بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ مەن نەپالدىڭ زۇڭتۇڭى بانداري ءبىر - بىرىنە حات جولداپ، چومالاڭما شىڭىنىڭ بيىكتىگىن بىرگە جاريالادى

2020.12.09 16:09     كەلۋ قاينارى : حالىق تورابى

  شينحۋا اگەنتتىگى، 12 - ايدىڭ 8 - كۇنى، بەيجيڭ. مەملەكەت ءتوراعاسى شي جينپيڭ مەن نەپالدىڭ زۇڭتۇڭى بانداري 12 - ايدىڭ 8 - كۇنى ءبىر - بىرىنە حات جولداپ، چومالاڭما شىڭىنىڭ بيىكتىگىن بىرگە جاريالادى.

  شي جينپيڭ بىلاي دەپ اتاپ كورسەتتى: وتكەن جىلى ءبىز جۇڭگو مەن نەپالدىڭ چومالاڭما شىڭىنىڭ ەڭ جاڭا بيىكتىگىن بىرگە جاريالاۋى جونىندە ورتاق تانىمعا كەلدىك. ءبىر جىلدان استام ۋاقىتتان بەرى ەكى ەلدىڭ شىڭنىڭ بيىكتىگىن ولشەۋ ۇيىرمەلەرى ءتۇرلى قيىنشىلىقتاردى جەڭىپ، قىزمەتتى تىڭعىلىقتى ورىستەتىپ، ەڭ سوڭىندا بۇكىل جەر شارىنىڭ بيىكتىگىن نەگىز ەتكەن چومالاڭما شىڭىنىڭ قار بەتى بيىكتىگىن تۇراقتاندىردى. بۇگىن بانداري زۇڭتۇڭ ەكەۋىمىز جۇڭگو مەن نەپال ەلدەرى اتىنان بۇكىل دۇنيە جۇزىنە چومالاڭما شىڭىنىڭ ەڭ جاڭا بيىكتىگى 8848.86 مەتر ەكەنىن رەسمي جاريالاپ وتىرمىز.

  شي جينپيڭ مىنالاردى اتاپ كورسەتتى: چومالاڭما شىڭى − ەكى ەل دوستىعىنىڭ ماڭىزدى سيمۆولى. ەكى ەل وسى دۇنيە جۇزىندەگى ەڭ بيىك شىڭدى جۇڭگو مەن نەپال اراسىنداعى شەكارا شىڭى جانە «جۇڭگو - نەپال دوستىق شىڭى» ەتىپ تۇراقتاندىردى. بۇگىن ءسىز ەكەۋىمىزدىڭ چومالاڭما شىڭىنىڭ ەڭ جاڭا بيىكتىگىن جاريالاۋىمىز بۇرىنعىعا مۇراگەر بولىپ، كەيىنگىگە جول اشۋ سىندى داۋىرلىك ماڭىزعا يە، سونداي - اق جۇڭگو - نەپال قاتىناسىنىڭ ءۇرتىس دامۋىنىڭ جوعارى دەڭگەيىن تولىق ايگىلەدى. جۇڭگو جاق نەپالمەن بىرگە چومالاڭما شىڭىنىڭ ەكولوگيالىق ورتاسىن قورعاۋ جانە عىلمي زەرتتەۋ سەلبەستىگىن بەلسەنە ىلگەرىلەتىپ، ەكى ەل حالىقتارىنىڭ ورتاق باعالى بايلىعى مەن مەكەنىن ويداعىداي قورعاۋعا پەيىل.

  شي جينپيڭ مىنالاردى دارىپتەدى: بيىل − جۇڭگو مەن نەپالدىڭ ديپلوماتيالىق قاتىناس ورناتقانىنىڭ 65 جىلدىعى. ەكى جاقتىڭ ورتاق قۇلشىنۋىندا ەكى ەلدىڭ ساياسي سەنىمدىلىگى كۇن سايىن كۇشەيدى، «ءبىر بەلدەۋ، ءبىر جولدى» بىرگە قۇرۋ نىق قاداممەن ىلگەرىلەتىلدى، گيمالاي تاۋىن اتتاعان ستەرەولدى ۇلاستىرۋ - تۇتاستىرۋ تورابى ىزگى تىلەكتەن رەالدىققا اينالۋدا. جۇڭگو مەن نەپال ەكى ەلدىڭ دامۋ جانە گۇلدەنۋگە بەت العان ستراتەگيالىق سەلبەستىك سەرىكتەستىك قاتىناسىن ۇزدىكسىز دامىتىپ، جۇڭگو مەن نەپالدىڭ اناعۇرلىم تىعىز تاعدىرلاس ورتاق تۇلعاسىن بىرگە قۇرىپ، ەكى ەلگە جانە ەكى ەل حالىقتارىنا باقىت جاراتۋى كەرەك.

  بانداري حاتىندا مىنالاردى ءبىلدىردى: نەپال مەن جۇڭگو ەجەلدەن تاتۋ كورشى، ابزال دوس، جاقسى سەرىك بولىپ كەلەدى، ەكى ەلدىڭ ەكونوميكانى دامىتۋ، ۇلاستىرۋ - تۇتاستىرۋ، گۋمانيتارلىق سياقتى سالالارداعى سەلبەستىگى ەكى ەلدىڭ مۇددەسىنە ۇيلەسەدى. چومالاڭما شىڭى − نەپال مەن جۇڭگونىڭ ءداستۇرلى دوستىعىنىڭ باياندى سيمۆولى، مەن وزىڭىزبەن بىرگە چومالاڭما شىڭىنىڭ ەڭ جاڭا قار بەتى بيىكتىگى 8848.86 مەتر ەكەنىن جاريالاعانىما وتە قۋانىشتىمىن. بۇگىن ەكى جاقتىڭ چومالاڭما شىڭىنىڭ ەڭ جاڭا بيىكتىگىن بىرگە جاريالاۋى تاريحي مانگە يە. ءتوراعا شي جينپيڭ بىلتىر نەپالدا مەملەكەتتىك ساپاردا بولىپ، جۇڭگو - نەپال قاتىناسىنىڭ جانە ەكى جاقتى سەلبەستىكتىڭ جاڭا داۋىرگە ءوتۋىن ىلگەرىلەتتى. ەكى ەل ۇكىمەتتەرى ساپار بارىسىندا قالىپتاسقان ورتاق تانىمدى تياناقتاندىرىپ، ەكونوميكالىق، قوعامدىق دامۋ جانە گۇلدەنۋدى جۇزەگە اسىرۋعا بىرگە كۇش سالۋى كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار