بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شاعىن ىستەرگە نازار: باس شۋجي شي جينپيڭ ەكى ءماجىلىستىڭ ۇيىرمە، گرۋپپالارىنىڭ قيمىلدارىنا قاتىناستى (ەكى ءماجىلىستىڭ ناق مايدانىنا نازار)

2020.05.24 13:04     كەلۋ قاينارى : حالىق تورابى

  ۋاقىتى: 5 - ايدىڭ 23 - كۇنى تۇستەن بۇرىن

  كۇن ءتارتىبى: باس شۋجي شي جينپيڭ ساياسي كەڭەستىڭ ماجىلىسىنە قاتىناسقان ەكونوميكا سالاسىنداعى مۇشەلەرگە امانداسا باردى

  «حالىقتىق كاسىپورىندار جۇڭگونىڭ <ءۇمىت اتىزىندا> جەتىلۋدە»

  جيىن الاڭىندا مۇشە ليۋ يۇڭحاۋدىڭ سوزىنەن بيىل جاڭا ءۇمىت توبىنىڭ جاڭادان 20 مىڭ ادامدى كاسىپتەندىرمەك بولىپ وتىرعانىن ۇققان باس شۋجي شي جينپيڭ: «20 مىڭ ادامنىڭ كاسىپتەنۋ باعىتى قانداي؟» دەپ ءسوز قىستىردى.

  «شوشقا باعۋ، ازىق ـ تۇلىك مانەرلەۋ جانە زات جەتكىزۋ. بيىل 5 - ايدان بۇرىن 10 مىڭ ادام جاڭادان قابىلداندى، تاعى 10 مىڭ ادام قابىلداۋدى جوسپارلاپ وتىرمىز».

  ىندەت جاعدايىندا حالىقتىق كاسىپورىندار ۇلكەن سىناققا ۇشىرادى. وسىنداي جاعدايدا ليۋ يۇڭحاۋ تەكسەرۋ ـ زەرتتەۋ جۇرگىزدى. حالىقتىق كاسىپورىنداردىڭ ءوندىرۋ، ساتۋ، قارجى قوسۋ، كاسىپتەندىرۋ سياقتى جۇمىس بۋىندارى جونىندە ەكى ءماجىلىس الاڭىنا پىكىر - ۇسىنىسىن الا كەلدى.

  ونىڭ ءسوزىن تىڭداعاننان كەيىن باس شۋجي شي جينپيڭ ەكونوميكا سالاسىنداعى مۇشەلەرگە كوز تاستاپ بىلايشا اقتارىلدى:

  «حالىقتىق كاسىپورىندار جۇڭگونىڭ <ءۇمىت اتىزىندا> جەتىلۋدە. ونىڭ العاشقى جاعدايىن يەن دالاعا ۇقساتۋعا بولادى، جاماپ - جاسقاۋ بارىسىندا تىرشىلىك تىنىسىنا يە بولدى. جۇڭگو حالىقتىق كاسىپورىنداردى دامىتۋ جولىمەن ءجۇردى، مۇنداعى قيىنشىلىقتى اتاماڭىز! وسى جاقتان دا جۇڭگوشا سوتسياليستىك ءتۇزىم جاعدايىندا تىڭ جول اشتىق».

  تاۋ اسىپ، تاس باسىپ، كوپىر سالىپ، ەرلىك جىرىن جىرلادىق. «حالىقتىق كاسىپورىندار دامىپ بۇگىنگىدەي كولەمگە جەتتى، جۇڭگوشا سوتسياليزمگە وسىنشاما ۇلەس قوستىق، بۇل شىنىندا كەرەمەت تابىس سانالادى».

