بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

مۇناي الابىندا ارمانعا قانات قاققان ازامات

 ما ينيڭ

2016.06.27 14:15     كەلۋ قاينارى : شينجياڭ گازەتى

  23 - ماۋسىمدا بەيجيڭدە باعدارلاما ءتۇسىرىپ شينجياڭعا قايتقان جۇڭگو مۇناي، تابيعي گاز توبى شينجياڭ مۇناي الابى قويۋ مۇناي اشۋ سەرىكتەستىگى مۇناي اشۋ 5 - الابى 6 - اترەتىنىڭ باستىعى روزىمامەت باكىر ۇرىمجىدە ۇگىت - لەكسيا جاساپ، ءوزىنىڭ مۇناي ارمانىن باياندادى.

  15 جاسىندا اتا مەكەنى حوتاننان قارامايلى قالاسىنا باردى، 20 نەشە جىلدان كەيىن روزىمامەت مەملەكەتتىك ەڭبەك ەرىنە، جۇڭگو مۇناي تەحنيكاسىنىڭ مامانىنا اينالدى.

  اڭقاۋ بالانىڭ تەحنيك مامانعا اينالۋى

  1991 - جىلى 15 جاستاعى روزىمامەت حوتانداعى قىستاقتان قارامايلى تەحنيكالىق مەكتەبىنە ءوتتى. وقۋعا اتتانارىندا اكەسى وعان «بىلىمىڭمەن ءومىرىڭدى ءماندى وتكىز» دەپتى. 3 جىلدان كەيىن روزىمامەت وقۋىن ءساتتى تامامداپ، قويۋ مۇناي اشۋ سەرىكتەستىگىنە مۇناي اشۋشى بولىپ جۇمىسقا تۇرادى.

  كىشكەنتايىنان وڭتۇستىك شينجياڭنىڭ اۋىل - قىستاعىندا وسكەندىكتەن، ونىڭ ۇستىنە تەحنيكالىق مەكتەپتە ۇيعۇر تىلىندە ساباق العاندىقتان، قىزمەت بارىسىندا حانزۋ تىلىندە سويلەۋ وعان قيىنعا ءتۇستى. حانزۋ ءتىلىن تەز ارادا يگەرۋ ءۇشىن، ول بارلىق ورايدى قولدان جىبەرمەي، ۇستازدارىنان، قىزمەتتەستەرىنەن سۇراپ ۇيرەندى.

  «ەڭبەگى قاتتىنىڭ تاتقانى ءتاتتى» دەگەندەي، روزىمامەت ءبىر جىلعا جەتپەي حانزۋ تىلىندە جاتىق سويلەپ قانا قويماي، حانزۋشا كىتاپ، جۋرنالداردى دا وقي الاتىن بولدى. 3 جىلدان كەيىن ول حانزۋ ءتىلى دەڭگەيىنىڭ 8 - دارەجەسىنە جەتتى. وسىدان كەيىن روزىمامەت تەحنيكالىق دەڭگەيىن جوعارىلاتۋعا كۇش سالدى. ءبىر جىلدان سوڭ جۇمىس رايونىنىڭ تەحنيكالىق شەبەرلەر جارىسىنا قاتىناسىپ، بىرىنشىلىكتى يەلەدى.

  2003 - جىلدان بەرى مۇناي اشۋ تەحنيكاسىنا ىسىلعان روزىمامەت تەحنيكا جاڭالاۋعا، ءتىپتى، كوپ وي جۇگىرتەدى. ول 16 تۇردەن مەملەكەتتىك پاتەنت ۇقىعىن العان، ونىڭ سەگىزى ءوندىرىس بارىسىندا كەڭىنەن قولدانۋدا.

  تىنباي قۇلشىنۋ ارقىلى ەش ونەردەن حابارى جوق بالا جۇڭگو مۇناي تەحنيكاسىنىڭ مامانىنا اينالدى.

  ءوزى سايت اشىپ، بۇكىل ەلدەگى مۇنايشىلارعا يگىلىك جەتكىزدى

  2006 - جىلدىڭ باسىندا روزىمامەت حۇڭليۋ مۇناي سايتىن اشتى.

  سايتتا مۇناي تەحنيكاسى، كاسىپتىك تەحنيكا، كاسىپتىك جۇمساق بولشەك، ۇنەمى قولدانىلاتىن جۇمساق بولشەك، مۋزيكا ورتالىعى سياقتى ايدارشالار بار، قارامايلىداعى مۇنايشىلار عانا ەمەس، شينجياڭداعى، اۋەلى، وتانىمىزدىڭ جەر - جەرىندەگى مۇنايشىلار ونىڭ يگىلىگىن كوردى.

