بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

عىلمي قارىشتاپ دامۋ ارقىلى كەسەك تابىستارعا قول جەتكىزدى

    − اۆتونوميالى رايون قۇرىلعاندىعىنىڭ 60جىلدىعىنا وراي (3)

2015.09.14 13:15     كەلۋ قاينارى : ءتاڭىرتاۋ تورابى

  9 - قىركۇيەكتە لوپنۇر اۋدانى شيڭپيڭ اۋىلىنىڭ داشي قىستاعى تۇڭعىش كەزەكتى مول ءونىم مەرەكەسىن تويلادى.

  ۇيعۇر تىلىندە، «داشي» دەگەن ءسوز «سورتاڭ جەر» دەگەن ماعىنانى بىلدىرەدى. دەگەنمەن قازىر داشي قىستاعىنا قادام تاستاساڭىز، جىپتەي تارتىلعان اسفالت جولدى، رەتتى جوبالانعان قاباتتى ۇيلەردى، ساياجايلاردى، ەرەكشە «ادەت - عۇرىپ كوشەسىن»، زاۋلاپ جاتقان جەكەلىك اۆتوكولىكتەردى كورەسىز. قىستاق تۇرعىندارى قالالىقتاردان دا جاقسى تۇرمىس كەشىرۋدە. 2014 - جىلى تۇتاس قىستاقتاعىلاردىڭ جان باسىندىق ورتاشا تازا كىرىسى 25 مىڭ يۋانعا جەتتى.

  قازىر «تۇستىك شينجياڭداعى ءبىرىنشى قىستاق» «عالامتوردىڭ» مۇمكىندىكتەرىنەن تولىق پايدالانىپ، اۋىل - قىستاقتىڭ ەلەكتروندى ساۋداسىن دامىتىپ، جاڭا ارتۋ ءتۇيىنىن قاراستىرۋدا.

  داشيداعى وراسان زور وزگەرىستەر شينجياڭداعى وزگەرىستەردىڭ ىقشام كورىنىسى. اۆتونوميالى رايونىمىز قۇرىلعان 60 جىلدان، اسىرەسە، ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، اۆتونوميالى رايوندىق پارتكوم تۇتاس شينجياڭداعى ءار ۇلت حالقىن باستاپ، قوعام ورنىقتىلىعى مەن باياندى تىنىشتىق باس نىساناسى توڭىرەگىندە، عىلمي قارىشتاپ، توپ جارىپ، توپتان وزىپ، شينجياڭ ەكونوميكاسىنىڭ، قوعامىنىڭ دامۋى، قالا مەن اۋىل بەينەسى، حالىقتىڭ تۇرمىسى سياقتىلاردىڭ بارلىعىندا كەرەمەت وزگەرىستەر جارىققا شىقتى.

  دامۋ كەرەمەتتەردى جارىققا شىعاردى

  28 - تامىز كۇنى، ەرەكشە ترانسفورماتور شەكتى جارنا سەرىكتەستىگى قۇرعان قىرعىزستاننىڭ ەلەكتر تورابى داتقا − كەمين 500 كيلوۆولتتىق كەرنەۋ وزگەرتىپ، ەلەكتر جەتكىزۋ نىسانى ءساتتى اياقتاپ، قىرعىزستان زۇڭتۇڭى الماز اتامبايەۆتىڭ ەرەكشە جاقسى باعاسىنا يە بولدى. باتىس تەرىستىك شەكاراعا ورنالاسقان، قارىزى باسىنان اسىپ، كۇيرەۋگە بەت العان وسى شاعىن كاسىپورىن قازىر جۇڭگوداعى كەرنەۋ وزگەرتىپ، ەلەكتر جەتكىزۋ كاسىبىندەگى كوشباسشى كاسىپورىنعا اينالدى ءارى جۇڭگوداعى 500 ەگەي كاسىپورىننىڭ قاتارىنان ورىن الىپ شارۋاشىلىعى تۇتاس جەر شارىنا تارادى. مۇنى دامۋدىڭ كەرەمەتى دەمەي تۇرا المايمىز.

