بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

«مۇندا مەن ۋاقىتتى بەكەر وتكىزگەن جوقپىن!»

− حىنان حيميا ونەركاسىبى تەحنيكتەر ينستيتۋتىنىڭ تەحنيكالىق شەبەرلىك جاقتان شينجياڭعا كومەك بەرۋ قىزمەتى جايلى

يۋان لەي

2016.06.20 14:40     كەلۋ قاينارى : شينجياڭ گازەتى

  «سالەمەتسىز بە، مۇعالىم!». 15 - ماۋسىمدا حىنان حيميا ونەركاسىبى تەحنيكتەر ينستيتۋتىنىڭ ورىنباسار باستىعى جوۋ بيڭۋيگە مەكتەپ اۋلاسىندا جولىققان بىرنەشە وقۋشى وعان وسىلاي سالەم بەردى.

  «شينجياڭدىق وقۋشىلاردىڭ ءبارى مىنە وسىنداي ىقىلاستى، اشىق - جارقىن، مەن مۇنى وتە جاقسى كورەمىن!»، − دەدى جوۋ بيڭۋي تىلشىگە.

  2011 - جىلدان باستاپ قۇمىلدان ىلگەرىندى - كەيىندى 663 وقۋشى، كاسىپورىن قىزمەتشىسى حىنان حيميا ونەركاسىبى تەحنيكتەر ينستيتۋتىندە تۇرىپ ءبىلىم الدى. «بىرەۋ مەنەن بۇل جەر ساعان نە بەردى؟ دەپ سۇراسا، مەن ماقتانىشپەن باعالى كاسىپتىك ءبىلىم ۇيرەندىم، وسى زامانعى كاسىپورىن قىزمەتشىسى بولۋدىڭ قاجەتتى ساپاسىن يگەرىپ، حىنان حالقىنىڭ ناعىز دوستىعىن كوردىم. مۇندا مەن ۋاقىتتى بەكەر وتكىزگەن جوقپىن! دەپ جاۋاپ بەرەر ەدىم»، − دەيدى اراتۇرىك اۋدانىنان كەلگەن وقۋشى اتيقا احىمان.

  شىن پەيىل، شىناي−ى سۇيىسپەنشىلىكپەن شينجياڭدىق وقۋشىلارعا قىزمەت كورسەتتى

  2015 - جىلى ناۋرىز ايىندا از ۇلت ەگىنشى - مالشىلارىنان 119 ادام تيانشان باۋرايىنداعى اراتۇرىك اۋدانىنان كايفىڭ قالاسىنا كەلىپ، حىنان حيميا ونەركاسىبى تەحنيكتەر ينستيتۋتىندا 76 كۇندىك كاسىپتىك تەحنيكالىق كۋرسقا قاتىستى.

  بۇرىن تاربيەلەگەن شينجياڭدىق وقۋشىلار كوپ بولعانىمەن، از ۇلت وقۋشىلارىنىڭ كوپ كەلگەنى تۇڭعىش رەت بولعان سوڭ، جوۋ بيڭۋي ىشتەي ابدىراپ قالدى: مۇسىلمانشا اسحانا، جاتاق سياقتى نەگىزدىك قۇرىلعىلار جەتىسە مە؟ مەكتەپتە «قوس ءتىل» وقىتۋشىسى جوق، ءتىل جاعىنان قيىنشىلىق بولىپ جۇرمەس پە؟ وقۋشىلاردىڭ جاسى 18دەن 40 جاسقا دەيىن، كەيبىرى جوعارى تەحنيكۋم وقىعان، كەيبىرى كومپيۋتەردى ۇستاپ تا كورمەگەن، وقۋ - وقىتۋ مىندەتىن قالاي ورىندايمىز؟

  «تيانشاننان كەلگەن قوناقتاردى» قارسى الۋ، سونداي - اق تاربيەلەۋ مىندەتىن تولىق تابىسپەن ورىنداۋ ءۇشىن، ينستيتۋت ءار وقۋشىنى ەرەكشەلىگىنە قاراي وقىتىپ، كاسىپتەنۋ باعىتىمەن بىرلەستىرىپ، كومىر كاسىبى، تازارتۋ - ايىرۋ، جاڭا ەنەرگيا سىندى 3 كاسىپ بويىنشا كلاسقا ءبولىپ تاربيەلەدى، سونىمەن بىرگە، تۇرمىس، ۇيرەنۋ سياقتى جاقتاردان ولارعا جان - جاقتى قامقورلىق جانە كومەك كورسەتتى.

