- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇلتتاردىڭ ءبىر وتباسىنداي توعىسۋىنىڭ «جىنپيڭ ۇلگىسى»
يۋان لەي
2016.06.22 14:19 كەلۋ قاينارى : شينجياڭ گازەتى
حىناننىڭ جىنپيڭى، شينجياڭنىڭ حوتانى، ءبىرى كىندىك جازىقتىڭ بەل ورتاسىندا، ءبىرى باتىستاعى شەكارا شەتىندە، ەكەۋىنىڭ دە اتاعى قاس تاسىمەن شىعىپ، قاس تاسىنىڭ سەبەبىمەن ءوزارا قارىم - قاتىناس ورناتقان. جىنپيڭ اۋدانىندا ۇيعۇر، حانزۋ بۇقاراسى «شات مەرەيلى بارابانشىعا» اينالىپ، ۇلتتار ىنتىماعىنىڭ ۇلى سيمفونياسىن بىرگە ورىندادى −
حىنان ولكەسىندەگى نانياڭ قالاسىنىڭ جىنپيڭ اۋدانىنداعى شىفوسى قالاشىعىنا بارساڭىز، شينجياڭداعى شاعىن قالاشىقتارعا بارعانداي سەزىنەسىز. كاۋاپتىڭ، كاۋاپقا باسىلعان ناننىڭ ءيىسى كوشەنى كەرنەيدى؛ ۇيعۇر، حانزۋ 2 تىلدەگى ۆيۋەسكالار، جول بەلگىلەر كەز كەلگەن جەردەن كەزدەسەدى؛ دۋماندى بازاردا ۇيعۇر تۇرعىندارى ارلى - بەرلى قايشالىسىپ، حانزۋ، ۇيعۇر تىلدەرى ارالاس باعاعا تالاسقان ۇندەر ەستىلىپ جاتاتىن بۇل جەردە شينجياڭ ەلەمەنتتەرى بارلىق جەردەن تابىلادى. كىندىك جازىقتاعى وسىناۋ شاعىن قالاشىقتىڭ تۇرعىلىقتى ۇيعۇرلارى 1000نان اسادى.
شىفوسى قالاشىعى تۇرعان جىنپيڭ اۋدانى جۇڭگوعا ايگىلى «قاس تاسى مەكەنى»، ول جۇڭگو بويىنشا قاس تاسىن ەڭ كوپ وندىرەتىن، ساتاتىن جەر. حوتان قاس تاسى مولىنان شىعاتىن شينجياڭداعى ۇيعۇر ساۋداگەرلەر قاس تاسى ساۋداسىن جۇرگىزۋگە شەبەر كەلەدى. وسىلايشا، ەكى جەردەگى بۇقارا «قاس تاسى ارقىلى قارىم - قاتىناس» ورناتىپ، 10 نەشە جىلدان بەرى تاتۋ ءومىر كەشىپ، بۇل جەردى ىنتىماقتى، گۇلدەنگەن قالاشىققا اينالدىردى.
18 - ماۋسىم ساعات 7 مولشەرىندە، قالاشىقتاعى 9 ءىرى قاس تاسى بازارىنىڭ ءبىرى − تيانشيا يۇييۋان بازارى دىر - دۋمانعا بولەندى. حوتان اۋدانى تاۋاككول اۋىلىنان كەلگەن 22 جاستاعى قاس تاسى ساۋداگەرى ابدىرازاق ءماتنياز كۇشتى شينجياڭدىق اكسەنتتە حانزۋ تىلىمەن ءبىر الارمانعا حوتان قاس تاسىن تانىستىرىپ جاتىر.
«بۇل جەردە كۇنگە قاقتالىپ، جاڭبىرعا مالشىنىپ جاتپايسىڭ، ونىڭ ۇستىنە جايما ورنى تەگىن، باجىنى كەشىرۋ ساياساتى تاعى بار. كەيدە ءبىر كۇندە 5000 - 6000 يۋان تابامىن، جىلدىق تابىسىم 200 مىڭ يۋاننان اسادى»، - دەيدى ابدىرازاق تىلشىگە.
«شينجياڭ مامەت اسحاناسىنىڭ» قوجايىنى ءانۋار جىنپيڭ قالاشىعىنا ەڭ الدىمەن كەلگەن ۇيعۇر ساۋداگەر. ونىڭ تانىستىرۋىمەن 2004 - جىلى شىفوسى قالاشىعىنا 1 - توپتاعى ۇيعۇر ساۋداگەرلەر تابان تىرەدى. بۇگىنگى تاڭدا، شىفوسى قالاشىعىندا ەڭ كوپ كەزىندە ۇيعۇر بۇقاراسى 3000نان اسادى، ولاردىڭ ىشىندە كوپتەگەن ادامدار بۇل جەردە مولشىلىق ومىرگە جەتىپ، تاعدىرلارىن وزگەرتتى.
