بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ورتالىقتىڭ ءۇنى

شي جينپيڭ گەرمانيانىڭ، فرانسيانىڭ، ەۆروپا وداعىنىڭ باسشىلارىمەن بەينە ەكران ارقىلى كەزدەسۋ وتكىزدى

جۇڭگو - ەۆروپا باسشىلارى جۇڭگو - ەۆروپا قارجى قوسۋ كەلىسىمى كەلىسسوزىنىڭ ۋاقىتىندا ورىندالعانىن بىرگە جاريالادى

2020.12.31 16:15     كەلۋ قاينارى : حالىق تورابى


  شينحۋا اگەنتتىگى، 12 - ايدىڭ 30 - كۇنى، بەيجيڭ. مەملەكەت ءتوراعاسى شي جينپيڭ 12 - ايدىڭ 30 - كۇنى كەشتە بەيجيڭدە گەرمانيانىڭ زۇڭليى مەركەلمەن، فرانسيانىڭ زۇڭتۇڭى ماكرونمەن، ەۆروپا القالار كەڭەسىنىڭ ءتوراعاسى ميچەلمەن، ەۆروپا وداعى كوميتەتىنىڭ ءتوراعاسى فون دەلەينمەن بەينە ەكران ارقىلى كەزدەسۋ وتكىزدى. جۇڭگو - ەۆروپا باسشىلارى جۇڭگو - ەۆروپا قارجى قوسۋ كەلىسىمى كەلىسسوزىنىڭ ۋاقىتىندا ورىندالعانىن بىرگە جاريالادى.

  شي جينپيڭ مىنالاردى اتاپ كورسەتتى: 2020 - جىل دۇنيە ءجۇزى مەن جۇڭگو، ەۆروپا جونىنەن ەرەكشە ءبىر جىل بولدى، جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل جەر شارىندا كەڭ تارالۋى مەن دۇنيە جۇزىندە ءجۇز جىلدان بەرى بولماعان زور وزگەرىس تەرەڭ توعىستى، ورنىقسىز، تۇراقسىز فاكتورلار بارعان سايىن كوبەيۋدە. وسىنداي جاعدايدا جۇڭگو مەن ەۆروپا قيىنشىلىققا قارسى اتتانىپ، قول ۇستاسا قۇلشىنىپ، جۇڭگو - ەۆروپا قاتىناسىنىڭ سۇبەلى تابىستارعا قول جەتكىزۋىن ىلگەرىلەتتى. ەكى جاق وسى جىلدىڭ ىشىندە جۇڭگو - ەۆروپا قارجى قوسۋ كەلىسىمى كەلىسسوزىنىڭ مەجەلى نىساناسىن ۋاعىندا ىسكە اسىرىپ، تەپە - تەڭ، جوعارى ورەلى، ءوزارا پايدا جەتكىزىپ، تەڭ يگىلىككە كەنەلەتىن قارجى قوسۋ كەلىسىمىنە كەلىپ، جۇڭگونىڭ جوعارى دەڭگەيدەگى سىرتقا ەسىك اشۋدى ىلگەرىلەتۋ بەكىمى مەن سەنىمىن ايگىلەدى، بۇل جۇڭگو مەن ەۆروپانىڭ ءوزارا قارجى قوسۋىن اناعۇرلىم زور بازارعا كىرۋ رۇقساتىمەن، اناعۇرلىم جوعارى دەڭگەيدەگى ساۋدا ورتاسىمەن، اناعۇرلىم پارمەندى تۇزىمدىك كەپىلمەن، اناعۇرلىم نۇرلى سەلبەستىك بولاشاعىمەن قامدايدى، سونداي - اق سوڭعى ىندەت مەزگىلىندە دۇنيە ءجۇزى ەكونوميكاسىنىڭ قالپىنا كەلۋىن پارمەندى جەبەيدى، حالىقارالىق قوعامنىڭ ەكونوميكانىڭ جاھاندانۋى مەن ەركىن ساۋدا جاعىنداعى سەنىمىن كۇشەيتىپ، اشىق دۇنيە ءجۇزى ەكونوميكاسىن قۇرۋعا جۇڭگو مەن ەۆروپا سىندى ەكى ۇلكەن بازاردىڭ ماڭىزدى ۇلەسىن قوسادى.

