- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ماناس: جاسىل دامۋدىڭ جاڭا جولىنا ءتۇستى
گاي يۋجۇن
2016.06.06 14:38 كەلۋ قاينارى : شينجياڭ گازەتى
جاسىل دامۋ ماناستىڭ قازىرگى بوگەنايى بولەك بەلگىسىنە اينالدى.
جاڭا قالىپتا دامۋداعى قيىن تۇيىندەردەن قامال الۋ، ەكونوميكالىق دامۋ تاسىلىندە بۇرىلىس جاساۋ، دەڭگەيىن ءوسىرۋ، ءمانى جاعىنان العاندا، دامۋ مەن قورعاۋدىڭ قاتىناسىن ءداپ باسىپ يگەرۋ، جاسىل دامۋ ءتاسىلى مەن تۇرمىس فورماسىن قالىپتاستىرۋ، دامۋ مەن قورعاۋدا بىردەي تابىسقا جەتۋ، ادام مەن تابيعاتتىڭ جاراسىمدىلىعى، ەكونوميكالىق دامۋ مەن بايلىق ورتاسىنىڭ تىعىز سايكەسۋى دەگەن ءسوز. بەرتىنگى جىلدارى ماناس اۋدانى «ەكولوگيالىق وركەنيەتتى گۇلدەندىرۋدى، جاسىل دامۋدى جۇزەگە اسىرۋدى» باستان - اياق كوزدە ۇستاپ، «جاسىل تاۋدان، ءمولدىر سۋدان ارتىق بايلىق جوق، ەكولوگيالىق ورتانى جاقسارتۋدىڭ ءوزى وندىرگىش كۇشتى دامىتقاندىق» دەگەن ۇستانىمنان جازبادى. جاسىل دامۋ قۋانارلىق وزگەرىستەرگە جول سالىپ، كوكتەمگى گۇل - بايشەشەكتەي جارىسا شەشەك اتتى.
اققۋدىڭ مەكەنىنە قۇشتارلىق
التىن كۇننىڭ شۇلەن شۇعىلاسىندا ورتاڭعى تيانشاننىڭ سولتۇستىك باۋرايىنداعى ەرەنقابىرعانىڭ مۇزارتتارىنان باستاۋ العان اقجال وزەن ارقىراپ، اساۋ بۇلاقتار سارقىراپ اعىپ جاتىر. وسى سۋلار ماناس اۋدانىنداعى جازىققا قۇيىپ، ماناس مەملەكەتتىك شۇرات باقشاسىن قالىپتاستىرعان.
27 - مامىر تۇستەن بۇرىن، ءبىر ءۇيىر اققۇتان سۋ بەتىندە ءجۇزىپ ءجۇر. شۇراتتى قورعاۋشى جاڭ شىلين سوعان تاياۋ جەردە وسى قۇستارعا كوز ايىرماي قاراپ تۇر.
65 جاستاعى جاڭ شىلين ماناس اۋدانى لانجوۋۋان قالاشىعى باجياحۋ قىستاعىنىڭ تۇرعىنى، بالا كۇنىنەن وسىندا وسكەن ول ماناس شۇراتىنىڭ وزگەرىسىنە كۋا بولىپ كەلەدى. 2011 - جىلى ناۋرىزدا مەملەكەت ماناس مەملەكەتتىك شۇرات باقشاسىن قۇرۋدى بەكىتتى. قازىرگە دەيىن ماناس جيىنى 260 ميلليون يۋان قارجى ءبولىپ، شۇراتتى قورعاۋ قۇرىلىستارىن جۇرگىزدى.
ماناس مەملەكەتتىك شۇرات باقشاسىن باسقارۋ مەكەمەسىنىڭ ورىنباسار باستىعى مىڭ بيانجياڭ: 2011 - جىلدان بەرى جيىنى 10 مىڭ مۋدان استام ەگىستىك جەر، 60 مىڭ مۋدان استام جايلىم شۇراتقا قايتارىلىپ، 100 مىڭ باستان (تۇياق) استام مال شۇراتتان شىعارىلدى. تولەم رەتىندە اۋداندىق قازىنا جىل سايىن نەشە ميلليون يۋان قارجى ءبولىپ وتىر، - دەدى.
