بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

ونەرگە باۋلۋ كاسىپتەنۋگە داڭعىل جول اشتى

2016.06.14 14:02     كەلۋ قاينارى : شينجياڭ گازەتى

  ماۋسىم ايىندا اقسۋ توقىماشىلىق ونەركاسىپ باقشاسىنداعى (اشۋ رايونى) شينجياڭ چيشين جەڭىل توقىماشىلىق توبى شەكتى سەرىكتەستىگىنىڭ ءوندىرىس سەحىنە بارعانىمىزدا، ۇشتۇرپان اۋدانىنان كەلگەن ايەل جۇمىسشى ارزىگۇل تۇرسۇن ماشينامەن جۇمىس ىستەپ جاتقانىن كوردىك. بيىل جىل باسىندا ۇكىمەت ۇيىمداستىرعان مەملەكەتتىك ورتاق ءتىل جانە توقىماشىلىق، كيىم - كەشەك كاسىبىمەن شۇعىلدانۋدىڭ الدىنداعى كۋرسقا قاتىناسقان ارزىگۇل تەحنيكانىڭ تەتىگىن يگەرىپ، شارۋادان تولىمدى ونەركاسىپ جۇمىسشىسى بولىپ شىعا كەلدى. ارزىگۇل: قازىر جولداسىم ەكەۋىمىز دە اقسۋ قالاسىندا جۇمىس ىستەيمىز، ەكەۋىمىزدىڭ ايلىق ەڭبەكاقىمىز 6000 يۋاننان اسادى، تۇرمىسىمىز دا كۇننەن - كۇنگە جاقسارىپ كەلەدى، - دەدى.

  ەكونوميكانىڭ دامۋىنا جانە كاسىپتەنۋ فورماسىنىڭ وزگەرۋىنە ساي، اۋىل - قىستاقتاعى ارتىق ەڭبەككۇشتەردىڭ باسقا كاسىپ سالاسىنا ويىسۋى رايونىمىزداعى كاسىپتەنۋ قىزمەتىندەگى ەڭ ماڭىزدى شارۋاعا اينالدى. اسىرەسە، وڭتۇستىك شينجياڭ اۋىل - قىستاقتارىنداعى ارتىق ەڭبەككۇشتەردىڭ باسقا كاسىپ سالاسىنا ويىسۋى جەرگىلىكتى ورىننىڭ ەكونوميكاسىنىڭ دامۋىن جەبەۋدەگى، شارۋالاردى كەدەيلىكتەن قۇتىلدىرىپ، اۋقاتتاندىرۋداعى ماڭىزدى تاسىلىنە اينالدى. سونىمەن رايونىمىز كاسىپتىك ونەرگە باۋلۋ سەرپىنىن كۇشەيتىپ، اۋىل - قىستاقتارداعى ەڭبەككۇشتەردى الۋان ارنالارمەن تاربيەلەۋدى ماڭىزدى ءتۇيىن ەتىپ، شارۋالاردىڭ ونەرىن جانە كاسىپتەنۋ قابىلەتىن ءوسىردى، كاسىپتەنۋ ماسەلەسىن ۇزاق بولاشاقتىق تۇرعىدان، جوعارى ساپامەن شەشتى.

  ونەرگە باۋلۋ كۋرستارى شارۋالاردىڭ ءوزىن الۋەتتەندىرۋ قابىلەتىن ءوسىردى

  «ونەرگە باۋلۋ كۋرسىنا قاتىناسىپ، ەلەكترمەن دانەكەرلەۋ تەحنيكاسىن يگەردىم، قازىر ايلىق ەڭبەكاقىم 2500 يۋان، تۇرمىس ورەمىز جانە تۇرمىس ساپامىز دا ەرەكشە جوعارىلادى». مامەت زايىر 5 - ماۋسىم كۇنى ءوزىنىڭ قازىرگى قىزمەتىن ەرەكشە قۋانا اۋىزعا الدى.