42 جاستاعى ءۋازيابدوللا روزى ءوز اڭگىمەسىن بىلاي باياندادى: 10 جىلدىڭ الدىندا اۋىلداعى 3 مۋ جەرگە ەگىن ەگىپ، ماندىمدى تابىس تابا المادىم، قينالىپ شەككە جەتىپ، ءۇمىتىم ۇزىلەيىن دەگەندە ءبىر دوسىم ماعان ىشكى ولكەدە شىفوسى دەگەن جەر بار، وندا بارساڭ ساۋدا ورايىن تابۋىڭ مۇمكىن دەدى، مەن 19 مىڭ يۋاندىق قاس تاسىن الىپ، حوتاننان جالعىز ءوزىم «جاھان كەزىپ» شىفوسىعا كەلدىم.
مۇندا ول قاس تاس ساۋداسىمەن اينالىسا باستاپ، بارا - بارا 5 ميلليون يۋاندىق مال - مۇلىك جينادى، ايەلى بازاردان تىگىنشىلىك دۇكەنىن اشىپ، 3 بالاسى قالاشىقتاعى باستاۋىش مەكتەپكە وقۋعا ءتۇستى.
بۇرىن شىفوسى قالاشىعىنا جۇمىس ىستەگەن، ساۋدا ىستەگەن ۇيعۇر بۇقاراسى جايشىلىقتا سول جەردەگى جالعا بەرىلەتىن ۇيلەردە تۇرادى، ءۇي جالداۋعا جىلىنا 3000 - 4000 يۋان جۇمسالعانىمەن، تۇرعىن ءۇيدىڭ شارت - جاعدايى تىم شىركىن - اي بولمايتىن. ۇيعۇر بۇقاراسىنىڭ تۇرعىن ءۇي شارت - جاعدايىن جاقسارتۋ ءۇشىن، بىلتىر قازان ايىندا جىنپيڭ قالاشىعى 41 ميلليون يۋان قارجى سالىپ، تيانشيا يۇييۋان بازارىنىڭ جانىنان ۇيعۇر بۇقاراسى ءۇشىن 408 الەۋمەتتىك مايعا بەرىلەتىن ءۇي سالدى.
2015 - جىلى شىلدەدە جەرگىلىكتى ۇكىمەت تيانشيا يۇييۋان پارتيانىڭ بۇقاراعا قىزمەت كورسەتۋ ورتالىعىن قۇرىپ، وقۋعا كىرۋ، ەمدەلۋ، سونداي - اق قوعامدىق قامتاماسىزداندىرۋ، كاسىپتەنۋگە، شارۋاشىلىق قۇرۋعا كومەكتەسۋ، ءۇي مايلاۋعا قىزمەت كورسەتۋ سياقتى 6 قىزمەت تەكشەسىن اشتى. سونىمەن بىرگە ساقشىحانا، ءۇي قوجالىعىن باسقارۋ سەرىكتەستىگى سياقتىلاردى قۇرىپ، اقىل - كەڭەس بەرەتىن، اۋدارماشىلىق ىستەيتىن ادامداردى ورنالاستىردى.
بيىل 59 جاستاعى باتىر تۇرسىننىڭ شىفوسى قالاشىعىنا كەلگەنىنە 5 جىل بولسا دا جول بويىندا جايما جايىپ ساۋدا ىستەپ كەلگەن - تۇعىن. بىلتىر 27 - ساۋىردە شىفوسى قالاشىعى تيانشيا يۇييۋان بازارىن ارنايى جوبالاپ سالىپ، پايدالانۋعا بەردى. باستىسى، ۇيعۇر ۇلتىنان شىققان تاس ساۋداگەرلەرىن قابىلدايتىن بۇل بازارعا 1000نان استام ادام سيادى. سول كۇنى جايما ورنىنا اقىرى قولى جەتكەن باتىر جاڭا بازارعا قۋانا - قۋانا كوشىپ كىردى. ول شورقاقتاۋ حانزۋ تىلىمەن: تاڭەرتەڭنەن قارا كەشكە دەيىن كۇنگە كۇيىپ دالادا جايما جاياتىن كۇندەرگە اقىرى قوش ايتتىق، پارتياعا راقىمەت! شىفوسى قالاشىق ۇكىمەتىنە مىڭ العىس! - دەدى.