  شي جينپيڭ بىلاي دەپ دارىپتەدى: جۇڭگو جاڭا دامۋ جاعدايىن قالىپتاستىرۋعا كۇش سالىپ، ەۆروپا مەن دۇنيە جۇزىنە اناعۇرلىم كوپ بازار ورايىن ازىرلەپ، اناعۇرلىم زور سەلبەستىك ءورىسىن اشادى. ەۆروپا جاقتىڭ ەركىن ساۋدا مەن كوپ جاقتىلىقتا تاباندى بولىپ، جۇڭگونىڭ قارجى قوسۋشىلارىنا اشىق، ءادىل، كەمسىتپەيتىن تيجارات - ساۋدا ورتاسىن ازىرلەپ بەرۋىن ءۇمىت ەتەمىن.

  شي جينپيڭ بىلاي دەپ اتاپ كورسەتتى: 2021 - جىل كەلۋ الدىندا تۇر، جۇڭگو مەن ەۆروپا دۇنيە جۇزىندەگى ەكى ۇلكەن كۇش، ەكى ۇلكەن بازار، ەكى ۇلكەن وركەنيەت رەتىندە جاۋاپكەرلىك ارقالاپ، بەلسەنە ءىس تىندىرىپ، دۇنيە ءجۇزىنىڭ بەيبىتشىلىگى مەن العا باسۋىنىڭ سەلبەسىپ قۇرۋشىلارى بولۋى كەرەك. ەكى جاق تىلدەسۋدى كۇشەيتىپ، ءوزارا سەنىمدىلىكتى ارتتىرىپ، سەلبەستىكتى تەرەڭدەتىپ، الاۋىزدىقتاردى ۇيلەسىمدى ءبىر جاقتى ەتىپ، قول ۇستاسا وتىرىپ جاڭا وراي جەتىلدىرىپ، جاڭا جاعداي اشۋى كەرەك.

  ءبىرىنشى، ىندەتكە قارسى اتتانۋ ارەكەتىن سايكەستىرۋ. ۆاكسينانىڭ دۇنيە جۇزىلىك الەۋمەتتىك ءونىم رەتىندە ءادىل بولىنۋىنە، اسىرەسە، دامۋ ۇستىندەگى ەلدەردى يگىلىككە كەنەلتۋىنە كەپىلدىك ەتۋ كەرەك.

  ەكىنشى، ەكونوميكانىڭ قالپىنا كەلۋىن جەبەۋ. ساياساتتاردى بايلانىستىرۋ مەن سايكەستىرۋدى كۇشەيتىپ، اشىق دۇنيە ءجۇزى ەكونوميكاسىن قۇرۋدا تاباندى بولىپ، دۇنيە جۇزىلىك كاسىپ تىزبەگىنىڭ، قامداۋ تىزبەگىنىڭ ەرتەرەك دۇرىس ارناعا تۇسۋىنە جەتەكشىلىك ەتۋ كەرەك.

  ءۇشىنشى، دامۋ ستراتەگياسىن ۇشتاستىرۋ. ساياساتتاردى سايكەستىرۋدى كۇشەيتىپ، «ءبىر بەلدەۋ، ءبىر جولدى» بىرگە قۇرۋ باستاماسىن ەۆروپا وداعىنىڭ ەۆروپا - ازيامەن ۇلاستىرۋ - تۇتاستىرۋ ستراتەگياسىمەن ۇشتاستىرۋدى كۇشەيتىپ، سيفرلى سالاداعى سەلبەستىك جونىندە ىزدەنىس جاساۋ كەرەك.

  ءتورتىنشى، جاسىل دامۋدى جەدەلدەتۋ. جۇڭگو مەن ەۆروپانىڭ ورتا جانە كليمات جونىندەگى جوعارى جىكتەگىلەرىنىڭ تىلدەسۋ مەحانيزمىنەن ويداعىداي پايدالانىپ، جۇڭگو مەن ەۆروپانىڭ ورگانيزمدەردىڭ الۋان تۇرلىلىگى، كليمات وزگەرىسى، تابيعاتتى قورعاۋ جونىندەگى حالىقارالىق ماجىلىستەرىن وتكىزۋىن ءوزارا قولداۋ كەرەك.

  بەسىنشى، كوپ جاقتى سەلبەستىكتى ىلگەرىلەتۋ. ب م ۇ، 20 ەل توبى، دۇنيە جۇزىلىك ساۋدا ۇيىمى، دۇنيە جۇزىلىك دەنساۋلىق ساقتاۋ ۇيىمى سياقتى جۇلگەدەگى سايكەسۋ مەن سەلبەستىكتى كۇشەيتىپ، حالىقارالىق جانە وڭىرلىك قولامتالى ماسەلەلەردى ساياسي جولمەن شەشۋدى ىلگەرىلەتىپ، 20 ەل توبىنىڭ قارىزدى كەشەۋىلدەتۋ دارىپتەمەسىن بەلسەنە تياناقتاندىرىپ، افريكانىڭ ىندەتكە قارسى اتتانۋى مەن دامۋىن قولداپ، دۇنيە ءجۇزىنىڭ دامۋىن، گۇلدەنۋىن بىرگە جەبەۋ كەرەك.