  مامەت زايىر شايار اۋدانى جاڭالىق ءمالى قالاشىعى جاڭا جاربۇلاق قىستاعىنىڭ تۇرعىنى، بۇرىن 8 مۋ ماقتا اتىزىنا سۇيەنىپ وتباسىن باعىپ، ءۇپى - ءتاپى تۇرمىس كەشىرەتىن. كەيىن ول ۇكىمەت ۇيىمداستىرعان ەلەكترمەن دانەكەرلەۋ جۇمىسشىلارىن تەگىن تاربيەلەۋ كۋرسىنا قاتىناستى ءارى دانەكەرلەۋشى كۋالىگىن الىپ، قىزمەتكە ورنالاستى، سونىمەن وتباسىنىڭ ەكونوميكالىق شارت - جاعدايى دا ەداۋىر جاقساردى.

  قازىر مامەت زايىر سياقتى ءبىر ونەردىڭ تەتىگىن يگەرىپ، «ونەردىڭ يگىلىگىن» كورەتىن شارۋالاردىڭ قاتارى مولايىپ كەلدى. بەرتىنگى جىلداردا، قىسقى ارەدىك كەزدەردە، رايونىمىز اۋىل - قىستاقتاعى ارتىق ەڭبەككۇشتەردى ونەرگە باۋليتىن كۋرستاردى كەڭ كولەمدى ۇيىمداستىردى. اقسۋدىڭ وزىندە تەك بىلىتر قىستان بيىل كوكتەمگە دەيىن 28 مىڭ 700 ادام كاسىپتىك ونەرگە باۋلۋ كۋرسىنا قاتىناسىپ، 18 مىڭ 700 ادام كاسىپتەندى.

  كۋرستىڭ باعىتتامالىلىعى مەن ونىمدىلىگىن كۇشەيتۋ ءۇشىن، رايونىمىز اۋىل - قىستاقتاعى ەڭبەككۇشتەردى ونەرگە باۋلۋ كۋرستارىن اشقاندا نەگىزىنەن زاكاز، جۇمىس ورنى بويىنشا باعىتتامالى تاربيەلەۋدى نەگىز ەتتى. جەرگىلىكتى ورىنداعى قاتىستى تاراۋلار كۋرسقا قاتىناساتىن وبيەكتىلەردىڭ كاسىپتەنۋ تىلەگىن تەكسەرۋمەن قاتار، جۇمىسشى ىستەتەتىن ورىنداردى ارالاپ، جۇمىسشىعا دەگەن سۇرانىستى ۇعىستى ءارى جۇمىسشى ىستەتەتىن ورىنمەن كەلىسىم جاساسىپ، جۇمىس ورنىنىڭ سۇرانىسىنا قاراي، ساباق ورنالاستىرىپ، باعىتتامالى تۇردە تاربيەلەپ، كاسىپتەنۋ ساپاسىن ءوسىردى.

  رايونىمىز اۋىل - قىستاقتا اۋقاتتانۋعا جەتەكتەۋ كۋرستارىن بەلسەنە اشىپ، ەگىمشىلىك، مال شارۋاشىلىق كاسىبى سياقتىلاردى ارقاۋ ەتىپ، جاڭا عىلىم - تەحنيكامەن، جاڭا تەحنيكامەن اۋقاتتانۋعا جەتەكتەۋ كۋرستارىن زور كۇشپەن ورىستەتىپ، ەگىنشى - مالشىلاردىڭ ءوزىن دامىتۋداعى كومەسكى كۇشىن ساۋلەلەندىرىپ، قالا مەن اۋىلداعى كەدەي ەڭبەككۇشتەردىڭ كاسىپتەنۋىنە كومەكتەستى، باسقا كاسىپ سالاسىنا ويىسۋىنا جول كورسەتتى.

