- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قوعامدىق عىلىم ماماندارى ارالاپ تەكسەرۋ - زەرتتەۋ جۇرگىزدى
− اۆتونوميالى رايونىمىزداعى مۇسىلمانداردىڭ ورازا ايى تىنىش، ورنىقتى، بەرەكەلى، ءتارتىپتى وتۋدە
2015.07.15 13:21 كەلۋ قاينارى : ءتاڭىرتاۋ تورابى
شينجياڭ مۇسىلماندارىنىڭ ورازا ايىنداعى شىنايى جاعدايى قانداي؟ سوڭعى كۇندەرى شينجياڭ قوعامدىق عىلىمدار اكادەمياسى كوپ سالانىڭ كوپ ۇلتتان قۇرالعان زەرتتەۋشىلەرىن ۇيىمداستىرىپ، وسى ماسەلە جونىندە ارالاپ تەكسەرۋ، تەلەفوندا جاعداي سۇراسۋ، جەكەلەي سويلەسۋ، شاعىن كولەمدە اڭگىمە ءماجىلىس ۇيىمداستىرۋ سياقتى كوپ ءتۇرلى تاسىلمەن ءۇرىمجى، حوتان، قاشقار، اقسۋ، قارامايلى، تۇرپان سياقتى 6 ايماق، وبلىس، قالانىڭ 11 اۋدانىن (رايون) تەكسەرىپ - زەرتتەۋ ءتۇيىنى ەتىپ، ءدىني قايراتكەرلەر مەن دىنگە سەنەتىن بۇقارا، بىرلىكساپ، ۇلت - ءدىن ىستەرى كادرلارى، قوعامدىق عىلىم ماماندارى، جوعارى مەكتەپ وقىتۋشى - وقۋشىلارى، قىستاقتا تۇراتىن قىزمەت گرۋپپاسىنىڭ مۇشەلەرى سياقتىلاردى ارالاپ، ىشكەرىلەي تەكسەرۋ جۇرگىزىپ، اۆتونوميالى رايونىمىز مۇسىلماندارىنىڭ ورازا ايىنداعى قيمىلدارىنىڭ جاعدايىن ەگجەي - تەگجەيلى ۇعىستى.
ءار دارەجەلى پارتكوم، ۇكىمەت مۇسىلمان بۇقاراسىنىڭ اۋىز بەكىتۋ ادەت - عۇرپىنا تولىق قۇرمەت ەتتى جانە قورعادى ورازا ايى كەزىندە اۆتونوميالى رايونداعى ءار دارەجەلى پارتكومدار ايرىقشا كوڭىل ءبولىپ، جەتەكتەۋ، باسقارۋ جانە قىزمەت كورسەتۋ جۇمىسىن زاڭ بويىنشا ويداعىداي ىستەدى، ەش ۋاقىتتا وعان اكىمشىلىك تاسىلمەن كيلىككەن جوق. بيىلعى ورازا ايىندا اۆتونوميالى رايون ارناۋلى ءماجىلىس اشىپ، ورازا ايىنداعى قاتىستى قىزمەتتەردى تىڭعىلىقتى ىستەۋگە ايقىن تالاپتار قويىپ، پارتيانىڭ ۇلت، ءدىن ساياساتىن اتقارۋدى، دىنگە سەنەتىن بۇقارانىڭ ءدىني سۇيىسپەنشىلىگىن، ءدىني قاجەتىن جانە ادەتىن تولىق ءتۇسىنۋدى، قۇرمەتتەۋدى، قورعاۋدى، دىنگە سەنەتىن جاي بۇقارانىڭ ورازا ايىندا اۋىز بەكىتۋى، جاماعات نامازىن وقۋى، اۋىز اشۋى سياقتى قيمىلدارىنا كيلىكپەۋدى؛ مۇسىلمانشا اسحانالاردىڭ ورازا ايىندا قالىپتى تيجارات جۇرگىزۋ - جۇرگىزبەۋى جايىندا، اسحانا يەسىنىڭ تاڭداۋىنا تولىق قۇرمەت ەتىپ، تاربيەمەن جەتەكتەۋ جانە ساياساتپەن قولداۋدى نەگىز ەتۋ ارقىلى اسحانا يەلەرىن قالىپتى تيجارات جۇرگىزۋگە ىنتالاندىرۋدى، اكىمشىلىك ءتاسىل ارقىلى ونىڭ تيجارات جۇرگىزۋىنە كيلىكپەۋدى دارىپتەدى. ورازا ايىندا ءدىني قيمىلدارعا قاتىسۋشىلار مەن ءتۇرلى ءدىني قيمىلدار كوپ، ءدىني قيمىلداردىڭ كولەمى كەڭ، جالعاسۋ ۋاقىتى ۇزاق بولدى. ورازا ايىنىڭ ەرەكشە سيپاتى مەن سەزىمتالدىعىنا مەڭزەس، ءار دارەجەلى ۇكىمەتتەر ءدىني قيمىلداردى باسقارۋدى زاڭ بويىنشا كۇشەيتىپ، زاڭدى ءدىني قيمىلداردىڭ ورنىقتى، ءتارتىپتى جۇرىلۋىنە كەپىلدىك ەتىپ، زاڭسىز ەلەمەنتتەردىڭ ورايدان پايدالانىپ شۋ شىعارۋعا جەلىكتىرۋىنەن ساقتاندى. گۇماداعى جەر سىلكىنىسى ءدال ورازا ايىنىڭ 3 - جۇما كۇنىنە تۋرا كەلدى، جەرگىلىكتى ۇكىمەت جۇما كۇنگى ءدىني قيمىلداردىڭ قالىپتى، ءتارتىپتى جۇرىلۋىنە كەپىلدىك ەتۋمەن بىرگە، اپاتقا ۇشىراعان بۇقاراعا دەر كەزىندە زاتتىق كومەك جانە ازىق - تۇلىك جەتكىزىپ، دىنگە سەنەتىن بۇقارا مەن ءدىني قايراتكەرلەردىڭ ايرىقشا القاۋىنا يە بولدى.
