بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

قىزىلسۋ قىرعىز اۆتونوميالى وبلىسى كەدەيلىكتەن قۇتىلدىرىپ، شەكارانى بەكەمدەۋ اياق الىسىن جەدەلدەتتى

لي ياڭ، ياۋ تۇڭ

2016.06.20 15:04     كەلۋ قاينارى : شينجياڭ گازەتى

  14 - ماۋسىم اسپاندى قالىڭ بۇلت تورلاپ، سەبەزگى جاڭبىر جاۋىپ تۇرسا دا، 55 جاسقا كەلگەن قىرعىز قورعاۋشى توقتاقىن تۇردالى تاۋدا شارلاۋدا ءجۇر. سونادايداعى ءشوبى شالاڭ تاۋ - جوتالار جاۋىن سۋىمەن بىرگە تۇلەجي ءتۇستى.

  پامير ءۇستىرتى، اتۇش قالاسى تۇگۇرمىتى اۋىلىنىڭ مايدان قىستاعى. بۇل جەردىڭ تەڭىز دەڭگەيىنەن بيىكتىگى 2900 مەترگە جەتەدى، شەكارا لەنياسىنا دەيىنگى تىكە قاشىقتىق نەبارى 10 كيلومەتر عانا. تۇستەن كەيىن توقتاقىن تاۋداعى شارلاۋدان قايتىپ كەلە جاتىپ وتباسىلارىن ارالاپ جۇرگەن، قىستاقتا تۇراتىن كادرلارمەن كەزدەسىپ قالدى. سوڭعى جارتى جىلداعى جوسپارى تۋرالى توقتالعاندا: باعىمشىلىق كولەمىن كەڭەيتكىم كەلەدى، ءبىراق قىسقى جەم - ءشوپ از، جەتپەيدى، - دەدى داعدارعان بەينەمەن.

  «ءشوپ يمپورتىن ماڭىزدى ورىنعا قويۋمەن بىرگە، شابىندىق جەردى قۇنارلاندىرىپ، ەكپە جەم - ءشوپ بازاسىن سالۋ كەرەك». توقتاقىن نازار اۋدارىپ وتىرعان جەم - ءشوپ ماسەلەسىنە اۆتونوميالى رايوننىڭ قىزىلسۋ وبلىسىنىڭ كەدەيلىكتەن قۇتىلدىرۋدان قامال الۋ، حالىقتى اۋقاتتاندىرۋ، شەكارانى بەكەمدەۋ ءىسىن العا ىلگەرىلەتۋ اڭگىمە ماجىلىسىندە دايەكتى جاۋاپ قايتارىلدى.

  وسى ءبىر وركەش - وركەش تاۋلى ولكەدە 600 مىڭ ءار ۇلت جۇرتشىلىعى تىرشىلىك ەتەدى. توقتاقىن سياقتى 156 مىڭ 600 كەدەيدىڭ اۆتونوميالى رايوندىق پارتكوم مەن حالىق ۇكىمەتىنىڭ نازارىن اۋدارىپ كەلە جاتقانى دا تالاسسىز شىندىق ەدى.

  اۆتونوميالى رايوننىڭ قىزىلسۋ قىرعىز اۆتونوميالى وبلىسىنىڭ كەدەيلىكتەن قۇتىلدىرۋدان قامال الۋ، حالىقتى اۋقاتتاندىرۋ، شەكارانى بەكەمدەۋ ءىسىن العا ىلگەرىلەتۋ اڭگىمە ءماجىلىسى اشىلعاننان كەيىن، قىزىلسۋ وبلىسى كەدەيلىكتەن قۇتىلدىرىپ، شەكارانى بەكەمدەۋ اياق الىسى ونان ارى جەدەلدەدى.