  «ءبىز مۇسىلمانشا اسحانا اشتىق، ءار كلاسقا 3 كلاس جەتەكشىسىن تاعايىندادىق، وقۋشىلار ءۇشىن قامسىزداندىرۋ دا ساتىپ الدىق. ولاردىڭ كوبىنىڭ شينجياڭنان تۇڭعىش رەت سىرتقا شىققانىن ەسكەرىپ، ينستيتۋت پسيحيكالىق كەڭەسشى دە تاعايىندادى»، − دەيدى جوۋ بيڭۋي.

  ۋاڭ جى تازارتۋ - ايىرۋ كلاسىنىڭ كلاس جەتەكشىسى بولدى، ونىڭ كلاسىندا قازاق وقۋشى تۇرسىنبەك سارقىت ۇلى كەلگەنىنە 2 اپتا بولماي، اۋىرىپ شيپاحاناعا جاتىپ قالادى. ۋاڭ جى مەن كلاستاعى وقۋشىلار كەزەككە تۇرىپ، ءار كۇنى مەكتەپتىڭ مۇسىلمانشا اسحاناسىنان وعان تاماق تاسىپ تۇردى؛ ءتىل ماسەلەسى سەبەبىنەن جاۋاپتى شيپاگەر مەن تۇرسىنبەكتىڭ ءبىر - ءبىرىن تۇسىنە الماۋىنان الاڭداعان ۋاڭ جى حابارلاسۋعا قولايلى بولۋ ءۇشىن شيپاگەرگە ءوزىنىڭ تەلەفون ءنومىرىن قالدىردى. تۇرسىنبەكتىڭ وقۋىنان الاڭدايتىنىن بىلگەن ۋاڭ جى وقۋلىق، وقۋ قۇرالدارىن اپارىپ، اۋرۋحانادا ساباق سويلەدى. جارتى ايدان استام ۋاقىت ارلى - بەرلى شاپقىلاپ تۇرسىنبەكتى ساباقتان قالدىرماي ىلەستىرىپ وتىردى.

  قامشى ۇيىرگەن قول قازىر سومىندى بۇرايتىن بولدى

  دايىندىق قىزمەت تولىق ىستەلگەنىمەن دە، ساقتانۋعا كەلمەيتىن ماسەلە كەس - كەستەي بەردى − ءتىل كەدەرگىسى ينستيتۋتتى ويلاماعان قيىنشىلىققا دۋشار ەتتى، كوپتەگەن وقۋشىلاردىڭ حانزۋ تىلىندە جاي سويلەسۋىنىڭ ءوزى قيىن بولعاندىقتان، حيميا ونەركاسىبىنىڭ ارنايى اتاۋ - تەرميندەرىن يگەرۋ تۋرالى ءسوز اشۋ تىپتەن مۇڭ بولدى. «ساباقتا ءبىز 阀球، 泵心离 دەگەن سوزدەردى ايتقانىمىزدا، وقۋشىلارىمىز اڭىرىپ وتىرىپ قالدى،阀 ءارپىن، 泵 ءارپىن قالاي جازۋدى بىلمەيتىن وقۋشىلار ءۇشىن ونىڭ نە ەكەنىن ءتۇسىنۋ تىپتەن قيىنعا سوقتى»، − دەيدى ۋاڭ جى.