ورازا ايى جالپى جاقتان تىنىش، ءتارتىپتى ءجۇرىلىپ، مۇسىلمان بۇقاراسىنىڭ رازىلىعىن الدى جان - جاقتى تەكسەرۋدەن بەلگىلى بولۋىنشا، ورازا ايى كىرگەننەن كەيىن، شينجياڭداعى مۇسىلمان بۇقاراسىنىڭ ءومىرى بەرەكەلى، ءتارتىپتى جۇرىلگەن، مۇسىلمان بۇقاراسى مەن ءدىني قايراتكەرلەر ايتارلىقتاي رازى بولعان.
− پارتيانىڭ ءدىن ساياساتى ناتيجەلى، دايەكتى تياناقتاندى. تەكسەرۋ بارىسىندا ءار جىكتەگى قايراتكەرلەر جاپپاي بىلاي دەپ قارادى: بيىلعى ورازا ايى جىلداعىدان دا تىنىش، ورنىقتى ءوتتى، بۇنىڭ باستى سەبەبى، اۆتونوميالى رايوندىق پارتكوم، ۇكىمەت ورازا ايى كەزىندەگى قىزمەتتەرگە ايرىقشا نازار اۋدارۋىنان، اسىرەسە، پارتيانىڭ ءدىن جونىندەگى باعىت - ساياساتتارىن دايەكتى تياناقتاندىرۋدى دارىپتەپ، ءدىن ىستەرىن ءدىن زاڭدىلىعى بويىنشا ىستەۋدى تالاپ ەتۋىنەن بولدى. شينجياڭ قوعامدىق عىلىمدار اكادەمياسىنىڭ وسى تاقىرىپتاعى عىلمي زەرتتەۋ گرۋپپاسى قۇمىل قالاسى قارا ءدوۋا قالاشىعىندا تەكسەرۋ - زەرتتەۋ جۇرگىزگەن كەزدە وسى قالاشىقتاعى جاسى ەگدە تارتقان ءبىر وتانشىل ءدىني قايراتكەر بىلاي دەدى: «قازىر تۇرمىس جاعدايىمىز جاقساردى، ءبىزدىڭ جەردەن ۇشاقپەن مەككەگە جىل سايىن مۇسىلمان جاماعاتى قاجىلىققا بارىپ جاتىر. اسىرەسە، سوڭعى 2 جىلدا قاجىلىققا بەرىلگەن سان اشىق، ءادىل ۇستالدى، دىنگە سەنەتىن بۇقارا ۇكىمەتكە سەنەدى. ورازا ايىنا مۇسىلمان قاۋىمى ءدان ريزا».
− ورازا ايىنداعى باسقارۋ جانە قىزمەت كورسەتۋ جۇمىسى جۇيەلى، ءتارتىپتى ءجۇرىلدى. شينجياڭ قوعامدىق عىلىمدار اكادەمياسىنداعى ءبىر ۇيعۇر كادر بىلاي دەيدى: بيىلعى ورازا ايىنىڭ مىناداي 4 ءتۇرلى ەرەكشەلىگى بار. ءبىرىنشى، ارناعا ءتۇسىرۋ، باسقارۋ جانە قىزمەت وتەۋ تانىمى جوعارىلادى؛ ەكىنشى، مەشىتتەر ساقتىق شارالارىن جاقسى اتقاردى؛ ءۇشىنشى، ورازا ايىنداعى ءدىني ارەكەتتەر جۇيەلى، ءتارتىپتى بولدى؛ ءتورتىنشى، ۇكىمەت قىزمەتكەرلەرىنىڭ ىشىندەگى ورازا ۇستاعانداردىڭ، مەشىتكە بارىپ ءدىني ارەكەتپەن شۇعىلدانعانداردىڭ سانى ازايدى. قارامايلى قالاسى قارامايلى رايوندىق ۇلت، ءدىن ىستەر كوميتەتىنىڭ ءبىر باسشىسى: بيىلعى ورازا ايىنداعى باسقارۋ مەن قىزمەت وتەۋ جۇمىسى وتە تياناقتى، تىڭعىلىقتى ىستەلدى. دىنگە سەنەتىن جۇرتشىلىق كادرلاردىڭ قىزمەتىن بارىنشا قولداپ - قۋاتتادى، - دەدى.
− ورازا ۇستاۋ - ۇستاماۋ بۇكىلدەي مۇسىلمانداردىڭ ەرىكتى تالعامىنا اينالدى. ۇكىمەت ورازا ۇستاۋ - ۇستاماۋ ەركىندىگىنە تولىق قۇرمەت ەتتى جانە قورعادى. شينجياڭ قوعامدىق عىلىمدار اكادەمياسىندا ىستەيتىن، ىرداۋچياۋ ماڭىندا تۇراتىن ءبىر حۇيزۋ زەرتتەرمەن بىلاي دەدى: ءبىزدىڭ شاعىن رايوندا ۇيعۇر تۇرعىنداردىڭ سانى ەڭ كوپ، ادامداردىڭ تەڭ جارىمىنان استامى ورازا ۇستايدى. ورازا ۇستاعان مۇسىلماندار كەشقۇرىم قاربالاستاپ كەتەدى. قويان جون داستارقان جايىپ اۋىز اشادى. شاعىن رايونداعى ءار ۇلت مۇسىلماندارى «ورازا ۇستاۋ جەكە ادامنىڭ تالعامى، مۇسىلمانداردىڭ ورازا ۇستاۋ ەركىندىگى بولعانى سياقتى، ورازا ۇستاماۋ ەركىندىگى دە بار» دەپ قارايدى.
بيىلعى ورازا ايى جازعى ەگىس قاربالاستىعىنا تۋرا كەلدى. ال اۋىر دەنە ەڭبەگىن ىستەيتىن كىسىلەردىڭ كوپ جاعدايدا ورازا ۇستاۋعا جاعدايى كەلمەي قالۋشى ەدى. اقسۋ ايماقتىق پارتيا مەكتەبىنىڭ ءبىر وقىتۋشىسى: ورازا ايى كەزىندە باسىم كوپ ساندى شارۋالار جابال ورازا ۇستاۋعا ادەتتەنىپ كەتكەن. تەك اۋىز بەكىتكەن ۋاقىتى ۇقسامايدى، اركىم ءوز تالعامىنا ساي ىستەيدى، ونشالىق دۇرلىگەرلىكتەي دانەڭە جوق، - دەدى. ءۇيى تۇرپاندا تۇراتىن، بەلگىلى جوعارى مەكتەپتىڭ جەتەكشىسى: مەن مەكتەپتى حانزۋ تىلىندە وقىدىم، اكە - شەشەم ۇكىمەت قىزمەتكەرى ەدى. ول كىسىلەر ورازا ۇستامايتىندىقتان، ورازا ۇستاۋ جونىندەگى تانىمىم دا جەتەرسىز بولدى. ورازا ايى مەن ءۇشىن وزگە ايلاردان كوپ پارىقتالىپ كەتپەيدى، - دەدى.
− مۇسىلمانداردىڭ كوڭىل كۇيى ورنىقتى بولدى. قاشقار ۋنيۆەرسيتەتىندەگى ۇزاق ۋاقىت اتەيستتىك زەرتتەۋمەن اينالىسقان ءبىر ۇيعۇر دوتسەنت: مەنىڭ بايقاۋىمشا بيىلعى ورازا ايىندا دىنگە سەنەتىن قاۋىم بۇرىنعىشا ورازا ۇستاپ، زاڭدى ءدىني ارەكەتپەن اينالىستى، - دەدى. باي اۋدانىنداعى بىرلىكساپ، ۇلت، ءدىن قىزمەتىمەن شۇعىلداناتىن ءبىركادر: بيىلعى ورازا ايىندا مەيلى قالا تۇرعىندارى بولسىن، الدە قىستاق تۇرعىندارى بولسىن، قوعامدىق جاماعات پىكىرى ورازا ايىن تىنىش، امان - ەسەن، كوڭىلدى وتكىزۋدى ويلاپ، كوڭىلسىز ىستەردىڭ تۋىلۋىن قالامادى، - دەدى.
− بۇكىل قوعامداعى قىزمەتتەر ءتارتىپتى، جۇيەلى ىستەلدى. قورىتا كەلگەندە، ورازا ايىندا بۇكىل شينجياڭنىڭ جەر - جەرىنىڭ جاعدايى تۇلعالىق جاقتان ورنىقتى بولدى، قىزمەتتەر ءتارتىپتى، جۇيەلى ىستەلدى. گۇما اۋدانىنداعى قىزمەت گرۋپپاسىنىڭ ءبىر كادرى: ورازا ايى بولسا دا اۋىلدىق ۇكىمەتكە جۇمىس بابىمەن كەلگەن تۇرعىنداردىڭ اياعى ۇزىلمەدى؛ اۋىلدىق امانات - قارىز كووپەراتيۆىنە امانات اقشا قويعالى، اقشا العالى كەلگەن قىستاق تۇرعىندارى تولاستامادى؛ اۋىلدىق ساقشى بولىمشەسىنە بارىپ، «حالىققا قولايلى كۋالىك» بىتىرۋشىلەر دە كوپ بولدى، - دەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
