- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
الدىڭعى جارتى جىلدا رايونىمىزدا قارىز اقشانىڭ ارتۋ قارقىنى كورنەكتى تەزدەدى
2016.07.29 14:19 كەلۋ قاينارى : شينجياڭ گازەتى
حالىق بانكەسىنىڭ ءۇرىمجى ورتالىق بولىمشە بانكەسىنەن ۇعىسۋىمىزشا، جىل باسىنان بەرى رايونىمىز قامداۋ جاعىنداعى قۇرىلىمدىق رەفورمانى ىلگەرىلەتۋدى ارقاۋ ەتىپ، قارىز اقشا قۇرىلىمىن ۇزدىكسىز رەتتەپ، ساپالىلاندىرىپ، قارجى قۇراۋ ارناسىن اناعۇرلىم كەڭەيتىپ، قارجى قۇراۋدىڭ وزىندىك قۇنىن تومەندەتۋگە ۇزبەي جەتەلەپ، فينانس حاۋىپ - قاتەرىنەن ساقتانۋدى كۇشەيتكەندىكتەن، تۇتاس رايونىمىزدىڭ فينانس اينالىمى جالپى جاقتان ورنىقتى بولعان. ماۋسىمنىڭ سوڭىندا ءار ءتۇرلى قارىز اقشانىڭ قالدىعى ءبىر تريلليون 464 ميلليارد 20 ميلليون يۋانعا جەتىپ، جىل باسىنداعىدان 98ميلليارد 930 ميلليون يۋان كوبەيگەن، مۇندا ماۋسىم ايىنىڭ وزىندە 35 ميلليارد 460 ميلليون يۋان ارتقان. الدىڭعى جارتى جىلدا قارىز اقشانىڭ ارتۋ قارقىنى % 11.8بولىپ، ەلىمىزدە 20 - ورىندى يەلەگەن، جىل باسىنداعىدان 7 ورىن الدىعا جىلجىعان.
قارىز اقشانىڭ بەتالىسى كورنەكتىلەنىپ، قۇرىلىمى اناعۇرلىم ساپالىلاندىرىلعان. نەگىزدىك قۇرىلعىلارعا بەرىلگەن قارىز اقشانىڭ ارتۋ جاعدايى جاقسى، توقىماشىلىق، كيىم - كەشەك كاسىبىنە بەرىلگەن قارىز اقشا دا جەدەل كوبەيگەن، قورا - جاي كاسىبىنە بەرىلگەن قارىز اقشا دا كورنەكتى دارەجەدە ارتقان. ماۋسىمنىڭ سوڭىندا قارىز اقشا كوبەيتىپ بەرىلگەن كاسىپتەردىڭ قاتارىندا الدىڭعى 2 ورىندى ەلەكتر - جىلۋ - وتىندىق گاز، سونداي - اق سۋ ءوندىرىسى قامداۋ كاسىبى، قاتىناس - تاسىمال جانە پوچتا كاسىبى يەلەپ، جىل باسىنداعىدان جەكە - جەكە 19 ميلليارد 530 ميلليون يۋان جانە 9 ميلليارد 700 ميلليون يۋان كوبەيىپ، %25.2 جانە %14.9 ارتقان؛ توقىماشىلىق، كيىم - كەشەك كاسىبىنىڭ قارىز اقشا قالدىعى 21 ميلليارد 830 ميلليون يۋان بولىپ، جىل باسىنداعىدان 3 ميلليارد 680 ميلليون يۋان كوبەيگەن، بىلتىرعى سول تۇستاعىدان 2 ميلليارد 540 ميلليون يۋان كوبەيىپ، %97.3 ارتقان، بۇل تۇتاس رايونىمىزداعى ءتۇرلى قارىز اقشالاردىڭ كوبەيۋ قارقىنىنان %85.5 جوعارى بولعان؛ قورا - جاي كاسىبىنىڭ قارىز اقشاسى جىل باسىنداعىدان 17 ميلليارد 640 ميلليون يۋان مولايىپ، بىلتىرعى سول تۇستاعىدان 8 ميلليارد 40 ميلليون يۋان كوبەيىپ، %13.4 ارتقان، جىل باسىنداعىدان %3.7جوعارىلاعان.
حالىق بانكەسىنىڭ ءۇرىمجى ورتالىق بولىمشە بانكەسى «كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ» نەگىزگى تاكتيكاسىن ارقاۋ ەتىپ، اۆتونوميالى رايون ايماق، وبلىس، اۋدان 3 دارەجەلى ورىن سەلبەسكەن فينانس جاعىندا كەدەيلەردى دالمە - ءدال سۇيەمەلدەۋ قىزمەت قۇرىلىمىن باستاماشىلدىقپەن قۇرىپ، قۇرال - جابدىقپەن جەتەكتەۋدى كۇشەيتىپ، ءوسىمىن قازىنادان كوتەرۋ جانە حاۋىپ - قاتەرگە تولەم بەرۋ مەحانيزمىن كەمەلدەندىرىپ، كەدەيلەردى سۇيەمەلدەۋ ۇلگىسىنە جاڭالىق جاساپ، فينانس جاعىندا كەدەيلەردى دالمە - ءدال سۇيەمەلدەۋ قىزمەتىن زور كۇشپەن ويداعىداي ىستەگەن. ماۋسىمنىڭ سوڭىندا شينجياڭ بويىنشا كەدەيلەردى سۇيەمەلدەۋگە بەرگەن ۇستەمە قارىز اقشانىڭ (ۇستەمە قارىز اقشا دەگەنىمىز ورتالىق بانكەنىڭ اقشا ساياساتى نىساناسىن ورىنداۋ ءۇشىن فينانس ورگاندارىنا بەرگەن قارىز اقشانى مەڭزەيدى) قالدىعى 4 ميلليارد 680 ميلليون يۋان بولعان، مۇندا وڭتۇستىك شينجياڭ وڭىرىنە بەرىلگەنى %67ىن يەلەگەن. وڭتۇستىك شينجياڭداعى 3 ايماق، ءبىر وبلىسقا بەرىلگەن قارىز اقشا جىل باسىنداعىدان 9 ميلليارد 750 ميلليون يۋان، بىلتىرعى سول تۇستاعىدان %18.5 ارتقان. كەدەي اۋداندارداعى 7196 وتباسىنا «ەكى كەشىرىم ەتىلەتىن» كەدەيلەردى سۇيەمەلدەۋ بويىنشا 140 ميلليون يۋان شاعىن سومالى قارىز اقشا بەرىلگەن.
قارىز اقشانىڭ ءوسىمى ازايىپ، قارجى قۇراۋ وزىندىك قۇنى ءبىراز تومەندەگەن. ءوسىمدى بازارلاندىرۋ رەفورماسىنىڭ ۇزدىكسىز تەرەڭدەۋىنە ساي، شينجياڭ بازارىنىڭ باعا بەلگىلەۋدەگى ءوزىن تارتىپكە سالۋ مەحانيزمىنىڭ رولى بىرتىندەپ كورنەكتىلەنىپ، تۇتاس رايونىمىزدىڭ فينانس قۇرىلىمدارىنىڭ امانات اقشا بازارىنداعى باسەكە ءتارتىبى قالىپقا ءتۇسىپ، حالىق اقشاسىنىڭ امانات ءوسىم مولشەرى تۇراقتى بولعان، قارىز اقشانىڭ وسىمندەگى تولقىمالىلىق باسەڭدەگەن، قوعامدىق قارجى قۇراۋ وزىندىك قۇنىن تومەندەتۋ ساياساتىنىڭ ونىمدىلىگى كورىلە باستاعان. الدىڭعى جارتى جىلدا تۇتاس رايونىمىزداعى قارىز اقشانىڭ ءوسىم مولشەرى اقپاندا بيىلعى ەڭ جوعارى دەڭگەيگە جەتكەننەن كەيىن، قايتا تومەندەي باستاعان، مامىر، ماۋسىم ايلارىندا ۇزدىكسىز تومەندەپ، ماۋسىمدا تۇتاس رايونىمىزداعى حالىق اقشاسى قارىزى جۇكتەمەسىنىڭ ورتاشا ءوسىم مولشەرى %5.2613 بولىپ، بىلتىرعى سول تۇستاعىدان ءبىر پايىز تومەندەگەن؛ جەكەلەردىڭ ءۇي قارىزىنىڭ ءوسىم مولشەرى %5.2256 بولىپ، بىلتىرعى سول تۇستاعىدان %0.8 تومەندەگەن، بۇل بەرتىنگى 5 جىلدان بەرگى ەداۋىر تومەن ورە بولعان.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
