- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تيانشان قورشاعان ورتانى قورعاۋ ساپارى 29 - مامىردا باستالادى
2016.05.30 13:20 كەلۋ قاينارى : شينجياڭ گازەتى
27 - مامىر تۇستەن كەيىن، اۆتونوميالى رايوندىق حالىق قۇرىلتايىنىڭ تۇراقتى كوميتەتى مالىمەت بەرۋ جيىنىن اشىپ، 2016 - جىلعى تيانشان قورشاعان ورتانى قورعاۋ ساپارى جونىندە كوپشىلىكتى اتتانىسقا كەلتىردى جانە ورنالاستىرۋ جاسادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن جيىنعا قاتىناستى جانە ءسوز سويلەدى.
جيىندا اۆتونوميالى رايوننىڭ ورىنباسار ءتوراعاسى ماعاۋ سەيىتقامزا ۇلى مەن بيڭتۋان پارتكومىنىڭ تۇراقتى مۇشەسى، ورىنباسار سىليڭيۋانى يۇي شيۋدۇڭ جەكە - جەكە رايونىمىز بەن بيڭتۋاننىڭ «قورشاعان ورتانى قورعاۋ زاڭىن» دايەكتى اتقارۋ جاعدايى جونىندە مالىمەت بەردى.
ۇعىسۋعا قاراعاندا، تيانشان قورشاعان ورتانى قورعاۋ ساپارى قيمىلىنىڭ ورىستەتىلگەنىنە بيىل 20 جىل بولعان، بيىلعى تاقىرىپ «جاسىل دامۋ تانىمىن دايەكتىلەندىرىپ، قورشاعان ورتانى قورعاۋ زاڭىن اناعۇرلىم دايەكتى اتقارۋ» بولىپ بەلگىلەنگەن، اۆتونوميالى رايوندىق حالىق قۇرىلتايى تۇراقتى كوميتەتىنىڭ زاڭنىڭ اتقارىلۋىن تەكسەرۋ گرۋپپاسى 29 - مامىردا ساپارعا اتتانىپ، 8 - ماۋسىمدا قايتىپ ورالادى. بيڭتۋاننىڭ ءارقايسى ديۆيزيا - قالالارى بيىل تۇڭعىش رەت تەكسەرۋ كولەمىنە ەنگىزىلىپ، جەرگىلىكتى ورىن مەن بيڭتۋاندى تۇتاس قامتۋ ىسكە اسىرىلدى.
اۆتونوميالى رايوندىق حالىق قۇرىلتايى تۇراقتى كوميتەتى بۇل جولعى قيمىلدى دەن قويا ۇيىمداستىرىپ، تىڭعىلىقتى ورىستەتۋگە كۇش سالدى. نايىم ياسىن گرۋپپا باستىعى، 3 ورىنباسار مەڭگەرۋشى ورىنباسار گرۋپپا باستىعى مىندەتىن وتەۋمەن بىرگە، ولار 4 تەكسەرۋ گرۋپپاسىنىڭ گرۋپپا باستىعى مىندەتىن دە قوسىپ ۇستىلەرىنە الدى. بۇل جولعى قيمىلدىڭ دارەجەسى مەن كولەمى ىلگەرگى كەزدەگى قيمىلداردان الدەقايدا جوعارى بولىپ، اۆتونوميالى رايوندىق حالىق قۇرىلتايى تۇراقتى كوميتەتى جونىنەن العاندا، تۇڭعىش رەت سانالادى. 4 تەكسەرۋ گرۋپپاسى تارباعاتاي ايماعى، ءۇرىمجى قالاسى، سانجى حۇيزۋ اۆتونوميالى وبلىسى، بۇراتالا موڭعۇل اۆتونوميالى وبلىسى، ىلە قازاق اۆتونوميالى وبلىسى، اقسۋ ايماعى، قۇمىل قالاسى سياقتى 10 ايماق، وبلىس، قالا مەن بيڭتۋاننىڭ 10 ديۆيزيا - قالاسىنا بارىپ، جەر - جەردىڭ «قورشاعان ورتانى قورعاۋ زاڭىن» دايەكتى اتقارۋ احۋالىنا جاپپاي تەكسەرۋ جۇرگىزەدى.
نايىم ياسىن بىلاي دەدى: قورشاعان ورتانى جاقسارتۋ مەن قورعاۋعا قاتىستى زاڭ - ەرەجەلەردى اناعۇرلىم دايەكتى اتقارىپ، ەكولوگيالىق ورتا قۇرىلىسىن زاڭمەن قامتاماسىز ەتۋدى ۇزدىكسىز كۇشەيتۋ كەرەك. زاڭنىڭ اتقارىلۋىن تەكسەرۋ ارقىلى قورشاعان ورتانى قورعاۋ زاڭى قاتارلى زاڭ - ەرەجەلەردى كەڭ كولەمدە ۇگىتتەپ، زاڭدا بەلگىلەنگەن نەگىزگى تۇزىمدەر مەن ماڭىزدى بەلگىلەمەلەردى ءتۇيىندى تۇردە تياناقتاندىرىپ، ەكولوگيالىق ورتاعا قاتىستى زاڭ - ەرەجەلەردى شىعارۋ جانە كەمەلدەندىرۋ قىزمەتىن ىلگەرىلەتۋ، مۇندا حالىق قۇرىلتايى ۋاكىلدەرىنىڭ رولىن تولىق ساۋلەلەندىرۋ؛ ۇيىمدىق باسشىلىقتى كۇشەيتىپ، قيمىلدىڭ وزەكتى تاقىرىبىن ارقاۋ ەتە وتىرىپ مۇقيات ۇيرەنىپ، امالياتقا ىشكەرىلەي ارالاسىپ، ناقتىلى جاعدايدى ەگجەي - تەگجەيلى يەلەۋ، تەكسەرۋ جانە اقپاراتتىق حابارلاۋ قىزمەتىن بەلسەنە جاقسى ىستەۋ، قاتىستى ورىندار جان - جاقتى سايكەسىپ، بيىلعى تيانشان قورشاعان ورتانى قورعاۋ ساپارىنىڭ مەجەلى ونىمگە قول جەتكىزۋىنە كەپىلدىك ەتۋ كەرەك.
اۆتونوميالى رايوندىق پارتكومنىڭ تۇراقتى مۇشەسى عانيبات سابىكەي ۇلى، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ۋاڭ يۇڭميڭ، ما ميڭچىڭ، ورگۇل جاپار، دۇڭ شينگۋاڭ، جاڭ بو، ينام ناسىردىن، باس حاتشى اسقار تۇرسىن، اۆتونوميالى رايوندىق ساياسي كەڭەستىڭ ورىنباسار ءتوراعاسى ليۋ جىيۇڭ جيىنعا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