  شەكارا وڭىردە كەدەيلىكتەن قۇتىلدىرىپ، شەكارانى بەكەمدەۋدىڭ تىڭ جولىن سالايىق

  قىزىلسۋ قىرعىز اۆتونوميالى وبلىسى ءۇستىرتتى، سۋىق رايونعا ورنالاسقان، جەر كولەمى 70 مىڭ شارشى كيلومەتردەن اسادى، وبلىسقا قاراستى 3 اۋدان، ءبىر قالا تۇگەلدەي شەكارالىق اۋدان، قالا، كەدەيلەردى سۇيەمەلدەۋ، وركەندەتۋدەگى مەملەكەتتىك ءتۇيىندى اۋدان بولىپ، كەدەيلىك جايتىنىڭ تۋىلۋ مولشەرى بۇكىل شينجياڭ بويىنشا 2 - ورىندا، كەدەيلەر سانى بۇكىل شينجياڭ بويىنشا 3 - ورىندا تۇرادى. ۇزاق ۋاقىتتان بەرى وتاننىڭ ەڭ باتىسىنداعى دوعا فورمدى وسى ءوڭىر وتاننىڭ ۇزىننان - ۇزاققا سوزىلعان شەكارا لەنياسىن قالت جىبەرمەي كۇزەتىپ كەلەدى. ءبىراق تاۋلى ولكە دەگەن ادەمى ات كەدەيلىككە دالدا بولا المادى، ءالى دە 156 مىڭ 600 ادام كەدەيلىكتەن كوز اشقان جوق.

  قىزىلسۋ قىرعىز اۆتونوميالى وبلىسىنىڭ كەدەيلىكتەن قۇتىلدىرىپ، شەكارانى بەكەمدەۋى شينجياڭنىڭ جاپپاي دوڭگەلەك داۋلەتتى قوعام قۇرۋىنا، شەكارانى بەكەمدەۋ مەن ۇلتتار ىنتىماعىنا، قوعامنىڭ ورنىقتىلىعى مەن باياندى تىنىشتىعىنا بارىپ سايادى.

  «شەكارانى بەكەمدەۋدى تياناق ەتىپ، كەدەيلىكتەن قۇتىلدىرۋدى مىقتى يگەرەيىك، كەدەيلىكتەن قۇتىلدىرۋدى مىقتى يگەرىپ، شەكارانى بەكەمدەيىك» − اڭگىمە ماجىلىسىندە سويلەگەن جاڭ چۇنشيان شۋجيدىڭ وسى ءسوزى كەدەيلىكتەن قۇتىلدىرۋدان قامال الۋ مەن حالىقتى اۋقاتتاندىرىپ، شەكارانى بەكەمدەۋدىڭ قاتىناسىن تەرەڭ ءتۇسىندىرىپ بەردى. ءماجىلىس بىلاي دەپ اتاپ كورسەتتى: شەكارانى كۇزەتىپ، شەكارانى بەكەمدەۋ ءتۇبىرلى مۇددە جانە ۇزاق بولاشاقتىق ستراتەگيا، ءبىزدىڭ قاسيەتتى بورىشىمىز. قىزىلسۋ وبلىسى شەكارالىق ءوڭىر، شەكارا بويىنداعى جۇرتشىلىقتىڭ %40تەن استامى كەدەي، كەدەيلىكتەن قۇتىلدىرۋدان قامال الۋدا ەڭ الدىمەن شەكارانى بەكەمدەۋ سىندى العى شارتقا بويسۇنۋ، قىزمەت ەتۋ كەرەك. سونىمەن بىرگە، كەدەيلىكتەن قۇتىلدىرىپ، اۋقاتتاندىرۋ جولىنا ءتۇسىرىپ، شەكاراداعى حالىقتىڭ وندىرىستە، تۇرمىستا الاڭسىز بولۋىنا، شەكارانى قام - قايعىسىز كۇزەتۋىنە، بەكەمدەۋىنە مۇمكىندىك جاساۋ كەرەك.

  حالقى شاعىن وبلىس، دامۋى ءالسىز وبلىس، سونىمەن بىرگە، شەكارا قورعانىسىنداعى ءىرى وبلىس، ستراتەگيالىق ماڭىزدى وبلىس. سوندىقتان اۆتونوميالى رايوندىق پارتكوم مەن حالىق ۇكىمەتى شەكاراداعى حالىقتى اۋقاتتاندىرۋعا، شەكارانى بەكەمدەۋگە، شەكارانىڭ ورنىقتىلىعىنا ايرىقشا ءمان بەردى. انە سوندىقتان وسى جولعى اڭگىمە ءماجىلىسىن قوسقاندا جاڭ چۇنشيان شۋجي قىزىلسۋ وبلىسىندا 7 رەت تەكسەرۋ - زەرتتەۋ جۇرگىزدى.