  60 جىلدىڭ الدىندا، اۆتونوميالى رايونىمىز قۇرىلعاندا، تۇتاس رايونىمىزدىڭ ءوندىرىس جالپى ءونىم قۇنى نە بارى ءبىر ميلليارد 230 ميلليون يۋان عانا بولاتىن، ءبىر تال شەگە دە وندىرە المايتىن، ءبىر سۇيەم تەمىر جول دا جوق ەدى، مۇنداي كاسىپورىننان اۋىز اشۋ مۇلدە مۇمكىن ەمەس بولاتىن...

  60 جىلدان بەرى، پارتيا ورتالىق كوميتەتىنىڭ ىستىق ىقىلاستى قامقورلىعىندا، بۇكىل ەل حالقىنىڭ كۇش سالا كومەكتەسۋىندە، اۆتونوميالى رايوندىق پارتكوم مەن ۇكىمەتتىڭ شينجياڭداعى ءار ۇلت حالقىن باستاپ جۇدىرىقتاي جۇمىلىپ، جاپالى كۇرەسۋىندە، رەفورما جاساپ، ەسىك اشقاننان باتىس بولىكتى قاۋىرت اشۋعا، ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن كەيىنگى كەڭ كولەمدە قۇرىلىس جۇرگىزۋ، جاپپاي اشۋ، قاۋىرت دامۋ ورلەۋىنەن، ارشىندى قادامدى جىبەك جولى ەكونوميكالىق بەلدەۋىندەگى وزەكتى رايون قۇرىلىسىنا دەيىن، اۆتونوميالى رايون دامۋدى قاشاندا ماڭداي الدى مىندەت، باياندى تىنىشتىقتىڭ نەگىزى ەتىپ، تاباندى سەنىممەن تيتتەى دە بوساڭسىماي، تالاي رەتكى قارىشتاپ دامۋدى ىسكە اسىرىپ، نە ءبىر كەرەمەت ناتيجەلەرگە قول جەتكىزدى.

  اسىرەسە، ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، تۇتاس رايونىمىزدىڭ ءوندىرىس جالپى ءونىم قۇنى ءار جىلى 2 ورىندى سيفرمەن ارتىپ، ءبىر جىلدا 100 ميلليارد يۋاندىق وتكەلدەن ءوتىپ، 2014 - جىلى 927 ميلليارد 300 ميلليون يۋانعا جەتتى، ارتۋ جىلدامدىعى مەملەكەت بويىنشا 2009 - جىلعى 30 - ورىننان 2014 - جىلى 4 - ورىنعا كوتەرىلىپ، كۇللى الەمدى جالت قاراتقان شۇعىلالى تابىستارعا قول جەتكىزىپ، ۋاقىتپەن جارىسقان «شينجياڭ جىلدامدىعىن» ايگىلەدى.

  قاۋىرت دامۋدىڭ جەتىستىكتەرىندە ورتالىقتىڭ شينجياڭداعى ءار ۇلت حالقىنا دەگەن ىستىق ىقىلاستى قامقورلىعىنىڭ ۇلەسى بار. دامۋ − بارلىق ماسەلەنى شەشۋدىڭ تەتىگى، باياندى تىنىشتىقتىڭ نەگىزى.

  باس شۋجي شي جينپيڭ: قانداي جاعدايدىڭ تۋىلۋىنا قاراماستان، شينجياڭنىڭ ءتىپتى جاقسى، ءتىپتى تەز دامۋىن تاباندىلىقپەن ىلگەرىلەتۋىمىز كەرەك، - دەپ اتاپ كورسەتكەن بولاتىن. قاۋىرت دامۋدىڭ جەتىستىكتەرىندە اۆتونوميالى رايوندىق پارتكومنىڭ بەرىك دامۋ سەنىمى مەن دامۋ جاعىنداعى اقىل - پاراساتى دا مەن مۇندالايدى. شينجياڭنىڭ نەگىزى ءالسىز، باستاۋ دەڭگەيى تومەن، ءوندىرىس قۋاتىنىڭ ورەسى ىشكى ولكەلەردەگى وركەندەگەن جەرلەردەن الدەقايدا كەنجە، دامۋ بارىسىندا ويلام جاعىنداعى بۇعاۋدى تالقانداپ، ەرەكشە تانىممەن جانە ادىسپەن دامۋداعى قيىن ماسەلەلەردى شەشۋ كەرەك.