  «ورتا مەكتەپ بىتىرگەننەن كەيىن ۇيدە بوس ءجۇردىم، 2014 - جىلى قالانىڭ شىعىسىنداعى قۇبا ءتۇز كاسىپ باقشاسىنان 2 پارنيكتى كوتەرمەگە الىپ، قازىر جىلىنا 20 مىڭ يۋاننان استام كىرىس كىرگىزەمىن»، - دەدى ۇلىقشات اۋدانىنىڭ شىعىسىنداعى قۇبا ءتۇز كاسىبىنەن ۇلگى كورسەتۋ باقشاسىن كوتەرمەگە الۋشىسى ءدىلدار دولقىن. جۇمىسقا ورنالاسۋدان بۇرىنعى تاربيەلەۋ شارۋالاردى كاسىپ جۇمىسشىسىنا اينالدىردى

  وڭتۇستىك شينجياڭ جونىنەن العاندا، توقىماشىلىق، كيىم - كەشەك كاسىبىن دامىتۋ كاسىپكە ورنالاستىرۋدى شەشەتىن ماڭىزدى ءتاسىل، سوڭعى جىلدارى رايونىمىز اۋىل - قىستاق ارتىق ەڭبەككۇشتەرىن ءتۇيىن ەتىپ، توقىماشىلىق، كيىم - كەشەك كاسىبى بويىنشا تاربيەلەۋدى بارىنشا ورىستەتىپ، اۋىل - قىستاق ەڭبەككۇشتەرىن توقىماشىلىق، كيىم - كەشەك كاسىپورىندارىنا ويىستىردى.

  قىزىلسۋ قىرعىز اۆتونوميالى وبلىسى مەن سانجى حۇيزۋ اۆتونوميالى وبلىسىنىڭ كوپ رەتكى سايكەستىرۋىمەن قىزىلسۋ وبلىسىنداعى تۇڭعىش توپتاعى 100 كەدەي وتباسىنىڭ ەڭبەككۇشى16 - مامىردا سانجىعا كەلدى، مۇندا 22 ەڭبەككۇش شينجياڭ جيحۋا 7555 كاسىپتىك كيىم - كەشەك شەكتى سەرىكتەستىگىنە كەلىپ، كاسىپورىن جۇمىس ءتۇرى بويىنشا تاربيەلەندى؛ 78 ەڭبەككۇشكە فۋكاڭ قالاسى جوعارى دارەجەلى تەحنيكالىق مەكتەبى جابىق تۇردە ءبىر اي «قوس ءتىل» تاربيەسى مەن اسكەري ماشىق جۇرگىزىپ، اياقتاعان سوڭ قاتىستى كاسىپورىندارعا جۇمىسقا ورنالاسۋعا جىبەردى.

  سوڭعى 2 جىلدا رايونىمىز جاڭا كەزەكتى جۇمىسقا ورنالاستىرۋ، شارۋاشىلىق قۇرۋ ساياساتىن العا قويدى ءارى ءتۇيىنىن وڭتۇستىك شينجياڭعا بەيىمدەدى. 2015 - جىلى «كاسىپورىنداردىڭ جاڭادان قابىلداعان قىزمەتكەرلەرىنە كاسىپتىك تاربيە جۇرگىزۋ بويىنشا قوسىمشا قاراجات بەرۋ ءادىسىن» شىعارىپ، كاسىپورىندار شينجياڭنان جاڭادان قابىلداعان ەڭبەكشىلەرگە جۇمىستان بۇرىنعى تاربيەلەۋ جۇرگىزسە، تولىق سومالى كومەك قاراجاتتان يگىلىكتەنۋىنە بولادى دەپ بەلگىلەدى. بۇل ساياساتتىڭ شىعارىلۋى كاسىپورىنداردىڭ جۇمىستان بۇرىنعى تاربيەلەۋ جۇرگىزۋىن قامتاماسىزداندىردى. «ءادىس» شىعارىلۋدان بۇرىنعى جانە كەيىنگى 5 ايداعى تاربيەلەۋ مولشەرىمەن سالىستىرعاندا، حوتان، بايىنعولين سياقتى ايماق، وبلىستاعى كاسىپورىنداردىڭ تاربيەلەگەن ادام سانى ءبىر ەسەدەن اسىپ، جۇمىسقا ورنالاستىرۋ مولشەرى %85كە جەتكەن.