  اڭگىمە ماجىلىسىندە مىنالار باسا دارىپتەلدى: قىزىلسۋ قىرعىز اۆتونوميالى وبلىسىنىڭ كەدەيلىكتەن قۇتىلدىرۋ، شەكارانى بەكەمدەۋ قىزمەتىن ىلگەرىلەتۋ ءۇشىن، ءسوز جوق، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرۋ، «بەستى ءبىر تۇلعالاندىرۋ» تۇلعالىق ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىنا ساي، قوعامنىڭ ورنىقتىلىعى مەن باياندى تىنىشتىعى سىندى جالپى نىسانانى ارقاۋ ەتىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، ورتاق يگىلىككە كەنەلەتىن دامۋ سىندى تىڭ دامۋ يدەياسىنا تاباندى بولۋ، اشىق ۇستاۋدى جەتەكشى، دامۋدى نەگىز، حالىقتى اۋقاتتاندىرۋدى وزەك، شەكارانى بەكەمدەۋدى نىسانا ەتۋدەن جازباۋ، ەكونوميكادا بىردەي تالپىنۋعا، باسىمدىلىقتى الدىمەن ەسكەرۋگە، ويداعىداي نەگىز قالاۋعا، سايكەستى دامۋعا تاباندى بولۋ، ءارقايسى جاقتار بىردەي كۇش شىعارۋ، كورنەكتى ولقىلىقتاردى تولىقتىرۋ، شەكارا بويىنداعى حالىقتى كەدەيلىكتەن تەزىرەك قۇتىلدىرۋعا قۇلشىنۋ، 2020 - جىلى كەدەيلىكتەن جاپپاي قۇتىلدىرۋعا، جاپپاي دوڭگەلەك داۋلەتتى قوعام قۇرۋعا شىنايى كەپىلدىك ەتۋ، شەكارا ءوڭىردىڭ كەدەيلىكتەن قۇتىلدىرۋ، شەكارانى بەكەمدەۋ جولىن سالۋ.

  بۇل قىزىلسۋ وبلىسىنىڭ كەدەيلىكتەن قۇتىلدىرۋ، شەكارانى بەكەمدەۋدەگى جالپى تالابى ءارى بۇل جولعى اڭگىمە ءماجىلىسىنىڭ اتتان دابىلى.

  كەدەيلىكتەن دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ − باقىت ەسىگىن اشتى

  ۇزاق جىلداردان بەرى شەكارا وڭىردەگى ءار ۇلت حالقى وسى مەكەندە ءوسىپ − ءوربىپ، مال جايىپ، شارۋاشىلىقپەن شۇعىلدانىپ، شەكارانى قورعاپ، كۇزەتىپ كەلدى. قىزىلسۋ وبلىسىندا بۇرماقان مولداش سەكىلدى شەكارا قورعاۋشىلارىنان سانسىزى بار، ولار قاراپايىم دا قالتقىسىز شىن ىقىلاسىمەن شەكارانىڭ تىنىشتىعىن قورعاپ كەلەدى. جاپپاي دوڭگەلەك داۋلەتتى قوعام قۇرۋ جولىندا وسىلار سەكىلدى ارداقتى جانداردى قالايشا قاعىس قالدىرۋعا بولسىن.

  ءماجىلىس شەكارا وڭىردە كەدەيلەردى سۇيەمەلدەۋدە «3 شەپتە بىردەي ارەكەتتەنۋگە» تاباندى بولىپ، شەكارا بويىنداعى حالىقتىڭ كەدەيلىكتەن تەزىرەك قۇتىلۋىنا شىنايى كەپىلدىك ەتۋدى اتاپ كورسەتتى.