  ينستيتۋت وسكەلەڭ تۇردە ءمان بەرىپ، كوپ رەت ارناۋلى ءماجىلىس اشىپ، جوبانى ۇزبەي كەمەلدەندىردى؛ وقۋ - وقىتۋ ماسەلەسى جونىندە شينجياڭدىق از ۇلت ستۋدەنتتەرىن تاربيەلەگەن حىنان ۋنيۆەرسيتەتىنەن تاجىريبە قابىلدادى؛ قابىلەتتىلەرىن تاڭداپ، ولارعا ارناۋلى تاربيە جوباسىن بەلگىلەپ، وسى زامانعى كاسىپورىننىڭ 6S ولشەمى بويىنشا باسقارۋدى كىرىسۋ ءتۇيىنى ەتىپ، كاسىپتىك نازاريالىق ءبىلىم مەن امالياتتىق تەحنيكالاردى ۇيرەتۋمەن بىرگە، ينستيتۋتتىڭ كاسىپتىك ساپا تاربيەسى نەگىزىن دە بارىنشا بەكەمدەدى.

  مەكتەپكە تۇسكەننەن كەيىنگى 1 − ساباق كورپە جيۋ بولدى! مۇنى اراتۇرىك اۋدانى نارىنقىر اۋىلىنان كەلگەن مالشى بالاسى نۇرلان مۋساعالي ۇلى ويلاپ تا كورمەگەن ەدى. ونىمەن قويماي، ءار كۇنى ساعات 6دا تاڭەرتەڭگى ماشىققا شىعۋى كەرەك، ءتۇرلى بۇيىمدارىن ءوز ورىندارىنا قويۋ قاتاڭ تالاپ ەتىلەدى، تەحنيكا جۇمىسىن جۇرگىزۋ بارىسىندا، ءسوز جوق، حاۋىپسىزدىك باس كيىمىن كيۋى، جەڭىنىڭ تۇيمەسىن تۇيمەلەۋى كەرەك...

  «تەحنيكالىق تاجىريبەلەردى كۇن سايىن توپتاۋعا بولادى، الايدا كاسىپتىك ساپانى، ءسوز جوق، باستان مىقتاپ قالاۋ كەرەك»، - دەدى جوۋ بيڭۋي. وقىتۋشىنىڭ ىجداعاتتى تۇسىندىرۋىندە نۇرلان مۋساعالي ۇلى مەن ونىڭ ساباقتاستارى مۇنىڭ قاراماققا كىشى - گىرىم ءىس بولعانىمەن، ۇزدىك تەحنيك جۇمىسكەرى بولىپ جەتىلۋدە باسىپ وتەتىن بۋىن ەكەنىن اقىرى ءتۇسىنىپ جەتتى.

  كاسىپتىك تەحنيكا ونەرى كەزىندە بيشىك ۇيىرگەن قولدارعا سومىن ۇستاتىپ، ولاردى بۇكىلدەي وزگەرتتى؛ كاسىپتىك ساپا جاقتان جەتىلۋ ولاردى تولىمدى كاسىپتىك جۇمىسشى بولۋعا قادام تاستاتتى.

  قازىر وسى وقۋشىلاردىڭ كوبى شينجياڭ گۋاڭحۇي كومىردى تازارتىپ الۋ شەكتى جاۋاپكەرلىك سەرىكتەستىگىنىڭ كاسىپتىك جۇمىسشىسىنا اينالىپ، اۆتونوميالى رايوننىڭ ەكونوميكاسىن دامىتۋعا وزىندىك ۇلەستەرىن قوسىپ كەلەدى.

  حىنان − وقۋشىلاردىڭ 2 − مەكەنىنە اينالدى

  وقۋشىلاردى جۇڭيۋان مادەنيەتىمەن كوپتەپ تانىستىرۋ ءۇشىن، ينستيتۋت باۋگۇڭ عيباداتحاناسى، كايفىڭ سارايى سياقتى تاريحي ەجەلگى ەسكەرتكىشتەردى ەكسكۋرسيالاۋعا ۇيىمداستىردى؛ ءار جىلى قىركۇيەكتەن قازانعا دەيىن كايفىڭ قالاسىندا كۇرەڭكەي گۇلى اشىلعاندا، مەكتەپ شينجياڭدىق وقۋشىلاردى كۇرەڭكەي گۇلىن تاماشالاۋعا ۇيىمداستىردى.