  سۇڭ باۋيۇي − داچيڭ مۇناي الابى مۇناي اشۋ 5 - زاۆودىنىڭ جۇمىسشى تەحنيگى، ول ۇنەمى باسقالارعا ساباق سويلەيتىندىكتەن، كوپ ماتەريالداردى اقتارۋىنا تۋرا كەلەتىن ەدى. 2006 - جىلى قىستا ويدا - جوقتا حۇڭليۋ مۇناي سايتىن كورىپ، بۇل سايتتىڭ ءبىرىنشى شەپتەگى جۇمىسشىلار ءۇشىن وتە پايدالى ەكەنىن بايقايدى، اۋەلى، ونداعى ماتەريالداردى اقىسىز تۇسىرۋگە بولاتىنى ونى، ءتىپتى، تاڭ قالدىرادى. ول ءبىر تۇندە - اق 300گە جۋىق ماتەريال ءتۇسىرىپ، ونداعى بارلىق ماتەريالدى ءوزىنىڭ كومپيۋتەرىنە ساقتاپ العىسى دا كەلەدى. وسىدان باستاپ ول روزىمامەتتىڭ سايت الەمىنە قادام تاستاپ، ونىمەن 10 مىڭ شاقىرىمدىق شالعايداعى دوستىعىن باستايدى.

  سودان باستاپ سۇڭ باۋيۇي حۇڭليۋ مۇناي سايتىنا ءار كۇنى شىعىپ تۇردى. ۋاقىت وتە كەلە روزىمامەتپەن اۋىس - كۇيىس جاساساتىن وراي دا كوبەيە ءتۇستى. ول ماتەريالداردى توردان كوشىرىپ الۋمەن بىرگە، ءوزى توپتاعان نارسەلەردى دە تورعا شىعارا باستادى. ءار جولى ماتەريالدى تورعا شىعارىسىمەن روزىمامەت دەرەۋ القاۋ ءبىلدىرىپ وتىردى. ال ءىشىنارا ماسەلەلەر تۋرالى كەڭەس سۇرالا قالسا روزىمامەت قولما - قول جاۋاپ قايتارىپ وتىردى.

  قازىر حۇڭليۋ مۇناي سايتى مۇناي وندىرىسىنە قاتىستى 4000نان استام، كاسىپتىك تاربيە جانە ساراپتاۋعا قاتىستى 200دەن استام، تابىستار مەن تەحنيكالىق جاڭالىقتار جونىندەگى 300دەن استام ماقالانى، مۇنايعا قاتىستى 10 مىڭنان استام اتاۋعا تۇسىنىكتى توپتاپ ۇلگىرىپتى؛ سايتتى جۇڭگو مۇناي، تابيعي گاز توبىنا قاراستى مۇناي الاپتارىنىڭ ينجەنەرلەرى، قوسىمشا وقىتۋشىلار باسقارادى ەكەن، سايتقا تىركەلگەندەر 13 مىڭنان اسىپتى.

  سونىمەن بىرگە، روزىمامەت پارتيا قۇرىلىسى ۋيچات تەكشەسىن قۇرىپ، پارتيانىڭ ءۇنىن جەتكىزدى، قازىرگە دەيىن 55 كەزەك ينفورماتسيا، 310 ماقالا جولداپتى.

  روزىمامەت سايت قۇرىلىسىنا 50 - 60 مىڭ يۋان قارجى سالىپتى. بۇل بارىستا، ءبۇيتىپ ءبىر جاعىنان ارىپ - شارشاپ، ءبىر جاعىنان ۋاقىتىن سارىپ ەتىپ نەسىنە اۋىرە بولادى ەكەن دەۋشىلەر دە بولىپتى. مۇندايدا ول: مەن پارتيا مۇشەسىمىن، بۇل مەنىڭ بورىشىم ءارى جاۋاپكەرشىلىگىم، - دەپ جاۋاپ قايتارادى. نەگىزگى ساتىنى ارالاپ، شينجياڭنان وزگە جەرلەرگە ساپار شەگىپ ۇگىت - لەكسيا جاسادى

  روزىمامەت 2005 - جىلى پارتياعا قابىلدانىپ، سونان باستاپ «قوعامنىڭ ءۇمىتىن اقتاپ، كومەككە مۇقتاج بولعان ءتىپتى دە كوپ جاندارعا قول ۇشىن بەرىپ، كوممۋنيستەردىڭ قالتقىسىز ۇلەس قوسۋ رۋحىن ءوز ءىس - ارەكەتىمدە بەينەلەيمىن» دەپ سەرت ەتتى.

