- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جالپى تاريحتى ويداعىداي جازىپ، كوپشىلىكتىڭ ءۇمىتىن اقتايىق
2016.08.05 15:59 كەلۋ قاينارى : شينجياڭ گازەتى
3 - تامىز كۇن شۇلەن شۇعىلاسىن شاشىپ، ەركە سامال ەسىپ تۇر. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان ۇرىمجىدە «شينجياڭ جالپى تاريحى» ءار ءبولىمىنىڭ باس قۇراستىرۋشىلارى جيىنىنا قاتىناسىپ جاتقان مامان - وقىمىستىلار ۋاكىلدەرىمەن اڭگىمە وتكىزگەندە، «شينجياڭ جالپى تاريحىن» عىلمي، بەدەلدى، اكادەميالىق سارا تۋىندى ەتىپ شىعارۋدى باسا دارىپتەدى. ماماندار مەن وقىمىستىلارعا زور شابىت بەردى.
جۇڭگو قوعامدىق عىلىمدار اكادەمياسى تاريح زەرتتەۋ ورنىنىڭ اعا زەرتتەۋشىسى، «شينجياڭ جالپى تاريحىنىڭ» سۇي، تاڭ ءداۋىرى ءبولىمىنىڭ باس قۇراستىرۋشىسى ۋ يۇيگۇي بىلاي دەدى: «شينجياڭ جالپى تاريحىن» قۇراستىرۋ، جازۋ قىزمەتىنىڭ جاڭ چۇنشيان شۋجيدىڭ جوعارى باعاسىن الۋى ماعان جالپى تاريح ينجەنەرياسىنىڭ ماڭىزدىلىعىن، جاۋاپكەرشىلىگىمنىڭ اۋىرلىعىن تەرەڭ سەزىندىردى، سۇي، تاڭ ءداۋىرى ءبولىمىن، ءسوزسىز، جاقسى جازامىن، قۇراستىرامىن.
نانجيڭ ۋنيۆەرسيتەتى تاريح فاكۋلتەتىنىڭ پروفەسسورى، «شينجياڭ جالپى تاريحى» تاريحتان ارعى زامان تاراۋىنىڭ باس قۇراستىرۋشىسى شۇي تاۋ بىلاي دەدى: جاڭ چۇنشيان شۋجيدىڭ «شينجياڭ جالپى تاريحى» ينجەنەرياسى جونىندە ايتقان كوزقاراسىن تۇڭعىش رەت جاقىن ارادان ەت قۇلاعىممەن ەستىدىم، ونان ەرەكشە شابىت الدىم. جاڭ چۇنشيان شۋجي سوزىندە سىرتتان كەلگەن وقىمىستىلاردىڭ «شينجياڭ جالپى تاريحىن» قۇراستىرۋ - جازۋ بارىسىنداعى ۇلەسىن ەرەكشە اۋىزعا الدى ءارى ولارعا العىس ايتاتىندىعىن ءبىلدىردى، قاتتى تەبىرەندىم.
مەملەكەتتىك چيڭ پاتشالىعى تاريحىن قۇراستىرۋ كوميسسياسىنىڭ ورىنباسار مەڭگەرۋشىسى، جۇڭگو قوعامدىق عىلىمدار اكادەمياسىنىڭ جۇڭگو شەكارا ءوڭىر تاريحىن جانە گەوگرافياسىن زەرتتەۋ ورتالىعىنىڭ بۇرىنعى مەڭگەرۋشىسى، «شينجياڭ جالپى تاريحىنىڭ» عىلمي اقىلشىسى ما داجىڭ بىلاي دەدى: جاڭ چۇنشيان شۋجيدىڭ اۆتونوميالى رايوننىڭ قاتىستى باسشىلارىن باستاپ، باس قۇراستىرۋشىلار جيىنىنا قاتىناسۋى ءارى ءسوز سويلەۋى «شينجياڭ جالپى تاريحىنا» باسا نازار اۋدارىپ وتىرعاندىعىن ايگىلەيدى. عىلىم ساياسيدان ايرىلا المايدى، پارتيانىڭ قامقورلىعىنان دا ايرىلا المايدى، ءارقايسى ءبولىمنىڭ باس قۇراستىرۋشىلارى ارقالاپ وتىرعان جۇگىنىڭ اۋىر ەكەندىگىن اناعۇرلىم سەزىنۋى ءتيىس. ءبىز، ءسوزسىز، قۇراستىرۋ اياق الىسىن تەزدەتىپ، جاۋاپكەرشىلىكتى كۇشەيتىپ، مىندەتتى تابىسپەن ورىندايمىز. جاڭ چۇنشيان شۋجي تاعى وسى ينجەنەريا ارقىلى ءبىر توپ تاريح زەرتتەيتىن دارىندىلاردى جەتىلدىرۋدى ءۇمىت ەتتى. وسى تۇيىننەن العاندا، ءبىز تىنباي قۇلشىنۋىمىز كەرەك، ەگەر ءبىر توپ از ۇلت تاريح وقىمىستىلارى قوسىنىن جەتىلدىرىپ شىعا الساق، مۇنىڭ زور ۇلەس بولاتىندىعى داۋسىز.
شينجياڭ قوعامدىق عىلىمدار اكادەمياسىنىڭ بۇرىنعى ورىنباسار باستىعى، «شينجياڭ جالپى تاريحىن» قۇراستىرۋ كوميسسياسىنىڭ ارناۋلى مىندەتتەگى ورىنباسار مەڭگەرۋشىسى مياۋ پۋشىڭ بىلاي دەدى: جاڭ چۇنشيان شۋجي «شينجياڭ جالپى تاريحىنىڭ» ماڭىزدىلىعىن ايرىقشا جەتە تۇسىنگەن، ول مۇنى شينجياڭ مادەنيەت قۇرىلىسىنىڭ نەگىزدىك ينجەنەرياسى تۇرعىسىنان قاراپ، «شينجياڭ جالپى تاريحىن» بۇرىن - سوڭدى بولماعان دەڭگەيگە كوتەردى. ءبىز ماڭدايعا باسار تاريحي شىعارما جازۋداعى جوعارى ولشەم بويىنشا وزىمىزگە تالاپ قويۋدان جازباي، «شينجياڭ جالپى تاريحىن» جاقسى جازىپ، شينجياڭنىڭ باياندى تىنىشتىعىنا تيەسىلى ۇلەس قوسۋىمىز كەرەك.
وقىمىستىلار كوسىلە اڭگىمەلەسىپ، وزدەرىنىڭ اسەرلەرىن سويلەدى، ۋاقىت تا بىلىنبەي وتە شىقتى....
«شينجياڭ جالپى تاريحىن» قۇراستىرۋ كوميسسياسىنىڭ مەڭگەرۋشىسى، اۆتونوميالى رايوندىق ساياسي كەڭەستىڭ بۇرىنعى ورىنباسار ءتوراعاسى ۋ دۇنفۋ سوڭىندا قورىتىندى جاساپ: قازىر ەڭ سوڭعى قامال الۋ كەزەڭى، شەشۋشى كەزەڭگە تاياعان سايىن مىندەتىمىز سولعۇرلىم جاپالى بولادى، سوندىقتان قىزمەتىمىزدى سولعۇرلىم جاقسى ىستەۋىمىز كەرەك. مىنە وسىلاي بولعاندا اۆتونوميالى رايوندىق پارتكومنىڭ، ۇكىمەتتىڭ جانە ءار ۇلت حالقىنىڭ ءۇمىتىن اقتاي الامىز، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
