شي جينپيڭ كاسىپورىنشىلاردىڭ اڭگىمە ءماجىلىسىن باسقارىپ اشقاندا مىنانى دارىپتەدى
بازار تۇلعالارىنىڭ ومىرشەڭدىك كۇشىن قاۋلاتىپ، كاسىپورىنشىلار رۋحىن ساۋلەلەندىرىپ، كاسىپورىنداردىڭ اناعۇرلىم زور رول اتقارىپ، اناعۇرلىم زور دامۋدى جۇزەگە اسىرۋىن ىلگەرىلەتۋ كەرەك
ۋاڭ ياڭ، ۋاڭ حۋنيڭ، حان جىڭ ماجىلىسكە قاتىناستى
2020.07.22 19:23 كەلۋ قاينارى : حالىق تورابى
«حالىق گازەتى»، 7 - ايدىڭ 21 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 7 - ايدىڭ 21 - كۇنى تۇستەن كەيىن بەيجيڭدە كاسىپورىنشىلاردىڭ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى دارىپتەدى: رەفورما جاساپ، قاقپا اشقاننان بەرى ەلىمىز سوتسياليستىك بازار ەكونوميكاسى ءتۇزىلىسىن بىرتىندەپ ورناتتى جانە كەمەلدەندىردى، بازار جۇيەسى ۇزدىكسىز دامىپ، ءتۇرلى بازار تۇلعالارى قارىشتاپ دامىدى. جاڭا تيپتى ايدارشا ۆيروس وكپە قابىنۋ ىندەتى ەلىمىز ەكونوميكاسى مەن دۇنيە ءجۇزى ەكونوميكاسىنا وراسان زور سوققى جاسادى، ەلىمىزدىڭ كوپتەگەن بازار تۇلعالارى بۇرىن بولىپ كورىلمەگەن قىسىمعا ءدوپ كەلدى. بازار تۇلعالارى − ەكونوميكانىڭ كۇش - قۋات دانەكەرى، بازار تۇلعالارىن قورعاعاندىق − قوعامدىق وندىرگىش كۇشكە كەپىلدىك ەتكەندىك. بازار تۇلعالارىن امالدىڭ بارىنشا ويداعىداي قورعاپ، بازار تۇلعالارىنىڭ ومىرشەڭدىك كۇشىن تاسقىنداتىپ، كاسىپورىنشىلار رۋحىن ساۋلەلەندىرىپ، كاسىپورىنداردىڭ اناعۇرلىم زور رول اتقارىپ، اناعۇرلىم زور دامۋدى جۇزەگە اسىرۋىن ىلگەرىلەتىپ، ەكونوميكانىڭ دامۋىنا نەگىزگى كۇش قوسۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ اڭگىمە ماجىلىسىنە قاتىناستى.
اڭگىمە ماجىلىسىندە حايكاڭ ۋييان سيفرلى تەحنيكا شەكتى جارنا سەرىكتەستىگىنىڭ باس جوراسى، پارتكوم شۋجيى چىن زۇڭنيان، جۇڭگو جۇڭحۋا توبى شەكتى سەرىكتەستىگىنىڭ باس جوراسى، پارتگرۋپپاسىنىڭ شۋجيى نيڭ گاۋنيڭ، ۋحان گاۋدىجىن شەكتى جارنا سەرىكتەستىگىنىڭ باس جوراسى حۋاڭ لي، گوەرتەك شەكتى جارنا سەرىكتەستىگىنىڭ باس جوراسى جياڭ بين، شاڭحاي پينحاي قوناق ءۇيىنىڭ باس ديرەكتورى جاۋ شيانجىن، ميكروسوفت دۇنيە جۇزىلىك قارجى قوسۋ شەكتى سەرىكتەستىگى باس جوراسىنىڭ ورىنباسارى، ميكروسوفت ازيا - تىنىق مۇحيت زەرتتەۋ توبىنىڭ ءتوراعاسى حۇڭ شياۋۋىن، سۇڭشيا ەلەكتر جابدىقتارى (جۇڭگو) شەكتى سەرىكتەستىگىنىڭ باس جوراسى جاۋ بيڭدي سىندى كاسىپورىنشىلاردىڭ 7 ۋاكىلى ىلگەرىندى - كەيىندى ءسوز سويلەپ، قازىرگى ەكونوميكالىق جاعداي، بازار تۇلعالارىن قورعاۋ، عىلىم - تەحنيكادا جاڭالىق جاراتۋدى كۇشەيتۋ، كاسىپورىن رەفورماسىن تەرەڭدەتۋ، دارىندىلاردى جاقسى باۋراۋ، ويداعىداي ىستەتۋ، «14 – بەسجىلدىق» جوبا قۇرىلىسى سياقتىلار جونىندە پىكىر جانە ۇسىنىس بەردى. ءسوز سويلەۋ بارىسىندا شي جينپيڭ ءىشىنارا ماسەلەلەر جونىندە كوپشىلىكپەن ىشكەرىلەي پىكىر اۋىستىردى، ناق مايدان قىزۋ بەينەگە شومدى.