قالپىنا كەلگەن شۇرات قايتا تۇلەدى. ءار جىلى قازان ايىنان كەلەر جىلعى ءساۋىر ايىنا دەيىن، نەشە ءجۇز اققۋ وسىندا كەلىپ مەكەندەيتىن بولدى.
«جاسىل ەكونوميكا» وزەكتى باسەكەلىك قۋاتقا اينالدى
«بىلتىردان بەرى قورشاعان ورتانى قورعاۋ بويىنشا 2 ۇلكەن نىسان جۇرگىزدىك، كاسىپورىندار ەنەرگيانى ۇنەمدەپ، لاس زاتتاردىڭ شىعارىلۋىن ازايتۋ ونىمدىلىگىن ورىندادى»، - دەيدى ماناس اۋساي عىلىم - تەحنيكا شەكتى سەرىكتەستىگى باس ديرەكتورىنىڭ ورىنباسارى ۋاڭ شۇن 27 - مامىردا.
بىلتىر ماناس اۋدانى باتىل بەكىمگە كەلىپ، قورشاعان ورتانى جاپپاي وڭاۋ جۇمىسىن قولعا الدى، حيميالىق تالشىق كاسىپورىندارى مەن ولاردىڭ سايكەستى كاسىپورىندارىنان 14ىن وندىرىستەن توقتاتتى، ءوندىرىس قۋاتى مەشەۋ كاسىپورىنداردان 28ىن جاپتى.
ماناس اۋدانىندا بارلىق ساۋداگەر شاقىرۋ نىساندارى، ءسوز جوق، «ءۇش وتكەلدەن» ءوتۋى كەرەك، ياعني نىسان قورشاعان ورتانى قورعاۋ تالابىنا ۇيلەسە مە، جوق پا؟ دامۋ - رەفورما كوميتەتى دامۋىنا دەم بەرەتىن كاسىپ سالاسى تىزىمىنە ۇيلەسە مە، جوق پا؟ اۋدان قالاشىعى مەن باقشا رايونىنىڭ جوباسىنا ۇيلەسە مە، جوق پا؟
اۋداندىق ساۋدا - ەكونوميكا جانە ينفورماتسيالاندىرۋ كوميتەتىنىڭ شۋجيى مياۋ چيڭجيە بىلاي دەدى: سوڭعى جىلدارى اۋدان نىساندارعا رۇقسات ەتۋ ءتۇزىمىن قاتاڭ اتقارپ، ساۋداگەر شاقىرۋ نىساناسىنان 85ىن تەرىسكە شىعاردى. تاماشا ەكولوگيالىق ورتا بايلىعىنا سۇيەنە وتىرىپ، سوڭعى جىلدارى اۋدان ساۋداگەر شاقىرۋ، قارجى ەنگىزۋ بويىنشا 51 ميلليارد 800 ميلليون يۋان قارجىنى تياناقتاندىردى، تۇتاس قوعامدىق تۇراقتى مۇلىككە 54 ميلليارد 800 ميلليون يۋان قارجى قوستى، ەرەكشە لاستاۋشى، ەنەرگيا قۇراۋى اسا جوعارى نىسانداردى جۇرگىزۋگە تۇبەگەيلى تيىم سالدى.
ماناس اۋداندىق پارتكومنىڭ شۋجيى سۋ جيانگو بىلاي دەدى: ەكولوگيالىق وركەنيەتتى دارىپتەۋ دامۋ نەمەسە باياۋ دامۋ دەگەندىك ەمەس، قايتا تومەن كومىرتەكتى، اينالمالى، جاسىل دامۋ دەگەندىك. كوگىلدىر اسپان، جاسىل مانات جەر، ءمولدىر سۋ، تازا اۋا ماناستىڭ ەڭ نەگىزگى ەرەكشەلىگىنە جانە وزەكتى باسەكەلىك قۋاتىنا اينالىپ وتىر».