  «1 - شەپتە شەكارانى كۇزەتۋ، 2 - شەپتە شەكارانى بەكەمدەۋ، 3 - شەپتە قىزمەت وتەۋ» قىزىلسۋ وبلىسىنىڭ تىڭ تاجىريبەسى. ءماجىلىس مىنالاردى اتاپ كورسەتتى: وسى قىمباتتى تاجىريبەدە تاباندى بولۋ جانە ونى تىنباي كەمەلدەندىرۋ كەرەك، 1 - شەپتەگى اۋىل - قىستاقتاردىڭ شەكارانى قورعاۋ، شەكارانى كۇزەتۋ رولىن كورنەكتى ورىنعا قويىپ، شەكارانى قورعاۋ، شەكارانى كۇزەتۋگە قاتىستى قۇرىلعىلاردىڭ جانە نەگىزدىك تۇرمىس شارت - جاعدايىن جاقسىلاۋ؛ 2 − شەپتەگى اۋىل - قالاشىقتار كاسىپ سالاسىن دامىتۋدى تۇيىندى تۇردە مىقتى يگەرىپ، 1 - شەپتەگى بۇقارانى اناعۇرلىم جاقسى كەپىلمەن قامداۋ؛ 3 - شەپتەگى اۋدان، قالالار جان - جاقتىلى قىزمەت وتەۋ فۋنكتسياسىن كەمەلدەندىرىپ، شەكارا بويىنداعى 1 -، 2 - شەپكە جان - جاقتىلى ويداعىداي قىزمەت كورسەتىپ، تىرەكتىلىك رول اتقارۋى كەرەك.

  ماجىلىستە تاعى مىنالار اتاپ كورسەتىلدى: كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋدا تاباندى بولىپ، ارحيۆ تۇرعىزىپ، كارتچكالاندىرۋدى، كەدەيلەردى پارىقتاۋ قىزمەتىن ويداعىداي ىستەۋ، جەرگىلىكتى ورىننىڭ ابزالدىلىعىن ارقاۋ ەتە وتىرىپ، وتباسىلاردىڭ جاعدايىنا قاراي شارا قولدانىپ، شەكارا حالقىن كەدەيلىكتەن قۇتىلدىرۋدا بىردە − ءبىر وتباسىنىڭ، بىردە − ءبىر ادامنىڭ قاعىس قالماۋىنا كەپىلدىك ەتۋ، شەكارا بويىنداعى حالىقتىڭ ەرتەرەك باي - باقىتتى تۇرمىسقا قول جەتكىزۋىنە مۇمكىندىك جاساۋ كەرەك.

  قىزىلسۋ وبلىسىنىڭ پارتكوم شۋجيى ليۋ حۇيجۇن بىلاي دەدى: قىزىلسۋ وبلىسى «5 بەس ينجەنەريالىق» قۇرىلىستى بار كۇشپەن ىلگەرىلەتىپ، ارناۋلى نىساندار ارقىلى سۇيەمەلدەۋ، كاسىپتەر ارقىلى سۇيەمەلدەۋ، قوعامنىڭ سۇيەمەلدەۋى، شينجياڭعا باعىتتامالى كومەكتەسۋ بويىنشا سۇيەمەلدەۋ سىندى «ءتورتتى ءبىر تۇلعالاندىرعان» سايكەسىپ قامال الۋ مەحانيزمىن كەمەلدەندىرىپ، كەدەيلەردى سۇيەمەلدەۋ ساياساتىن كەدەي وتباسىلارىنا، حالىق تۇرمىسىن جاقسارتۋ جاعىنا، ىنتىماقتى جەبەۋ جاعىنا شىنايى تياناقتاندىرۋعا كۇش سالادى.

