بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

«1-قازان» ۇزاق دەمالىسىندا، رايونىمىزدىڭ ساياحات بازارى بارىنشا جانداندى

2015.10.09 16:22     كەلۋ قاينارى : شينجياڭ حالىق راديو ستانسياسى تورابى

  ءۇشىنشى جاق تەكسەرۋ سەرىكتەستىگىنەن الىنعان ساندى مالىمەتكە قاراعاندا، «1-قازان» ۇزاق دەمالىسىندا، رايونىمىز ەل ءىشى-سىرتىنان كەلگەن جيىنى 4 ميلليون 946 مىڭ ادام رەت ساياحاتشى قابىلداپ، وتكەن جىلدىڭ وسى مەزگىلىندەگىدەن %30.7 ارتقان، ەل ءىشى ساياحاتشىلارىنىڭ جالپى تۇتىنۋ سوماسى 5 ميلليارد 840 ميلليون يۋان بولعان.مۇندا جەكە اۆتوكولىكپەن ساياحاتتاۋدىڭ بارعان سايىن جاندانۋى تۇتىنۋدىڭ تۇيىنىنە اينالعان.رايونىمىزدا جەكە اۆتوكولىكپەن ساياحاتتاۋ مولشەرى وتكەن جىلدىڭ وسى مەزگىلىندەگىنىڭ ءتورت ەسىنە جۋىق ارتىپ، ساياحات بازارىنىڭ نەگىزگى تۇلعاسىنا اينالعان.كوكتوعاي كورىنىس رايونى وتكەن جىلدارداعى جەكە اۆتوكولىكتەردىڭ توسىلىپ قالۋ ءجايتىنىڭ تۋىلۋىنان ساقتانۋ ءۇشىن، ادەيى كورىنىس رايونىنداعى جەكە اۆتوكولىك توقتاتىلاتىن الاڭدى كەڭەيتتى، قاتىناسقا جەتەكشىلىك ەتۋشىنى، تاس جولداعى جول نۇسقاۋ تاقتايشاسىن كوبەيتۋ ارقىلى جەكە اۆتوكولىكتەردىڭ كورىنىس رايونىنا كىرىپ-شىعۋىنا قولايلىلىق جاسادى.شينجياڭ يۋانفاڭ ساياحات شەكتى سەرىكتەستىگىنىڭ تيجاراتقا جاۋاپتى ءبولىمنىڭ قىزمەتكەرى باي ليجۇن: 1-قازان دەمالىسى كەزىندە، كوكتوعاي كورىنىس رايونى قابىلداعان ساياحاتشى مولشەرى 70 مىڭ ادام رەتكە تايادى، كۇنىنە ورتا ەسەپپەن 10 مىڭ ادامعا جۋىق ساياحاتشى قابىلدادى.كورىنىس رايونىنىڭ 2-، 3-لەنياداعى قىزمەتكەرلەردى دە الدىڭعى شەپتە كەزەكشىلىك ىستەۋگە ورنالاستىرىپ، ءارقايسى قىزمەت ورنىنداعى قىزمەتكەرلەردى كوبەيتتى.مەرەكە كەزىندە جەكە اۆتوكولىكتەردىڭ ءتارتىپتى توقتاتىلۋىنا كەپىلدىك ەتۋ ءۇشىن، كورىنىس رايونى تاعى ۋاقىتتىق اۆتوموبيل توقتاتۋ الاڭىن اشىپ، اۆتوموبيل توقتاتۋ ورنىن مولايتىپ، ءارقايسى قاتىناس بەلگىسى مەن جەتەكشىلىك ەتۋ جۇيەسىن كەمەلدەندىردى،-دەدى.

