپ انىقتاۋدى تەزدەتۋ كەرەك، جۇقپالى اۋرۋ جاعدايى مەن ساقتانۋ، تەجەۋ قىزمەتى جونىندەگى ينفورماتسيالاردى دەركەزىندە شىنايى جاريالاۋ، جۇقپالى اۋرۋدان ساقتانۋ جونىندەگى بىلىمدەردى عىلمي ۇگىتتەۋ كەرەك. دۇنيە جۇزىلىك دەنساۋلىق ساقتاۋ ۇيىمىمەن، قاتىستى ەلدەرمەن جانە شياڭگاڭ، اۋمىن، تايۋان رايوندارىمەن تىلدەسۋدى، سايكەسۋدى ويداعىداي ىستەپ، تىعىز سەلبەسىپ، بىرىككەن كۇش قالىپتاستىرىپ، جۇقپالى اۋرۋدىڭ كەڭەيۋىنەن باتىل ساقتانۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