تازا سۋ، جايلى تۇراق
«ءبىزدىڭ مەكەنىمىز وسى، قانداي تاماشا!»، - دەدى قىستاق تۇرعىندار كوميتەتىنىڭ مەڭگەرۋشىسى ۋاڭ حۇڭلياڭ.
27 - مامىردا ماناس اۋدانى ماناس قالاشىعىنىڭ ناننيۋانزى قىستاعىنا باردىم، بۇل اراداعى ۇيلەر باۋ - باقشامەن كومكەرىلگەن، جولدارى سىمعا تارتىلعانداي جاتىق.
ۋاڭ حۇڭلياڭ بىلاي دەدى: بۇرىن قىستاعىمىز قالا ماڭىندا بولاتىن، قىستاق تۇرعىندارى زامانعا لايىق تۇرمىس كەشىرۋدى اڭسايتىن، سوڭعى بىرنەشە جىلدا، اۋدان قالا مەن اۋىلدىڭ ءبىر تۇلعالانا دامۋىن ءبىر تۇتاس جوبالاۋ ستراتەگياسىن اتقارىپ، قىستاق تۇرعىندارىن اڭساعان ارماندارىنا جەتكىزدى. قازىر قىستاقتاعى 190 نەشە وتباسى شوعىرلى سالىنعان 4 تۇرعىندار عيماراتى مەن ساياجاي ۇلگىسىندە سالىنعان 88 باۋ - باقشالى ۇيگە كوشىپ كىردى، قىستاقتىڭ نەگىزدىك قۇرىلعىلارى، قوعامدىق قامسىزداندىرۋى، الەۋمەتتىك قىزمەت وتەۋى قالامەن بىرلىككە كەلتىرىلدى.
«بۇرىن قىستا تەرەزە اشىلسا بولدى، ءۇيدىڭ ءىشىن ىس باسىپ كەتەتىن، ال قازىر ءىش پەن سىرتتىڭ اۋاسى بىردەي تازاردى»، - دەدى اۋدان قالاشىعىنداعى حۇڭيۋان تۇرعىندار رايونىندا تۇراتىن اليا. 2010 - جىلى ماناس اۋدانى قىرۋار قارجى شىعارىپ، اۋدان قالاشىعى مەن ماڭايداعى اۋىل - قىستاقتاردى تۇگەلدەي جىلۋمەن قامدادى. جىلۋمەن شوعىرلى قامداۋ ارقىلى اۋدان قالاشىعىنداعى جىلۋمەن قامدايتىن 43 پار قازانى كۇشىنەن قالدىرىلىپ، جىلۋمەن قامدايتىن مەزگىلدە 90 مىڭ توننا كومىر ۇنەمدەلىپ، اتموسفەرا بارىنشا تازارتىلدى. بىلتىر ماناس اۋدانىنىڭ تۇتاس جىلداعى اۋا ساپاسىنىڭ تازالىق كورسەتكىشى %95تەن اسىپ، قالانىڭ جاسىل جامىلعىمەن كومكەرىلۋ سالىستىرماسى %46كە جەتتى.
«حالىق تۇرمىسى قۇرىلىسى جىلى» قيمىلىن ۇزدىكسىز ورىستەتۋ ارقىلى سوڭعى جىلدارى ماناس اۋدانى حالىق تۇرمىسى قۇرىلىسىنا جالپى 10 ميلليارد 300 ميلليون يۋان قارجى قوستى، بۇل قازىنالىق شىعىستىڭ %75تەن استامىن يەلەيدى، قالا، اۋىل قۇرىلعىلارى كۇننەن - كۇنگە كەمەلدەنە ءتۇستى. اليانىڭ سوزىمەن ايتقاندا، ولار قازىر جايلى تۇراققا كوشىپ، تازا سۋ ءىشىپ، الاڭسىز تۇرمىس كەشىرەتىن بولعان.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
