بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

شينجياڭنىڭ ساياحاتى ۇزبەي دامىدى

2016.06.14 14:01     كەلۋ قاينارى : شينجياڭ گازەتى

  وقۋشىلاردىڭ مەكتەپ بىتىرۋىنە، جوعارى مەكتەپ ەمتيحانىنىڭ اقىرلاسۋىنا جانە جازدىق دەمالىستىڭ كەلۋىنە بايلانىستى ارلى - بەرلى قاتىناعان ادامدار بارعان سايىن كوبەيىپ، شينجياڭنىڭ ساياحاتى ارشىنداپ دامىدى.

  سالقىن جايلاۋدىڭ دا، شىجىعان دالانىڭ دا ءوز راقاتى بار

  12 - ماۋسىمدا تۇرپان تۇڭي ساياحات شەكتى جاۋاپكەرلىك سەرىكتەستىگى ساتۋ ءبولىمىنىڭ جاۋاپتىسى تاجىگۇل دوستار شەڭبەرىنە ىشكى ولكەدەن كەلگەن ساياحاتشىلاردىڭ كورىنىس رايوندارىن تاماشالاعان شاعىن بەينە كەسكىندى ۇزبەي جولداپ، القاۋعا بولەندى. ول بىزگە: وسى بىرنەشە كۇندە تۇرپاننىڭ تەمپەراتۋراسى 42 سەلتسي گرادۋستان استى، الايدا ەلىمىزدىڭ جەر - جەرىنەن كەلگەن ساياحاتشىلاردىڭ اياعى ۇزىلمەدى، ولار ارنايى شىلىڭگىر ىستىقتى سەزىنگەلى كەلىپتى، - دەدى.

  ۇعىسۋعا قاراعاندا، 9 - ماۋسىمنان باستاپ، گۋاڭدۇڭ، گۋاڭشي، شاڭحاي، شي - ان سياقتى جەرلەردەن 6 ارناۋلى پويەز شينجياڭعا جەتكەن، ولاردىڭ اراسىندا «100 جاستاعى جۇردەك پويەز» اتتى جىبەك جولى مادەنيەتى ساياحاتىنىڭ قارتتار ۇيىرمەسى، سونداي - اق اۋەسى بويىنشا ۇيىمداسقان ۆەلوسيپەد كلۋبىنداعىلار دا بار، ولار كوركەم شينجياڭنىڭ ەرەكشە كەلبەتى مەن قۇدىرەتىنە ءتانتى بولدى. قياق كۇرىش مەرەكەسىنىڭ دەمالىسىندا تۇرپان تۇڭي ساياحات جۇيەسىنىڭ كورىنىس رايوندارى 35 مىڭ 52 ادام − رەت ساياحاتشى قابىلداپ، وتكەن جىلعى سول مەزگىلدەگىدەن %32.43 ارتقان. ەرەكشە ساياحات جۇرتتى باۋرادى

  9 - ماۋسىمدا ورىستەتىلگەن 7 - كەزەكتى شينجياڭ حالىقارالىق ەرەكشە ساياحات مەرەكەسىندە ماناس اۋدانىنىڭ تۇڭعىش رەتكى تىك ۇشاقپەن اۋەدە سىناق رەتىندە ۇشۋ قيمىلى ءوتتى. بولاشاقتا ماناس اۋدانى ماڭىنداعى كورىنىس رايونىندارىندا اۋەدە ساياحاتتاۋ لەنياسى اشىلادى، ساياحاتشى تىك ۇشاققا وتىرىپ، 3000 مەتردەن تومەن كەڭىستىكتە جالپى كورىنىستى تاماشالايدى، سونداي - اق ادام اياعى سيرەك باسقان ماناستىڭ وڭتۇستىك تاۋلى رايوندارىنا كىرەدى.

  اۆتونوميالى رايوندىق ساياحات مەكەمەسىنىڭ ورىنباسار باستىعى گۇل ابىلىم بىلاي دەدى: شينجياڭنىڭ حالىقارالىق ەرەكشە ساياحات مەرەكەسىن وتكىزۋدەگى ماقساتىمىز شينجياڭنىڭ ەرەكشە ساياحات قاينارىن ايگىلەپ، شينجياڭنىڭ ەرەكشە ساياحات ماركاسىنىڭ ىقپالىن زورايتىپ، ەرەكشە ساياحاتتىڭ بيىگىن يەلەۋ. ۇعىسۋعا قاراعاندا، بيىل رايونىمىز 10 ەرەكشە ساياحات لەنياسىن اشقان، مۇندا ساياحاتشىلار شەكارا اتتايتىن 3 ساياحات لەنياسىنان باسقا «تيانشاندى باسىپ، سولتۇستىك شينجياڭعا ەندەي ءوتۋ»، «تيانشاندى اينالا ساياحاتتاۋ − مىڭ شاقىرىمدىق التىن لەنيا»، التاي مىڭ شاقىرىمدىق اشەكەيلى كاريدورى، تاكلاماكان شولىنەن ەندەي ءوتۋ، بايىرعى دۇنحۋاڭنان تۇرپانعا دەيىنگى جىبەك جولىن ساياحاتتاۋ سىندى 7 ساياحات لەنياسى بويىنشا شينجياڭ ىشىندە ءوز اۆتوكولىگىمەن ساياحاتتاي الادى ەكەن.

