شينجياڭدا جوعارى دارەجەلى ساياحات ورىندارى ساياحاتتىڭ تىڭ جولدارىن اشىپ، جاڭا كورىنىس رايوندارىن جەتىلدىرمەكشى

2016.04.18 15:24   كەلۋ قاينارى : حالىق تورابى

　　حالىق تورابى، 18 - ءساۋىر، بەيجيڭ. شينجياڭ ساياحات كورىنىس رايوندارىنىڭ 10 - كەزەكتى كەڭەسى ءۇرىمجى قالاسىندا وتكىزىلدى. بيىلعى باستى تاقىرىپ ــ «جىبەك جول ساياحاتى، كورىكتى شينجياڭ».

　　شينجياڭ ساياحات كورىنىس رايوندارىنىڭ كەڭەسى 2007 - جىلدان باستاپ وتكىزىلىپ كەلەدى. قازىر بۇل كەڭەس شينجياڭ ساياحات كورىنىس رايوندارىنىڭ سەلبەستىگىنىڭ ماڭىزدى تەكشەسىنە اينالدى. بۇل كەڭەسكە قاتىناسۋشى ٵر قايسى ورىن «سەلبەسە وتىرىپ، ورتاق جەڭىسكە قول جەتكىزۋدى» نەگىزگى ماقسات ەتكەن، جوسپار بويىنشا، 2016 - جىلى جىبەك جولى ساياحات ورىندارىن اشۋدىڭ تەبىنىن كۇشەيتىپ، ساياحاتتىڭ تىڭ جولدارىن اشىپ، ساياحاتتىق كورىنىس اۋماقتارىن جەتىلدىرىپ، ساياحات سالاسىندا جاڭا جاعداي جاراتىپ، شينجياڭنىڭ ساياحات ىستەرىن دامىتپاقشى.

　　اتالعان كەڭەستى شينجياڭ ساياحات كورىنىس رايوندارى بىرلەستىگى باس بولىپ ۇيىمداستىرعان، ءۇرىمجى قالاسى تيانشان رايونى داشياگۋ كورىنىس رايونى باسقارىپ، ءتاڭىرتاۋ بوعدا، ءجۇزىم سايى، قاناس، نارات، كوكتوعاي، جينحۋياڭ، بوستان كولى، قاشقار بايىرعى قالاسى، سايرام كولى قاتارلى كورىنىس رايوندارى سەلبەسىپ وتكىزگەن.

　　كەلۋ قاينارى: حالىق تورابى