  كايفىڭ قالاسى تاعى حاتكەرلىك مادەنيەتىمەن داڭقى شىققان قالا، حىنان حيميا ونەركاسىپ تەحنيكا ينستيتۋتى ءار جىلى حاتكەرلىك ساباعىن ورنالاستىرىپ وتىردى. اتيقا احىمان حاتكەرلىك ساباعىن تىڭداپ، ويما جازۋ ۇلگىسىنە ەلىكتەپ، حاتكەرلىككە ماشىقتاندى. «ءار ۇلت ءبىر ساباقتان جەمىس بەرگەن قاۋىنعا ۇقسايمىز»، - دەدى ول: تاربيەلەۋ ۋاقىتى ۇزاق بولماعانىمەن، كوزىمىز كورىپ، قۇلاعىمىز ەستىپ، جۇڭيۋان مادەنيەتىمەن تانىسىپ، ۇلى وتانىمىزعا، ۇلى جۇڭحۋا مادەنيەتىنە دەگەن سۇيىسپەنشىلىگىمىز ارتا ءتۇستى.

  حىنان حالقى مەن شينجياڭ حالقىنىڭ جۇرەكتەرى توعىستى. وقۋشىلار حىنان حيميا، ونەركاسىپ تەحنيكا ينستيتۋتىنان كاسىپتەنۋ ونەرىن يگەرىپ قانا قويماي، جۇڭيۋان ۇل - قىزدارىمەن دە تەرەڭ دوستىق سۇيىسپەنشىلىك ورناتتى. مەكتەپ بىتىرۋدەن مالىمەت بەرۋ جيىنىندا ەكراندا كورسەتىلگەن تانىس كورىنىستەر كوبىنىڭ كوزىنە ەركسىز جاس الدىردى. ولار وقىتۋشىلارىمەن شاتتانا بيگە باسقان الاۋ كەشىن، جەتەكشىلەرىنىڭ ىجداعاتتىلىقپەن بەرگەن تاربيەلەرىن ۇمىتا المايدى...

  تاربيەلەنۋگە كەلگەن شينجياڭدىق وقۋشىلاردىڭ مەكتەپ ءبىتىرۋ ەمتيحانىنان بىردە - ءبىرىنىڭ قالماي ءوتىپ، كاسىپتىك تولىمدىلىق دارەجە كۋالىگىن الۋى جوۋ بيڭۋيدى ماقتانىش سەزىمىنە بولەدى. بيىل شينجياڭدىق ءبىر وقۋشى ەندى عانا نەكەلەنگەن كەلىنشەگىن ەرتىپ، كايفىڭگە شىرىن ايىن وتكىزۋگە بارعاندا، ونى ارناۋلى تۇردە قوناعاسىعا شاقىرادى.

  «ول ماعان <حىنان 2 − مەكەنىم، ويتكەنى ومىرلىك قۇنىمدى ايگىلەۋگە وسى ارادان جول الدىم، بۇل جەر مەن ءۇشىن ىستىق، سونداي - اق ماقتانىش سەزىمگە بولەيدى> دەدى، سول ساتتە ەڭبەگىمىزدىڭ ەش كەتپەگەنىن سەزىندىم»، - دەدى جوۋ بيڭۋي.

  15 - ماۋسىمدا حىنان حيميا ونەركاسىبى تەحنيكتەر ينستيتۋتىندا، وقىتۋشى جىن رانران قۇمىل كاسىپتىك تەحنيكالىق ينستيتۋتىنىڭ ماشينا - ەلەكتر تەحنيكاسى قولدانىلمالى كاسىبىنىڭ وقۋشىلارىنا ەلەكترموتورمەن جەتەكتەۋ پراكتيكالىق ساباعىن وقىتۋدا. سۋرەتتى ءتىلشىمىز شيە لۇڭ تۇسىرگەن

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.