  ءتۇرلى دەمەۋ ساياساتتارىنىڭ قولداۋىندا، رايونىمىزداعى كاسىپورىنداردىڭ ورىستەتكەن جۇمىسقا تۇسۋدەن بۇرىنعى تاربيەسى كۇن سايىن ولشەمگە ءتۇستى. بيىل ناۋرىزدا اقسۋ توقىماشىلىق، كيىم - كەشەك كاسىبىنە تاربيەلەۋ ورتالىعىن قۇرىپ، جۇيەلى، كەمەلدى كاسىپتىك تاربيەلەۋگە قادام تاستادى.

  «جۇمىسقا تۇسۋدەن بۇرىنعى تاربيە ارقىلى جۇرگىزۋ تەحنيكاسىمەن، حاۋىپسىزدىك بىلىمدەرىمەن ىشكەرىلەي تانىستىق، بۇل ءبىزدىڭ مۇنان بىلايعى قىزمەتىمىزگە كوپ قولعابىسىن تيگىزدى»، - دەدى 3 - ناۋرىزدا اقسۋ توقىماشىلىق، كيىم - كەشەك كاسىبى بويىنشا تاربيەلەۋ ورتالىعىندا تاربيەلەنىپ جاتقان قاشقارلىق بويجەتكەن ارزىگۇل اسەن.

  ءتىل −− جۇمىسقا ورنالاسۋدا يگەرۋگە ءتيىستى قۇرال، رايونىمىز تاعى «ءتىل + تەحنيكا» سىندى فورمامەن ورتاق ءتىل ارناۋلى تاربيەسىن بارىنشا ورىستەتىپ، ورتاق ءتىل بويىنشا تاربيەلەۋ مەن ءتۇرلى تەحنيكالىق ونەرگە تاربيەلەۋدى بىرلەستىرىپ، اۋىل - قىستاق از ۇلت ەڭبەككۇشتەرىنىڭ ءتىل ۇيرەنۋدەگى بەلسەندىلىگىن جۇمىلدىرىپ، ەڭبەككۇشتەردىڭ جۇمىسقا ورنالاسۋ قابىلەتى مەن جالپىلىق ساپاسىن جوعارىلاتتى. اناعۇرلىم كوپ تەحنيكا دارىندىلارىن باۋلۋ

  شينجياڭ كومىركەن تەحنيكتەر ينستيتۋتىنان وقۋ تاۋىسىپ، بىلتىر مامىر ايىندا وتكىزىلگەن تۇتاس رايونىمىزداعى تەحنيكۋم مەكتەپتەرىنەن وقۋ تاۋىسقان ۇزدىك وقۋشىلاردىڭ ارالاپ لەكسيا سويلەۋ قيمىلىنا قاتىناسقان ءشوھىرات يميت: ايلىق ەڭبەكاقىم 0054 يۋان، 3 ايلىق ەڭبەكاقىم اكە - شەشەمنىڭ ءبىر جىل ەڭبەكتەنىپ تاپقان كىرىسىمەن بارابار، - دەدى.

  ءشوھىرات كۇشار اۋدانىنداعى ءبىر شارۋانىڭ بالاسى، ورتالاۋ مەكتەپتى بىتىرگەن سوڭ، اۋىلىنا قايتىپ، ەگىستىك جۇمىسىمەن اينالىسادى. 2011 - جىلى قىركۇيەكتە اقسۋ ايماعىنىڭ ورتالاۋ، ورتا مەكتەپ بىتىرگەن وتباسىندا قيىنشىلىعى بار وقۋشىلارعا كومەكتەسۋ كەڭسەسىنىڭ ۇيىمداستىرۋىمەن، ءشوھىرات شينجياڭ كومىركەن تەحنيكتەر ينستيتۋتىنا وقۋعا ءتۇسىپ، ماشينا رەمونتتاۋ كاسىبىن ۇيرەنەدى. 2013 - جىلى مەكتەپتىڭ كومەگىمەن كۇشار كەن كاسىبى سەرىكتەستىگىنە پراكتيكاعا تۇسەدى. ءبىر جىلدان سوڭ، وقۋىن ءساتتى تامامداپ، كاسىپورىنمەن ەڭبەك توقتامىنا كەلىسىپ، رەسمي جۇمىسشى بولىپ قابىلدانادى، ەڭبەكاقىسى دا پراكتيكا ىستەگەن كەزىندەگى 1200 يۋاننان 4500 يۋانعا وسەدى. ول «تەحنيكا ۇيرەنۋ، تاعدىرىمدى وزگەرتتى» دەگەن قورىتىندى شىعارادى.

