بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭمەن تەلەفوندا سويلەستى

2020.12.23 16:31     كەلۋ قاينارى : حالىق تورابى

  شينحۋا اگەنتتىگى، 12 - ايدىڭ 22 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 12 - ايدىڭ 22 - كۇنى ۋادە بويىنشا لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بىنياڭمەن تەلەفوندا سويلەستى.

  شي جينپيڭ مىنالاردى ءبىلدىردى: مەن بيىل باس شۋجي بىنياڭ جولداسپەن تەلەفوندا تاعى دا سويلەسكەنىمە وتە قۋانىشتىمىن. لاوس حالىقتىق توڭكەرىس پارتياسى ورتالىق كوميتەتى مەن باس شۋجي بىنياڭ جولداستىڭ پارمەندى باسشىلىعىندا لاوستىڭ ساياسيى ورنىقتى بولىپ، ەكونوميكاسى باياندى دامىپ، حالىق تۇرمىسى كورنەكتى جاقساردى. تاياۋ جىلداردان بەرى باس شۋجي بىنياڭ جولداس ەكەۋىمىز جۇڭگو - لاوس تاعدىرلاس ورتاق تۇلعاسى قۇرىلىسىن بەلسەنە ىلگەرىلەتىپ، جۇڭگو - لاوس قاتىناسىنىڭ جاڭا ءداۋىرىن اشتىق. ءبىز كەدەيلەردى سۇيەمەلدەۋ قىزمەتىنە ايرىقشا ءمان بەرىپ، كەدەيلەردى سۇيەمەلدەۋ سەلبەستىگىن جۇڭگو - لاوس قاتىناسىنىڭ كورىنەۋ تۇيىنىنە اينالدىردىق. ەكى جاق ىندەتكە قارسى اتتانۋ، تاسقىنعا قارسى اتتانۋ كۇرەسىن قول ۇستاسا ورىستەتىپ، ىندەتتى ساياسيلاندىرۋعا، ىندەتتەن پايدالانىپ وزگە ەلدەردىڭ اتىنا كۇيە جاعۋعا بىرگە قارسى تۇرىپ، تار جول، تايعاق كەشۋدەن بىرگە ءوتۋ، ءبىر - بىرىنە قارايلاسۋ سىندى تاعدىرلاس ورتاق تۇلعا رۋحىن جاندى ءتۇسىندىردى. باس شۋجي بىنياڭ جولداس جۇڭگو مەن لاوستىڭ دوستىعىن دامىتۋعا جۇرەك قانىن ارنادى، مەن دە باس شۋجي بىنياڭ جولداسپەن تىعىز قىزمەت قاتىناسىن جانە تەرەڭ دوستىق ورناتتىم.

  شي جينپيڭ بىلاي دەدى: كەلەر جىلى جۇڭگو كوممۋنيستىك پارتياسى پارتيا قۇرىلعانىنىڭ 100 جىلدىعىن قارسى الىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايمىز. لاوس پارتياسى 11 - قۇرىلتايىن وتكىزىپ، مەملەكەت قۇرىلىسى مەن سوتسياليزم دامۋىنىڭ جاڭا كەزەڭىنە قادام تاستايدى. ءبىز لاوسپەن بىرگە جاڭا داۋىردەگى ەكى پارتيا، ەكى ەل قاتىناسىندا جاڭا جاعداي اشىپ، تىڭ داستان جازۋدى قالايمىز. ەكى جاق ستراتەگيالىق تىلدەسۋدى تەرەڭدەتىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى باتىل قولداۋى كەرەك. ەكى جاق جوعارى جىكتەگىلەردىڭ بارىس - كەلىسىن جيىلەتىپ، پارتيانى، مەملەكەتتى جونگە سالۋ نازارياسى مەن تاجىريبە اۋىس - كۇيىسىن تەرەڭدەتىپ، ەكى پارتيانىڭ جان - جاقتى، كەڭ سالالى، كوپ ساتىلى بارىس - كەلىس جاعدايىن ۇزدىكسىز كەمەلدەندىرۋى كەرەك. ەكى جاق دامۋ ستراتەگياسىن ۇشتاستىرۋدى تەرەڭدەتىپ، جۇڭگونىڭ جاڭا دامۋ جاعدايىن جانە «وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمىنە» رەسمي قول قويىلۋىن وراي ەتىپ، جۇڭگو - لاوس ەكونوميكالىق ءدالىزى مەن جۇڭگو - لاوس تەمىر جول قۇرىلىسىن ورنىقتى ىلگەرىلەتىپ، مادەنيەت، وقۋ - اعارتۋ، جاستار، ساياحات سياقتى سالالارداعى سەلبەستىكتى كەڭەيتۋى ءارى حالىقارالىق جانە وڭىرلىك ىستەردەگى سايكەسۋدى كۇشەيتىپ، جۇڭگو - لاوس تاعدىرلاس ورتاق تۇلعاسى قۇرىلىسىنىڭ تەرەڭدەۋىن، ناقتىلانۋىن ىلگەرىلەتىپ، ەكى ەل حالىقتارىنا ءتىپتى دە زور باقىت جاراتۋى كەرەك. لاوس پارتياسى 11 - قۇرىلتايىنىڭ كەلەر جىلى ءساتتى اشىلۋىنا تىلەكتەسپىن.