  ول ءتىپتى دە كوپ از ۇلت قىزمەتكەرلەرىنىڭ حانزۋ ءتىلىن ۇيرەنۋىنە، تەحنيكانى يگەرۋىنە كومەكتەسۋ ءۇشىن، «از ۇلت قىزمەتكەرلەرىنىڭ مۇناي اشۋ ءىس جۇزىندىك قىزمەتىنە ارنالعان وقۋلىق»، «از ۇلت قىزمەتكەرلەرىنىڭ كاسىپتىك حانزۋ ءتىلىن ۇيرەنۋ قولدانباسى» سياقتى ماتەريالداردى قۇراستىردى، بۇگىندە شينجياڭ مۇناي الابى سەرىكتەستىگى بۇل ماتەريالداردى از ۇلت قىزمەتكەرلەرىن تاربيەلەۋ وقۋلىعى ەتىپ بەكىتتى. ول سونىمەن بىرگە كۋرس اشىپ، 200دەن استام قىزمەتكەردى تاربيەلەپ، 100دەن استام باستاۋىش دارەجەلى جۇمىسشىنىڭ تەكسەرۋدەن ءساتتى ءوتىپ، ورتا دارەجەلى كاسىپتىك اتاق الۋىنا، ورتا دارەجەلى كاسىپتىك اتاعى بار 50 نەشە جۇمىسشىنىڭ جوعارى دارەجەلى كاسىپتىك اتاق الۋىنا قولعابىس ەتتى. ونىڭ شاكىرتتەرىنەن 2 ادام مۇناي الابى سەرىكتەستىگىنىڭ 1 - دارەجەلى سيلىعىن، 4 ادام 2 - دارەجەلى سيلىعىن، 9 ادام 3 - دارەجەلى سيلىعىن ەنشىلەدى.

  بەرتىنگى 2 جىلدا ول «جۇڭگو ارمانى، مۇناي ارمانى، مەنىڭ ارمانىم» اتىندا جۇڭگو مۇناي، تابيعي گاز توبىنىڭ شينجياڭداعى كاسىپورىندارىندا، قارامايلىداعى نەگىزگى ساتى ورىندارى مەن وڭتۇستىك شينجياڭدا ۇگىت - لەكسيا جاسادى. ول بۇكىل ەلىمىزدىڭ ولكە، قالالارىندا، شينجياڭنىڭ جەر - جەرىندە ىلگەرىندى - كەيىندى 53 رەت ۇگىت - لەكسيا جاساپ، لەكسياسىن تىڭداۋشىلار 24 مىڭ 560 ادام - رەتكە جەتىپ، «قۇلشىنعاندا عانا، وزگەرتۋگە بولادى، قۇلشىنساق عانا، وزگەرتە الامىز» دەيتىن وڭ ەنەرگيانى بارىنشا كەڭ تاراتۋعا قۇلشىنىپ كەلدى.

  روزىمامەت: ەسەيىپ - ەرجەتۋ بارىسىندا ءتۇرلى - ءتۇستى قيىنشىلىقتارعا كەز بولىپ تۇرامىز. بۇعان بولا قاپالانۋدىڭ قاجەتى جوق، كوڭىل كۇيدى ورنىقتىرىپ، قيىنشىلىق پەن ماسەلەگە دۇرىس پوزيتسيا ۇستانۋ كەرەك. كاسىپورىن بىزگە بىردەي وراي ازىرلەپ بەرىپ وتىر. تەك ايانباي قۇلشىنىپ، ءوز قىزمەتىمىزدى تىڭعىلىقتى جاقسى ىستەسەك بولعانى قاراپايىم قىزمەت ورنىمىزدا ويداعىداي ەسەيىپ - ەرجەتۋ، جارامدى ادامعا اينالۋ مۇمكىندىگىنە يە بولا الامىز، - دەيدى.

  روزىمامەت جۋىق جىلداردا مەملەكەتتىك ەڭبەك ەرى، 6 - كەزەكتى مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە، مەملەكەتتىك تەحنيكا شەبەرى، ورتالىق كاسىپورىندارىنداعى تاڭداۋلى پارتيا مۇشەسى، ءار ۇلت جاستارىنىڭ 5 - كەزەكتى مەملەكەتتىك ىنتىماق، العاباسارلىق ەگەيى سيلىعى، جۇڭگونىڭ كاسىپورىن، كەن شارۋاشىلىعىنداعى ەڭ ارداقتى 10 قىزمەتكەر سياقتى 35 ءتۇرلى سيلىق الىپتى، بۇل سيلىقتاردىڭ ىشىندە ولكە، مينيسترلىك دارەجەلىدەن جوعارى سيلىقتاردىڭ ءوزى 13كە جەتەدى ەكەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.