- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك حالىق قۇرىلتايى تۇراقتى كوميتەتىنىڭ تەكسەرۋ گرۋپپاسى شينجياڭدا اۋىل شارۋاشىلىعى زاڭىنىڭ اتقارىلۋ جاعدايىن تەكسەردى
2015.09.22 10:48 كەلۋ قاينارى : ءتاڭىرتاۋ تورابى
جاڭ چۇنشيان چىن جيانگومەن كەزدەستى
مەملەكەتتىك حالىق قۇرىلتايى تۇراقتى كوميتەتىنىڭ تەكسەرۋ گرۋپپاسى 10 - قىركۇيەكتەن 19 - قىركۇيەككە دەيىن شينجياڭدا اۋىل شارۋاشىلىعى زاڭىنىڭ اتقارىلۋ جاعدايىن تەكسەردى.
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 19 - قىركۇيەك تۇستەن كەيىن مەملەكەتتىك حالىق قۇرىلتايى تۇراقتى كوميتەتىنىڭ مۇشەسى، اۋىل شارۋاشىلىعى جانە اۋىل - قىستاق كوميتەتىنىڭ مەڭگەرۋشى مۇشەسى چىن جيانگو باستاعان تەكسەرۋ گرۋپپاسىنىڭ مۇشەلەرىمەن كەزدەستى.
تەكسەرۋ گرۋپپاسى ىلە، قاشقار، التاي سياقتى جەرلەردە اۋىل شارۋاشىلىعى زاڭىنىڭ اتقارىلۋ احۋالىن جاپپاي ۇعىسىپ، استىق حاۋىپسىزدىگىنە كەپىلدىك ەتۋ، اۋىل شارۋاشىلىعى، اۋىل - قىستاق جانە شارۋالار ىستەرى ۇسىنىلىمىنىڭ ورنىقتى ارتۋ مەحانيزمىن تولىقتىرۋ، جايلىم ەكولوگياسىن قورعاۋدى قارجىلىق ىنتالاندىرۋ ساياساتىن كەمەلدەندىرۋ سياقتى جاعدايلاردى ءتۇيىندى تۇردە تەكسەردى.
جاڭ چۇنشيان بىلاي دەدى: اۋىل شارۋاشىلىعى زاڭى − مەملەكەتىمىزدىڭ اۋىل شارۋاشىلىعى سالاسىنداعى نەگىزگى زاڭى. اۆتونوميالى رايون قۇرىلعاندىعىنىڭ 60 جىلدىق مەرەي تويى قارساڭىندا، تەكسەرۋ گرۋپپاسىنىڭ شينجياڭدا اۋىل شارۋاشىلىعى زاڭىنىڭ اتقارىلۋ احۋالىن تەكسەرۋى شينجياڭنىڭ ەگىن، مال شارۋاشىلىقتارىنىڭ دامۋىن سىننان وتكىزىپ، شينجياڭ اۋىل شارۋاشىلىعىنىڭ وسىزاماندانۋ ۇدەرىسىن پارمەندى تۇردە ىلگەرىلەتەدى. شينجياڭ −− ءىرى ەگىن، مال شارۋاشىلىق ءوڭىرى، اۆتونوميالى رايوندىق پارتكوم مەن حالىق ۇكىمەتى ەگىن، مال شارۋاشىلىقتارىن دامىتۋعا قاشاندا باسا ءمان بەرىپ، استىق حاۋىپسىزدىگى قىزمەتىن ماڭداي الدى ورىنعا قويىپ، استىقپەن قامداۋدى قاجەتسىنۋمەن تەڭەستىرۋ، قامداۋدى ءسال اسىرۋ نەگىزىندە، ەگىن شارۋاشىلىعىنىڭ ماقتا، جەمىس اعاشى سەكىلدى ەرەكشە سالالارىن قالىپتاستىردى، ەگىنشى - مالشىلاردىڭ تابىسى قاۋىرت كوتەرىلىپ، تۇرمىسى ايتارلىقتاي جاقساردى. قول جەتكەن وسى جەتىستىكتەر پارتيا ورتالىق كوميتەتىنىڭ اۋىل شارۋاشىلىعى قىزمەتىنە ءمان بەرىپ، ءتۇرلى ساياساتتىق كومەك كورسەتۋىمەن، اۋىل شارۋاشىلىعى زاڭىنىڭ ءونىمدى تۇردە اتقارىلۋىمەن تىعىز قاتىستى. اۋىل شارۋاشىلىعى زاڭىنىڭ اتقارىلۋ احۋالى جونىندەگى وسى رەتكى تەكسەرۋ ارقىلى، ەگىن، مال شارۋاشىلىعىنىڭ وسىزاماندانۋ اياق الىسىن زاڭ شىعارۋدىڭ تۇرعىسىنان جەدەلدەتىپ، شينجياڭنىڭ ەگىن، مال شارۋاشىلىقتارىنىڭ تىڭ بەلەسكە كوتەرىلۋىن جەبەۋلەرىڭىزدى ءۇمىت ەتەمىن.
چىن جيانگو بىلاي دەدى: زاڭنىڭ اتقارىلۋىن تەكسەرۋ بارىسىندا، شينجياڭدا اۋىل - قىستاقتاردىڭ وركەندەپ، قوعامدىق جاعدايدىڭ ورنىعىپ، ءار ۇلت حالقىنىڭ ىنتىماقتى، تاتۋ - ءتاتتى ءوتىپ جاتقانىن، بارلىق جەردىڭ اۆتونوميالى رايون قۇرىلعاندىعىنىڭ 60 جىلدىعىنا بايلانىستى شات مەرەيگە شومعانىن سەزىندىك. تەكسەرۋ گرۋپپاسىنىڭ مۇشەلەرى اۆتونوميالى رايوننىڭ اۋىل شارۋاشىلىعى زاڭىن اتقارۋدا جەتكەن ناتيجەلەرىن تولىق تۇراقتاندىردى. ءبىز ءار جاقتىڭ ۇسىنىس - پىكىرىن جيناقتاپ، مەملەكەتتىك حالىق قۇرىلتايىنىڭ تۇراقتى كوميتەتىنە بايانداما ۇسىنامىز ءارى ورتالىق پەن مەملەكەتتىڭ قاتىستى كوميتەت - مينيسترلىكتەرىنە قۇلاققاعىس ەتىپ، اۋىل شارۋاشىلىعى زاڭىنىڭ ءونىمدى تۇردە اتقارىلۋىن بىرگە ىلگەرىلەتەمىز.
تەكسەرۋ گرۋپپاسى 19 - قىركۇيەك تۇستەن بۇرىن اۆتونوميالى رايوندىق حالىق ۇكىمەتىنىڭ اۋىل شارۋاشىلىعى زاڭىنىڭ اتقارىلۋ جاعدايىنان جاساعان ەسەبىن تىڭدادى ءارى اۆتونوميالى رايون باسشىلارىمەن جانە قاتىستى تاراۋلاردىڭ جاۋاپتىلارىمەن اڭگىمە وتكىزدى.
اڭگىمە كەزىندە، تەكسەرۋ گرۋپپاسى اۆتونوميالى رايونىمىزدىڭ اۋىل شارۋاشىلىعى زاڭ - ەرەجەلەرى جۇيەسىن ورناتۋى، اۋىل شارۋاشىلىعىنىڭ وندىرىستىك - وپەراتسيالىق ءتۇزىلىسىن تياناقتاندىرۋى، اۋىل شارۋاشىلىق ونىمدەرىنىڭ اينالىمىن جەبەۋى، اۋىل شارۋاشىلىعىن قارجىلاندىرۋ مەن قولداۋ - قورعاۋ جۇيەسىن جانە اۋىل شارۋاشىلىق بايلىعى مەن اۋىل شارۋاشىلىق ەكولوگياسىن قورعاۋ جۇيەسىن ورناتۋى سياقتى جاعدايلاردى تاپتىشتەپ ۇعىستى.
چىن جيانگو بىلاي دەدى: شينجياڭ اۋىل شارۋاشىلىعى زاڭىن اتقارۋ جاعىندا قىرۋار جۇمىستار تىندىرىپتى، اۋىل - قىستاقتاردا ءتۇرلى رەفورما ناقتىلى ىلگەرىلەتىلىپ، اۋىل شارۋاشىلىعى، اۋىل - قىستاق جانە شارۋالار قىزمەتىندە كورنەكتى تابىستارعا قول جەتىپتى. سىزدەردىڭ اۋىل شارۋاشىلىعى زاڭىن ۇزدىكسىز ويداعىداي اتقارىپ، ەگىن، مال شارۋاشىلىعىنىڭ وسىزاماندانۋىن ىشكەرىلەي ىلگەرىلەتىپ، اۋىل شارۋاشىلىعى، اۋىل - قىستاق جانە شارۋالار ىستەرىنىڭ دامۋىن جەبەپ، شينجياڭنىڭ قوعام ورنىقتىلىعى مەن باياندى تىنىشتىعىنا كۇش ۇستەۋلەرىڭىزدى ءۇمىت ەتەمىز.
ۇعىسۋعا قاراعاندا، ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، اۆتونوميالى رايوندىق پارتكوم مەن حالىق ۇكىمەتى وسى زامانعى اۋىل شارۋاشىلىعىنىڭ دامۋ بەتالىسىن مىقتى يگەرىپ، استىق، ماقتا، جەمىس، مال شارۋاشىلىقتارى بويىنشا ءتورت ءىرى بازا قۇرىلىسىن جانە قۇرىلعىلى اۋىل شارۋاشىلىعى مەن وڭىرلىك ەرەكشە اۋىل شارۋاشىلىعىنىڭ وندىرىستىك قابىلەتىن جاپپاي، جۇيەلى، سايكەستى تۇردە بىرتىندەپ ىلگەرىلەتكەن. استىق ءتۇسىمى ۇدايى 8 جىل ارتقان، ماقتانىڭ ساپاسى، بىرلىك ءونىمى، جالپى ءونىمى، تاۋارلانۋ مولشەرى مەن شىعارىلۋ مولشەرى ءۇرتىس 21 جىل مەملەكەت بويىنشا ءبىرىنشى ورىندى يەلەگەن، جەمىس - جيدەكتىڭ ءتۇسىمى مەملەكەت بويىنشا الدىڭعى قاتارعا وتكەن، مال شارۋاشىلىعىنىڭ كەشەندى وندىرىستىك قابىلەتى ورنىقتى تۇردە كوتەرىلگەن.
اۆتونوميالى رايون باسشىلارىنان شوكىرات زاكىر، نايىم ياسىن، دۇڭ شينگۋاڭ، چيان جى، مەملەكەتتىك حالىق قۇرىلتايى اۋىل شارۋاشىلىعى جانە اۋىل - قىستاق كوميتەتىنىڭ ورىنباسار مەڭگەرۋشى مۇشەلەرى ۋاڭ گوشىڭ، لۇڭ جۋاڭۋي، جياڭ فان، مۇشەلەرى ساۋ ۋيشين، جياڭ شىڭسان جانە تەكسەرۋ گرۋپپاسىنىڭ باسقا مۇشەلەرى وسى قيمىلدارعا قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