  شينجياڭ بويىنشا ەڭ كولەمدى شىراق كورمەسى قۇتىبى اۋدانىنىڭ رۋ - ي ەكولوگيا باقشاسىندا وتكىزىلۋدە، كورمە شۇعىنىق پەريزاتى، تەڭىز استى قىزىعى، تەڭىز - مۇحيت شاتتىعى، مول ءونىم، سىرتقى پلانەتادان كەلگەن سىرلى ادام سياقتى الۋان ءتۇرلى فورمادا وتكىزىلدى. كورمە قازان ايىنا دەيىن جالعاسادى، قياق كۇرىش مەرەكەسى كەزىندە ساياحاتتاي كەلگەندەر 30 نەشە مىڭ ادامعا جەتتى. كورمەنى بالالار، قارتتار، اسكەريلەر، مۇگەدەكتەر تەگىن تاماشالاۋ جولعا قويىلدى، 10 ادامنان ارتىق توپتارعا جەڭىلدىك جاسالىپ، 60 يۋاندىق بەلەت 40 يۋاننان ساتىلدى.

  ۇگىت تەبىنى كۇشەيتىلىپ، قىزمەت وتەۋ دەڭگەيى جوعارىلاتىلدى

  «ءبىز بۇكىل ەلىمىزدەن، ءتىپتى دۇنيە جۇزىنەن كەلگەن ساياحاتشىلارعا، تەك ساياحات ورنى عانا ەمەس، قايتا اسىقپاي قالىپ تاماشالاپ، كوڭىلدى كوتەرىپ قايتاتىن حالىقارالىق ساياحات ءوڭىرى ەكەندىگىن سەزىندىرۋىمىز كەرەك». ءۇرىمجى قالالىق ساياحات مەكەمەسى پارتگرۋپپاسىنىڭ شۋجيى جاڭ جياڭجوۋدىڭ تانىستىرۋىنا قاراعاندا، ماۋسىم ايىنىڭ اياق شەنىنەن باستاپ، ءۇرىمجى قالالىق ساياحات مەكەمەسى ەل ىشىندەگى ساياحات بازارلارىن 3 جەلى بويىنشا تانىستىرماقشى، حالىقارالىق ساياحات جەلىلەرىن تانىستىرۋدى دا ساراپتاۋ ۇستىندە ەكەن، شامامەن قىركۇيەكتىڭ سوڭىنالا باستالۋى مۇمكىن. ۇگىتتە ورتالىق قالانىڭ ساياحات كاسىبىندەگى «5 ۇلكەن ەرەكشەلىگى» تانىستىرىلادى، اتاپ ايتقاندا، ورتالىق قالا رايونىن نەگىز ەتكەن «ساۋدا» ەرەكشەلىگى، ميدۇڭ رايونىنىڭ وڭتۇستىك بولەگىن نەگىز ەتكەن باتىس بولەك «ەكولوگيالىق سالت - سانا» ەرەكشەلىگى، دابانچىڭدى نەگىز ەتكەن باتىس وڭتۇستىك بولەك «گۋمانيتارلىق كورىنىس تۇلعاسى» ەرەكشەلىگى، ميدۇڭ رايونى سولتۇستىك بولەگىن نەگىز ەتكەن سولتۇستىك بولەك «اۋىل - قىستاق» ەرەكشەلىگى، ءۇرىمجى اۋدانىن نەگىز ەتكەن وڭتۇستىك بولەك «قار - مۇز ساياحاتى» ەرەكشەلىگى.

  «3 - ءنومىرلى» كەن جۇلگەسىمەن اتى الەمگە ايگىلى كوكتوعاي، سيرەك ۇشىرايتىن مەتالدارىمەن «تابيعي مۇراجاي» دەپ اتانعان. كوكتوعاي كورىنىس رايونى ساۋدا - ساتتىق ءبولىمىنىڭ باستىعى دۋ جيان بىلاي دەپ تانىستىردى: بۇرىن ساياحاتشىلار تەك ەرتىس وزەنىنىڭ ءبىر جاق جاعالاۋىن جاعالاي ساياحاتتاپ شىعاتىن، ساياحاتتاۋ ورنىن ونان ارى كوبەيتۋ ءۇشىن، قازىر اينالا ساياحاتتاۋ جەلىسىن اشۋعا كىرىستى، تامىزدىڭ سوڭىنا دەيىن سالىنىپ ءبىتىپ، اۆتوكولىك قاتىناۋى مۇكىن. ساياحاتشىلار وزەننىڭ ەكى جاعالاۋىنداعى تاماشا كورىنىستەردەن بىردەي ءلاززات الۋىنا بولادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.