بىلتىر مامىردا باتىر حوتاننان ۇيعۇر تىلىندە باسىلعان «پارتيا ۋستاۆىن» ارنايى الدىرىپ، مۇقيات ۇيرەنۋگە كىرىسكەن بولاتىن. سونان كەيىن شىفوسى قالاشىق ۇكىمەت تيانشيا يۇييۋان بازارىنىڭ پارتيا ياچەيكاسىنا پارتياعا مۇشە بولۋ ءوتىنىشىن تاپسىردى.
17 - ماۋسىم تۇستەن كەيىنگى ساباق ارەدىگى، شىفوسى قالاشىعى سەنترلى باستاۋىش مەكتەبىنىڭ 5 - جىلدىعىندا وقيتىن اكىرامجان احاتجان الاڭدا ساباقتاستارىمەن بىرگە ءماز - مايرام ويىننىڭ قىزىعىنا باتۋدا، ءار جەردەن قۋانىش كۇلكىسى ەستىلەدى.
اكىرامجان احاتجان سياقتى اتا - اناسىمەن بىرگە شىفوسى قالاشىعىنا كەلىپ ورنىققان 125 ۇيعۇر وقۋشى بار ەكەن. ساۋدانىڭ قاجەتىنەن كوپتەگەن وقۋشىنىڭ اتا - اناسى ءبىر ورىندا تۇراقتاپ تۇرمايتىندىقتان بالالاردىڭ جۇيەلى ءتالىم - تاربيە الۋى وتە قيىن ەدى.
2013 - جىلدان باستاپ شىفوسى قالاشىق پارتكوم مەن حالىق ۇكىمەتى بۇكىل قالاشىقتاعى ۇيعۇر بالالاردىڭ نەگىزدىك ينفورماتسياسىن تىزىمگە الۋعا كىرىستى. شىفوسى قالاشىق سەنترلى باستاۋىش مەكتەپتىڭ وقىتۋشىسى ءابدىروزى ۋايت: مەكتەپ وسى بالالارعا ۇلكەن قولايلىلىقتار جاساپ، قاشان كەلسە سول كەزدە وقۋعا قابىلداپ، تىزىمگە الىپ وتىردى. بۇگىن دە شىفوسى قالاشىعىنداعى وقۋ جاسىنداعى ۇيعۇر بالالاردىڭ وقۋعا كىرۋ مولشەرى اۋەلگى %30تەن %100كە جەتتى، - دەدى.
شىفوسى قالاشىق سەنترلى باستاۋىش مەكتەپتىڭ ورىنباسار باستىعى حوۋ يۇنچي: بالالاردىڭ ىشىندە ورتاق ءتىل بىلمەيتىندەر ءالى دە كوپ. كەي بالالار ساباققا ىلەسە الماي، وقۋدان جالىقسا، وقۋدان شىعىپ شينجياڭعا قايتىپ كەتكەندەرى دە بولدى. سوندىقتان بالالاردى قاتاردان قالدىرماۋ ءۇشىن سەلبەستىك قيمىلىن ورىستەتىپ، باعىتتامالى كومەكتەسەتىن قۇمىل قالاسىنىڭ كومەگىندە شينجياڭنان 6 «قوس ءتىل» وقىتۋشىسىن قىزمەتكە ۇسىنىس ەتتىك، - دەدى.
11 جاستاعى حۇرشيدا احىمەتجان تاس ساۋداسىمەن اينالىساتىن اكە - شەشەسىمەن بىرگە كورلادان حىنانعا كەلىپتى. مەكتەپتىڭ ۇسىنىسىمەن كىشكەنتاي حۇرشيدا كلاستاعى ساباقتاسى لان ي - مانمەن دوستاسادى. ەكەۋى بىرنەشە جىلدىڭ ىشىندە ايتىلمايتىن سىرى جوق جاقىن دوستارعا اينالىپ كەتىپتى. بىلتىر 23 - جەلتوقساندا حۇرشيدا وزگە 10 ۇيعۇر، 4 حانزۋ ساباقتاسىمەن بىرگە شىفوسى قالاشىق سەنترلى باستاۋىش مەكتەپ ۇيىمداستىرعان «وتاندى ءسۇيۋ، ىنتىماقتى دارىپتەۋ، جاراسىمدىلىقتى جەبەۋ» لەكسيا جارىسىنا قاتىناسىپ، 2 - دارەجەلى سيلىقتى جەڭىپ الدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