  30 تاراۋ قورىتقى كۇش قالىپتاستىرىپ، قامال الدى

  اۆتونوميالى رايوننىڭ قىزىلسۋ وبلىسىنىڭ كەدەيلىكتەن قۇتىلدىرۋدان قامال الۋ، حالىقتى اۋقاتتاندىرۋ، شەكارانى بەكەمدەۋ ءىسىن العا ىلگەرىلەتۋ اڭگىمە ماجىلىسىندە، اۆتونوميالى رايوندىق دامۋ جانە رەفورما كوميتەتى، اۆتونوميالى رايوندىق حالىق ىستەرى مەڭگەرمەسى، اۆتونوميالى رايوندىق كەدەيلەردى سۇيەمەلدەۋ كەڭسەسى سياقتى تاراۋلاردىڭ جاۋاپتىلارى جەكە - جەكە ءسوز سويلەدى. اقشي اۋداندىق پارتكومنىڭ شۋجيى ۋاڭ شينحۇي قاتتى تەبىرەنىپ: تاراۋلاردىڭ، مەكەمەلەردىڭ ءبارى قىزىلسۋ وبلىسىنىڭ كەدەيلىكتەن قۇتىلدىرۋ، شەكارانى بەكەمدەۋىنە ايرىقشا ءمان بەرىپ، مىعىم دا ناقتى شارالاردى العا قويدى. بۇعان ەرەكشە اسەرلەندىك ءارى العىس ايتامىز، كەدەيلىكتەن قۇتىلدىرۋ، شەكارانى بەكەمدەۋ سەنىمىمىز كۇشەيدى!

  2016 - جىلى ءوسىمىن ۇكىمەت كوتەرەتىن 4 ميلليون يۋان كومەك قاراجات بەرۋدى تياناقتاندىرىپ، سويىس قويدىڭ اسىل تۇقىمىن وسىرەتىن 5 فەرما قۇرادى؛ 6 ميلليون يۋان كومەك قاراجات بەرۋدى تياناقتاندىرىپ، قوي باعاتىن ۇلگىلى وتباسىلارىن 500دەن اسىرادى؛ «13 - بەسجىلدىق» كەزىندە ەكپە جەم - ءشوپ بازاسىن 180 مىڭ مۋعا جەتكىزۋگە كۇش سالادى... اۆتونوميالى رايوندىق دامۋ جانە رەفورما كوميتەتىنىڭ شارالارى ەگجەي - تەگجەيلى دە ناقتى.

  اۆتونوميالى رايوندىق حالىق ىستەرى مەڭگەرمەسىنىڭ جاۋاپتىسى بىلاي دەدى: قىزىلسۋ وبلىسىنداعى شەكارانى قورعاۋشىلاردىڭ جانە ولاردىڭ وتباسىنداعىلاردىڭ ءبارىن اۋىل - قىستاقتاعى ەڭ تومەنگى تۇرمىسى قامتاماسىز ەتىلەتىندەردىڭ قاتارىنا ەنگىزەمىز، سونىمەن قاتار، شەكارانى قورعاۋشىلاردىڭ وتباسىنداعىلارعا ەرەكشە ەسەپتەۋ ءادىسىن قولدانىپ، شەكارانى قورعاۋشىلاردىڭ وتباسى كىرىسىن جوعارىلاتامىز.

  اۆتونوميالى رايوندىق ەگىن شارۋاشىلىق مەڭگەرمەسى بيىل قىزىلسۋ وبلىسىنىڭ «13 - بەسجىلدىقتاعى» قۇبا تۇزدەگى قۇرىلعىلى اۋىل شارۋاشىلىعىن دامىتۋ جوباسىن جاساۋ قىزمەتىن ورىنداۋىنا كومەكتەسەدى ءارى مەملەكەتتىڭ قولداۋىنا قول جەتكىزۋگە قۇلشىنىپ، اۋىل شارۋاشىلىعىنا قاتىستى كاسىپورىن، سەلبەستىك كووپەراتيۆى سياقتىلارعا ءوسىمىن ۇكىمەت كوتەرۋ، كەپىل بولۋ سياقتى قولداۋ كورسەتىپ، ەگىنشى - مالشىلاردىڭ قارىز اقشا الۋىنىڭ قيىندىعى ماسەلەسىن شەشەدى.

  اۆتونوميالى رايوندىق ساياحات مەكەمەسى قىزىلسۋ وبلىسىنىڭ اۋىل - قىستاقتارىنداعى ساياحات ىستەرىمەن شۇعىلداناتىنداردى تاربيەلەۋدى قولداپ، 2020 - جىلعا جەتكەندە، قىزىلسۋ وبلىسىنداعى ساياحات ارقىلى كەدەيلەردى سۇيەمەلدەيتىن قىستاقتارداعى ساياحات ىستەرىمەن شۇعىلداناتىنداردىڭ ءبارىن كەزەكپەن تاربيەلەپ بولۋعا كۇش سالادى.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.