  1-قازاننان باستاپ، رايونىمىزداعى ساياحات كورىنىس رايونىنداعى ساياحاتشىلاردىڭ سانى قاۋىرت ارتتى، ساياحاتشى قابىلداۋ مولشەرى تۇگەل وتكەن جىلدارداعىدان ارتتى.3-قازان كۇنى بوعدا كورىنىس رايونىنىڭ ساياحاتشى قابىلداۋ مولشەرى تاعى تاريحتاعى ەڭ جوعارى دەڭگەيگە جەتىپ، 11 مىڭ ادام رەتتەن استى.بوعدا كورىنىس رايونىن باسقارۋ كوميتەتىنىڭ ۇگىت تاربيە زاڭ-ەرەجە باسقارماسىنىڭ باستىعى ليۋ ليكۇن: بوعدا كورىنىس رايونىنىڭ ساياحاتشى قابىلداۋ مولشەرى 56 مىڭ 628 ادام رەتكە جەتىپ، وتكەن جىلدىڭ وسى مەز‍گىلىندەگىدەن %32.2 ارتتى .كورىنس رايون قۇرىلىسىنىڭ قولباسشىلىق ەتۋ زالىنان، ساياحاتشىلاردىڭ قايسى وڭىردە قايسى كورىنىس تۇيىنىندە شوعىرلى ەكەنىن، اۆتوموبيل قاجەت ەتۋ جاعدايىن دەركەزىندە كورۋگە بولادى، وسىنداي ءبولۋ فورماسى عىلىمي ءارى ءونىمدى بولدى، بۇل ساياحاتشىلاردىڭ تۇتاس كورىنىس رايونىن ساياحاتتاۋىندا، ۇزاق ۋاقىت توسىلىپ قالماۋىنا جانە بەلگىلى ءبىر كورىنىس رايونىندا ساياحاتشىلاردىڭ سىعىلىسىپ قالۋ ءجايتىنىڭ تۋىلماۋىنا مۇمكىندىك جاسادى، سالىستىرىپ ايتقاندا ساياحاتشىلاردىڭ ساياحاتتاۋى ىركىلىكسىز بولدى،-دەدى.

  قاشقار ايماعى پوسكام اۋدانىنىڭ التىن توراڭعى كورىنىس رايونى ساياحاتشىلاردى باۋراۋعا كوپ كۇش جۇمسادى، «1-قازان» ۇزاق دەمالىسىندا، كورىنىس رايونىندا بىردە-ءبىر ساياحاتشىنىڭ ارىزدانۋ ماسەلەسى تۋىلمادى.پوسكام اۋداندىق ساياحات مەكەمەسىنىڭ ورىنباسار باستىعى لي شياۋيان: قۇرىلعى قۇرىلىس بارىنشا كەمەلدەندىرىلىپ، حاۋىپسىزدىككە كەپىلدىك ەتىلدى، بيىل حاۋىپسىزدىك ەسكەرتپە تاقتاسىن كوبەيتۋمەن بىرگە، راشاتكا ورناتۋعا ءتيستى ورىندارعا تۇگەل راشاتكا ورناتتىق.1-قازاننان 6-قازانعا دەيىن، ءار كۇنگى ساياحاتشى سانى ورتا ەسەپپەن 3 مىڭ 300 ادام اينالاسىندا بولدى، 2-قازاندا ساياحاتشى سانى ەڭ كوپ بولىپ، 4 مىڭ ادامعا جەتتى.وسى رەتكى ۇزاق دەمالىستا، بۇقارانىڭ قالتاسى قامپيدى، ات اربالار ساياحاتشىلارعا توقتاۋسىز قىزمەت وتەدى، ساياحات ورنىنداعى ات مايلاۋشىلار كۇنىنە 600 يۋان اينالاسىندا اقشا تاپتى،-دەدى.1-قازان دەمالىسى كەزىندە، رايونىمىزداعى ءارقايسى ايماق، وبلىس، قالا اۆتونوميالى رايون قۇرىلعاندىعىنىڭ 60 جىلدىعىن قۇتتىقتاۋ ءۇشىن، 1-قازان ۇزاق دەمالىسى كەزىندەگى ساياحات بازارىنىڭ ەرەكشەلىگىمەن ۇشتاستىرىپ، ءبىر توپ مادەنيەت قيمىلىن بەلسەنە ورىستەتتى، بۇقارا دا قيمىلعا بەلسەنە قاتىناستى، ءتۇرلى فورماداعى مەرەكەنى قۇتتىقتاۋ قيمىلى، ساياحاتشىلاردى باۋرادى.بيىل ىلە وبلىسىندا ساياحات بارىنشا جاندادى، كۇزدە ىلە وبلىسى تاعى حالىقارالىق ات بايكەسى، نارات، قورعاس ساياحات مەرەكەسى سياقتى قيمىلداردى وتكىزدى، 1-قازان شينجياڭ ساياحاتىنىڭ ەرەكشەلىگىنە اينالدى، ىلە وبلىستىق سايا‍حات مەكەمەسى پارتگرۋپپاسىنىڭ شۋجيى دۇڭ يۇڭچاڭ بىلاي دەدى: ساياحات بايلىعىن اشۋ ارقىلى ىلە وبلىسىندا ءتورت ماۋسىم ساياحاتىن جانداندىرىپ، تۇتاس جىلعى ساياحاتتى قىزۋ ورلەۋگە كوتەرەتىندىكتەرىن ايتا كەلىپ: ىلە وبلىسىندا ساياحاتشى سانى ۇزدىكسىز ارتادى، ساياحاتشى سانىن 10 ميلليون ادام رەتكە، ساياحات كىرىسىن 10 ميلليارد يۋانعا جەتكىزۋگە كۇش سالامىز،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.