  2010 - جىلدان باستاپ، اۆتونوميالى رايوندىق پارتكوم شينجياڭنىڭ رەفورما، دامۋ، ورنىقتىلىعى توڭىرەگىندە، «قىزمەتتىك اس»، «نىسانداردى جەبەۋ اپتالىعى»، «كوكتەمدە جاقسى باستاما كوتەرۋ. ناقتى ءىس ىستەپ، تياناقتاندىرۋدى جەبەۋ»، «رەفورما، جاڭالىق اشۋدى تەرەڭدەتىپ، باياندى تىنىشتىققا كۇش سالايىق» سياقتى جەلىلەس قيمىلداردى ىركەس - تىركەس ورىستەتىپ، جوعارى ارقىلى تومەندى باستاپ، ءتۇرلى قىزمەتتەردىڭ تياناقتاندىرىلۋىن پارمەندى تۇردە جەبەدى.

  دامۋ نۇرلى بولاشاققا جول اشتى

  ءوندىرىس قۋاتى ورەسى سالىستىرمالى كەنجە بولۋ، وڭتۇستىك جانە سولتۇستىك شينجياڭنىڭ دامۋى بىركەلكى بولماۋ، ەكولوگيالىق ورتانىڭ ءالسىز بولۋى − شينجياڭنىڭ نەگىزگى رايوندىق جاعدايى.

  ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن كەيىن، ورتالىق پەن اۆتونوميالى رايوندىق پارتكوم بەلگىلەگەن ءتۇرلى نىسانالار مەن مىندەتتەردى تياناقتاندىرۋ ءۇشىن، اۆتونوميالى رايوندىق پارتكوم شينجياڭنىڭ ءىس جۇزىندىك جاعدايىنا مەڭزەس «عىلمي قارىشتاۋ، توپ جارىپ توپتان وزۋ» تانىمىن العا قويىپ، دامۋدىڭ جىلدامدىعىنا ءمان بەرۋمەن قاتار، قۇرىلىمدى قايتا رەتتەۋ تاسىلىنە بۇرىلىس جاساۋعا، ءتىپتى، ءمان بەرىپ، دامۋدىڭ ساپاسى مەن ونىمدىلىگىن جوعارىلاتىپ، بولاشاقتاعى دامۋ ءۇشىن كەڭ ءورىس ازىرلەدى.

  شينجياڭدا ماقتا ەگىلگەن جەر اۋدانى، ماقتانىڭ بىرلىك ءونىمى، جالپى ءونىم مولشەرى مەملەكەت بويىنشا ءۇرتىس 21 جىل ءبىرىنشى ورىندى يەلەگەنمەن، شينجياڭنىڭ توقىماشىلىق كاسىبى بەرتىنگى بىرنەشە جىلدان بەرى عانا قارىشتاي دامىدى.

  جۋىق جىلدارى، اۆتونوميالى رايون توقىماشىلىق، كيىم - كەشەك كاسىبىن دامىتۋدى كاسىپتەندىرۋدى جەبەۋدەگى ماڭىزدى شارا ەتىپ، الۋان ءتۇرلى ءتاسىل جانە پارىقتى ساياسات قولدانىپ، عىلمي جوبا - جوسپار جاساپ، بايىرعى كاسىپ سالاسىنا تىڭ ومىرشەڭدىك كۇش باعىشتادى. بۇگىندە ماقتا ءيىرۋ، ماقتا توقىماشىلىعى، ءبىز توقىماشىلىعى، ماشينامەن كىلەم توقۋ، كيىم - كەشەك، وتباسىنا كەرەكتى توقىما بۇيىمدار سياقتى نىساندار باستاپ سالىنىپ، شينجياڭنىڭ توقىماشىلىق كولەمى 6 ميلليون ۇرشىققا جەتىپ، ماقتا توقىماشىلىعى كاسىپ سالاسىنا بايلانىستى ءتۇيىندى كاسىپورىندار شوعىرى بىرتىندەپ قالىپتاسىپ، تۇيىندەر ارقىلى اۋماقتاردى باستاپ، كاسىپ سالاسى يگىلىگىنىڭ كەيىنگى سالالارعا ويىسۋىن جەبەدى.

  ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن كەيىن اۆتونوميالى رايون ءبىرقىدىرۋ شارا قولدانىپ، بۇكىل رايوننىڭ بىركەلكى دامۋىن ءبىر تۇتاس جوسپار جاساپ، سايكەستىرىپ، وڭتۇستىك شينجياڭ مەن سولتۇستىك شينجياڭنىڭ پارقىن بىرتىندەپ ازايتتى.

  2013 - جىلدىڭ باسىندا اۆتونوميالى رايون «وڭتۇستىك شينجياڭداعى ەكى ايماق، ءبىر وبلىستىڭ وڭىرلىك دامۋى جانە كەدەيلەردى سۇيەمەلدەۋدە قامال الۋ جوباسىن» اتقارىپ، كاسىپ سالاسى قۇرىلىمىن رەتتەۋ، باتىسقا ەسىك اشۋ، قالا - قالاشىقتانۋ اياق الىسىن ىلگەرىلەتۋ سياقتى جاقتاردا پارمەندى شارالار قولدانىپ، وڭتۇستىك شينجياڭنىڭ وڭىرلىك ەكونوميكاسىنىڭ سايكەستى دامۋىن جەبەدى. 2014 - جىلدان باستاپ وڭتۇستىك شينجياڭداعى ەكى ايماق، ءبىر وبلىستا ەندىگارى GDP تەكسەرىلمەيتىن بولدى. اۆتونوميالى رايون وڭتۇستىك شينجياڭنىڭ دامۋىن جەدەلدەتۋدىڭ، دامۋداعى پارىقتاردى ازايتۋدىڭ ءتۇيىنى مەن وزەگىن كىرىس پارقى مەن حالىق تۇرمىسىنداعى پارىقتى ازايتۋعا ويىستىرىپ، سول ارقىلى نەگىزدىك الەۋمەتتىك قىزمەت كورسەتۋدى جەدەل تەڭگەرىپ، وڭتۇستىك شينجياڭداعى ءار ۇلت جۇرتشىلىعىنىڭ اناعۇرلىم باقىتتى تۇرمىس كەشىرۋىنە مۇمكىندىك جاسادى.

  وسى جىلداردا اۆتونوميالى رايون «ەكولوگيالىق ورتانى قورعاۋدى ماڭداي الدى ورىنعا قويۋ، ەكولوگيالىق رايون قۇرۋ»، «بايلىقتى باياندى اشۋ، ەكولوگيالىق ورتانى باياندى قورعاۋ جولىمەن ءجۇرۋ» تانىمىنا تاباندى بولىپ، دامۋ بارىسىندا قورعاپ، قورعاۋ بارىسىندا دامىتىپ، ەكونوميكالىق دامۋ مەن ەكولوگيالىق ورتانى قورعاۋدا تەڭ ناتيجەگە قول جەتكىزۋگە قۇلشىندى. ىلە وزەنى اڭعارىنداعى ميلليون مۋلىق ەكولوگيالىق ەكونوميكالىق ورمان ينجەنەرياسى، تارىم ويپاتىنىڭ جيەگىندەگى قۇمنان ساقتانۋ، قۇمدى تىزگىندەۋ ينجەنەرياسى، ياركەن وزەنىندەگى تاسقىننان ساقتانۋ، تىزگىندەۋ ينجەنەرياسى سياقتى ءبىرسىپىرا ءتۇيىندى ەكولوگيالىق ينجەنەريا جەدەل اتقارىلدى، ءۇرىمجىنىڭ اتموسفەراسىن وڭاۋدىڭ ونىمدىلىگى كورنەكتى بولدى، تارىم وزەنىنىڭ تومەنگى اعارىنىڭ تارتىلىپ قالۋ جايتى تاريحقا اينالدى. تابيعاتتى ايالاۋ، شينجياڭعا كوركىنە كورىك قوسۋ بىرگە، باياندى دامۋعا بەرىك نەگىز قالاپ بەردى.

