بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

پارتيا گەربى ارمانعا قانات قاعۋ بارىسىندا شۇعىلا شاشتى

2016.06.14 14:00     كەلۋ قاينارى : شينجياڭ گازەتى

  جۇڭگو كوممۋنيستىك پارتياسىنىڭ قۇرىلعاندىعىنا 95 جىل تولۋ قارساڭىندا، پارتيا ورتالىق كوميتەتى مەملەكەتتىك تاڭداۋلى كوممۋنيستىك پارتيا مۇشەسىن، مەملەكەتتىك تاڭداۋلى پارتيا ىستەرى قىزمەتكەرىن، مەملەكەتتىك ۇلگىلى نەگىزگى ساتى پارتيا ۇيىمىن ماداقتاپ - سيلاۋدى ۇيعاردى.

  ماداقتالىپ - سيلاناتىن وسى وبيەكتىلەر ءارقايسى شايقاس شەپتەرىندە، ءار سالادا، ءتۇرلى قىزمەتتە جاۋىنگەر قامالدىق رولى مەن العا باسار ۇلگىلىك رولىن تولىق ساۋلەلەندىرۋدە. ولار پارتيا گەربىنىڭ ارمانعا قانات قاعۋ بارىسىندا نۇر شۇعىلا شاشۋىنا مۇمكىندىك جاسادى.

  ولار − ناقتى ىستەپ، ارمانعا قانات قاعۋدىڭ 1 - شەبىندەگى العاباسار ۇلگىلەر

  ولار ەرتەلى - كەش كەزدەسىپ تۇراتىن وتباسى مۇشەلەرىمىز، قىزمەتتەستەرىمىز، دوستارىمىز سياقتى قاتارداعى قاراپايىم جان بولۋى، قىزمەتتە، تۇرمىستا ءىرىلى - ۋاقىتى ىستەرگە كەز كەلىپ تۇرۋى مۇمكىن. ءبىراق ولار قيىن - قىستاۋ كەزدە كەۋدە كەرە العا شىعىپ، قاراپايىم قىزمەت ورىندارىندا تاباندىلىق كورسەتكەندەر، كوممۋنيستىك پارتيا مۇشەلەرىنىڭ بەينەسىن، وبرازىن ايگىلەگەندەر.

  عىلىم - تەحنيكا قىزمەتكەرى بىلايشا سەرت ەتتى −

  «كوممۋنيستىك پارتيا مۇشەسى بولعان مەنىڭ نىسانام − جۇڭگولىقتاردىڭ وزىنە ءتان بولعان بىرەگەي سەرۆەردى جاساپ شىعۋ!»

  لاڭچاۋ توبىنىڭ باس عالىمى، جۇڭگو تەحنيكالىق عىلىمدار اكادەمياسىنىڭ اكادەميگى ۋاڭ ىندۇڭ عىلمي زەرتتەۋ ۇجىمىن باستاپ قيىن تۇيىندەردەن قامال الۋعا بەل بايلادى. شەتەل زاۆودتارىندا كەرەكتەن قالعان شاعىن تيپتى سەرۆەردى بولشەكتەپ قۇراستىرۋدان باستاپ ىسكە كىرىسىپ، بىرەگەي، ماركا بازارىنا قادام تاستادى... 2013 - جىلى قاڭتاردا ەلىمىزدىڭ بۇكىلدەي ءبىلىم مەنشىك ۇقىعىنا يە تۇڭعىش ءتۇيىندى قولدانىلمالى تۇلعا كومپيۋتەرى لاڭچاۋ تيانسو 1K جاريالاندى. سونىمەن ەلىمىز ا ق ش پەن جاپونيادان قالا بەرسە، ءتۇيىندى قولدانىلمالى تۇلعا كومپيۋتەردى جاساۋ قابىلەتىن يگەرگەن 3 - ەلگە اينالدى.

  حالىق پروكۋرورى قارا ورمانداي حالقىنا دەگەن قالتقىسىز سەزىمىن بىلايشا تولعايدى −

  «مالشىلاردىڭ زاڭدى ۇقىعىن قورعاپ، مالشىلاردىڭ ۇقىق مۇددەسىنە سۇعاناقتىق جاساۋ، زيانكەستىك ىستەۋ قىلمىسىنا سوققى بەرۋ ءبىر پروكۋروردىڭ ىستەۋگە ءتيىستى ءىسى».