  توسىن تۋىلعان ىندەت جاعدايى اياق الىسىمىزدى بۇزىپ جىبەردى. بۇرىن گۇلدەنىپ - كوركەيگەن حالىقتىق كاسىپورىندار ىندەت جاعدايىندا اعىنعا قارسى ۇمتىلا ما، الدە بارعا قاناعات ەتىپ وتىرا ما؟ مۇندا تالعام ۇقسامايدى، ءبىراق ولاردىڭ ورتاق ءبىر بايقاۋى بار، مۇندا ايتىلىپ وتىرعانى پارتيا ورتالىق كوميتەتىنىڭ حالىقتىق كاسىپورىنداردىڭ دامۋىنا قولداۋ كورسەتىپ، كومەك بەرۋى جونىندەگى انىق حابار ەدى.

  بولاشاق جونىنەن باس شۋجي شي جينپيڭ العا باسۋدىڭ، شەگىنۋدىڭ قيىن ەكەنىن تىلگە تيەك ەتتى، ديالەكتيكالىق ويلاۋ جانە دامۋ لوگيكاسى تۇرعىسىنان اسا قۇندى پىكىر - ۇسىنىسىن ورتاعا سالدى:

  «ىشكەرىلەي دامۋ ءۇشىن ءالى دە قيىنشىلىق بارىسىندا دامۋىمىز كەرەك. مۇنداعى قيىندىق دەگەنىمىز فيلوسوفيالىق ماعىنادان ءارقانداي سالا ءدوپ كەلەتىن، العا باسۋ جولىنداعى ماڭگىلىك ماسەلە سانالادى. قازىر عاسىردا كەزدەسپەيتىن زور وزگەرىستەرگە ءدوپ كەلىپ وتىرمىز. 100 جىلدىق كۇرەس نىساناسىن جۇزەگە اسىرۋ بارىسىندا قيىندىق ءارقايسى جاقتا ءومىر سۇرەدى. تۇرلىشە مەزگىلدە تۇرلىشە قيىن ماسەلەلەردى شەشۋگە تۋرا كەلەدى، ءبىز قازىر حالىقتىق كاسىپورىنداردىڭ دامۋىنداعى كەزەڭدىك قيىن ماسەلەلەردى قالاي شەشۋدى ىشكەرىلەي زەرتتەۋىمىز كەرەك».

  ماسەلە − ءداۋىردىڭ ءۇنى. ىندەت تارالعان مەزگىلدە ءبىر توپ جاڭا تەحنيكا، جاڭا كاسىپ كۇيى توپ جارىپ شىقتى، حالىقتىق كاسىپورىنداردىڭ بەينەسى كورنەكتى بولعانىمەن، جاڭا ماسەلەلەر دە سوعان ىلەسە تۋىنداپ وتىر. مۇشە ۋاڭ ي - ميڭ «جاڭاشا كاسىپتەندىرۋ كۇيىنە» قاتىستى زاڭداردى شىعارۋدى ۇسىنىس ەتتى. باس شۋجي شي جينپيڭ بۇل جونىندە بىلاي دەپ دارىپتەدى: جاڭا كاسىپ كۇيى كەيىن شىققانىمەن، الايدا، زاڭ بويىنشا ولشەمدەندىرۋ ءىسىن كەشەۋىلدەتۋگە بولمايدى، ۋاعىندا زەرتتەپ، زاڭنىڭ ولقىلىقتارىن دەر كەزىندە تولىقتاپ، وزگەرىس بارىسىندا ۇزدىكسىز كەمەلدەندىرۋىمىز كەرەك...

  داعدارىس بارىسىندا جاڭا وراي، وزگەرىس بارىسىندا جاڭا جاعداي جاراتۋ كەرەك، تاريح تەگەرشىگى ماسەلەلەردى ءبىر - بىرلەپ شەشۋ ساپارىندا ۇدىرە العا تارتادى. باس شۋجي شي جينپيڭ بەرىك سەنىممەن بىلاي دەدى: «ۇزدىكسىز ىزدەنىس جاساپ، ۇزدىكسىز كۇرەس جۇرگىزىپ، قيىنشىلىقتاردى ۇزدىكسىز جەڭىپ، جاڭا كەزەڭدەگى جاڭا نىسانانى جۇزەگە اسىرۋدىڭ جاڭا جولىنا ءتۇسۋىمىز كەرەك».

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار