- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو مۇناي حيميا توبى سەرىكتەستىگى شينجياڭ شينچۇن مۇناي اشۋ سەرىكتەستىگى قۇرىلدى
2015.07.22 14:10 كەلۋ قاينارى : ءتاڭىرتاۋ تورابى
اۆتونوميالى رايون مەن جۇڭگو مۇناي حيميا توبى سەرىكتەستىگى بىرلەسىپ قارجى قوسىپ سەلبەستى، ورتالىق كاسىپورىندارىن جەرگىلىكتى ورىندا تىركەۋ رەفورماسى مۇناي، تابيعي گاز بارلاۋ - اشۋ سالاسىنا دەيىن كەڭەيتىلدى
جاڭ چۇنشيان، ۋاڭ يۇيپۋ شينچۇن سەرىكتەستىگى ۆيۋەسكاسىنىڭ بەتىن اشتى ءارى اڭگىمە ءماجىلىس وتكىزدى
18 - شىلدەدە جۇڭگو مۇناي، تابيعي گاز توبى قارامايلى مۇناي حيميا شەكتى جاۋاپكەرشىلىك سەرىكتەستىگى ۆيۋەسكا ءىلىپ جۇمىس باستاعاننان كەيىن، 21 - شىلدە كۇنى تۇستەن بۇرىن اۆتونوميالى رايون مەن جۇڭگو مۇناي حيميا توبى سەرىكتەستىگىنىڭ بىرلەسىپ قارجى قوسقان سەلبەستىك نىسانى − جۇڭگو مۇناي حيميا توبى سەرىكتەستىگى شينجياڭ شينچۇن مۇناي اشۋ شەكتى جاۋاپكەرشىلىك سەرىكتەستىگى ۆيۋەسكا ءىلىپ جۇمىس باستادى، بۇل ورتالىق كاسىپورىندارىن جەرگىلىكتى ورىندا تىركەۋ رەفورماسىنىڭ مۇناي، تابيعي گاز بارلاۋ - اشۋ سالاسىنا دەيىن كەڭەيتىلگەندىگىن ايگىلەيدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان، جۇڭگو مۇناي حيميا توبى سەرىكتەستىگىنىڭ باس جوراسى، پارتيا باسشىلىق گرۋپپاسىنىڭ شۋجيى ۋاڭ يۇيپۋ ۆيۋەسكانىڭ بەتىن اشتى ءارى اڭگىمە ءماجىلىس وتكىزدى.
جۇڭگو مۇناي حيميا توبى سەرىكتەستىگى شينجياڭ شينچۇن مۇناي اشۋ شەكتى جاۋاپكەرشىلىك سەرىكتەستىگى (تومەندە «شينچۇن سەرىكتەستىگى» دەلىندى) تارباعاتاي ايماعىنداعى تۇڭعىش جەرگىلىكتى ورىندا تىركەۋگە الىنعان ورتالىق كاسىپورنى، جۇڭگو مۇناي حيميا توبى سەرىكتەستىگىنىڭ قوسقان جارناسى %99، جەرگىلىكتى ورىننىڭ قوسقان جارناسى %1. نەگىزىنەن، مۇناي، تابيعي گاز بارلاۋ - اشۋمەن شۇعىلدانادى.
شينچۇن سەرىكتەستىگى جۇڭگو مۇناي حيميا توبى سەرىكتەستىگىنىڭ ءبىر ءوندىرىس سەحىنىڭ ءتۇزىمىن وزگەرتۋدەن قۇرىلعان، مۇنداي رەفورما جۇڭگو مۇناي حيميا توبى سەرىكتەستىگى ىشىندە تۇڭعىش رەت سانالادى، سونداي - اق ورتالىق كاسىپورىندارىن جەرگىلىكتى ورىندا تىركەۋ ءىسىن ىلگەرىلەتۋدە زور جاڭالىق ەسەپتەلەدى. سونىمەن اۆتونوميالى رايون جۇڭگو مۇناي، تابيعي گاز توبى سەرىكتەستىگىمەن، جۇڭگو مۇناي حيميا توبى سەرىكتەستىگىمەن بىرلەسىپ قارجى قوسىپ سەلبەسۋى ايىرۋ، مانەرلەۋ، ءوندىرۋ، ساتۋ سىندى ورتانعى، تومەنگى كاسىپ سالالارىنان مۇناي، تابيعي گاز بارلا - اشۋ سىندى جوعارى كاسىپ سالاسىنا دەيىن كەڭەيتىلىپ، كاسىپ جەلىسىنىڭ تۇتاس بارىسىن قامتىدى.
جاڭ چۇنشيان اڭگىمە ماجىلىسىندە بىلاي دەپ اتاپ كورسەتتى: اۆتونوميالى رايون مەن جۇڭگو مۇناي حيميا توبى سەرىكتەستىگىنىڭ بىرلەسىپ قارجى قوسىپ قۇرعان شينچۇن سەرىكتەستىگىنىڭ تابىستى امالياتى اۆتونوميالى رايوندىق پارتكومنىڭ «الدىمەن مۇناي، مۇناي حيميا سالاسىندا ارالاس مەنشىكتەگى شارۋاشىلىقتى دامىتۋ» رەفورما باعىتىنىڭ جانە ستراتەگيالىق شەشىمىنىڭ بۇكىلدەي دۇرىس ەكەندىگىن؛ جۇڭگو مۇناي حيميا توبى سەرىكتەستىگىنىڭ شينجياڭداعى كاسىپورنىنىڭ ورتالىق پەن اۆتونوميالى رايوندىق پارتكومنىڭ «بايلىقتى اشۋدا جەرگىلىكتى ورىنعا پايدا جەتكىزۋ» تالابىن بەلسەنە دايەكتى تياناقتاندىرىپ، شينجياڭنىڭ ءىس جۇزىندىك جاعدايىنا ۇيلەسەتىن جول تاپقاندىعىن؛ شينچۇن سەرىكتەستىگىنىڭ تاجىريبەلەرى مەن ادىستەرىن مۇناي، تابيعي گاز، مۇناي حيميا سالاسىندا جانە باسقا سالالاردا جالپىلاستىرۋعا، سەلبەسۋ ۇلگىسىن پايدالانۋعا بولاتىنىن، وراسان زور جەتەكشىلىك ەتۋ رولى جانە ۇلگى كورسەتۋ ءونىمى بار ەكەنىن دالەلدەدى.
جاڭ چۇنشيان جۇڭگو مۇناي حيميا توبى سەرىكتەستىگىنەن اۆتونوميالى رايوندا ەكونوميكانى ورنىقتى ارتتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ سىندى جاقتاردا تىرەكتى رولىن اناعۇرلىم ساۋلەلەندىرۋىن، ورتالىق كاسىپورىنداردىڭ ەكونوميكا، ساياسي، قوعامدىق جاۋاپكەرلىكتى جاقسى اتقارۋداعى كوش باسى جانە جەتەكشى بولا ءبىلۋىن، مۇناي، تابيعي گازدىڭ ءونىمىن، ءتۇسىمىن ارتتىرۋ قىزمەتىن ويداعىداي ىستەپ، ءونىمدى ورنىقتىرۋ نەگىزىندە شينجياڭنىڭ بيىلعى وڭدەلمەگەن مۇناي، تابيعي گاز ءوندىرۋ جوسپارىن ارتتىرىپ، شينجياڭدا مانەرلەۋ مولشەرىن جوعارىلاتۋىن؛ مۇناي، تابيعي گاز جاعىندا بىرلەسىپ قارجى قوسۋ سەلبەستىگىن تەرەڭدەتىپ، رەفورما جاساۋ، جاڭالىق اشۋ رۋحىمەن جەرگىلىكتى ورىندا تىركەۋ، ارالاس مەنشىك شارۋاشىلىعى سىندى رەفورمالاردى ونان ارى ىلگەرىلەتىپ، قۋاتتى مەملەكەت مەنشىگىندەگى كاسىپورىندار مەن حالىق باسقارۋىنداعى كاسىپورىنداردى تاڭداپ، مۇناي، تابيعي گاز بارلاۋ - اشۋ، ايىرۋ، مانەرلەۋ، ونىمدەردى ساتۋ سىندى تۇتاس كاسىپ جەلىسىنە قاتىناستىرىپ، بايلىق اشۋ ارقىلى جەرگىلىكتى ورىنعا ءتىپتى كوپ، ءتىپتى مول يگىلىك جاساۋىنا مۇمكىندىك ازىرلەۋىن؛ شينجياڭدا قارجى قوسۋ سەرپىنىن ارتتىرىپ، ءبىر توپ ءىرى نىسانداردى جوبالاۋدى، قۇرۋدى تەزدەتىپ، وسى زامانعى كاسىپ جۇيەسىن قۇرىپ، شينجياڭنىڭ مۇناي، تابيعي گاز، حيميا كاسىبىنىڭ، سونداي - اق قاتىستى كاسىپتەرىنىڭ جان - جاقتى باسەكەلىك قۋاتىن ۇزبەي ارتتىرۋىن؛ حالىق تۇرمىسىن جاقسارتاتىن جاقسى ىستەردى كوپتەپ ىستەپ، شينجياڭنىڭ ۇلتتار ىنتىماعىن، قوعامىنىڭ العا باسۋىن جەبەۋ، حالىق تۇرمىسىن جاقسارتۋ جاقتارىندا تىڭ ءىس تىندىرىپ، جاڭا تابىستارعا قول جەتكىزۋىن ءۇمىت ەتەمىن.
ۋاڭ يۇيپۋ بىلاي دەدى: جۇڭگو مۇناي حيميا توبى سەرىكتەستىگى پارتيا مەن مەملەكەت قىزمەتىنىڭ جالپى جاعداي تۇرعىسىندا تۇرىپ، شينجياڭعا كاسىپ سالاسى بويىنشا باعىتتامالى كومەكتەسۋدى ونان ارى كۇشەيتىپ، شينجياڭمەن سەلبەسىپ دامۋدىڭ ءونىمدى تاسىلدەرىن ىشكەرىلەي قاراستىرىپ، كاسىپورىن مەن جەرگىلىكتى ورىننىڭ بىرلەسىپ قارجى قوسۋ سەلبەستىگىن بەلسەنە ىلگەرىلەتىپ، جەرگىلىكتى ورىننىڭ سالىق كىرىسىن ۇزبەي ارتتىرادى. ءتۇرلى تاسىلدەر ارقىلى شينجياڭ كاسىپورىندارىنىڭ مۇناي، تابيعي گاز، مۇناي حيميا توبى سەرىكتەستىكتەرىنىڭ تۇتاس كاسىپ جەلىسىنە توعىسىپ كىرۋىن بەلسەنە قولداپ، قاتىستى كاسىپتەردىڭ دامۋىنا قوزعاۋشىلىق ەتىپ، شينجياڭنىڭ جەرگىلىكتى قازىنا كىرىسىن ارتتىرۋعا قۇلشىنادى. ادامدى نەگىز ەتۋدى كورنەكتىلەندىرىپ، جەرگىلىكتى ورىنداعى ەڭبەككۇشتەردى، اسىرەسە، از ۇلت بۇقاراسىن بارىنشا جۇمىسقا قابىلدايدى، سونىمەن بىرگە، شينجياڭنىڭ وسىزاماندانعان باسقارۋ دارىندىلارىن جانە كاسىپتىك تەحنيكا دارىندىلارىن تاربيەلەۋىنە كومەكتەسەدى. كوپ ءتۇرلى شارالاردى قاتار قولدانىپ، كەدەيلەردى سۇيەمەلدەۋ قىزمەتىن ونان ارى جاقسى ىستەپ، قوعامدىق جاۋاپكەرلىگىن بەلسەنە اتقارادى، شينجياڭنىڭ قوعامدىق الەۋمەتتىك يگىلىك ىستەرىن جانە حالىق تۇرمىسى ينجەنەريالارىن قولداپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋعا ۇلەس قوسادى.
اڭگىمە ماجىلىسىنەن سوڭ جاڭ چۇنشيان مەن ۋاڭ يۇيپۋ جۇڭگو مۇناي حيميا توبى سەرىكتەستىگى شينجياڭ شينچۇن مۇناي اشۋ شەكتى جاۋاپكەرشىلىك سەرىكتەستىگى ۆيۋەسكاسىنىڭ بەتىن اشتى.
ۆيۋەسكانىڭ بەتىن اشۋ سالتىندا، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءسوز سويلەدى. ول بىلاي دەدى: اۆتونوميالى رايون جۇڭگو مۇناي حيميا توبى سەرىكتەستىگىنىڭ شينجياڭدا دامۋىن بۇرىنعىداي قولداپ، جۇڭگو مۇناي حيميا توبى سەرىكتەستىگىنىڭ شينجياڭداعى كاسىپورىندارىنا تاماشا ورتا جاراتادى. اۆتونوميالى رايونىمىزداعى جەر - جەر، تاراۋلار شينچۇن سەرىكتەستىگىنىڭ دامىپ - زورايۋىن بارىنشا قولداۋى، ىرىقتىلىقپەن ءىس تىندىرىپ، جۇڭگو مۇناي حيميا توبى سەرىكتەستىگىمەن بىرلەسىپ قارجى قوسىپ سەلبەسۋىنە جانە شينجياڭداعى ورتالىق كاسىپورىندارىنىڭ ءتۇزىلىس رەفورماسىن ويداعىداي جۇرگىزۋىنە ويداعىداي سايكەسىپ، بايلىق اشۋدان ءتىپتى كوپ از ۇلت بۇقاراسىنا يگىلىك جەتكىزۋ كەرەك.
اۆتونوميالى رايوننىڭ باسشىلارىنان باي جىجيە، ەركىنجان تۇراحۇن، عانيبات سابىكەي ۇلى، ۋاڭ يۇڭميڭ، ليۋ يانلياڭ، ۋان حايچۋان، جۇڭگو مۇناي حيميا توبى سەرىكتەستىگىنىڭ باس ەكونوميسى، ورىنباسار باسالقاسى لەي ديان - ۋ قاتارلىلار اتالعان قيمىلدارعا قاتىناستى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرىنە جاۋاپتى ورىنباسار ءتوراعاسى حۋاڭ ۋي اڭگىمە ءماجىلىسىن باسقاردى؛ جۇڭگو مۇناي حيميا توبى سەرىكتەستىگى پارتيا باسشىلىق گرۋپپاسىنىڭ مۇشەسى، ورىنباسار باس مەڭگەرۋشىسى، جوعارى دارەجەلى ورىنباسار باسالقاسى جياۋ فاڭجىڭ ۆيۋەسكانىڭ بەتىن اشۋ سالتىن باسقاردى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
