بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

چاڭجىڭ − 7 تاسىمال زىمىرانىنىڭ العاشقى ۇشۋى ءساتتى بولدى

2016.06.27 14:12     كەلۋ قاينارى : شينجياڭ گازەتى

  جۇڭگو عارىش زەرتحاناسىنىڭ مىندەتتەرى ءساتتى باستالدى

  شينحۋا اگەنتتىگىنىڭ 25 - ماۋسىمدا ۋىنچاڭنان بەرگەن حابارى. جۇڭگونىڭ جاڭا بۋىن ورتا تۇرپاتتى تاسىمال زىمىرانى − چاڭجىڭ − 7 25 - ماۋسىم كۇنى حاينانداعى ۋىنچاڭ عارىش ايلاعىنان كوككە ءساتتى كوتەرىلدى، بۇل جۇڭگونىڭ عارىشكەرلىك ينجەنەرياسى بويىنشا عارىش زەرتحاناسىن اشۋ مىندەتتەرىنىڭ ءساتتى باستالعانىن تۇسىندىرەدى.

  عارىش ايلاعى كەش شاپاعىن جامىلىپ، تەڭىزدەن باياۋ سامال ەستى، پالما اعاشى ىرعالىپ، اينالا كۇشتى شام جارىعىنا بولەندى.

  ساعات 20دا ۇشۋ بۇيرىعى بەرىلدى، كۇركىرەگەن داۋىسى قۇلاقتى تۇندىرىپ، چاڭجىڭ − 7 تاسىعىش زىمىرانى تەڭىز جاعاسىنان 800 مەتر جەرگە قۇرىلعان ۇشىرۋ تۇعىرىنان زۋ ەتىپ كوتەرىلىپ، ارتىنا كوز قارىقتىرار كۇشتى جارىق تاستاپ، تەلەگەي تەڭىزدەن كوكتەي ءوتىپ، ۇشى - قيىرسىز عارىشقا جول تارتتى.

  پايدالانۋعا 1 - رەت بەرىلگەن حاينان ۋىنچاڭ عارىش ايلاعى − ەلىمىزدىڭ تومەنگى ەندىكتەگى تەڭىزگە تاياۋ سالىنعان العاشقى عارىش ايلاعى، ونىڭ ۇشىرۋ تيىمدىلىگى ءتىپتى جوعارى، ۇشىرۋ اياسى ءتىپتى كەڭ، تاسىمال جۇيەسى ءتىپتى قولايلى. «كولىكتىك اۋە كەمەسى، عارىش زەرتحاناسى، عارىش ستانسياسى جانە تەرەڭ عارىشتى بارلاۋ اپپاراتتارى وسى جەردەن كوككە كوتەرىلەدى، ۋىنچاڭ جۇڭگو عارىشكەرلىگىنىڭ جاڭا بەلەسىنە جول اشادى»، - دەدى عارىش ايلاعىنىڭ باس قولباسشىسى ياڭ جىنجۇڭ.

  چاڭجىڭ − 7 زىمىرانى عارىش ستانسياسىن اشۋدى ماقسات ەتكەن عارىش زەرتحاناسىنىڭ مىندەتتەرىنە سايكەس ۇشىرىلدى. الداعى بىرنەشە ايدا جۇڭگو تيانگۇڭ − 2 نىسانالى ۇشۋ اپپاراتىن، شىنجوۋ − 11 عارىشكەرلى الەم كەمەسىن جانە تيانجوۋ − 1 كولىكتىك الەم كەمەسىن ىركەس - تىركەس ۇشىرادى.

  «عارىش زەرتحاناسىنىڭ مىندەتتەرى اياقتاعاننان كەيىن، جۇڭگو عارىش ستانسياسى كەزەڭىنە شىن مانىندە قادام تاستايدى»، - دەدى جۇڭگو عارىشكەرلىك ينجەنەرياسىنىڭ اقپارات مالىمدەمەشىسى ۋ پيڭ.

  211 سەكۋندتا، زىمىران ءسۇيىر تۇمسىعىن تاستادى. جەر بەتىندەگى بارلاۋ ماعلۇماتتارى ءسۇيىر تۇمسىق سىنىقتارىنىڭ، الدىن الا بولجاعانداي، جۇڭگونىڭ نانحاي تەڭىزىندەگى حۋاڭيان ارالىنا تاياۋ ايدىنعا شاشىلىپ تۇسكەنىن كورسەتتى.

  220 ساعات 10 مينۋتتا، چاڭجىڭ − 7 زىمىرانى كوپ ماقساتتى الەم كەمەسىنىڭ قونۋ اپپاراتى سياقتى جۇك كەشەندەرىن الدىن الا بولجانعان وربيتاعا ءدال جەتكىزدى. جۇڭگو عارىشكەرلىك ينجەنەرياسىنىڭ باس قولباسشىسى جاڭ يۋشيا چاڭجىڭ − 7 تاسىمال زىمىرانىنىڭ تۇڭعىش ۇشۋ مىندەتىنىڭ ءساتتى ورىندالعانىن جاريالادى.

  60 جىل ىلگەرى قاز - قاز باسقان جۇڭگونىڭ عارىش ىستەرى نانحاي تەڭىزىنىڭ جاعاسىندا تۇڭعيق عارىش الەمىنە جاڭا ساپارىن باستادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.