كوپشىلىكتىڭ ءسوزىن مۇقيات تىڭداعاننان كەيىن شي جينپيڭ ماڭىزدى ءسوز سويلەدى. ول بىلاي دەدى: بۇكىل ەل بويىنشا جوعارىدان تومەنگە دەيىن ورتاق كۇش سالۋ ارقىلى قازىر ەلىمىز ىندەتتەن ساقتانۋ - تىزگىندەۋدە كەلەلى ستراتەگيالىق تابىستارعا قول جەتكىزدى، ەكونوميكانىڭ دامۋىندا ورنىعۋ، جاقسارۋ جاعدايى جارىققا شىقتى، ىندەتتەن ساقتانۋ - تىزگىندەۋ جانە ەكونوميكانى قالپىنا كەلتىرۋ جاعىندا دۇنيە ءجۇزىنىڭ الدىڭعى لەگىندە جۇردىك، احۋال مەجەدەگىدەن جاقسى. ءبىز سەنىمدى كۇشەيتىپ، قيىندىققا قارسى ۇمتىلىپ، ىندەتتەن تۋىلعان زياننىڭ ورنىن تولتىرۋعا كۇش سالىپ، تۇتاس جىلداعى ەكونوميكالىق دامۋدىڭ تاماشا ناتيجەسىنە قول جەتكىزۋگە قۇلشىنۋىمىز كەرەك.
شي جينپيڭ مىنالاردى اتاپ كورسەتتى: بازار تۇلعالارى − ەلىمىزدىڭ ەكونوميكالىق قيمىلدارىنداعى نەگىزگى قاتىناسۋشى، جۇمىستانۋ ورايىنىڭ باستى قامداۋشىسى، تەحنيكالىق العاباسارلىقتىڭ باستى ىلگەرىلەتۋشىسى، ولار مەملەكەتتىڭ دامۋىندا توتەنشە ماڭىزدى رول اتقارادى. جاڭا تيپتى ايدارشا ۆيروس وكپە قابىنۋ ىندەتى تۋىلعاننان بەرى ءار دارەجەلى پارتكوم مەن ۇكىمەتتىڭ باسشىلىعىندا، ءتۇرلى بازار تۇلعالارى ىندەتكە توتەپ بەرۋ حالىقتىق شايقاسىنا بەلسەنە ات سالىسىپ، ىنتىماقتاسا سەلبەسىپ، قيىنشىلىقتاردى جەڭىپ، قايراتتانا العا ۇمتىلدى، سونىمەن بىرگە، ىندەتتەن ساقتانۋ - تىزگىندەۋگە پارمەندى زاتتىق تىرەك ازىرلەدى. شي جينپيڭ قالىڭ مەملەكەت مەنشىگىندەگى كاسىپورىنداردىڭ، حالىقتىق كاسىپورىنداردىڭ، شەتەل كاپيتالىمەن قۇرىلعان كاسىپورىنداردىڭ، شياڭگاڭ، اۋمىن، تايۋان قارجىلاندىرعان كاسىپورىنداردىڭ، جەكە ونەركاسىپشىلەر مەن ساۋداگەرلەردىڭ ىندەتتەن ساقتانۋ - تىزگىندەۋگە جانە ەكونوميكالىق، قوعامدىق دامۋعا قوسقان ۇلەستەرىنە شىن جۇرەكتەن العىس ايتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