  بىنياڭ مىنالاردى ءبىلدىردى: ەكى پارتيا، ەكى ەل ماڭىزدى شەشۋشى مەزگىلدە تۇرعان ساتتە باس شۋجي شي جينپيڭمەن تەلەفوندا سويلەسكەنىمە توتەنشە قۋانىشتىمىن. قازىر لاوستىڭ ساياسيى، ەكونوميكاسى، سىرتقى سەلبەستىگى تاماشا دامۋ جاعدايىن ساقتاپ وتىر، لاوس پارتياسى مەن ۇكىمەتى كەلەر جىلدىڭ باسىندا وتكىزىلەتىن پارتيانىڭ 11 - قۇرىلتايى مەن 9 - كەزەكتى پارلامەنت ماجىلىسىنە بار كۇشپەن دايىندالۋدا. لاوس جۇڭگو پارتياسىنىڭ، ۇكىمەتىنىڭ جانە حالقىنىڭ لاوستا ىندەت تارالعان كەزدە لاوسقا دەر كەزىندە قاستەرلى قولداۋ كورسەتكەنىنە جانە كومەكتەسكەنىنە شىن جۇرەكتەن العىس ايتادى، جۇڭگونىڭ شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ باسشىلىعىندا ىندەتكە قارسى اتتانۋ جانە كەدەيلىكتەن ارىلتۋدان قامال الۋ سياقتى جاقتاردا كەلەلى جەڭىستەرگە قول جەتكىزگەنىن شىن جۇرەكتەن قۇتتىقتايدى. لاوس ج ك پ 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە ماقۇلدانعان «14 – بەسجىلدىق» جوسپار مەن 2035 – جىلعا دەيىنگى بولاشاقتىق نىسانا - ۇسىنىستارعا قاداعالاي نازار اۋدارادى، جۇڭگونىڭ جاپپاي دوڭگەلەك داۋلەتتى قوعام قۇرىپ شىعىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن ءساتتى باستايتىنىنا كامىل سەنەدى. كەلەر جىل − لاوس پەن جۇڭگونىڭ ديپلوماتيالىق قاتىناس ورناتقانىنىڭ 60 جىلدىعى، لاوس جۇڭگومەن بىرگە ەكى پارتيانىڭ ەڭ جوعارى باسشىلارى قول قويعان لاوس - جۇڭگو تاعدىرلاس ورتاق تۇلعاسى ارەكەت جوسپارىن ۇزدىكسىز ويداعىداي تياناقتاندىرىپ، پارتيانى جونگە سالۋ، ەل باسقارۋ تاجىريبەلەرىن ءوزارا ۇيرەنىپ، ءوزارا ۇلگى الۋدى كۇشەيتىپ، ءار دارەجەلى اۋىس - كۇيىستى، بارىس - كەلىستى ساقتاپ، «ءبىر بەلدەۋ، ءبىر جول» جۇلگەسىندەگى ءار سالاداعى ناقتى سەلبەستىكتى جەدەل ىلگەرىلەتىپ، حالىقارالىق جانە وڭىرلىك بەيبىت دامۋدى بىرگە قورعاپ، لاوس - جۇڭگو قاتىناسىنىڭ تىڭ دا اناعۇرلىم زور دامۋعا قول جەتكىزۋىن جەبەۋدى قالايدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار