- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ادەتتەگى پاسپورتتى بەرۋ - باسقارۋ رەفورماسى تەز تياناقتاندىرىلىپ، ۇتىمدى تۇردە ىلگەرىلەتىلدى
تامىزدىڭ باسىنان قازىرگە دەيىن بۇكىل رايونىمىزدا 40 مىڭ ادامنىڭ (رەت) ءوتىنىشى قابىلدانىپ، سايكەس مەزگىلدەگىدەن 2 ەسەگە تاياۋ ارتتى
2015.08.26 13:26 كەلۋ قاينارى : ءتاڭىرتاۋ تورابى
23 - تامىز كۇنى ءتۇستىڭ الدىندا، اقسۋ قالالىق قوعام حاۋىپسىزدىگى مەكەمەسىنىڭ شەكارادان كىرۋ - شىعۋ ىستەرىن قابىلداۋ زالىندا، داۋىت ىبىرايىم ەسىمدى تۇرعىن «جۇڭگو ازاماتتارىنىڭ شەكارادان كىرۋ - شىعۋ جونىندەگى كۋالىككە ءوتىنىش بەرۋ كەستەسىنەن» ۇشەۋىن تاپسىرعان ەدى، 15 مينۋت ىشىندە بارلىعى ىستەلىپ بولدى. تامىزدىڭ باسىنان قازىرگە دەيىن، رايونىمىزدىڭ جەر - جەرى ادەتتەگى پاسپورتتى بەرۋ - باسقارۋ رەفورماسىن تەز دايەكتى تياناقتاندىردى، قازىرگە دەيىن، بۇكىل رايونىمىزدا 40 مىڭعا تاياۋ ادامنىڭ (رەت) ءوتىنىشى قابىلدانىپ، سايكەس مەزگىلدەگىدەن ەكى ەسەگە تاياۋ ارتتى.
«ايەلىم، بولە اعام ۇشەۋىمىز ءوتىنىش كەستەسىن تاپسىردىق، جۇمىس ءتارتىبى وتە قاراپايىم ەكەن، كەستە تولتىرىپ، سۋرەتكە ءتۇسىپ، ازاماتتىق كۋالىك، نوپۋس داپتەرى سياقتى قاتىستى ماتەريالداردى تاپسىرساڭىز بولعانى، پاسپورت، سونداي - اق شياڭگاڭ، اۋمىن، تايۋاندارعا بارۋعا قاتىستى كۋالىكتەردى جاساتا الادى ەكەنسىز» دەدى داۋىت ىبىرايىم كوڭىلدى تۇردە. اقسۋ ايماقتىق قوعام حاۋىپسىزدىگى مەكەمەسىنىڭ ورىنباسار باستىعى چىڭ شۇيميڭ بىلاي دەدى: وسى رەفورمانىڭ ءساتتى اتقارىلۋىن قامتاماسىز ەتىپ، بۇقارانىڭ شىن مانىندە يگىلىككە كەنەلۋى ءۇشىن، اۋداندىق (قالا) قوعام حاۋىپسىزدىگى مەكەمەلەرىنىڭ پاسپورت بەرۋ - باسقارۋ بويىنشا كۋالىك جاساتۋ تۇيىندەرى بۇرىنعى 9 دان 40 قا كوبەيتىلىپ، وسى كاسىپكە جاۋاپتى جاڭادان 98 ساقشى شىعارىلدى، سونىمەن قاتار اقپارات قۇرالدارى ارقىلى ساياساتتىق ۇگىت جۇرگىزدى.