  ەۆروپا جاقتىڭ باسشىلارى مىنالاردى ءبىلدىردى: جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ۇشىراعانىمەن، بيىل ەۆروپا مەن جۇڭگو جوعارى جىكتەگىلەردىڭ ءجيى قارىم - قاتىناسىن ساقتاپ، جاعراپيالىق بەلگى كەلىسىمى سياقتى ءبىرقىدىرۋ ماسەلەدە ماڭىزدى ىلگەرىلەۋشىلىككە قول جەتكىزدى. بۇگىن ءبىز كەزدەسۋ وتكىزىپ، ەۆروپا - جۇڭگو قارجى قوسۋ كەلىسىمى كەلىسسوزىن اياقتاتۋدى بىرگە جاريالادىق، بۇل ەۆروپا - جۇڭگو قاتىناسىنىڭ دامۋىندا ماڭىزدى بەلەستىك مانگە يە، سونداي - اق دۇنيە ءجۇزى ەكونوميكاسىنىڭ قالپىنا كەلۋىن، ارتۋىن ىلگەرىلەتۋگە دە ءتيىمدى. بۇل دۇنيە جۇزىنە ەۆروپا مەن جۇڭگودا كەيبىر ماسەلەلەردە الاۋىزدىق ساقتالعانىمەن، ەكى جاقتىڭ ساياسي تىلەگى ءوزارا قۇرمەت ەتۋ نەگىزىندە تىلدەسۋدى كۇشەيتىپ، سەلبەستىكتى تەرەڭدەتىپ، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىرۋ بولىپ وتىرعانىن تاعى ءبىر رەت ايگىلەدى. ەۆروپا - جۇڭگو قارجى قوسۋ كەلىسىمى جوعارى دەڭگەيدە جاسالىپ وتىر، ەۆروپا جۇڭگونىڭ ەسىكتى ونان ارى ايقارا اشىپ، ساۋدانىڭ ەركىندەنۋىن، قارجى قوسۋدىڭ قولايلىلانۋىن بەلسەنە جەبەگەنىن القايدى. ەۆروپا دا، جۇڭگو دا كوپ جاقتىلىقتى قولدايدى، ەۆروپا مەن جۇڭگونىڭ پارمەندى قاتىناسى بۇگىنگى دۇنيە ءجۇزى ءدوپ كەلىپ وتىرعان دۇنيە جۇزىلىك سىن - سايىستى شەشۋگە پايدالى. ەۆروپا جۇڭگونىڭ كليمات وزگەرىسىنە توتەپ بەرۋ، سونداي - اق افريكانىڭ ىندەتكە قارسى اتتانۋىنا كومەكتەسۋ سياقتى جاقتاردا قولدانعان كەلەلى شارالارىن القايدى، دۇنيە ءجۇزىنىڭ ىندەتكە قارسى اتتانۋى، كليمات وزگەرىسى، ورگانيزمدەردىڭ الۋان تۇرلىلىگىن قورعاۋ، باياندى دامۋ، دۇنيە جۇزىلىك ساۋدا ۇيىمىنىڭ رەفورماسى سياقتى ماسەلەلەر جونىندە جۇڭگومەن ۇزدىكسىز تىعىز سايكەسۋدى، سەلبەسۋدى ءۇمىت ەتەدى.

  جۇڭگو، ەۆروپا باسشىلارى ءبىر - بىرىنە جاڭا جىل بايلانىسىمەن سالەم جولداپ، جاڭا جىلدا تىعىز بايلانىستى ساقتاپ، ەكى جاقتىڭ كەلەلى بارىس - كەلىس كۇن ءتارتىبىن بىرگە ىلگەرىلەتىپ، جۇڭگو مەن ەۆروپانىڭ جالپى بەتتىك ستراتەگيالىق سەرىكتەستىك قاتىناسىنىڭ ۇزدىكسىز دامۋىن ىلگەرىلەتەتىندەرىن ءبىلدىردى.

  ليۋ حى، ياڭ جيەچى، ۋاڭ ي، حى ليفىڭ قاتارلىلار كەزدەسۋگە قاتىناستى.

  كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار