- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان بۇكىل شينجياڭداعى ءار ۇلت ورەندەرىنە حات جولداپ مىنانى ءۇمىت ەتتى: وتاندى، شينجياڭدى سۇيەتىن، ىنتىماقتى، قايىرىمدى ورەن ۇيرەنۋدى، ەڭبەكتى قىزۋ سۇيەتىن جاقسى وقۋشى شاپاعاتتى سەزىنەتىن، تارتىپكە بويسۇناتىن جەتەلى ۇرپاق بولىڭىزدار
2016.06.02 11:05
شينجياڭ گازەتىنىڭ ءتىلشىسى ياۋ تۇڭ 30-مامىردا ۇرىمجىدەن حابارلايدى. «1-ماۋسىم» حالىقارالىق بالالار مەرەكەسى قارساڭىندا ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس -قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان 27-مامىردا بۇكىل شينجياڭداعى ءار ۇلت ورەندەرىنە حات جولداپ، مەرەكەلىك سالەم ايتىپ، ولاردى وتاندى، شينجياڭدى سۇيەتىن، ىنتىماقتى، قايرىمدى ورەن، ۇيرەنۋدى، ەڭبەكتى قىزۋ سۇيەتىن جاقسى وقۋشى، شاپاعاتتى سەزىنەتىن، تارتىپكە بويسۇناتىن جەتەلى ۇرپاق بولۋعا ىنتالاندىردى، بۇكىل شينجياڭداعى ءار ۇلت ورەندەرىنىڭ اقاۋسىز، شات -شادىمان ەسەيىپ -ەرجەتۋىن تىلەدى.
حاتتىڭ تولىعى مىناداي:
سۇيىكتى پيونەرلەر، بالاقايلار:
«1-ماۋسىم» حالىقارالىق بالالار مەرەكەسى تاياپ قالدى. بۇكىل شينجياڭداعى ءار ۇلت ورەندەرىنە مەرەكەلىك سالەم ايتامىن. وتاننىڭ بايشەشەگىن قاجىرلىلىقپەن باپتاپ ءوسىرىپ جاتقان باعباندارعا وسكەلەڭ قۇرمەت بىلدىرەمىن. پيونەرلەردىڭ اۆتونوميالى رايوندىق 6-قۇرىلتايىنىڭ اشىلعانىن قىزۋ قۇتتىقتايمىن!
ورەندەر وتاننىڭ بولاشاعى، ۇلتتىڭ ءۇمىتى. پارتيانىڭ 18-قۇرىلتايىنان بەرى باس شۋجي شي جينپيڭ پيونەرلەر وتريادىنىڭ قيمىلىنا ءۇرتىس 3 جىل قاتىناستى ءارى پيونەرلەردىڭ مەملەكەتتىك 7-قۇرىلتايىندا ەلىمىزدەگى ءار ۇلت ورەندەرىنە كىشكەنتايىنان باستاپ ادام بولۋدىڭ، اسقاق مۇرات ورناتۋدىڭ، جاسامپازدىقتىڭ جولىن ءبىلۋ جونىندە ءۇمىت ارتىپ، پارتيا ورتالىق كوميتەتىنىڭ ورەندەرگە جانە پيونەرلەر وتريادى قىزمەتىنە دەگەن ىقىلاستى قامقورلىعى مەن شىنايى تىلەگىن تولىق ايگىلەدى.
اۆتونوميالى رايوندىق پارتكوم ورەندەردىڭ اقاۋسىز ەسەيىپ -ەرجەتۋىنە جانە پيونەرلەر وتريادى قىزمەتىنە ەجەلدەن باسا ءمان بەرىپ كەلەدى. بىلتىرعى بالالار مەرەكەسى قارساڭىندا، مەن ءۇرىمجى قالالىق 44-باستاۋىش مەكتەپتەگى ءار ۇلت ورەندەرىمەن بالالار مەرەكەسىن بىرگە تويلاپ، ولاردى وتاندى، مەكەندى قىزۋ سۇيەتىن، ۇلتتار ىنتىماعىن جەبەيتىن، يدەياسى جاقسى پيونەر بولۋعا ىنتالاندىرعان بولاتىنمىن. ءبىر جىلدان بەرى بۇكىل شينجياڭداعى ءار ۇلت ورەندەرى وتباسىنىڭ، مەكتەپتىڭ، پيونەرلەر وتريادى ۇيىمىنىڭ جانە تۇتاس قوعامنىڭ كوڭىل ءبولۋى مەن قامقورلىعىندا اقاۋسىز ەسەيىپ-ەرجەتۋدە. بۇعان سۇيىنەمىن.
بالالىق شاق جارقىن ءومىردىڭ باستاۋ كوزى، ۇلى مۇرات وسى مەزگىلدە تۋىندايدى، وسكەلەڭ ءمورالدىق قاسيەت وسى مەزگىلدە جەتىلەدى، جاقسى ادەت وسى مەزگىلدە قالىپتاسادى، ءومىردىڭ الاۋى وسى مەزگىلدە تۇتانادى. بالاقايلارءومىردىڭ دۇرىس بەتالىسىن يگەرىپ، ادام بولۋدىڭ، ۇيرەنۋدىڭ، ءومىردىڭ، جاسامپازدىقتىڭ جولىنءبىلۋى كەرەك. تاماشا ءومىر سىزدەرگە ءتان، كوركەم جۇڭگو ارمانى سىزدەرگە ءتان. ءار ۇلت ورەندەرىنىڭ وتاندى، شينجياڭدى سۇيەتىن، ىنتىماقتى، قايىرىمدى ورەن بولۋىن تىلەيمىن، شينجياڭ ەجەلدەن وتانىمىزدىڭ ايرىلماس ءبىر بولەگى. ورەندەر - مەملەكەتتىڭ كىشكەنتاي قوجاسى. ۇلى مۇرات ورناتىپ، سوتسياليستىك وزەكتى قۇن كوزقاراسىن امالياتتا ايگىلەپ، قازىر وتاننىڭ جەتەلى ورەنى، بولاشاقتا وتاننىڭ قۇرىلىسشىسى بولۋى كەرەك، شينجياڭداعى ۇلتتار ەتەنە باۋىرلاس. ءار ۇلت ورەندەرىنىڭ ءبىر -بىرىنە قايىرىمدى، بەرەكەلى بولۋىن، بىرگە ۇيرەنىپ، بىرگە ەسەيىپ -ەرجەتۋىن، ۇلتتار ىنتىماعىن كوز قاراشىعىنداي قورعاۋىن ءۇمىت ەتەمىن.
ءار ۇلت ورەندەرىنىڭ ۇيرەنۋدى، ەڭبەكتى قىزۋ سۇيەتىن جاقسى وقۋشى بولۋىن تىلەيمىن، ۇيرەنۋ− ەسەيىپ، العا باسۋدىڭ ساتىسى. سەندەر عىلىم، مادەنيەت بىلىمدەرىن قۇنىعا ۇيرەنىپ، كىشكەنتايلارىڭنان باستاپ عىلىمعا اۋەستەنىپ، عىلمي رۋحتى جەتىلدىرىپ، باقىلاۋعا شەبەر، ىزدەنىس جاساۋعا باتىل، ويلاۋعا ۇشقىر بولىپ، ءبىلىم تەڭىزىندە كوز ايالارىڭدى كەڭەيتىپ، قابىلەتتەرىڭدى وسىرۋلەرىڭ كەرەك . كىشكەنتايلارىڭنان باستاپ ەڭبەك داڭقتى دەيتىن تانىم ورناتىپ، ەڭبەك ارقىلى ەرىك -جىگەرلەرىڭدى شىڭداپ، جاپادان، ارىپ -شارشاۋدان قورىقپايتىن رۋح جەتىلدىرىپ، قاجىرلى قوس قولدارىڭمەن جانە اقىل -پاراساتتارىڭمەن ارماندارىڭدى جۇزەگە اسىرۋلارىڭ كەرەك.
ءار ۇلت ورەندەرىنىڭ شاپاعاتتى سەزىنەتىن، تارتىپكە بويسۇناتىن جەتەلى ۇرپاق بولۋىن تىلەيمىن. ءبىز بارلىعىمىز باسقالاردىڭ بەرگەن شاتتىعىنان ءلاززات الىپ وتىرمىز. قاشان دا شاپاعاتتى ۇمىتپاي، اتا-انامىزعا، ۇستازدارىمىزعا، وتانعا، قوعامعا العىس ايتۋىمىز كەرەك. تارتىپكە بويسۇناتىن جاقسى ادەت قالىپتاستىرىپ، جانىمىزداعى ىستەردەن، كىشى-گىرىم ىستەردەن باستاپ ىستەپ، قاتىناس قاعيداسىنا، مەكتەپتىڭ ەرەجە -تۇزىمدەرىنە بويسۇنىپ، ءمورالدى ۇلىقتاپ، مەيىرىمدى بولىپ، مەكتەپتىڭ جانە قوعامنىڭ سەندەرمەن ءتىپتى دە جاراسىمدى، سىەندەرمەن، ءتىپتى دە كوركەم بولۋىنا مۇمكىندىك جاساۋلارىڭ كەرەك.
پيونەرلەر وتريادى ورەندەرگە يدەيالىق، ءمورالدىق تاربيە بەرەتىن جانە رۋحاني ساپاسىن جەتىلدىرەتىن ۇلكەن مەكتەپتىك رولىن تولىق ساۋلەلەندىرىپ، ورەندەرگە ءتىپتى دە ويداعىداي قىزمەت وتەۋى كەرەك. پيونەرلەر وتريادى تۋىنىڭ جەبەۋىندە جانە پارتيانىڭ شۇلەن شۇعىلاسىندا بۇكىل شينجياڭداعى ورەندەردىڭ جۇڭگٶشا سوتسياليزم ىستەرىنىڭ تولىمدى قۇرىلىسشىلارى جانە سەنىمدى ءىزباسارى بولاتىنىنا سەنەمىن.
بۇكىل شينجياڭداعى ءار ۇلت ورەندەرىنىڭ اقاۋسىز، شات -شادىمان ەسەيىپ -ەرجەتۋىن تىلەيمىن!
جاڭ چۇنشيان
2016-جىلى 27-مامىر
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