  جۋىق جىلداردان بەرى، اۆتونوميالى رايون ورتالاۋ، ورتا مەكتەپ ءبىتىرىپ كاسىپتەنە الماي جۇرگەن جاستارعا بولا، ەڭبەككە دايىندالۋ ءتۇزىمى كۋرسىن اشتى. اۆتونوميالى رايون مەن جەرگىلىكتى ورىندارعا شۇعىل قاجەتتى كاسىپ (جۇمىس ءتۇرى) بويىنشا تەحنيك دارىنداۋدى نەگىز ەتىپ، تەحنيكا دارىندىلارىن باۋلىدى. اقسۋ، حوتان ايماقتارى ورتالاۋ، ورتا مەكتەپ بىتىرگەن وتباسىندا قيىنشىلىعى بار وقۋشىلاردى تاربيەلەۋ، باۋلۋ ينجەنەرياسىن اتقاردى. مۇنىڭ ىشىندە اقسۋ ايماعى 2011 - جىلدان 2014 - جىلعا دەيىن 200 ميلليون يۋان قارجى شىعارىپ، ورتالاۋ، ورتا مەكتەپ ءبىتىرىپ كاسىپتەنە الماي جۇرگەن، وتباسىندا قيىنشىلىعى بار 12 مىڭ 326 وقۋشىنى (از ۇلت وقۋشىلارى %94ىن يەلەيدى) كۋرسقا قاتىناستىرىپ تاربيەلەدى. ۇزدىك وقۋشىلار مەملەكەتتىك تەحنيكا ونەرى جارىسىندا اعالاپ العا شىعىپ، جوعارى ورەلى تەحنيكا دارىندىلارىنا اينالدى.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعىنا قاراعاندا، 2015 - جىلى تۇتاس رايونىمىز بويىنشا اۋىل - قىستاقتارداعى ەڭبەككۇشتەردى تاربيەلەۋ كۋرسىنا قاتىناسقاندار 502 مىڭ ادام − رەتكە جەتىپ، كۋرستان كەيىن 359 مىڭ ادام كاسىپتەنىپ، كاسىپتەنۋ سالىستىرماسى %71.9كە جەتكەن؛ توقىماشىلىق، كيىم - كەشەك كاسىبى بويىنشا 95 مىڭ ادام تاربيەلەنىپ، كۋرستان كەيىن 77 مىڭ ادام كاسىپتەنىپ، كاسىپتەنۋ سالىستىرماسى %81.1كە جەتكەن؛ ورتالاۋ، ورتا مەكتەپ ءبىتىپ كاسىپتەنە الماي جۇرگەن وتباسىندا قيىنشىلىعى بار وقۋشىلاردان 5445 مىڭ ادام كۋرسقا قاتىناسىپ، كۋرستان كەيىن 36 مىڭ ادام كاسىپتەنىپ، كاسىپتەنۋ سالىستىرماسى %80كە جەتكەن. الۋان فورماداعى كاسىپتىك تەحنيكالىق جاقتان باۋلۋ، اۋىل - قىستاقتارداعى ارتىق ەڭبەككۇشتەردى تەحنيكا ۇيرەنۋ، كاسىپتەنۋ، كىرىس كىرگىزۋ، اۋقاتتانۋ ورايىنا يە ەتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.