  ىشكى موڭعۇل اۆتونوميالى رايونى داماۋ حوشۇنى پروكۋراتۋراسىنىڭ پروكۋرورلار كوميسسياسىنىڭ ارناۋلى مۇشەسى، ماندۋلا وتكەلى تەكسەرۋ كەڭسەسىندە ىستەيتىن، قوسىمشا شيلمۇرن تەكسەرۋ كەڭسەسىنىڭ مەڭگەرۋشىسى پان جىرۇڭ پروكۋرورلىق قىزمەتپەن اينالىسقان 30 جىلعا جۋىق ۋاقىتتا بۇكىل حوشۇنداعى 77 گاچا مەن اكىمشىلىك قىستاقتى تەگىس ارالاپ، جۇزگە جۋىق داۋ - شاردى، تالاس - تارتىستى شەشىپ، 84 مىڭ ارىپتەن اساتىن «حالىق جاعدايى ەستەلىكتەرىن» جازىپتى. ول موڭعۇل، حانزۋ تىلدەرىندەگى «پروكۋراتۋرا مەن حالىقتىڭ بايلانىس كارتچكاسىن» جاساپ، بۇقارانىڭ قولىنا تاراتىپ بەرۋمەن بىرگە، قول تەلەفونىن 24 ساعات اشىپ قويدى. بۇقارا ونى «شاقىرعاندا تابىلاتىن قاسىڭنان» دەپ اتاپ، وزدەرىنە ەرەكشە جاقىن تارتادى ەكەن.

  پارتيانى، حالىقتى، جاۋاپكەرشىلىكتى كوكەيىندە ساقتاعان دەگەن وسى.

  بۇگىن دە ءۇن - ءتۇنسىز ۇلەس قوسىپ، ءورىس اشا العا ۇمتىلعان تاڭداۋلى كوممۋنيستىك پارتيا مۇشەلەرى ءار سالا، ءار كاسىپتىڭ 1 - شەبىندە بەل شەشە ەڭبەك ەتۋدە. ولار قىزمەت جاۋاپكەرشىلىگىن ادالدىقپەن ادا ەتىپ، داۋىرگە، زامانعا ساي ۇلەستەر قوستى.

  ولار − پارتيانى جاپپاي، قاتاڭ جونگە سالۋدىڭ 1 - شەبىندەگى «سەركەلەر»

  پويەز پاراۆوزدىڭ ارقاسىندا ۇشقان قۇستاي زىرلايدى.

  پارتيا مۇشەلەرىنىڭ رولىنىڭ قانداي دەڭگەيدە ساۋلەلەنۋىندە، پارتيا ۇيىمىنىڭ جاۋىنگەرلىك قۋاتىنىڭ كۇشتى - ءالسىز بولۋىندا ءار دارەجەلى پارتيا ۇيىمىنىڭ باسشىلارى شەشۋشى رول اتقارادى. بۇل جولى ماداقتالىپ - سيلانعان مەملەكەتتىك تاڭداۋلى پارتيا ىستەرى قىزمەتكەرلەرىنىڭ ىشىندە پارتيانى جاپپاي، قاتاڭ جونگە سالۋدىڭ تالابىنان باتىلدىقپەن، يكەمدىلىكپەن پايدالانا وتىرىپ القانى مىقتى يگەرگەن، 1 - شەپتە تۇرىپ قوسىنعا باسشىلىق ەتكەن تالاي جەتەكشىلەر بار.

  − پارتيانى قاتاڭ جونگە سالۋ ءۇشىن ەڭ الدىمەن ءتارتىپتى قاتايتۋ كەرەك.

  ج ك پ حيلۇڭجياڭ ولكەسى گاننان اۋدانى شيڭ 14 - قىستاعى پارتكومىنىڭ شۋجيى فۋ حۋاتيڭ قىستاق پارتيا ۇيىمىنىڭ شۋجيى بولىپ مىندەت اتقارعان 44 جىلدان بەرى، ءمانساپتى بولۋعا، ءوز قالتاسىن قامپايتۋعا، ات - اتاعىن شىعارۋعا ۇرىنباۋ يدەياسىنا باستان - اياق تاباندى بولىپ، وزىنە جانە القا مۇشەلەرىنە «قوناققا بارماۋ، تارتۋ - تارالعىنى الماۋ، وتباسىنداعىلار مەن دوس - جاراندارىن ەرەكشەلەندىرمەۋ» سىندى تالاپ قويىپ، ءىس جۇزىندىك ارەكەتى ارقىلى پارتيا مۇشەلەرىنە، كادرلارعا ۇلگى بولىپ، كوپشىلىكتى باستاپ، «سۋى، ەلەكترى جەتكىزىلمەگەن، اقشاسى جوق»، «ىشەر اس جاعىندا قايتا ساتىپ بەرەتىن استىققا، وندىرىستە قارىز اقشاعا، تۇرمىستا كومەككە سۇيەنەتىن» قىستاقتى «لۇڭجياڭداعى 1 - قىستاق» دەسە دەگەندەي باي، وركەنيەتتى قىستاققا اينالدىردى.