بيىل 25 - مامىردا رايونىمىز قىزىلسۋ قىرعىز اۆتونوميالى وبلىسى، شىحىزى قالاسى، قارامايلى قالاسى سياقتى 3 ايماق، وبلىس، قالادا ادەتتەگى پاسپورت بەرۋ - باسقارۋ رەفورماسىنىڭ سىناق قىزمەتىن باستاپ، بۇقارانىڭ قارسى الۋىنا يە بولدى. سىناق ءتۇيىنى ەتىلگەن 3 ايماق، وبلىس، قالادا، ەكى اي ىشىندە 23 مىڭنان استام ادامنىڭ (رەت) ءوتىنىشى قابىلدانىپ، سايكەس مەزگىلدەگىدەن 5 ەسە ارتتى. سىناق تۇيىندەرىنىڭ تاجىريبەسى نەگىزىندە، اۆتونوميالى رايون ادەتتەگى پاسپورتتى بەرۋ - باسقارۋ رەفورماسىن تەزدەتىپ، تامىز ايىنىڭ باسىنان باستاپ ادەتتەگى پاسپورتتى بەرۋ - باسقارۋدىڭ ءبىر تۇتاس رەفورماسىن زاڭ بويىنشا جان - جاقتى اتقاردى، ادەتتەگى پاسپورت جاساتۋعا ءوتىنىش بەرۋ تۋرالى بارلىق تۇرعىنعا بىردەي ساياسات قولداندى، سونىمەن بىرگە ءوتىنىش شارتتارىن جانە ءبىر جايلى ەتۋ ءتارتىبىن ارناعا ءتۇسىرىپ جانە ىقشامداپ، ءار ۇلت بۇقاراسىنىڭ زاڭدى، ورىندى تۇردە شەكارادان كىرۋ - شىعۋ تالابىن قاناعاتتاندىردى.
اۆتونوميالى رايوندىق پارتكومنىڭ، ۇكىمەتتىڭ ورنالاستىرۋىمەن، بۇكىل شينجياڭداعى جەر - جەر، تاراۋلار جەدەل قيمىلداپ، جۇمىس تەرەزەلەرىن كوبەيتۋ، ۋاقىتتى ۇزارتۋ، «جاسىل ارنا» اشۋ، «ءبىر فۋنكتتىك، ءبىر رەتتىك» قىزمەت مەحانيزمىن اتقارۋ سياقتى شارالاردى قولدانىپ، پاسپورت بەرۋ - باسقارۋ رەفورماسىن كۇش سالا ىلگەرىلەتىپ، شينجياڭدى تەكسەرۋ - بەكىتۋ ىستەرى ەڭ از، تەكسەرۋ - بەكىتۋ ونىمدىلىگى ەڭ جوعارى، قىزمەت كورسەتۋى ەڭ ساپالى ولكە - رايوننىڭ ءبىرى ەتىپ قۇرىپ شىعۋ ءۇشىن بەلسەنە قۇلشىنىس جاسادى. 20 - تامىزدان 23 - تامىزعا دەيىن، از ۇلتتار ءجيى قونىستانعان حوتان، قاشقار، اقسۋ سياقتى جەرلەردە تىلشىلىك ىستەگەنىمىزدە، پاسپورت جاساتۋعا جابال كىرىسكەن ءار ۇلت بۇقاراسى وسى رەفورمانىڭ جاقسىلىعىن ايتىپ، قوعام حاۋىپسىزدىگى تاراۋىنىڭ قىزمەتىن القادى.
ادەتتەگى پاسپورتتى بەرۋ - باسقارۋ رەفورماسىنىڭ زاڭ بويىنشا، جۇيەلى، ءونىمدى، تەز اتقارىلۋىن قامتاماسىز ەتۋ ءۇشىن، 12 - تامىزدا اۆتونوميالى رايوندىق قوعام حاۋىپسىزدىگى مەڭگەرمەسىنىڭ شەكارادان كىرۋ - شىعۋ ىستەرىن باسقارۋ مەكەمەسى تاربيەلەۋ، قۋزاۋ - جەتەكشىلىك ەتۋ گرۋپپالارىن نەگىزگى ساتىعا ارنايى جىبەرىپ، جەر - جەردىڭ قىزمەتىنە جەتەكشىلىك ەتىپ، شەكارادان كىرۋ - شىعۋ جونىندەگى كۋالىك جاساۋ كاسىبىمەن اينالىسۋشى حالىق ساقشىلارىن، سونداي - اق جۇمىس تەرەزەلەرىنە جاڭادان اكەلىنگەن حالىق ساقشىلارىن دەر كەزىندە تاربيەلەدى ءارى ناقتى قىزمەت بارىسىندا جارىققا شىققان ماسەلەلەردى شەشتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