  سونىمەن بىرگە، اۆتونوميالى رايون جاڭاشا ونەركاسىپتەندىرۋدى، ەگىن، مال شارۋاشىلىعىن وسىزامانداندىرۋدى، جاڭاشا قالا - قالاشىقتاندىرۋدى، ينفورماتسيالاندىرۋ مەن نەگىزدىك قۇرىلعىنى وسىزامانداندىرۋدى قاتار دامىتىپ، جاڭاشا ونەركاسىپتەندىرۋدى ءبىرىنشى جەبەۋشى كۇش ەتىپ، شينجياڭ ەرەكشەلىگىنە يە وسى زامانعى كاسىپ سالاسى جۇيەسىن قۇردى.

  ەكونوميكالىق دامۋدىڭ ومىرشەڭدىك كۇشىنىڭ، دامۋدا بۇرىلىس جاساپ، دەڭگەيدى ءوسىرۋدىڭ قوزعاۋشى كۇشىنىڭ جانە حالىق تۇرمىسىن جاقسارتۋدىڭ اسەر كۇشىنىڭ ۇزبەي كۇشەيۋىنە ىلەسە شينجياڭنىڭ ەكونوميكالىق، قوعامدىق دامۋى جاڭا كەزەكتى ورلەۋگە قادام تاستاپ، ارتۋى ەڭ تەز، ساپاسى ەڭ جاقسى، ونىمدىلىگى ەڭ جوعارى بولعان تاريحي تىڭ ساتىعا كوتەرىلدى.

  دامۋ باقىتتى تۇرمىستىڭ تىڭ داستانىن جازدى

  دامۋدىڭ ەڭ سوڭعى ماقساتى بۇقارانىڭ باقىتتى تۇرمىس كەشىرۋىنە مۇمكىندىك جاساۋ.

  2014 - جىلدان باستاپ اۆتونوميالى رايوندىق پارتكوم 880 ميلليون يۋاندىق ارناۋلى قازىنالىق قارجىمەن تەز ءونىم بەرەتىن نىسانداردى ىلگەرىلەتىپ، وڭتۇستىك شينجياڭداعى ەكى ايماق، ءبىر وبلىستاعى كاسىپتەندىرۋ جانە ەكونوميكالىق دامۋ ماسەلەسىن كۇش سالا شەشتى.

  ءبىر جىلدان استام ۋاقىتتاعى اماليات تەز ءونىم بەرەتىن نىسانداردىڭ اۋىل - قىستاقتاعى قىرۋار ارتىق ەڭبەككۇشتىڭ سول جەردىڭ وزىندە، ۇيىنە جاقىن ماڭدا كاسىپتەنۋىنە، يگىلىك قۇرۋىنا قوزعاۋشىلىق ەتۋمەن بىرگە، وڭتۇستىك شينجياڭداعى ەگىنشى - مالشىلاردىڭ يدەيالىق تانىمىنداعى بەتبۇرىسقا دەم بەرىپ، شارۋالاردىڭ بىرتىندەپ كاسىپ سالاسىنداعى جۇمىسشىلارعا اينالۋىنا مۇمكىندىك جاساعانىن كورسەتتى.

  ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، اۆتونوميالى رايوندىق پارتكوم دامۋدى حالىق تۇرمىسىنا جاقىنداتا وتىرىپ جەبەدى. «حالىق تۇرمىسىن الدىمەن ەسكەرۋ، بۇقارانى ماڭداي الدى ورىنعا قويۋ، نەگىزگى ساتىنى ماڭىزدى ساناۋ» تانىمىن بەرىك ورناتىپ، «حالىق تۇرمىسى جىلى» قيمىلىن ءۇرتىس 6 جىل ورىستەتىپ، دامۋدى حالىق تۇرمىسىن جاقسارتۋ، ىنتىماقتى ىلگەرىلەتۋ بارىسىندا ناقتاپ تياناقتاندىردى.

  شينجياڭنىڭ ەكونوميكالىق دامۋ اياق الىسىنىڭ تەزدەۋىنە بايلانىستى، 2014 - جىلى شينجياڭدا قالا - قالاشىق تۇرعىندارىنىڭ ادام باسىنا تۋرا كەلەتىن اقشالاي كىرىسى 23 مىڭ 214 يۋانعا جەتتى، بۇل 2009 - جىلعى ورەنىڭ 1.9 ەسەسىنە بارابار كەلىپ، جىلىنا ورتا ەسەپپەن ارتقان كىرىسى 2191 يۋاننان اسىپ، جىلىنا ورتا ەسەپپەن %13.6 ارتتى؛ 2014 - جىلى شارۋالاردىڭ جان باسىندىق ورتاشا تازا كىرىسى 8724 يۋانعا جەتتى، بۇل 2009 - جىلعى ورەنىڭ 2.2 ەسەسىنە بارابار كەلىپ، جىلىنا ورتا ەسەپپەن ارتقان كىرىسى 968 يۋاننان اينالىپ، جىلىنا ورتا ەسەپپەن %17.6 ارتتى

  وسى 5 جىلدا شينجياڭدا ءتۇرلى قامتاماسىزداندىرۋ سيپاتتى ءبىر ميلليون 630 مىڭ تۇرعىن ءۇي سالىنىپ، تۇرمىسىندا قيىنشىلىعى بار قىرۋار ادام باسپاناعا يە بولىپ، الاڭسىز تىرشىلىك ەتتى؛ 115 ميلليارد 200 ميلليون يۋان قارجى قوسىلىپ، جالپى ءبىر ميلليون 500 مىڭ بەيقۇت ءۇي سالۋ مىندەتى ورىندالىپ، 4 ميلليون 800 مىڭنان استام ءار ۇلت ەگىنشى - مالشىسى جاڭا قونىسقا كوشىپ كىردى، جالپى قۇرىلىس مولشەرى جاعىنان ءۇرتىس 4 جىل بۇكىل ەل بويىنشا اعالاپ العا شىقتى. 2011 - جىلدان باستاپ شينجياڭدا 20 نەشە رەت 5 بالدان جوعارى ويرانداۋ سيپاتتى جەر سىلكىندى، مۇندا ەرەكشە اتاپ وتۋگە ءتيىستى ءبىر جاي، كەريادا 7.3 بال جويقىن جەر سىلكىنىس اپاتى تۋىلسا دا جاڭادان سالىنعان جەر سىلكىنىسىنە ءتوزىمدى بەيقۇت ۇيلەردىڭ بىردە - بىرەۋى قۇلامادى. «مالشىلاردى وتىرىقتاندىرىپ، مال شارۋاشىلىعىن كوركەيتۋ» ينجەنەرياسىنا 9 ميلليارد 900 ميلليون يۋان قارجى سالىنىپ، بۇكىل رايونىمىزداعى 90 مىڭعا جۋىق مالشى وتباسى كوشپەندى تۇرمىسقا قوش ايتىپ، مەشەۋ ءوندىرىس فورماسىن وزگەرتتى. بۇكىل شينجياڭنىڭ قالا - قالاشىقتارىنداعى 300 مىڭ «7 - مامىر جۇمىسشىلارى» مەن ولاردىڭ وتباسىنداعىلار جۇمىسشى - قىزمەتشىلەردىڭ نەگىزدىك زەينەتتىك قامسىزداندىرۋ كولەمىنە ەنىپ، تاريحتان قالعان بۇل ماسەلەنى بۇكىل ەل بويىنشا ءبىر جىل بۇرىن شەشتى. بۇكىل شينجياڭداعى ادەتتەگى جوعارى مەكتەپتەردەن وقۋ تاۋىسىپ كاسىپتەنبەگەن 20 مىڭنان استام ستۋدەنت ىشكى ولكەلەردە سايكەستى تاربيەلەنىپ قىزمەتكە شىقتى...

  وسى 5 جىل شينجياڭداعى حالىق تۇرمىسىنىڭ قۇرىلىس سەرپىنى ەڭ كۇشتى، ءار ۇلت جۇرتشىلىعى ەڭ كوپ يگىلىككە كەنەلگەن مەزگىل بولدى. تيانشاننىڭ تۇستىگى مەن تەرىستىگىندەگى ۇلان - بايتاق دالادا، حالىق تۇرمىسى قۇرىلىسىندا تولاعاي تابىستارعا قول جەتىپ،ءار ۇلت جۇرتشىلىعىنىڭ جۇزىنەن باقىت كۇلكىسى ەستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.