  − پارتيانى قاتاڭ جونگە سالىپ، پارتيانىڭ بايراعىن بيىك ۇستاۋ كەرەك.

  جياڭشي ولكەسى جيڭدىجىن قالاسى جۋشان رايونى جاڭا قىستاعىنىڭ الەۋمەتتىك ءمالى باسقارماسىنا قارايتىن ليشۋيۋان الەۋمەتتىك اۋماعى پارتيا ياچەيكاسىنىڭ شۋجيى يۇي مەي پارتيانىڭ لۋشيان، باعىت، ساياساتتارىن ۇگىتتەۋگە باستان − اياق تاباندى بولدى. ول الەۋمەتتىك اۋماقتا «شياۋشياڭ ساباقحاناسىن» قۇرىپ، الەۋمەتتىك اۋماقتىڭ تۇرعىندارىن نەگىزگى وبيەكتى ەتىپ، شۋجي باستاماشىلدىقپەن بايانداۋ، ۇلگى پارتيا مۇشەلەرى لەبىز ءبىلدىرۋ، الەۋمەتتىك اۋماق تۇرعىندارى اۋىس - كۇيىس جاساسۋ سياقتى فورمالار ارقىلى بۇقاراعا پارتيانىڭ ءۇنى مەن قۋاتتاماسىن تۇسىنىكتى ءارى ۇعىنىقتى تىلمەن جەتكىزدى.

  پارتيانى قاتاڭ جونگە سالىپ، سەنىم مەن كۇشتى توعىستىرۋ كەرەك.

  شينجياڭ ءوندىرىس - قۇرىلىس بيڭتۋانى 2 - ديۆيزياسى 24 - پولكى 1 - روتاسى پارتيا ياچەيكاسىنىڭ شۋجيى، ساياسي جەتەكشىسى جيا گوچي مىندەتكە وتىرعاننان كەيىن القانىڭ دارمەنسىز، ءالسىز، بىتىراڭقى بولۋى سىندى ماسەلەسىن كوزدە ۇستاپ رەتتەۋ جۇرگىزىپ، پارتيا مۇشەلەرىنىڭ كادرلاردىڭ ىسكە تالپىنۋ، يگىلىك قۇرۋ قابىلەتىن جاپپاي جوعارىلاتتى. ياچەيكانىڭ رۋحاني بەت - بەينەسىندە وزگەرىس پەن قىزمەت ناتيجەسى ايقىندالىپ، جۇمىسشى - قىزمەتشىلەر بۇقاراسىنىڭ سەنىمىن بارىنشا نىعايتتى. ءوز كەزىندە بۇكىل پولكتەگى ەڭ كەدەي، ماسەلەسى كورنەكتى، زيانى ەڭ اۋىر روتا بۇگىندە كەدەيلىكتىڭ تامىرىنا بالتا شاۋىپ، كەدەيلىككە تۇبەگەيلى قوش ايتتى، جۇمىسشى - قىزمەتشىلەردىڭ قالتاسى قامپايىپ، پارتيا ۇيىمى مەن بۇقارانىڭ، كادرلار مەن بۇقارانىڭ قاتىناسى بارىنشا نىعايا ءتۇستى.

  ولار − رەفورما مەن دامۋدىڭ 1 - شەبىندە جاۋىنگەر قامال سوقتى

  نەگىزگى ساتى پارتيا ۇيىمى پارتيانىڭ بارلىق قىزمەتى مەن جاۋىنگەرلىك قۋاتىنىڭ نەگىزى ەسەپتەلەدى. تالايلاعان ۇلگىلى نەگىزگى ساتى پارتيا ۇيىمدارى رەفورما مەن دامۋ بارىسىندا قۇدىرەتتى دە بەرىك جاۋىنگەر قامالدار سوقتى.

  − قامالدى بەرىك سوعىپ، كەدەيلىكتەن قۇتىلدىرۋدان قامال الۋ شايقاسىندا جەڭىسكە قول جەتكىزدى.

  گۇيجوۋ ولكەسى تايجياڭ اۋدانى لاۋتۇن اۋىلىنىڭ چاڭتان قىستاعىندا قىستاق پارتيا ياچەيكاسى «10 وتباسىن ءبىر تۇلعا ەتكەن» سەلبەسكەن دامۋ فورماسىن اتقارىپ، كەدەيلەردى دالمە − ءدال سۇيەمەلدەۋ، كەدەيلەردى نىسان ارقىلى سۇيەمەلدەۋ، قارجى ارقىلى سۇيەمەلدەۋ سياقتى سىرتقى، شوعىرلى كومەكتەسۋدەي سۇيەمەلدەۋ شارالارى مەن ىشكى جاقتاعى ەكونوميكالىق قۋاتى مىعىم وتباسىلار ءالسىز وتباسىلارىن جەتەلەۋ، باي وتباسىلار كەدەي وتباسىلارىنا كومەكتەسۋ سياقتى قولعابىس ەتۋ، جەتەلۋ رولىن ساۋلەلەندىردى. سونىمەن ەگىنشى وتباسىلارى ارتىقشىلىقتار ارقىلى ولقىلىقتى تولتىرىپ، ءبىرىن - ءبىرى جەبەپ، بىرگە العا باسىپ، كەدەيلىكتەن قۇتىلۋ، دامۋ قابىلەتىن جوعارىلاتتى.

  − قامالدى بەرىك سوعىپ، جاڭالىق اشۋ قابىلەتىن ساۋلەلەندىردى.

  جۇڭگو ينجەنەريالىق فيزيكانى زەرتتەۋ ورنىنىڭ پارتكومى ىستەردەگى باسسشىلىق ۇيتقىلىق رولىن ساۋلەلەندىرىپ، مەيلى، كەڭسەدە، سەحتا بولسىن، الدە، جان بالاسى باسپاعان قاعىر دالا، ءشول - جازيرادا بولسىن، تەلەگەي تەڭىزدە بولسىن، مىندەت قايدا بولسا پارتيا ياچەيكاسى، پارتيا شاعىن گرۋپپاسى، سىرتقى الاڭ سىناعى ۋاقىتشا پارتكومى سول جەرگە بارىپ ورنالاسىپ، پارتيا قۇرىلىسى قىزمەتىن 1 - شەپتىڭ قىزمەتىمەن تىعىز ۇشتاستىرىپ، مىندەتتىڭ ءساتتى ورىندالۋىن قۇدىرەتتى ساياسي كەپىلمەن قامدادى.

  − قامالدى بەرىك سوعىپ، رەفورمادان قامال الۋدىڭ قوزعاۋشى كۇشىن جۇمىلدىردى.

  بەيجيڭ قالاسىنىڭ قالا مەن اۋىلدى تۇتاستىرعان وڭىرلەرىن جاڭالاۋ سىناق ءتۇيىنى ەتىلگەن قالاشىق جانە مەملەكەتتىك اۋىل - قىستاقتىڭ كوللەكتيۆ تيجارات سيپاتتى قۇرىلىسقا پايدالانىلاتىن جەرىن بازارعا شىعارۋ رەفورماسىن الدىمەن سىنايتىن، الدىمەن اتقاراتىن قالاشىق ەسەپتەلەتىن بەيجيڭ قالاسى داشيڭ رايونى شيحۇڭمىن قالاشىعىنىڭ پارتكومى قالا مەن اۋىلدى تۇتاستىرعان وڭىرلەردى جاڭالاۋدى جەبەۋ، قالانى باسقارۋ ورەسىن ءوسىرۋ، ادام كۇشى، بايلىق، ورتا اراسىنداعى قايشىلىقتى شەشۋ سياقتى ءتۇيىندى قىزمەتتەردە «پارتيا قۇرىلىسىن دامۋدى ارقاۋ ەتە وتىرىپ يگەرۋگە، پارتيا قۇرىلىسىن مىقتى يگەرىپ، رەفورمانى جەبەۋگە» تاباندى بولىپ، نەگىزگى ساتى پارتيا ۇيىمىن ەكونوميكالىق قۇرىلىسپەن، حالىق تۇرمىسىن جاقسارتۋمەن توعىستىردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.